ເສດຖະກິດຂອງ ສປປ ລາວ ຍັງສືບຕໍ່ມີການຂະຫຍາຍຕົວຢ່າງຕໍ່ເນື່ອງ, ເນື່ອງຈາກບັນດາຂະແໜງການ ຍັງສືບຕໍ່ດໍາເນີນການຜະລິດໄດ້ຢ່າງເປັນປົກກະຕິ ແຕ່ການພັດທະນາໂດຍລວມ ຍັງປະເຊີນໜ້າກັບສິ່ງທ້າທາຍໃນຫຼາຍດ້ານ ໂດຍສະເພາະການເໜັງຕີງຂອງອັດຕາເງິນເຟີ້ ກໍຄືຄ່າຄອງຊີບທີ່ສູງຂຶ້ນ ໄດ້ສົ່ງຜົນກະທົບທັງທາງກົງ ແລະ ທາງອ້ອມຕໍ່ການດໍາລົງຊີວິດຂອງປະຊາຊົນ. ສະນັ້ນ, ລັດຖະບານ ໄດ້ສຸມໃສ່ແກ້ໄຂ 2 ດ້ານໄປພ້ອມໆກັນ ເພື່ອໃຫ້ເສດຖະກິດຂະຫຍາຍຕົວດຸນດ່ຽງ ຫຼື ສົມດຸນ ກັບອັດຕາເງິນເຟີ້.
ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IXໃນວັນທີ 13 ມິຖຸນານີ້, ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ;ທ່ານ ເພັດ ພົມພິພັກ ລັດຖະມົນຕີກະຊວງແຜນການ ແລະ ການລົງທຶນ ໄດ້ຂຶ້ນຊີ້ແຈງຕອບຄໍາຊັກຖາມ ຂອງສະມາຊິກສະພາແຫ່ງຊາດ ກ່ຽວກັບມາດຕະການຮັກສາອັດຕາການເຕີບໂຕທາງດ້ານເສດຖະກິດ ໃຫ້ຂະຫຍາຍໂຕຢ່າງຕໍ່ເນື່ອງ ສອດຄ່ອງກັບສະພາບຄວາມເປັນຈິງເພື່ອເຮັດໃຫ້ເສດຖະກິດມີຄວາມດຸ່ນດ່ຽງກັບອັດຕາເງິນເຟີ້.
ທ່ານ ເພັດ ພົມພິພັກ ໄດ້ກ່າວວ່າ: ເພື່ອແກ້ໄຂບັນຫາດັ່ງກ່າວນີ້, ລັດຖະບານຕ້ອງໄດ້ສຸມໃສ່ແກ້ໄຂບັນຫາທັງ 2 ດ້ານ ໄປພ້ອມກັນ ເປັນຕົ້ນຕ້ອງຊຸກຍູ້ສົ່ງເສີມການລົງທຶນ ແລະ ການຜະລິດໃຫ້ຫຼາຍຂຶ້ນ ເພື່ອສົ່ງ ເສີມການຜະລິດພາຍໃນໃຫ້ແຂງແຮງຂຶ້ນຕື່ມ, ແກ້ໄຂບັນຫາເງິນເຟີ້ ແລະ ການອ່ອນຄ່າຂອງເງິນກີບ.
ທ່ານ ເພັດ ພົມພິພັກ ກ່າວອີກວ່າ:ໃນ 6 ເດືອນຕົ້ນປີນີ້ ເຫັນວ່າເສດຖະກິດຍັງສືບຕໍ່ມີການຂະຫຍາຍຕົວຢ່າງຕໍ່ເນື່ອງ ລວມຍອດຜະລິດຕະພັນພາຍໃນ (GDP) ສະເລ່ຍຂະຫຍາຍຕົວຢູ່ໃນລະດັບ 4,7%; ໃນນີ້, ຂະແໜງກະສິກໍາ ຂະຫຍາຍຕົວ 4,3%, ອຸດສາຫະກໍາ 4,2%, ບໍລິການ 5,7% ແລະ ພາສີ-ອາກອນ ຜະລິດຕະພັນ 4,0%. ສະນັ້ນ, ເພື່ອຮັບປະກັນໃຫ້ເສດຖະກິດມີການຂະຫຍາຍຕົວ ບັນລຸຕາມຄາດໝາຍຂອງແຜນການທີ່ວາງໄວ້, ໃນ 6 ເດືອນທ້າຍປີ ລັດຖະບານ ແມ່ນເລັ່ງໃສ່ 6 ວຽກງານທີ່ສຳຄັນຄື:
1) ຈັດຕັ້ງຜັນຂະຫຍາຍ ມະຕິ 04/ກມສພ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃໝ່ ໃຫ້ເປັນອັນລະອຽດ ເພື່ອຈັດຕັ້ງປະຕິບັດໃຫ້ເຫັນຜົນໂດຍໄວ;
2) ຄຸ້ມຄອງອັດຕາເງິນເຟີ້ ແລະ ອັດຕາແລກປ່ຽນບໍ່ໃຫ້ມີການເໜັງຕີງແຮງ ໂດຍສະເພາະມີມາດຕະການຄວບຄຸມລາຄາສິນຄ້າທີ່ຊັດເຈນ ແລະ ສາມາດຈັດຕັ້ງປະຕິບັດໄດ້ ເພື່ອຮັບປະກັນກໍາລັງຊື້ ແລະ ຕົ້ນທຶນການຜະລິດບໍ່ໃຫ້ຖືກກະທົບແຮງ;
3) ຈັດຕັ້ງປະຕິບັດດໍາລັດວ່າດ້ວຍການປະຢັດ ແລະ ຕ້ານການຟຸ່ມເຟືອຍ ເລກທີ 205/ລບ ຢ່າງເຂັ້ມງວດ ເພື່ອສ້າງທ່າແຮງໃຫ້ການສະສົມແຫ່ງລັດເພີ່ມຂຶ້ນ;
4) ສຸມທຶນໃສ່ໂຄງການທີ່ມີທ່າແຮງ ແລະ ໃຫ້ຜົນຕອບແທນໄວ ເປັນຕົ້ນໂຄງການຜະລິດເປັນສິນຄ້າ ແລະ ບໍລິການ, ສ້າງວຽກເຮັດງານທໍາ ໂດຍສະເພາະຂະແໜງການທ່ອງທ່ຽວ, ຂົນສົ່ງ, ອຸດສາຫະກໍາປຸງເເຕ່ງ;
5) ອອກມາດຕະການແຊກແຊງຮີບດ່ວນ ເພື່ອແກ້ໄຂບັນຫາແຮງງານຂາດແຄນ ເປັນຕົ້ນປະສານສົມທົບກັບພາກສ່ວນທີ່ກ່ຽວຂ້ອງເຜີຍແຜ່ ແລະ ສະໜອງຂໍ້ມູນການຈັດຫາງານ ທັງພາຍໃນ ແລະ ຕ່າງປະເທດ ຄຽງຄູ່ກັບການອໍານວຍຄວາມສະດວກ ແລະ ກໍານົດຄ່າທໍານຽມທີ່ເໝາະສົມໃນການໂອນເງິນກັບປະເທດ;
6) ຍູ້ແຮງການເກັບລາຍຮັບງົບປະມານໃຫ້ໄດ້ຕາມແຜນ ຫຼື ເກີນແຜນ ເພື່ອມີທຶນຮອນມາ ຈັດຕັ້ງປະຕິບັດໂຄງການລົງທຶນຂອງລັດທີ່ນອນໃນແຜນແລ້ວ ແລະ ວຽກງານອື່ນໆ ທີ່ຈໍາເປັນຂອງລັດຖະບານ, ຊຸກຍູ້ໂຄງການຊ່ວຍເຫຼືອທາງການເພື່ອການພັດທະນາ ແລະ ໂຄງການລົງທຶນຂອງພາກເອກະຊົນ ໃຫ້ຈັດຕັ້ງປະຕິບັດໄດ້ຕາມແຜນການ.
ຖ້າຫາກວ່າ ການຈັດຕັ້ງປະຕິບັດວຽກງານຈຸດສຸມຂ້າງເທິງນັ້ນເປັນໄປຕາມຄາດໝາຍທີ່ກຳນົດໄວ້, ຄາດວ່າ ໃນປີ 2024 ນີ້ ຈະສາມາດບັນລຸຄາດໝາຍການຂະຫຍາຍຕົວຂອງ GDP ໄດ້ 4,5%.
(ຂ່າວ: ສຸກສະຫວັນ, ພາບ: ຕຸໄລເພັດ)
ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IXໃນວັນທີ 13 ມິຖຸນານີ້, ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ;ທ່ານ ເພັດ ພົມພິພັກ ລັດຖະມົນຕີກະຊວງແຜນການ ແລະ ການລົງທຶນ ໄດ້ຂຶ້ນຊີ້ແຈງຕອບຄໍາຊັກຖາມ ຂອງສະມາຊິກສະພາແຫ່ງຊາດ ກ່ຽວກັບມາດຕະການຮັກສາອັດຕາການເຕີບໂຕທາງດ້ານເສດຖະກິດ ໃຫ້ຂະຫຍາຍໂຕຢ່າງຕໍ່ເນື່ອງ ສອດຄ່ອງກັບສະພາບຄວາມເປັນຈິງເພື່ອເຮັດໃຫ້ເສດຖະກິດມີຄວາມດຸ່ນດ່ຽງກັບອັດຕາເງິນເຟີ້.
ທ່ານ ເພັດ ພົມພິພັກ ໄດ້ກ່າວວ່າ: ເພື່ອແກ້ໄຂບັນຫາດັ່ງກ່າວນີ້, ລັດຖະບານຕ້ອງໄດ້ສຸມໃສ່ແກ້ໄຂບັນຫາທັງ 2 ດ້ານ ໄປພ້ອມກັນ ເປັນຕົ້ນຕ້ອງຊຸກຍູ້ສົ່ງເສີມການລົງທຶນ ແລະ ການຜະລິດໃຫ້ຫຼາຍຂຶ້ນ ເພື່ອສົ່ງ ເສີມການຜະລິດພາຍໃນໃຫ້ແຂງແຮງຂຶ້ນຕື່ມ, ແກ້ໄຂບັນຫາເງິນເຟີ້ ແລະ ການອ່ອນຄ່າຂອງເງິນກີບ.
ທ່ານ ເພັດ ພົມພິພັກ ກ່າວອີກວ່າ:ໃນ 6 ເດືອນຕົ້ນປີນີ້ ເຫັນວ່າເສດຖະກິດຍັງສືບຕໍ່ມີການຂະຫຍາຍຕົວຢ່າງຕໍ່ເນື່ອງ ລວມຍອດຜະລິດຕະພັນພາຍໃນ (GDP) ສະເລ່ຍຂະຫຍາຍຕົວຢູ່ໃນລະດັບ 4,7%; ໃນນີ້, ຂະແໜງກະສິກໍາ ຂະຫຍາຍຕົວ 4,3%, ອຸດສາຫະກໍາ 4,2%, ບໍລິການ 5,7% ແລະ ພາສີ-ອາກອນ ຜະລິດຕະພັນ 4,0%. ສະນັ້ນ, ເພື່ອຮັບປະກັນໃຫ້ເສດຖະກິດມີການຂະຫຍາຍຕົວ ບັນລຸຕາມຄາດໝາຍຂອງແຜນການທີ່ວາງໄວ້, ໃນ 6 ເດືອນທ້າຍປີ ລັດຖະບານ ແມ່ນເລັ່ງໃສ່ 6 ວຽກງານທີ່ສຳຄັນຄື:
1) ຈັດຕັ້ງຜັນຂະຫຍາຍ ມະຕິ 04/ກມສພ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃໝ່ ໃຫ້ເປັນອັນລະອຽດ ເພື່ອຈັດຕັ້ງປະຕິບັດໃຫ້ເຫັນຜົນໂດຍໄວ;
2) ຄຸ້ມຄອງອັດຕາເງິນເຟີ້ ແລະ ອັດຕາແລກປ່ຽນບໍ່ໃຫ້ມີການເໜັງຕີງແຮງ ໂດຍສະເພາະມີມາດຕະການຄວບຄຸມລາຄາສິນຄ້າທີ່ຊັດເຈນ ແລະ ສາມາດຈັດຕັ້ງປະຕິບັດໄດ້ ເພື່ອຮັບປະກັນກໍາລັງຊື້ ແລະ ຕົ້ນທຶນການຜະລິດບໍ່ໃຫ້ຖືກກະທົບແຮງ;
3) ຈັດຕັ້ງປະຕິບັດດໍາລັດວ່າດ້ວຍການປະຢັດ ແລະ ຕ້ານການຟຸ່ມເຟືອຍ ເລກທີ 205/ລບ ຢ່າງເຂັ້ມງວດ ເພື່ອສ້າງທ່າແຮງໃຫ້ການສະສົມແຫ່ງລັດເພີ່ມຂຶ້ນ;
4) ສຸມທຶນໃສ່ໂຄງການທີ່ມີທ່າແຮງ ແລະ ໃຫ້ຜົນຕອບແທນໄວ ເປັນຕົ້ນໂຄງການຜະລິດເປັນສິນຄ້າ ແລະ ບໍລິການ, ສ້າງວຽກເຮັດງານທໍາ ໂດຍສະເພາະຂະແໜງການທ່ອງທ່ຽວ, ຂົນສົ່ງ, ອຸດສາຫະກໍາປຸງເເຕ່ງ;
5) ອອກມາດຕະການແຊກແຊງຮີບດ່ວນ ເພື່ອແກ້ໄຂບັນຫາແຮງງານຂາດແຄນ ເປັນຕົ້ນປະສານສົມທົບກັບພາກສ່ວນທີ່ກ່ຽວຂ້ອງເຜີຍແຜ່ ແລະ ສະໜອງຂໍ້ມູນການຈັດຫາງານ ທັງພາຍໃນ ແລະ ຕ່າງປະເທດ ຄຽງຄູ່ກັບການອໍານວຍຄວາມສະດວກ ແລະ ກໍານົດຄ່າທໍານຽມທີ່ເໝາະສົມໃນການໂອນເງິນກັບປະເທດ;
6) ຍູ້ແຮງການເກັບລາຍຮັບງົບປະມານໃຫ້ໄດ້ຕາມແຜນ ຫຼື ເກີນແຜນ ເພື່ອມີທຶນຮອນມາ ຈັດຕັ້ງປະຕິບັດໂຄງການລົງທຶນຂອງລັດທີ່ນອນໃນແຜນແລ້ວ ແລະ ວຽກງານອື່ນໆ ທີ່ຈໍາເປັນຂອງລັດຖະບານ, ຊຸກຍູ້ໂຄງການຊ່ວຍເຫຼືອທາງການເພື່ອການພັດທະນາ ແລະ ໂຄງການລົງທຶນຂອງພາກເອກະຊົນ ໃຫ້ຈັດຕັ້ງປະຕິບັດໄດ້ຕາມແຜນການ.
ຖ້າຫາກວ່າ ການຈັດຕັ້ງປະຕິບັດວຽກງານຈຸດສຸມຂ້າງເທິງນັ້ນເປັນໄປຕາມຄາດໝາຍທີ່ກຳນົດໄວ້, ຄາດວ່າ ໃນປີ 2024 ນີ້ ຈະສາມາດບັນລຸຄາດໝາຍການຂະຫຍາຍຕົວຂອງ GDP ໄດ້ 4,5%.
(ຂ່າວ: ສຸກສະຫວັນ, ພາບ: ຕຸໄລເພັດ)
