ຂ່າວສານຊີອາໄອ ລາຍງານ ໃນວັນທີ 6 ພະຈິກ ຜ່ານມາວ່າ: ງານວາງສະແດງສິນຄ້ານຳເຂົ້າສາກົນຈີນຄັ້ງທີ 7 ມີນັກທຸລະກິດຈາກວິສາຫະກິດ 3.496 ແຫ່ງໃນ 129 ປະເທດແລະເຂດແຄ້ວນເຂົ້າຮ່ວມ, ວິສາຫະກິດແຖວໜ້າ 500 ແຫ່ງຂອງໂລກແລະວິສາຫະກິດນຳໜ້າໃນຂະແໜງການທັງໝົດ 297 ແຫ່ງເຂົ້າຮ່ວມການວາງສະແດງ, ວິສາຫະກິດແລະອົງການ 186 ແຫ່ງເຂົ້າຮ່ວມງານ7 ຄັ້ງລຽນຕິດແລະອື່ນໆ.

ງານວາງສະແດງສິນຄ້ານຳເຂົ້າສາກົນຈີນທີ່ຈັດຂຶ້ນ 7 ປີລຽນຕິດພວມສ້າງສະຖິຕິໃໝ່ຢ່າງຕໍ່ເນື່ອງ. ໂທລະພາບສາກົນຈີນຫຼື CGTN ທີ່ຂຶ້ນກັບວິທະຍຸໂທລະພາບສູນກາງຈີນຫຼື CMG ໄດ້ເຜີຍແຜ່ແບບສອບຖາມຈາກຜູ້ຕອບແບບສອບຖາມໃນທົ່ວໂລກ 33,858 ຄົນສະແດງໃຫ້ເຫັນວ່າ: ມີຜູ້ຕອບແບບສອບຖາມ 67% ເຫັນວ່າຈີນແມ່ນຕະຫຼາດເສລີທີ່ມີການເປີດປະຕູແລະກຳລັງແຂ່ງຂັນແຫ່ງໜຶ່ງ,ຜູ້ຕອບແບບສອບຖາມທີ່ມີຄຳເຫັນຄືກັນຢູ່ອາຟຣິກາ,ຕາເວັນອອກກາງ,ອາເມຣິກາໃຕ້ແລະເຂດອາຊີຕາເວັນອອກສ່ຽງໃຕ້ໄດ້ບັນລຸເຖິງ 86.6%, 88.2% ແລະ 77.9% ແລະ 78.6% ຕາມລຳດັບ.