ຂ່າວຕ່າງປະເທດລາຍງານ ໃນວັນທີ 12 ມັງກອນ ຜ່ານມາ, ສະຫະພັນເຂົ້າ ຂອງກໍາປູເຈຍ ລາຍງານວ່າ: ກຳປູເຈຍ ສົ່ງອອກເຂົ້າຂັດສີ ໃນປີ2024 ລວມທັງໝົດ651,522ໂຕນ ຊຶ່ງສ້າງລາຍຮັບໄດ້491 ລ້ານໂດລາ.

ບົດ​ລາຍ​ງານລະບຸວ່າ: ​ກຳ​ປູ​ເຈຍ​ມີ​ບໍລິສັດສົ່ງອອກ​ເຂົ້າ​ຂັດ​ສີ 57 ແຫ່ງ ແລະ ສົ່ງອອກເຂົ້າ​​ຂັດສີ​ສູ່ 68 ​ປະ​ເທດ ແລະ ພາກພື້ນ ໃນປີ2024 ໂດຍ​ຈີນຍັງຄົງເປັນໜຶ່ງໃນຜູ້​ຊື້​ເຂົ້າ​ຂັດສີທີ່ສຳຄັນ​ຂອງ​ກຳ​ປູ​ເຈຍ.

ທັງນີ້, ກຳປູເຈຍສົ່ງອອກເຂົ້າຂັດສີສູ່ຈີນ ໃນປີ 2024 ລວມທັງໝົດ117,925 ໂຕນ ຊຶ່ງສ້າງລາຍຮັບໄດ້75.6 ລ້ານໂດລາ.

ສະຫະພັນເຂົ້າ ຂອງກຳປູເຈຍ ລະບຸວ່າ: ເຂົ້າຂັດສີ ສົ່ງອອກປະມານ 76.15%,ເຂົ້າຫອມ 18.7%,ເຂົ້າຂາວ3.1%, ເຂົ້ານື້ງ1.78%, ເຂົ້າອິນຊີ ແລະ ເຂົ້າປະເພດອື່ນໆ0.27%.