ສະຫາຍ ນາງ ຈັນທະບູນ ໂພສະລາດ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງວຽງຈັນ ໄດ້ຂຶ້ນລາຍງານ ຜົນຂອງກອງປະຊຸມຄັ້ງປະຖົມມະລຶກຄົບຄະນະບໍລິຫານງານພັກເມືອງກາສີ ຄັ້ງທີ I ສະໄໝທີ VIII ຕໍ່ກອງປະຊຸມໃຫຍ່ຜູ້ແທນອົງຄະນະພັກເມືອງກາສີ ຄັ້ງທີ VIII ໃນວັນທີ 9 ມັງກອນ 2025 ນີ້ວ່າ: ກອງປະຊຸມຄັ້ງປະຖົມມະລຶກ ໄດ້ເປັນເອກະພາບກັນຢ່າງສົມບູນ ເພື່ອເລືອກຕັ້ງເອົາຄະນະປະຈຳພັກເມືອງ ຈຳນວນ 7 ສະຫາຍ ຍິງ 1 ສະຫາຍ ດັ່ງລາຍຊື່ລຸ່ມນີ້: ສະຫາຍ ອຳໄພ ໂສລັດຕະນະວົງ, ສະຫາຍ ແພງຄໍາ ຈັນທະມຸງຄຸນ, ສະຫາຍ ບຸນມີ ບົວລິວັນ, ສະຫາຍ ພັທ ກິປັນ ເຮັງປະເສີດ, ສະຫາຍ ນ. ມິນທະລາ ສຸມັງຄະລະ, ສະຫາຍ ອຳພອນ ສາວະບຸດ, ສະຫາຍ ວິໄຊ ດວງນີ້ໄລ.

ກອງປະຊຸມໄດ້ຮັບຮອງເອົາເລຂາ, ຮອງເລຂາຄະນະບໍລິຫານງານພັກເມືອງກາສີ ດັ່ງມີລາຍຊື່ລຸ່ມນີ້: ສະຫາຍ ອຳໄພ ໂສລັດຕະນະວົງ ເປັນເລຂາຄະນະບໍລິຫານງານພັກເມືອງກາສີ, ສະຫາຍ ແພງຄໍາ ຈັນທະມຸງຄຸນ ເປັນຮອງເລຂາ ແລະ ສະຫາຍ ບຸນມີ ບົວລິວັນ ເປັນຮອງເລຂາ ແລະ ເລືອກເອົາສະຫາຍ ວິໄຊ ດວງນີໄລ ເປັນປະທານຄະນະກວດກາພັກເມືອງກາສີ, ສະຫາຍ ສົມພັນ ອິນທະວົງສັກ ເປັນຮອງ, ສະຫາຍ ອຸດ ສຸລະມຸງຄຸນ ເປັນຮອງ.

(ພາບ-ຂ່າວ: ແກ້ວອຸດົມ 96661169)