ຂ່າວສານຫວຽດນາມລາຍງານ ໃນວັນທີ 24 ທັນວາ ຜ່ານມາ, ກະຊວງພາຍໃນ ສ ເກົາຫຼີ ໃຫ້ຮູ້ວ່າ: ປະເທດ ສ ເກົາຫຼີ ໄດ້ກາຍເປັນສັງຄົມທີ່ມີຜູ້ອາຍຸສູງຢູ່ໃນລະດັບສູງຢ່າງເປັນທາງການ, ເມື່ອອັດຕາສ່ວນປະຊາກອນທີ່ມີອາຍຸນັບຕັ້ງແຕ່ 65 ປີຂຶ້ນໄປ ໄດ້ເກີນ 20%.
ຂ່າວລະບຸວ່າ: ຂໍ້ມູນດັ່ງກ່າວໄດ້ເປີດເຜີຍໃນສະພາບການທີ່ ສເກົາຫຼີ ພວມປະເຊີນກັບວິກິດການດ້ານປະຊາກອນຍ້ອນປະຊາກອນຜູ້ອາຍຸສູງໄດ້ເພີ່ມຂຶ້ນຢ່າງໄວວາ ແລະ ອັດຕາການເກີດຕໍ່າ.
ມາຮອດວັນທີ 23 ທັນວາ ຜ່ານມານີ້, ສ ເກົາຫຼີ ມີປະຊາກອນທີ່ອາຍຸ 65 ປີຂຶ້ນໄປ 10.24 ລ້ານຄົນ, ກວມເອົາກວ່າ 20% ຂອງຈຳນວນປະຊາກອນທັງໝົດຂອງປະເທດ 51.22 ລ້ານຄົນ.
ອີງຕາມການວັດແທກຂອງສະຫະປະຊາຊາດ, ປະເທດທີ່ມີປະຊາກອນອາຍຸ 65 ປີຂຶ້ນໄປຫຼາຍກວ່າ 7%ແມ່ນຖືວ່າກຳລັງຈະກາຍເປັນສັງຄົມຜູ້ອາຍຸສູງ, ຫຼາຍກວ່າ 14% ແມ່ນສັງຄົມຜູ້ອາຍຸສູງ, ໃນຂະນະທີ່ຫຼາຍກວ່າ 20% ຖືແມ່ນ "ສັງຄົມຜູ້ອາຍຸສູງ"
ປະຊາກອນຂອງກຸ່ມອາຍຸນີ້ໃນ ສ ເກົາຫຼີ ໄດ້ເພີ່ມຂຶ້ນເທື່ອລະກ້າວໃນຊຸມປີມໍ່ໆມານີ້, ຈາກ 4.94 ລ້ານຄົນໃນປີ 2008, ກວມເອົາ 10% ຂອງປະຊາກອນໃນເວລານັ້ນ, ເປັນ 15% ໃນປີ 2019 ແລະເຖິງ 19.05% ໃນເດືອນມັງກອນ ປີນີ້.