ກອງປະຊຸມໃຫຍ່ ຄັ້ງທີ II ຂອງໜ່ວຍພັກພະແນກພາລາທິການ ກອງບັນຊາການ ປກສ ເມືອງຊະນະຄາມ ແຂວງວຽງຈັນ ໄດ້ຈັດຂຶ້ນໃນວັນທີ 1 ມີນານີ້ ທີ່ພະແນກດັ່ງກ່າວ ໂດຍການເຂົ້າຮ່ວມຂອງສະຫາຍ ພັທ ບົວຂາວ ກູດແກ້ວ ກຳມະການພັກເມືອງ ຫົວໜ້າກອງບັນຊາການ ປກສ ເມືອງ, ສະຫາຍ ພັທ ບຸນເພັງ ກອງສົງຄາມ ກຳມະການພັກເມືອງ ຫົວໜ້າກອງບັນຊາການ ປກຊ ເມືອງ, ພ້ອມດ້ວຍຄະນະຮັບຜິດຊອບຂັ້ນເມືອງ ແລະ ແຂກຖືກເຊີນເຂົ້າຮ່ວມ.

ສະຫາຍ ພັທ ສັງທອງ ຈັນທະວົງ ເລຂາໜ່ວຍພັກ ພະແນກພາລາທິການ ໄດ້ຂຶ້ນຜ່ານບົດລາຍງານການເມືອງທັງສອງພາກ. ໜ່ວຍພັກພະແນກພາລາທິການ ເປັນເສນາທິການໃຫ້ແກ່ຄະນະພັກຮາກຖານກອງບັນຊາການ ປກສ ເມືອງຊະນະຄາມ. ຜ່ານການນໍາພາ-ຊີ້ນໍາ ແລະ ຜ່ານການຕັ້ງໜ້າຈັດຕັ້ງປະຕິບັດໜ້າທີ່ການເມືອງ, ດ້ານວິຊາສະເພາະ, ວຽກງານອົງການຈັດຕັ້ງມະຫາຊົນໃນໄລຍະຜ່ານມາສາມາດຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້, ຊຶ່ງເຫັນວ່າບັນດາສະມາຊິກພັກຈໍານວນຫຼາຍໄດ້ມີແນວຄິດອຸ່ນອ່ຽນ, ທຸ່ນທ່ຽງ, ເຊື່ອໝັ້ນຕໍ່ການນໍາພາຂອງພັກ, ມີສະຕິເຄົາລົບກົດໝາຍ, ເປັນເຈົ້າການສະກັດກັ້ນ ແລະ ແກ້ໄຂບັັັັັັັັັັັັັັັັັັັັັັັັັນດາປະກົດການຫຍໍ້ທໍ້ຢູ່ໃນສັງຄົມ, ບັນດາສະມາຊິກພັກສ່ວນຫຼາຍມີແນວຄິດເພິ່ງຕົນເອງກຸ້ມຕົນເອງ, ມີຄວາມຕັດສິນໃຈສູງ, ເຮັດຫຼ້ອນໜ້າທີ່, ມີລະບຽບວິໄນ, ເຮັດສໍາເລັດໜ້າທີ່ຕາມການມອບໝາຍ, ມີນໍ້າໃຈເສຍສະຫຼະ ເພື່ອຮັບໃຊ້ປະເທດຊາດ ແລະ ປະຊາຊົນຢ່າງແທ້ຈິງ, ພ້ອມກັນນີ້ ກອງປະຊຸມໄດ້ເປັນເອກະພາບຮັບຮອງເອົາທິດທາງແຜນການ ແລະ ຄາດໝາຍສູ້ຊົນໃນຕໍ່ໜ້າ.

ໃນກອງປະຊຸມ, ຍັງໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່, ຊຶ່ງກອງປະຊຸມຄັ້ງປະຖົມມະລຶກໄດ້ເປັນເອກະພາບຮັບຮອງເອົາ ສະຫາຍ ພັທ ສັງທອງ ຈັນທະວົງ ເປັນເລຂາ, ສະຫາຍ ພັຕ ລິດ ລາດສະຈັນດາ ເປັນຮອງ, ສະຫາຍ ພັຕ ຄຳມ່ວນ ສຸລິຍະວົງ ເປັນກຳມະການ ຜູ້ກວດກາໜ່ວຍພັກ.

(ພາບ-ຂ່າວ: ເມືອງຊະນະຄາມ)