ລັດຖະບານ ກໍຄື ກະຊວງການເງິນ ຈະສືບຕໍ່ສຸມໃສ່ຈັດຕັ້ງປະຕິບັດຫຼາຍມາດຕະການຈຸດສຸມສຳຄັນ ພ້ອມຄາດຄະເນໝົດປີ 2024 ຈະສາມາດຈັດເກັບລາຍຮັບໄດ້ຕາມແຜນ ຫຼື ເກີນແຜນທີ່ສະພາແຫ່ງຊາດ ຮັບຮອງໂດຍບໍ່ໃຫ້ຫຼຸດ 17% ຂອງ GDP,ທ່ານ ສັນຕິພາບ ພົມວິຫານ ລັດຖະມົນຕີ ກະຊວງການເງິນ ໄດ້ລາຍງານກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ 2024 ແລະ ແຜນການ 6 ເດືອນທ້າຍປີ 2024 ຕໍ່ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ໃນວັນທີ 10 ມີຖຸນານີ້ໂດຍການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.
ທ່ານ ສັນຕິພາບ ພົມວິຫານ ກ່າວວ່າ: ສຳລັບທິດທາງແຜນການ 6 ເດືອນທ້າຍປີ 2024 ໂດຍສະເພາະດ້ານລາຍຮັບຈະສືບຕໍ່ສູ້ຊົນເກັບລາຍຮັບໃຫ້ໄດ້ຕື່ມອີກປະມານ 26.319 ຕື້ກີບ ເທົ່າກັບ 52,47% ຂອງແຜນການປີ ຫຼື ເທົ່າກັບ 8,95% ຂອງ GDP.ໃນນີ້, ລາຍຮັບພາຍໃນ ໃຫ້ໄດ້ 23.587 ຕື້ກີບ ເທົ່າກັບ 52,33% ຂອງ ແຜນການປີ ຫຼື ເທົ່າກັບ 8,03% ຂອງ GDP. ໃນນີ້, ຂະແໜງສ່ວຍສາອາກອນ ໃຫ້ໄດ້ 11.571 ຕື້ກີບ ເທົ່າກັບ 47,87% ຂອງແຜນການປີ, ພາສີ 7.280 ຕື້ກີບ ເທົ່າກັບ 52% ຂອງແຜນການປີ, ຊັບສິນ 4.226 ຕື້ກີບ ເທົ່າກັບ 74,14% ຂອງແຜນການປີ, ກົມປະຕິຮູບ ລັດວິສາຫະກິດ ແລະ ການປະກັນໄພ (ປລປ)510 ຕື້ກີບ ເທົ່າກັບ 42,51% ຂອງແຜນການປີ ແລະ ລາຍຮັບຊ່ວຍເຫຼືອ 2.706 ຕື້ກີບ ເທົ່າກັບ 53,73% ຂອງແຜນການປີ. ຄາດຄະເນໝົດປີ ຈະສາມາດຈັດເກັບລາຍຮັບໄດ້ຕາມແຜນ ຫຼື ເກີນແຜນທີ່ສະພາແຫ່ງຊາດ ຮັບຮອງໂດຍບໍ່ໃຫ້ຫຼຸດ 17% ຂອງ GDP.
ທ່ານ ສັນຕິພາບ ພົມວິຫານ ກ່າວຕື່ມວ່າ: ສຳລັບມາດຕະການຈັດຕັ້ງປະຕິບັດເພື່ອໃຫ້ສາມາດປະຕິບັດລາຍຮັບໃຫ້ໄດ້ຕາມແຜນ ແລະ ລື່ນແຜນກະຊວງການເງິນ ຈະສືບຕໍ່ສຸມໃສ່ຈັດຕັ້ງປະຕິບັດ ບັນດາມາດຕະການຈຸດສຸມຕົ້ນຕໍ ແລະ ຄາດໝາຍທີ່ໄດ້ກຳນົດຕາມມະຕິຂອງສະພາແຫ່ງຊາດເປັນຕົ້ນ ຈະສືບຕໍ່ຊຸກຍູ້, ຕິດຕາມ ແລະ ປະເມີນ 9 ແຂວງທີ່ເຮັດທົດລອງມອບຫົວໜ່ວຍທຸລະກິດ ໃຫ້ແຂວງຄຸ້ມຄອງ ເພື່ອສ້າງຄວາມເຂັ້ມແຂງ ໃຫ້ທ້ອງຖິ່ນ ທາງດ້ານງົບປະມານແຫ່ງລັດ ຕາມທິດສາມສ້າງ ເພື່ອກຳນົດຫຼັກການ, ກົນໄກໃນການຄຸ້ມຄອງ ການຈັດແບ່ງປະເພດລາຍຮັບ ແລະ ການສ້າງແຜນໃນຕໍ່ໜ້າ ລະຫວ່າງ ສູນກາງ ແລະ ທ້ອງຖິ່ນ ໃຫ້ມີຄວາມສົມດຸນ;ສືບຕໍ່ສຸມໃສ່ລົງເລິກຕິດຕາມ ແລະ ກວດກາ ການມອບພັນທະຂອງຫົວໜ່ວຍທຸລະກິດຂະໜາດໃຫຍ່ ທີ່ເປັນທ່າແຮງ ໂດຍໃຫ້ແຈ້ງມອບເປັນປົກກະຕິພ້ອມທັງ ກວດກາຜູ້ສະໜອງສິນຄ້າ ແລະ ການບໍລິການ ທີ່ຕິດພັນກັບຫົວໜ່ວຍທຸລະກິດຂະໜາດໃຫຍ່ດັ່ງກ່າວ, ກວດກາການປະຕິບັດພັນທະຂອງບັນດາຜູ້ຮັບເໝົາ ໂຄງການລົງທຶນຂະໜາດໃຫຍ່ເປັນຕົ້ນ ເຂື່ອນໄຟຟ້າ, ບໍ່ແຮ່, ທາງລົດໄຟ, ທາງດ່ວນ ແລະ ອື່ນໆ;ຄຸ້ມຄອງທຸລະກິດ ການຂົນສົ່ງ, ການຄ້າທາງດີຈີຕອນ, PLATFORM (FACEBOOK, WHATSAPP, YOUTUBE, AGODA, FOODPANDA) ລວມທັງການຄ້າຂາຍອອນລາຍ ຈາກນິຕິບຸກຄົນພາຍໃນ ແລະ ຕ່າງປະເທດ ເພື່ອຂຶ້ນທະບຽນ ແລະ ປະຕິບັດພັນທະຢ່າງຖືກຕ້ອງ;ສືບຕໍ່ເພີ່ມທະວີການກວດກາ, ຕ້ານ, ສະກັດກັ້ນການລັກລອບໜີພາສີ, ການຄ້າຂາຍເຖື່ອນ; ຄຸ້ມຄອງການນໍາເຂົ້າ-ສົ່ງອອກ ສິນຄ້າ ທີ່ເປັນສະກຸນເງິນຕາຕ່າງປະເທດ ແລະ ຊຳລະຜ່ານລະບົບທະນາຄານ;ສືບຕໍ່ສຸມໃສ່ການຈັດຕັ້ງປະຕິບັດບັນດາລັດຖະບັນຍັດເປັນຕົ້ນ 001/ປປທ ວ່າດວ້ຍລາຍການສິນຄ້າ ແລະ ອັດຕາພາສີຂາອອກ, 002/ປປທ ວ່າດ້ວຍອັດຕາຄ່າຊັບພະຍາກອນທຳມະຊາດ, 003/ປປທ ວ່າດ້ວຍການປັບປຸງອັດຕາອາກອນຊົມໃຊ້ ຂອງບາງປະເພດສິນຄ້າ, 003/ປປທ ວ່າດ້ວຍ ການປັບອາກອນມູນຄ່າເພີ່ມກັບມາໃຊ້ອັດຕາເກົ່າ;ຈັດຕັ້ງປະຕິບັດ ກົດໝາຍວ່າດ້ວຍອາກອນທີ່ດິນ ສະບັບເລກທີ 35/ສພຊ ປັດຈຸບັນສາມາດຊໍາລະໄດ້ຜ່ານ 2 ຊ່ອງທາງ ຄື: ຊໍາລະຜ່ານແອັບພິເຄຊັນ (Application), ຊໍາລະຜ່ານຫ້ອງການບ້ານຕາມກົນໄກທີ່ເຄີຍປະຕິບັດຜ່ານມາ; ສຸມໃສ່ຊຸກຍູ້ ບັນດາຫົວໜ່ວຍທຸລະກິດຫັນມາຖືບັນຊີ ແລະ ນໍາໃຊ້ໃບເກັບເງິນ.
(ຂ່າວ: ວັນເພັງ, ພາບ: ຕຸໄລເພັດ)
ທ່ານ ສັນຕິພາບ ພົມວິຫານ ກ່າວວ່າ: ສຳລັບທິດທາງແຜນການ 6 ເດືອນທ້າຍປີ 2024 ໂດຍສະເພາະດ້ານລາຍຮັບຈະສືບຕໍ່ສູ້ຊົນເກັບລາຍຮັບໃຫ້ໄດ້ຕື່ມອີກປະມານ 26.319 ຕື້ກີບ ເທົ່າກັບ 52,47% ຂອງແຜນການປີ ຫຼື ເທົ່າກັບ 8,95% ຂອງ GDP.ໃນນີ້, ລາຍຮັບພາຍໃນ ໃຫ້ໄດ້ 23.587 ຕື້ກີບ ເທົ່າກັບ 52,33% ຂອງ ແຜນການປີ ຫຼື ເທົ່າກັບ 8,03% ຂອງ GDP. ໃນນີ້, ຂະແໜງສ່ວຍສາອາກອນ ໃຫ້ໄດ້ 11.571 ຕື້ກີບ ເທົ່າກັບ 47,87% ຂອງແຜນການປີ, ພາສີ 7.280 ຕື້ກີບ ເທົ່າກັບ 52% ຂອງແຜນການປີ, ຊັບສິນ 4.226 ຕື້ກີບ ເທົ່າກັບ 74,14% ຂອງແຜນການປີ, ກົມປະຕິຮູບ ລັດວິສາຫະກິດ ແລະ ການປະກັນໄພ (ປລປ)510 ຕື້ກີບ ເທົ່າກັບ 42,51% ຂອງແຜນການປີ ແລະ ລາຍຮັບຊ່ວຍເຫຼືອ 2.706 ຕື້ກີບ ເທົ່າກັບ 53,73% ຂອງແຜນການປີ. ຄາດຄະເນໝົດປີ ຈະສາມາດຈັດເກັບລາຍຮັບໄດ້ຕາມແຜນ ຫຼື ເກີນແຜນທີ່ສະພາແຫ່ງຊາດ ຮັບຮອງໂດຍບໍ່ໃຫ້ຫຼຸດ 17% ຂອງ GDP.
ທ່ານ ສັນຕິພາບ ພົມວິຫານ ກ່າວຕື່ມວ່າ: ສຳລັບມາດຕະການຈັດຕັ້ງປະຕິບັດເພື່ອໃຫ້ສາມາດປະຕິບັດລາຍຮັບໃຫ້ໄດ້ຕາມແຜນ ແລະ ລື່ນແຜນກະຊວງການເງິນ ຈະສືບຕໍ່ສຸມໃສ່ຈັດຕັ້ງປະຕິບັດ ບັນດາມາດຕະການຈຸດສຸມຕົ້ນຕໍ ແລະ ຄາດໝາຍທີ່ໄດ້ກຳນົດຕາມມະຕິຂອງສະພາແຫ່ງຊາດເປັນຕົ້ນ ຈະສືບຕໍ່ຊຸກຍູ້, ຕິດຕາມ ແລະ ປະເມີນ 9 ແຂວງທີ່ເຮັດທົດລອງມອບຫົວໜ່ວຍທຸລະກິດ ໃຫ້ແຂວງຄຸ້ມຄອງ ເພື່ອສ້າງຄວາມເຂັ້ມແຂງ ໃຫ້ທ້ອງຖິ່ນ ທາງດ້ານງົບປະມານແຫ່ງລັດ ຕາມທິດສາມສ້າງ ເພື່ອກຳນົດຫຼັກການ, ກົນໄກໃນການຄຸ້ມຄອງ ການຈັດແບ່ງປະເພດລາຍຮັບ ແລະ ການສ້າງແຜນໃນຕໍ່ໜ້າ ລະຫວ່າງ ສູນກາງ ແລະ ທ້ອງຖິ່ນ ໃຫ້ມີຄວາມສົມດຸນ;ສືບຕໍ່ສຸມໃສ່ລົງເລິກຕິດຕາມ ແລະ ກວດກາ ການມອບພັນທະຂອງຫົວໜ່ວຍທຸລະກິດຂະໜາດໃຫຍ່ ທີ່ເປັນທ່າແຮງ ໂດຍໃຫ້ແຈ້ງມອບເປັນປົກກະຕິພ້ອມທັງ ກວດກາຜູ້ສະໜອງສິນຄ້າ ແລະ ການບໍລິການ ທີ່ຕິດພັນກັບຫົວໜ່ວຍທຸລະກິດຂະໜາດໃຫຍ່ດັ່ງກ່າວ, ກວດກາການປະຕິບັດພັນທະຂອງບັນດາຜູ້ຮັບເໝົາ ໂຄງການລົງທຶນຂະໜາດໃຫຍ່ເປັນຕົ້ນ ເຂື່ອນໄຟຟ້າ, ບໍ່ແຮ່, ທາງລົດໄຟ, ທາງດ່ວນ ແລະ ອື່ນໆ;ຄຸ້ມຄອງທຸລະກິດ ການຂົນສົ່ງ, ການຄ້າທາງດີຈີຕອນ, PLATFORM (FACEBOOK, WHATSAPP, YOUTUBE, AGODA, FOODPANDA) ລວມທັງການຄ້າຂາຍອອນລາຍ ຈາກນິຕິບຸກຄົນພາຍໃນ ແລະ ຕ່າງປະເທດ ເພື່ອຂຶ້ນທະບຽນ ແລະ ປະຕິບັດພັນທະຢ່າງຖືກຕ້ອງ;ສືບຕໍ່ເພີ່ມທະວີການກວດກາ, ຕ້ານ, ສະກັດກັ້ນການລັກລອບໜີພາສີ, ການຄ້າຂາຍເຖື່ອນ; ຄຸ້ມຄອງການນໍາເຂົ້າ-ສົ່ງອອກ ສິນຄ້າ ທີ່ເປັນສະກຸນເງິນຕາຕ່າງປະເທດ ແລະ ຊຳລະຜ່ານລະບົບທະນາຄານ;ສືບຕໍ່ສຸມໃສ່ການຈັດຕັ້ງປະຕິບັດບັນດາລັດຖະບັນຍັດເປັນຕົ້ນ 001/ປປທ ວ່າດວ້ຍລາຍການສິນຄ້າ ແລະ ອັດຕາພາສີຂາອອກ, 002/ປປທ ວ່າດ້ວຍອັດຕາຄ່າຊັບພະຍາກອນທຳມະຊາດ, 003/ປປທ ວ່າດ້ວຍການປັບປຸງອັດຕາອາກອນຊົມໃຊ້ ຂອງບາງປະເພດສິນຄ້າ, 003/ປປທ ວ່າດ້ວຍ ການປັບອາກອນມູນຄ່າເພີ່ມກັບມາໃຊ້ອັດຕາເກົ່າ;ຈັດຕັ້ງປະຕິບັດ ກົດໝາຍວ່າດ້ວຍອາກອນທີ່ດິນ ສະບັບເລກທີ 35/ສພຊ ປັດຈຸບັນສາມາດຊໍາລະໄດ້ຜ່ານ 2 ຊ່ອງທາງ ຄື: ຊໍາລະຜ່ານແອັບພິເຄຊັນ (Application), ຊໍາລະຜ່ານຫ້ອງການບ້ານຕາມກົນໄກທີ່ເຄີຍປະຕິບັດຜ່ານມາ; ສຸມໃສ່ຊຸກຍູ້ ບັນດາຫົວໜ່ວຍທຸລະກິດຫັນມາຖືບັນຊີ ແລະ ນໍາໃຊ້ໃບເກັບເງິນ.
(ຂ່າວ: ວັນເພັງ, ພາບ: ຕຸໄລເພັດ)
