ທ່ານ ນາງ ປິ່ນຄໍາ ລາຊະສິມມາ ຄະນະປະຈໍາສະພາແຫ່ງຊາດເລຂາທິການສະພາແຫ່ງຊາດ ໄດ້ຕາງໜ້າຄະນະປະຈໍາສະພາແຫ່ງຊາດ ຂຶ້ນປະກອບຄໍາເຫັນຕໍ່ບົດລາຍງານກ່ຽວກັບການຈັດຕັ້ງປະຕິບັດໂຄງການລົງທຶນດ້ານແຮ່ທາດ ໃນໄລຍະຜ່ານມາ ແລະ ການຈັດຕັ້ງປະຕິບັດວຽກງານໃນຕໍ່ໜ້າ ຕິດພັນກັບມະຕິຂອງສະພາແຫ່ງຊາດ ສະບັບເລກທີ 95/ສພຊ, ລົງວັນທີ 18 ກໍລະກົດ 2023 ວ່າດ້ວຍການຮັບຮອງວິໄສທັດ 2040 ແລະ ຍຸດທະສາດການພັດທະນາແຮ່ທາດ ຮອດປີ 2030 ຕໍ່ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ໃນວັນທີ 12 ມິຖຸນານີ້ ພາຍໃຕ້ການເປັນປະທານຂອງ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໂດຍໄດ້ສະເໜີ 9 ວຽກງານ ຕໍ່ລັດຖະບານເພື່ອຮັບປະກັນ, ແຜນງານ ແລະ ຄາດໝາຍ ທີ່ໄດ້ກຳນົດໄວ້ ໃຫ້ສຳເລັດ.
ທ່ານ ນາງ ປິ່ນຄໍາ ລາຊະສິມມາ ກ່າວວ່າ: ຄະນະປະຈໍາສະພາແຫ່ງຊາດເຫັນວ່າການຈັດຕັ້ງປະຕິບັດວິໄສທັດ ແລະ ຍຸດທະສາດການພັດທະນາແຮ່ທາດ ໄດ້ມີຄວາມຄືບໜ້າດີພໍສົມຄວນ; ໃນນີ້, ໄດ້ມີການປະເມີນ, ການສ້າງ ແລະ ປັບປຸງນິຕິກໍາ ເຊັ່ນ: ກົດໝາຍວ່າດ້ວຍ ແຮ່ທາດ, ດໍາລັດ, ຄໍາແນະນໍາ, ຂໍ້ຕົກລົງ, ແຈ້ງການ ແລະ ລະບຽບການອື່ນໆທີ່ກ່ຽວຂ້ອງ ຈໍານວນໜຶ່ງ ເພື່ອເປັນເຄື່ອງມືໃຫ້ແກ່ການຄຸ້ມຄອງວຽກງານແຮ່ທາດ, ໄດ້ມີການແກ້ໄຂບັນຫາຜົນກະທົບຕໍ່ສິ່ງແວດລ້ອມ, ສັງຄົມ ແລະ ທໍາມະຊາດ ຈາກໂຄງການຂຸດຄົ້ນແຮ່ທາດ, ດໍາເນີນການ ຕິດຕາມກວດກາ ແລະ ປະເມີນຄືນໂຄງການຂຸດຄົ້ນແຮ່ທາດໃນຮູບແບບທົດລອງ ເພື່ອຫັນເຂົ້າສູ່ການຂຸດຄົ້ນແຮ່ທາດຕາມຮູບແບບປົກກະຕິ ແລະ ປະຕິບັດໃຫ້ຖືກຕ້ອງຕາມກົດໝາຍ. ມາຮອດປັດຈຸບັນ, ການພັດທະນາ ແລະ ລົງທຶນດ້ານແຮ່ທາດ ໄດ້ມີການຂະຫຍາຍຕົວ ແລະ ມີຜົນສໍາເລັດຫຼາຍດ້ານ ລັດຖະບານໄດ້ມີການອອກອະນຸຍາດລົງທຶນດ້ານແຮ່ທາດ ໃນທົ່ວປະເທດ ທັງໝົດ ຈໍານວນ 968 ບໍລິສັດ; ໃນນັ້ນ, ຂັ້ນສູນກາງອະນຸຍາດ ຈໍານວນ 297 ບໍລິສັດ, ຂັ້ນທ້ອງຖິ່ນ ອະນຸຍາດ ຈໍານວນ 671 ບໍລິສັດ. ນອກຈາກນີ້, ຍັງມີໂຄງການພັດທະນາບໍ່ແຮ່ໃນຮູບແບບທົດລອງ ຈໍານວນ 93 ບໍລິສັດ ຊຶ່ງທັງໝົດນີ້ ໄດ້ປະກອບສ່ວນສ້າງລາຍຮັບໃຫ້ແກ່ລັດຖະບານໃນການແກ້ໄຂຄວາມຫຍຸ້ງຍາກທາງດ້ານ ເສດຖະກິດ-ການເງິນ ຂອງປະເທດໄດ້ໃນລະດັບໜຶ່ງ.
ຜ່ານການລົງເຄື່ອນໄຫວຕິດຕາມກວດກາຂອງຄະນະປະຈໍາສະພາປະຊາຊົນຂັ້ນແຂວງ ແລະ ຄະນະປະຈໍາສະພາແຫ່ງຊາດ ເຫັນວ່າຍັງມີບາງປະກົດການຫຍໍ້ທໍ້ທີ່ເກີດຂຶ້ນ ແລະ ເພື່ອຮັບປະກັນໃຫ້ແກ່ການຈັດຕັ້ງປະຕິບັດບັນດາແຜນການ, ແຜນງານ ແລະ ຄາດໝາຍ ທີ່ໄດ້ກໍານົດໄວ້ ໃນ ວິໄສທັດ 2040 ແລະ ຍຸດທະສາດການພັດທະນາແຮ່ທາດ ຮອດ 2030 ທີ່ສະພາແຫ່ງຊາດ ໄດ້ຮັບຮອງເອົານັ້ນ ໃຫ້ສໍາເລັດຕາມແຜນການ, ມີປະສິດທິພາບ, ປະສິດທິຜົນ ແລະ ຮັບປະກັນຜົນປະໂຫຍດສູງສຸດໃຫ້ແກ່ປະເທດຊາດ, ຄະນະປະຈໍາສະພາແຫ່ງຊາດ ຈຶ່ງສະເໜີບາງຄໍາເຫັນ ດັ່ງນີ້:
1. ສະເໜີໃຫ້ລັດຖະບານ ຊີ້ນໍາກະຊວງພະລັງງານ ແລະ ບໍ່ແຮ່ ສືບຕໍ່ຜັນຂະຫຍາຍ ວິໄສທັດ ແລະ ຍຸດທະສາດການພັດທະນາແຮ່ທາດ ເຂົ້າໃນການປະຕິບັດໃນວຽກງານຕົວຈິງຂອງຂະແໜງການຕົນໃຫ້ສໍາເລັດ, ເຂັ້ມງວດ ໄປພ້ອມກັບການໂຄສະນາ, ການເຜີຍແຜ່ ວິໄສທັດ ແລະ ຍຸດທະສາດການພັດທະນາແຮ່ທາດ ແລະ ນິຕິກໍາທີ່ກ່ຽວຂ້ອງ ໃຫ້ທົ່ວເຖິງ ແລະ ກວ້າງຂວາງ ເພື່ອໃຫ້ທຸກພາກສ່ວນທີ່ກ່ຽວຂ້ອງຂອງລັດ, ຜູ້ພັດທະນາໂຄງການ ແລະປະຊາຊົນ ເຂົ້າໃຈ ແລະ ເຂົ້າຮ່ວມໃນການປະຕິບັດວຽກງານດັ່ງກ່າວ ໃຫ້ສາມາດບັນລຸຕາມຄາດໝາຍທີ່ໄດ້ກໍານົດໄວ້;
2. ການຄົ້ນຄວ້າ ອະນຸຍາດກິດຈະການກ່ຽວກັບແຮ່ທາດໃນຕໍ່ໜ້າ ໃຫ້ປະຕິບັດຕາມຂັ້ນຕອນທີ່ກໍານົດໄວ້ ໃນກົດໝາຍຢ່າງເຂັ້ມງວດ ເປັນຕົ້ນ ກົດໝາຍ ວ່າດ້ວຍແຮ່ທາດ, ກົດໝາຍ ວ່າດ້ວຍການສົ່ງເສີມການລົງທຶນ, ກົດໝາຍ ວ່າດ້ວຍປ່າໄມ້, ກົດໝາຍອື່ນທີ່ກ່ຽວຂ້ອງ ໂດຍສະເພາະການສ້າງບົດວິພາກເສດຖະກິດ-ເຕັກນິກ, ບົດສຶກສາຜົນກະທົບຕໍ່ສິ່ງແວດລ້ອມ ແລະ ການໄລ່ລຽງຜົນປະໂຫຍດທີ່ລັດຖະບານຈະໄດ້ຮັບ ລວມທັງການຄັດເລືອກເອົາບໍລິສັດ ທີ່ຈະມາພັດທະນາ ໃນຂົງເຂດບໍ່ແຮ່ ຕ້ອງເປັນບໍລິສັດໃຫຍ່, ໄດ້ມາດຕະຖານສາກົນ, ມີຄວາມຮູ້, ມີປະສົບການ, ມີຄວາມເປັນມືອາຊີບ ແລະ ມີຄວາມພ້ອມທາງດ້ານງົບປະມານ;
3. ສະເໜີໃຫ້ລັດຖະບານ ຊີ້ນໍາພາກສ່ວນທີ່ກ່ຽວຂ້ອງ ເອົາໃຈໃສ່ກວດກາ, ປະເມີນຄືນບັນດາໂຄງການຂຸດຄົ້ນແຮ່ທາດ ໃນຮູບແບບປົກກະຕິ ແລະ ຮູບແບບທົດລອງ ໂດຍມີການຄັດຈ້ອນ ແລະ ໃຫ້ຢຸດຕິໂຄງການທີ່ບໍ່ມີປະສິດທິພາບ, ບໍ່ມີປະສິດທິຜົນ, ສົ່ງຜົນກະທົບຕໍ່ສິ່ງແວດລ້ອມ-ສັງຄົມ ແລະ ທໍາມະຊາດ ທີ່ຮ້າຍແຮງ ຫຼື ປະຕິບັດບໍ່ຖືກຕ້ອງຕາມກົດໝາຍ ແລະ ລະບຽບການ ເປັນຕົ້ນ ບັນດາໂຄງການທີ່ໄດ້ມີການກວດກາ ແລະ ປະເມີນຜົນຢູ່ໃນເກນທີ່ບໍ່ໄດ້ມາດຕະຖານ ໃຫ້ດໍາເນີນມາດຕະການຕາມກົດໝາຍຢ່າງເຂັ້ມງວດ; ສໍາລັບໂຄງການຂຸດຄົ້ນແຮ່ທາດໃນຮູບແບບທົດລອງ ທີ່ມີປະສິດທິພາບດີ ກໍໃຫ້ສືບຕໍ່ດໍາເນີນການຂຸດຄົ້ນ, ປຸງແຕ່ງ ແລະ ສົ່ງອອກ ແຕ່ໃຫ້ຫັນເຂົ້າສູ່ຮູບແບບປົກກະຕິ ແລະ ປະຕິບັດຕາມຂັ້ນຕອນຂອງກົດໝາຍຢ່າງເຂັ້ມງວດ ແລະ ເປັນໂຄງການທີ່ກໍານົດຢູ່ໃນຍຸດທະສາດການພັດທະນາແຮ່ທາດ;
4. ສະເໜີໃຫ້ລັດຖະບານ ຊີ້ນໍາພາກສ່ວນທີ່ກ່ຽວຂ້ອງ ຄົ້ນຄວ້າຄືນກ່ຽວກັບ ການໄລ່ລຽງຜົນປະໂຫຍດທີ່ລັດຖະບານຈະໄດ້ຮັບ ຈາກໂຄງການພັດທະນາແຮ່ທາດ ເພື່ອຮັບປະກັນ ໃຫ້ປະເທດຊາດ ໄດ້ຜົນປະໂຫຍດສູງສຸດ;
5. ສະເໜີໃຫ້ລັດຖະບານ ເອົາໃຈໃສ່ ຄົ້ນຄວ້າພິຈາລະນາ ແຜນການສ້າງຕັ້ງໂຮງງານຜະລິດ ແລະ ປຸງແຕ່ງແຮ່ທາດ ຢ່າງມີຈຸດສຸມໃຫ້ສໍາເລັດໂດຍໄວ ຕາມຍຸດທະສາດການພັດທະນາແຮ່ທາດ ໃນການຜະລິດ ແລະ ປຸງແຕ່ງແຮ່ທາດ ເປັນຜະລິດຕະພັນແຮ່ທາດສົ່ງອອກ;
6. ສະເໜີໃຫ້ລັດຖະບານ ເອົາໃຈໃສ່ ຄົ້ນຄວ້າພິຈາລະນາ ຈັດສັນງົບປະມານ 500 ຕື້ກີບເພື່ອນໍາໃຊ້ເຂົ້າໃນການສໍາຫຼວດສ້າງແຜນທີ່ ທໍລະນີສາດ-ແຮ່ທາດ ຕາມມະຕິຂອງສະພາແຫ່ງຊາດ ສະບັບເລກທີ 95/ສພຊ, ລົງວັນທີ 18ກໍລະກົດ 2023 ວ່າດ້ວຍການຮັບຮອງວິໄສທັດ 2040 ແລະ ຍຸດທະສາດການພັດທະນາແຮ່ທາດ 2030;
7. ສະເໜີໃຫ້ລັດຖະບານ ເອົາໃຈໃສ່ຕິດຕາມ, ຊຸກຍູ້ ແລະ ສ້າງຄວາມເຂັ້ມແຂງໃຫ້ແກ່ລັດວິສາຫະກິດແຮ່ທາດ ລາວ ໃຫ້ມີຄວາມສາມາດທາງດ້ານວິຊາການ ແລະ ທຶນຮອນ;
8. ສະເໜີໃຫ້ລັດຖະບານ ຊີ້ນໍາພາກສ່ວນທີ່ກ່ຽວຂ້ອງ ຕິດຕາມກວດກາ, ປະເມີນການຈັດຕັ້ງປະຕິບັດກົດໝາຍ ແລະ ນິຕິກໍາໃຕ້ກົດໝາຍ ພ້ອມທັງສ້າງ ແລະ ປັບປຸງນິຕິກໍາໃຕ້ກົດໝາຍໃນຂົງເຂດວຽກງານແຮ່ທາດ ເພື່ອໃຫ້ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມໃນແຕ່ລະໄລຍະ;
9. ສະເໜີໃຫ້ລັດຖະບານ ແລະ ພາກສ່ວນທີ່ກ່ຽວຂ້ອງຄົ້ນຄວ້າ ພິຈາລະນາ ການແບ່ງຄວາມຮັບຜິດຊອບວຽກງານແຮ່ທາດໃຫ້ອົງການປົກຄອງທ້ອງຖິ່ນ ເປັນເຈົ້າການໃນການຄຸ້ມຄອງ, ຕິດຕາມກວດກາ ພ້ອມທັງປັບປຸງກົນໄກການປະສານສົມທົບຂອງຂະແໜງການທີ່ກ່ຽວຂ້ອງດ້ວຍກັນ ລະຫວ່າງຂັ້ນສູນກາງ ແລະ ທ້ອງຖິ່ນ ໃຫ້ມີຄວາມກົມກຽວກັນ ໃນການສະໜອງຂໍ້ມູນດ້ານຕ່າງໆ ເພື່ອເຮັດໃຫ້ການຄົ້ນຄວ້າພິຈາລະນາອະນຸຍາດ ໂຄງການຂຸດຄົ້ນແຮ່ທາດ ປະຕິບັດໃຫ້ຖືກຕ້ອງ, ມີຄຸນນະພາບ ແລະ ຮັບປະກັນໄດ້ຜົນປະໂຫຍດຂອງຊາດ.
(ຂ່າວ: ສຸກສະຫວັນ, ພາບ: ຕຸໄລເພັດ)
ທ່ານ ນາງ ປິ່ນຄໍາ ລາຊະສິມມາ ກ່າວວ່າ: ຄະນະປະຈໍາສະພາແຫ່ງຊາດເຫັນວ່າການຈັດຕັ້ງປະຕິບັດວິໄສທັດ ແລະ ຍຸດທະສາດການພັດທະນາແຮ່ທາດ ໄດ້ມີຄວາມຄືບໜ້າດີພໍສົມຄວນ; ໃນນີ້, ໄດ້ມີການປະເມີນ, ການສ້າງ ແລະ ປັບປຸງນິຕິກໍາ ເຊັ່ນ: ກົດໝາຍວ່າດ້ວຍ ແຮ່ທາດ, ດໍາລັດ, ຄໍາແນະນໍາ, ຂໍ້ຕົກລົງ, ແຈ້ງການ ແລະ ລະບຽບການອື່ນໆທີ່ກ່ຽວຂ້ອງ ຈໍານວນໜຶ່ງ ເພື່ອເປັນເຄື່ອງມືໃຫ້ແກ່ການຄຸ້ມຄອງວຽກງານແຮ່ທາດ, ໄດ້ມີການແກ້ໄຂບັນຫາຜົນກະທົບຕໍ່ສິ່ງແວດລ້ອມ, ສັງຄົມ ແລະ ທໍາມະຊາດ ຈາກໂຄງການຂຸດຄົ້ນແຮ່ທາດ, ດໍາເນີນການ ຕິດຕາມກວດກາ ແລະ ປະເມີນຄືນໂຄງການຂຸດຄົ້ນແຮ່ທາດໃນຮູບແບບທົດລອງ ເພື່ອຫັນເຂົ້າສູ່ການຂຸດຄົ້ນແຮ່ທາດຕາມຮູບແບບປົກກະຕິ ແລະ ປະຕິບັດໃຫ້ຖືກຕ້ອງຕາມກົດໝາຍ. ມາຮອດປັດຈຸບັນ, ການພັດທະນາ ແລະ ລົງທຶນດ້ານແຮ່ທາດ ໄດ້ມີການຂະຫຍາຍຕົວ ແລະ ມີຜົນສໍາເລັດຫຼາຍດ້ານ ລັດຖະບານໄດ້ມີການອອກອະນຸຍາດລົງທຶນດ້ານແຮ່ທາດ ໃນທົ່ວປະເທດ ທັງໝົດ ຈໍານວນ 968 ບໍລິສັດ; ໃນນັ້ນ, ຂັ້ນສູນກາງອະນຸຍາດ ຈໍານວນ 297 ບໍລິສັດ, ຂັ້ນທ້ອງຖິ່ນ ອະນຸຍາດ ຈໍານວນ 671 ບໍລິສັດ. ນອກຈາກນີ້, ຍັງມີໂຄງການພັດທະນາບໍ່ແຮ່ໃນຮູບແບບທົດລອງ ຈໍານວນ 93 ບໍລິສັດ ຊຶ່ງທັງໝົດນີ້ ໄດ້ປະກອບສ່ວນສ້າງລາຍຮັບໃຫ້ແກ່ລັດຖະບານໃນການແກ້ໄຂຄວາມຫຍຸ້ງຍາກທາງດ້ານ ເສດຖະກິດ-ການເງິນ ຂອງປະເທດໄດ້ໃນລະດັບໜຶ່ງ.
ຜ່ານການລົງເຄື່ອນໄຫວຕິດຕາມກວດກາຂອງຄະນະປະຈໍາສະພາປະຊາຊົນຂັ້ນແຂວງ ແລະ ຄະນະປະຈໍາສະພາແຫ່ງຊາດ ເຫັນວ່າຍັງມີບາງປະກົດການຫຍໍ້ທໍ້ທີ່ເກີດຂຶ້ນ ແລະ ເພື່ອຮັບປະກັນໃຫ້ແກ່ການຈັດຕັ້ງປະຕິບັດບັນດາແຜນການ, ແຜນງານ ແລະ ຄາດໝາຍ ທີ່ໄດ້ກໍານົດໄວ້ ໃນ ວິໄສທັດ 2040 ແລະ ຍຸດທະສາດການພັດທະນາແຮ່ທາດ ຮອດ 2030 ທີ່ສະພາແຫ່ງຊາດ ໄດ້ຮັບຮອງເອົານັ້ນ ໃຫ້ສໍາເລັດຕາມແຜນການ, ມີປະສິດທິພາບ, ປະສິດທິຜົນ ແລະ ຮັບປະກັນຜົນປະໂຫຍດສູງສຸດໃຫ້ແກ່ປະເທດຊາດ, ຄະນະປະຈໍາສະພາແຫ່ງຊາດ ຈຶ່ງສະເໜີບາງຄໍາເຫັນ ດັ່ງນີ້:
1. ສະເໜີໃຫ້ລັດຖະບານ ຊີ້ນໍາກະຊວງພະລັງງານ ແລະ ບໍ່ແຮ່ ສືບຕໍ່ຜັນຂະຫຍາຍ ວິໄສທັດ ແລະ ຍຸດທະສາດການພັດທະນາແຮ່ທາດ ເຂົ້າໃນການປະຕິບັດໃນວຽກງານຕົວຈິງຂອງຂະແໜງການຕົນໃຫ້ສໍາເລັດ, ເຂັ້ມງວດ ໄປພ້ອມກັບການໂຄສະນາ, ການເຜີຍແຜ່ ວິໄສທັດ ແລະ ຍຸດທະສາດການພັດທະນາແຮ່ທາດ ແລະ ນິຕິກໍາທີ່ກ່ຽວຂ້ອງ ໃຫ້ທົ່ວເຖິງ ແລະ ກວ້າງຂວາງ ເພື່ອໃຫ້ທຸກພາກສ່ວນທີ່ກ່ຽວຂ້ອງຂອງລັດ, ຜູ້ພັດທະນາໂຄງການ ແລະປະຊາຊົນ ເຂົ້າໃຈ ແລະ ເຂົ້າຮ່ວມໃນການປະຕິບັດວຽກງານດັ່ງກ່າວ ໃຫ້ສາມາດບັນລຸຕາມຄາດໝາຍທີ່ໄດ້ກໍານົດໄວ້;
2. ການຄົ້ນຄວ້າ ອະນຸຍາດກິດຈະການກ່ຽວກັບແຮ່ທາດໃນຕໍ່ໜ້າ ໃຫ້ປະຕິບັດຕາມຂັ້ນຕອນທີ່ກໍານົດໄວ້ ໃນກົດໝາຍຢ່າງເຂັ້ມງວດ ເປັນຕົ້ນ ກົດໝາຍ ວ່າດ້ວຍແຮ່ທາດ, ກົດໝາຍ ວ່າດ້ວຍການສົ່ງເສີມການລົງທຶນ, ກົດໝາຍ ວ່າດ້ວຍປ່າໄມ້, ກົດໝາຍອື່ນທີ່ກ່ຽວຂ້ອງ ໂດຍສະເພາະການສ້າງບົດວິພາກເສດຖະກິດ-ເຕັກນິກ, ບົດສຶກສາຜົນກະທົບຕໍ່ສິ່ງແວດລ້ອມ ແລະ ການໄລ່ລຽງຜົນປະໂຫຍດທີ່ລັດຖະບານຈະໄດ້ຮັບ ລວມທັງການຄັດເລືອກເອົາບໍລິສັດ ທີ່ຈະມາພັດທະນາ ໃນຂົງເຂດບໍ່ແຮ່ ຕ້ອງເປັນບໍລິສັດໃຫຍ່, ໄດ້ມາດຕະຖານສາກົນ, ມີຄວາມຮູ້, ມີປະສົບການ, ມີຄວາມເປັນມືອາຊີບ ແລະ ມີຄວາມພ້ອມທາງດ້ານງົບປະມານ;
3. ສະເໜີໃຫ້ລັດຖະບານ ຊີ້ນໍາພາກສ່ວນທີ່ກ່ຽວຂ້ອງ ເອົາໃຈໃສ່ກວດກາ, ປະເມີນຄືນບັນດາໂຄງການຂຸດຄົ້ນແຮ່ທາດ ໃນຮູບແບບປົກກະຕິ ແລະ ຮູບແບບທົດລອງ ໂດຍມີການຄັດຈ້ອນ ແລະ ໃຫ້ຢຸດຕິໂຄງການທີ່ບໍ່ມີປະສິດທິພາບ, ບໍ່ມີປະສິດທິຜົນ, ສົ່ງຜົນກະທົບຕໍ່ສິ່ງແວດລ້ອມ-ສັງຄົມ ແລະ ທໍາມະຊາດ ທີ່ຮ້າຍແຮງ ຫຼື ປະຕິບັດບໍ່ຖືກຕ້ອງຕາມກົດໝາຍ ແລະ ລະບຽບການ ເປັນຕົ້ນ ບັນດາໂຄງການທີ່ໄດ້ມີການກວດກາ ແລະ ປະເມີນຜົນຢູ່ໃນເກນທີ່ບໍ່ໄດ້ມາດຕະຖານ ໃຫ້ດໍາເນີນມາດຕະການຕາມກົດໝາຍຢ່າງເຂັ້ມງວດ; ສໍາລັບໂຄງການຂຸດຄົ້ນແຮ່ທາດໃນຮູບແບບທົດລອງ ທີ່ມີປະສິດທິພາບດີ ກໍໃຫ້ສືບຕໍ່ດໍາເນີນການຂຸດຄົ້ນ, ປຸງແຕ່ງ ແລະ ສົ່ງອອກ ແຕ່ໃຫ້ຫັນເຂົ້າສູ່ຮູບແບບປົກກະຕິ ແລະ ປະຕິບັດຕາມຂັ້ນຕອນຂອງກົດໝາຍຢ່າງເຂັ້ມງວດ ແລະ ເປັນໂຄງການທີ່ກໍານົດຢູ່ໃນຍຸດທະສາດການພັດທະນາແຮ່ທາດ;
4. ສະເໜີໃຫ້ລັດຖະບານ ຊີ້ນໍາພາກສ່ວນທີ່ກ່ຽວຂ້ອງ ຄົ້ນຄວ້າຄືນກ່ຽວກັບ ການໄລ່ລຽງຜົນປະໂຫຍດທີ່ລັດຖະບານຈະໄດ້ຮັບ ຈາກໂຄງການພັດທະນາແຮ່ທາດ ເພື່ອຮັບປະກັນ ໃຫ້ປະເທດຊາດ ໄດ້ຜົນປະໂຫຍດສູງສຸດ;
5. ສະເໜີໃຫ້ລັດຖະບານ ເອົາໃຈໃສ່ ຄົ້ນຄວ້າພິຈາລະນາ ແຜນການສ້າງຕັ້ງໂຮງງານຜະລິດ ແລະ ປຸງແຕ່ງແຮ່ທາດ ຢ່າງມີຈຸດສຸມໃຫ້ສໍາເລັດໂດຍໄວ ຕາມຍຸດທະສາດການພັດທະນາແຮ່ທາດ ໃນການຜະລິດ ແລະ ປຸງແຕ່ງແຮ່ທາດ ເປັນຜະລິດຕະພັນແຮ່ທາດສົ່ງອອກ;
6. ສະເໜີໃຫ້ລັດຖະບານ ເອົາໃຈໃສ່ ຄົ້ນຄວ້າພິຈາລະນາ ຈັດສັນງົບປະມານ 500 ຕື້ກີບເພື່ອນໍາໃຊ້ເຂົ້າໃນການສໍາຫຼວດສ້າງແຜນທີ່ ທໍລະນີສາດ-ແຮ່ທາດ ຕາມມະຕິຂອງສະພາແຫ່ງຊາດ ສະບັບເລກທີ 95/ສພຊ, ລົງວັນທີ 18ກໍລະກົດ 2023 ວ່າດ້ວຍການຮັບຮອງວິໄສທັດ 2040 ແລະ ຍຸດທະສາດການພັດທະນາແຮ່ທາດ 2030;
7. ສະເໜີໃຫ້ລັດຖະບານ ເອົາໃຈໃສ່ຕິດຕາມ, ຊຸກຍູ້ ແລະ ສ້າງຄວາມເຂັ້ມແຂງໃຫ້ແກ່ລັດວິສາຫະກິດແຮ່ທາດ ລາວ ໃຫ້ມີຄວາມສາມາດທາງດ້ານວິຊາການ ແລະ ທຶນຮອນ;
8. ສະເໜີໃຫ້ລັດຖະບານ ຊີ້ນໍາພາກສ່ວນທີ່ກ່ຽວຂ້ອງ ຕິດຕາມກວດກາ, ປະເມີນການຈັດຕັ້ງປະຕິບັດກົດໝາຍ ແລະ ນິຕິກໍາໃຕ້ກົດໝາຍ ພ້ອມທັງສ້າງ ແລະ ປັບປຸງນິຕິກໍາໃຕ້ກົດໝາຍໃນຂົງເຂດວຽກງານແຮ່ທາດ ເພື່ອໃຫ້ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມໃນແຕ່ລະໄລຍະ;
9. ສະເໜີໃຫ້ລັດຖະບານ ແລະ ພາກສ່ວນທີ່ກ່ຽວຂ້ອງຄົ້ນຄວ້າ ພິຈາລະນາ ການແບ່ງຄວາມຮັບຜິດຊອບວຽກງານແຮ່ທາດໃຫ້ອົງການປົກຄອງທ້ອງຖິ່ນ ເປັນເຈົ້າການໃນການຄຸ້ມຄອງ, ຕິດຕາມກວດກາ ພ້ອມທັງປັບປຸງກົນໄກການປະສານສົມທົບຂອງຂະແໜງການທີ່ກ່ຽວຂ້ອງດ້ວຍກັນ ລະຫວ່າງຂັ້ນສູນກາງ ແລະ ທ້ອງຖິ່ນ ໃຫ້ມີຄວາມກົມກຽວກັນ ໃນການສະໜອງຂໍ້ມູນດ້ານຕ່າງໆ ເພື່ອເຮັດໃຫ້ການຄົ້ນຄວ້າພິຈາລະນາອະນຸຍາດ ໂຄງການຂຸດຄົ້ນແຮ່ທາດ ປະຕິບັດໃຫ້ຖືກຕ້ອງ, ມີຄຸນນະພາບ ແລະ ຮັບປະກັນໄດ້ຜົນປະໂຫຍດຂອງຊາດ.
(ຂ່າວ: ສຸກສະຫວັນ, ພາບ: ຕຸໄລເພັດ)
