ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 5 ພະຈິກ ຜ່ານມາ, ຜູ້ມີສິດເລືອກຕັ້ງປະມານ 170 ລ້ານຄົນ ໄປໃຊ້ສິດປ່ອນບັດເລືອກຕັ້ງປະທານາທິບໍດີ ຄົນທີ 47 ຂອງອາເມຣິກາໂດຍມີຜູ້ມີສິດເລືອກຕັ້ງປະມານ 244 ລ້ານຄົນ ມີເງື່ອນໄຂຄົບຖ້ວນເຂົ້າຮ່ວມການປ່ອນບັດໃນປີນີ້. ໃນນັ້ນຫຼາຍກວ່າ 80 ລ້ານຄົນ ໄດ້ປ່ອນບັດກ່ອນກຳນົດເວລາດ້ວຍຮູບການປ່ອນບັດຜ່ານທາງໄປສະນີ.

ຂ່າວລະບຸວ່າ: ຜົນການສຳຫຼວດຄັ້ງຕ່າງໆໃນລັດແຫ່ງຕ່າງໆທົ່ວປະເທດ ເຫັນວ່າອັດຕາການສະໜັບສະໜູນລະຫວ່າງຜູ້ສະໝັກເລືອກຕັ້ງ ທ່ານ ໂດໂນທຣຳ ແລະ ທ່ານນາງ ຄາມາລາ ແຮຣິສເກືອບເທົ່າກັນ ມີຄວາມຫຼຸດລື່ນກັນບໍ່ເທົ່າໃດຄະແນນ.

ພ້ອມກັບການເລືອກຕັ້ງປະທານາທິບໍດີ ອາເມຣິກາ ໃນວັນທີ 5 ພະຈິກ ຜ່ານມາ ຍັງມີການເລືອກຕັ້ງສະມາຊິກສະພາຕ່ຳທັງໝົດ 435 ບ່ອນນັ່ງ ແລະ ສະມາຊິກສະພາສູງ 34 ບ່ອນນັ່ງ ໃນຈຳນວນ 100 ບ່ອນນັ່ງທັງໝົດ, ຜູ້ວ່າການ 15 ລັດ ແລະ ເອົາປະຊາມະຕິກ່ຽວກັບບາງເນື້ອໃນລະອຽດຢູ່ 7 ລັດນ້ອຍອີກດ້ວຍ.