ໃນອາທິດຜ່ານມານີ້, ຄະນະກໍາມະການຈາກພາກສ່ວນກ່ຽວຂ້ອງ ນໍາພາໂດຍ ທ່ານ ໄຊສົມບັດ ບຸນນະຜົນ ວ່າການຫົວໜ້າກົມຄຸ້ມຄອງທຸລະກິດການທ່ອງທ່ຽວ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ), ມີທ່ານ ສີສະຫວາດ ແສງພະຈັນ ຫົວໜ້າພະແນກ ຖວທ ແຂວງວຽງຈັນ ແລະ ພາກສ່ວນກ່ຽວຂ້ອງ ໄດ້ລົງໄປເຄື່ອນໄຫວວຽກງານຢູ່ ແດນສະຫວັນນໍ້າງື່ມຣີສອດ ເມືອງທຸລະຄົມ ແຂວງວຽງຈັນ, ໂດຍການຕ້ອນຮັບຂອງ ທ່ານ ໂລຫວັງຕີ່ນ ຜູ້ບໍລິຫາານແດນສະຫວັນນໍ້າງື່ມຣີສອດ.

ຈຸດປະສົົງຂອງການໄປເຮັດວຽກຄັ້ງນີ້ ເພື່ອມອບລາງວັນໂຮງແຮມຂຽວມາດຕະຖານອາຊ່ຽນ ແລະ ປະເມີນໂຮງແຮມ ເປັນໂຮງແຮມມາດຕະຖານລະດັບ 5 ດາວ.