ໃນວັນທີ 8 ມັງກອນ 2025, ອົງການກາແດງແຫ່ງຊາດລາວ ໄດ້ມອບ ລົດຕູ້ ຈຳນວນ 1 ຄັນ ໃຫ້ແກ່ສູນເລືອດ ອົງການກາແດງແຂວງອຸດົມໄຊ ມູນຄ່າ 32,000 ໂດລາ ແລະ ເຄື່ອງຕັດສາຍເລືອດ 2 ເຄື່ອງ, ຊຶ່ງມອບໂດຍທ່ານ ຈັນທະລາ ສຸກສາຄອນ ຫົວໜ້າສະຖາບັນເລືອດແຫ່ງຊາດ ແລະ ຮັບໂດຍ ທ່ານ ນາງ ສິດທິວອນ ຫົງສາຄອນ ຫົວໜ້າອົງການກາແດງແຂວງອຸດົມໄຊ ໂດຍມີ ທ່ານ ຄຳດີວົງລ້ອມ ປະທານສະພາປະຊາຊົນແຂວງອຸດົມໄຊ, ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ ແລະ ແຂກຖືກເຊີນເຂົ້າຮ່ວມ.

ລົດຕູ້ ແລະ ເຄື່ອງຕັດສາຍເລືອດ ທີ່ນຳມາມອບໃນຄັ້ງນີ້ ໂດຍໄດ້ຮັບການຊ່ວຍເຫຼືອຈາກສູນເລືອດແຫ່ງຊາດ ອົງການກາແດງ ສ.ເກົາຫຼີ. ດັ່ງນັ້ນ, ການຊ່ວຍເຫຼືອນີ້ ຈະຊ່ວຍອຳນວຍຄວາມສະດວກໃຫ້ແກ່ການບໍລິຈາກເລືອດຢູ່ຕາມສະຖານທີ່ຕ່າງໆ ໃຫ້ບັນລຸຕາມຄາດໝາຍທີ່ກຳນົດໄວ້.

(ແຫຼ່ງຂ່າວ: ແສງອາທິດ)