ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດກອງປະຊຸມສາມັນຄົບຄະນະບໍລິຫານງານພັກກະຊວງ ຍທຂ ຄັ້ງທີ 18ສະໄໝທີ V(ເປີດກວ້າງ) ຂຶ້ນໃນລະຫວ່າງວັນທີ 26-27 ທັນວານີ້ ທີ່ກະຊວງດັ່ງກ່າວ ໂດຍການເປັນປະທານຂອງ ສະຫາຍ ງາມປະສົງ ເມືອງມະນີ ເລຂາຄະນະບໍລິຫານງານພັກລັດຖະມົນຕີ ກະຊວງ ຍທຂ, ສະຫາຍຮອງເລຂາ,ມີບັນດາຄະນະປະຈໍາພັກ, ກໍາມະການພັກກະຊວງ, ມີບັນດາຕາງໜ້າຈາກຫ້ອງວ່າການສູນກາງພັກ, ຄະນະຈັດຕັ້ງສູນກາງພັກ,ຄະນະກວດກາສູນກາງພັກ ແລະ ຄະນະໂຄສະນາອົບຮົມສູນກາງພັກ, ຫົວໜ້າກົມ-ຮອງກົມ, ພ້ອມດ້ວຍພາກສ່ວນກ່ຽວຂ້ອງ, ພະນັກງານຫຼັກແຫຼ່ງກະຊວງ ຍທຂ ເຂົ້າຮ່ວມ.
ສະຫາຍ ງາມປະສົງ ເມືອງມະນີ ກ່າວວ່າ: ກອງປະຊຸມໃນຄັ້ງນີ້, ມີຄວາມໝາຍ-ຄວາມສໍາຄັນ,ຜູ້ເຂົ້າຮ່ວມໄດ້ພ້ອມກັນປຶກສາຫາລື, ສະຫຼຸບຕີລາຄາ, ປະກອບຄໍາເຫັນຕໍ່ກັບບັນດາບົດສະຫຼຸບ.ພ້ອມນັ້ນ, ໄດ້ຮັບຟັງດໍາເນີນຊີວິດການເມືອງພາຍໃນຄະນະບໍລິຫານງານພັກກະຊວງ ຍທຂຄື: ສະຫຼຸບຕີລາຄາການເຄື່ອນໄຫວນໍາພາຂອງຄະນະບໍລິຫານງານພັກກະຊວງ ຍທຂ ປີ 2024 ແລະກໍານົດແຜນການປີ 2025; ສະຫຼຸບຕີລາຄາການຈັດຕັ້ງປະຕິບັດວຽກງານແຜນການ ແລະ ການເງິນ ປີ 2024 ແລະ ກໍານົດແຜນການ ປີ 2025; ສໍາຫຼວດການນໍາພາລວມ ຂອງຄະນະບໍລິຫານງານພັກກະຊວງ ຍທຂ ປີ 2024; ດໍາເນີນຊີວິດການເມືອງພາຍໃນຄະນະບໍລິຫານງານພັກກະຊວງ ຍທຂ ປະຈໍາປີ 2024.
ສະຫາຍ ງາມປະສົງ ເມືອງມະນີ ກ່າວຕື່ມວ່າ: ກອງປະຊຸມໃນຄັ້ງນີ້, ມີເນື້ອໃນສຳຄັນຫຼາຍດ້ານ. ດັ່ງນັ້ນ, ຈຶ່ງຮຽກຮ້ອງມາຍັງບັນດາສະຫາຍ ທີ່ເຂົ້າຮ່ວມກອງປະຊຸມຈົ່ງພ້ອມກັນຕັດສິນໃຈສູງ,ເຊີດຊູ ແລະ ຍົກສູງຄວາມຮັບຜິດຊອບຂອງຕົນ, ພ້ອມກັນສຸມສະຕິປັນຍາເຂົ້າໃນການຄົ້ນຄວ້າແລະປະກອບຄໍາຄິດຄໍາເຫັນຢ່າງກົງໄປກົງມາຖືກກັບສະພາບຕົວຈິງຂອງການເຄື່ອນໄຫວນຳພາຂອງຄະນະບໍລິຫານງານພັກກະຊວງຂອງພວກເຮົາ ເພື່ອຊອກໃຫ້ເຫັນດ້ານຕັ້ງໜ້າທີ່ພົ້ນເດັ່ນ ແລະ ຂໍ້ຄົງຄ້າງ ທີ່ຕ້ອງໄດ້ຄົ້ນຄວ້າປັບປຸງແກ້ໄຂໃນຕໍ່ໜ້າແລະ ຈົ່ງເອົາໃຈໃສ່ໃນການວາງມາດຕະການຕໍ່ໜ້າຢ່າງເຂັ້ມງວດ.ຢາກເຮັດໄດ້ແນວນັ້ນ,ກ່ອນອື່ນໝົດພາຍໃນຄະນະບໍລິຫານງານພັກກະຊວງ ແລະ ຄະນະໜ່ວຍບັນດາຮາກຖານຕ້ອງເປັນເອກະພາບກັນສູງທາງດ້ານທັດສະນະແລະຄວາມຮັບຮູ້ ຕໍ່ການຈັດຕັ້ງປະຕິບັດແນວທາງນະໂຍບາຍຂອງພັກ, ລະບຽບການ ແລະ ກົດໝາຍຂອງລັດຢ່າງເຂັ້ມງວດ ພ້ອມກັນຕັ້ງໜ້າແກ້ໄຂສິ່ງຫຍໍ້ທໍ້ທັງໝົດທີ່ເກີດຂຶ້ນຢູ່ໃນກະຊວງ ຍທຂ ໃຫ້ໝົດໄປເທື່ອລະກ້າວ, ຕ້ອງຕັ້ງໜ້າປະຕິບັດ 4 ບຸກທະລຸ ທີ່ພັກເຮົາກໍານົດໃຫ້ມີຜົນສໍາເລັດ.ທັງໝົດເພື່ອແນໃສ່ເຮັດໃຫ້ກະຊວງ ຍທຂ ມີບາດກ້າວບຸກທະລຸໃໝ່ຮອບດ້ານແລະເຮັດໃຫ້ກອງປະຊຸມປະສົບຜົນສໍາເລັດຕາມຈຸດປະສົງຄາດໝາຍທີ່ໄດ້ກໍານົດໄວ້ຢ່າງຈົບງາມ,ຕາມຄຳຂວັນຂອງຂະແໜງ ຍທຂ ທີ່ວ່າ:“ພັດທະນາໂຍທາທິການ ແລະຂົນສົ່ງ ໃຫ້ເປັນປາຍແຫຼມ, ມີຈຸດສຸມ,ປະສິດທິຜົນສູງ, ທັນສະໄໝ, ປອດໄພ, ມີຄວາມທົນທານຕໍ່ການປ່ຽນແປງດິນຟ້າອາກາດ, ເຊື່ອມໂຍງ-ເຊື່ອມຈອດ ແລະ ຍືນຍົງ”.
(ຂ່າວ-ພາບ: ວັນເພັງ)
ສະຫາຍ ງາມປະສົງ ເມືອງມະນີ ກ່າວວ່າ: ກອງປະຊຸມໃນຄັ້ງນີ້, ມີຄວາມໝາຍ-ຄວາມສໍາຄັນ,ຜູ້ເຂົ້າຮ່ວມໄດ້ພ້ອມກັນປຶກສາຫາລື, ສະຫຼຸບຕີລາຄາ, ປະກອບຄໍາເຫັນຕໍ່ກັບບັນດາບົດສະຫຼຸບ.ພ້ອມນັ້ນ, ໄດ້ຮັບຟັງດໍາເນີນຊີວິດການເມືອງພາຍໃນຄະນະບໍລິຫານງານພັກກະຊວງ ຍທຂຄື: ສະຫຼຸບຕີລາຄາການເຄື່ອນໄຫວນໍາພາຂອງຄະນະບໍລິຫານງານພັກກະຊວງ ຍທຂ ປີ 2024 ແລະກໍານົດແຜນການປີ 2025; ສະຫຼຸບຕີລາຄາການຈັດຕັ້ງປະຕິບັດວຽກງານແຜນການ ແລະ ການເງິນ ປີ 2024 ແລະ ກໍານົດແຜນການ ປີ 2025; ສໍາຫຼວດການນໍາພາລວມ ຂອງຄະນະບໍລິຫານງານພັກກະຊວງ ຍທຂ ປີ 2024; ດໍາເນີນຊີວິດການເມືອງພາຍໃນຄະນະບໍລິຫານງານພັກກະຊວງ ຍທຂ ປະຈໍາປີ 2024.
ສະຫາຍ ງາມປະສົງ ເມືອງມະນີ ກ່າວຕື່ມວ່າ: ກອງປະຊຸມໃນຄັ້ງນີ້, ມີເນື້ອໃນສຳຄັນຫຼາຍດ້ານ. ດັ່ງນັ້ນ, ຈຶ່ງຮຽກຮ້ອງມາຍັງບັນດາສະຫາຍ ທີ່ເຂົ້າຮ່ວມກອງປະຊຸມຈົ່ງພ້ອມກັນຕັດສິນໃຈສູງ,ເຊີດຊູ ແລະ ຍົກສູງຄວາມຮັບຜິດຊອບຂອງຕົນ, ພ້ອມກັນສຸມສະຕິປັນຍາເຂົ້າໃນການຄົ້ນຄວ້າແລະປະກອບຄໍາຄິດຄໍາເຫັນຢ່າງກົງໄປກົງມາຖືກກັບສະພາບຕົວຈິງຂອງການເຄື່ອນໄຫວນຳພາຂອງຄະນະບໍລິຫານງານພັກກະຊວງຂອງພວກເຮົາ ເພື່ອຊອກໃຫ້ເຫັນດ້ານຕັ້ງໜ້າທີ່ພົ້ນເດັ່ນ ແລະ ຂໍ້ຄົງຄ້າງ ທີ່ຕ້ອງໄດ້ຄົ້ນຄວ້າປັບປຸງແກ້ໄຂໃນຕໍ່ໜ້າແລະ ຈົ່ງເອົາໃຈໃສ່ໃນການວາງມາດຕະການຕໍ່ໜ້າຢ່າງເຂັ້ມງວດ.ຢາກເຮັດໄດ້ແນວນັ້ນ,ກ່ອນອື່ນໝົດພາຍໃນຄະນະບໍລິຫານງານພັກກະຊວງ ແລະ ຄະນະໜ່ວຍບັນດາຮາກຖານຕ້ອງເປັນເອກະພາບກັນສູງທາງດ້ານທັດສະນະແລະຄວາມຮັບຮູ້ ຕໍ່ການຈັດຕັ້ງປະຕິບັດແນວທາງນະໂຍບາຍຂອງພັກ, ລະບຽບການ ແລະ ກົດໝາຍຂອງລັດຢ່າງເຂັ້ມງວດ ພ້ອມກັນຕັ້ງໜ້າແກ້ໄຂສິ່ງຫຍໍ້ທໍ້ທັງໝົດທີ່ເກີດຂຶ້ນຢູ່ໃນກະຊວງ ຍທຂ ໃຫ້ໝົດໄປເທື່ອລະກ້າວ, ຕ້ອງຕັ້ງໜ້າປະຕິບັດ 4 ບຸກທະລຸ ທີ່ພັກເຮົາກໍານົດໃຫ້ມີຜົນສໍາເລັດ.ທັງໝົດເພື່ອແນໃສ່ເຮັດໃຫ້ກະຊວງ ຍທຂ ມີບາດກ້າວບຸກທະລຸໃໝ່ຮອບດ້ານແລະເຮັດໃຫ້ກອງປະຊຸມປະສົບຜົນສໍາເລັດຕາມຈຸດປະສົງຄາດໝາຍທີ່ໄດ້ກໍານົດໄວ້ຢ່າງຈົບງາມ,ຕາມຄຳຂວັນຂອງຂະແໜງ ຍທຂ ທີ່ວ່າ:“ພັດທະນາໂຍທາທິການ ແລະຂົນສົ່ງ ໃຫ້ເປັນປາຍແຫຼມ, ມີຈຸດສຸມ,ປະສິດທິຜົນສູງ, ທັນສະໄໝ, ປອດໄພ, ມີຄວາມທົນທານຕໍ່ການປ່ຽນແປງດິນຟ້າອາກາດ, ເຊື່ອມໂຍງ-ເຊື່ອມຈອດ ແລະ ຍືນຍົງ”.
(ຂ່າວ-ພາບ: ວັນເພັງ)
