ໂຄງການຊ່ວຍເຫຼືອໄພພິບັດສຸກເສີນ ມອບເງິນຊ່ວຍເຫຼືອໃຫ້ຜູ້ປະສົບໄພພິບັດນໍ້າຖ້ວມ ໃນຄັ້ງວັນທີ່ 21 ສີງຫາ 2024 ທີ່ຜ່ານມາ ຢູ່ເມືອງຄອບ ແຂວງໄຊຍະບູລີ. ພິທີດັ່ງກ່າວໄດ້ຈັດຂຶ້ນເມື່ອບໍ່ດົນມານີ້, ຢູ່ທີ່ສະໂມສອນຂອງເມືອງ ໂດຍໃຫ້ກຽດການເຂົ້າຮ່ວມຂອງທ່ານ ນາງ ໄອ່ຄໍາ ສໍອິນໄຊ ຮອງຫົວໜ້າຫ້ອງການຂົນຂວາຍແຫຼ່ງທຶນ ແລະ ຊ່ວຍເຫຼືອບັນເທົ່າທຸກ ປະຈໍາອົງການກາແດງແຫ່ງຊາດລາວ ພ້ອມດ້ວຍຄະນະ, ມີທ່ານ ສົມນຶກ ສິງຄໍາ ວ່າການເຈົ້າເມືອງໆຄອບ, ມີຄະນະທີມອົງການກາແດງແຂວງ, ມີການນໍາຂອງເມືອງ ພ້ອມດ້ວຍພໍ່ແມ່ນປະຊາຊົນບັນດາເຜົ່າຜູ້ທີ່ປະສົບໄພນໍ້າຖ້ວມເຂົ້າຮ່ວມ.

ໃນໂອກາດດັ່ງກ່າວ, ທ່ານ ນາງ ນາງ ໄອ່ຄໍາ ສໍອິນໄຊ ໄດ້ກ່າວວ່າ: ເງິນທີ່ນໍາມາມອບໃນຄັ້ງນີ້ ເປັນເງິນສົດ ໃນຈໍານວນ 1,448,400,000 ກີບ ຈໍານວນເງິນດັ່ງກ່າວ ແມ່ນຈະໄດ້ແຈກຢາຍຜູ້ປະສົບໄພນໍ້າຖ້ວມໃນຄັ້ງວັນທີ່ 21 ສີງຫາ 2024 ທີ່ຜ່ານມາ. ໃນຈໍານວນ 10 ບ້ານ, ປະກອບມີ 1,023 ຄອບຄົວ ໃນທົ່ວເມືອງ ຕາມການເກັບກໍາຂໍ້ມູນຂອງສະຫະພັນກາແດງໃນໄລຍະທີ່ຜ່ານມາ.

(ຂ່າວ - ພາບ: ທອງແກ້ວ ພອນມະລີ)