ພິທີມອບ-ຮັບອຸປະກອນການກ່ຽວ ແລະ ປັ່ນເຂົ້າໃຫ້ກັບກຸ່ມຊາວນາເມືອງໂຂງ ແຂວງຈໍາປາສັກ ໄດ້ຈັດຂຶ້ນໃນວັນທີ 6 ຕຸລາ ຜ່ານມາ ທີ່ໂຮງສີເຂົ້າທ່າໂພ ບ້ານທ່າໂພ ເມືອງໂຂງ ແຂວງຈຳປາສັກ ໂດຍໃຫ້ກຽດເຂົ້າຮ່ວມຂອງທ່ານນາງ ຄໍາພູ ລິດທິສັກ ເຈົ້າເມືອງໆໂຂງ, ທ່ານ ສົມລິດ ວິລະວົງ ຫົວໜ້າພະແນກກະສິກໍາ ແລະ ປ່າໄມ້ແຂວງຈໍາປາສັກ, ທ່ານ ມາລີໂອ໊ດ ຫົວໜ້າການເງິນ ຕາງໜ້າບໍລິສັດ ອິນດູຈີນຮ່ວມມືພັດທະນາລາວ ຈໍາກັດຜູ້ດຽວ (IDP), ມີຫົວໜ້າຫ້ອງການກະສິກຳ ແລະ ປ່າໄມ້ເມືອງ, ພະນັກງານພາຍໃນບໍລິສັດ IDP ແລະ ກຸ່ມຊາວນາເຂົ້າຮ່ວມ.
ໃນພິທີ ວິຊາການໃນບໍລິສັດ IDP ກໍໄດ້ແນະນຳກ່ຽວກັບກົດລະບຽບໃນການນຳໃຊ້ອຸປະກອນກ່ຽວເຂົ້າ ແລະ ເຄື່ອງປັ່ນເຂົ້າໃຫ້ກັບກຸ່ມຊາວນາ; ແນະນຳໃຫ້ຄວາມຮູ້ກ່ຽວກັບການຈັດເກັບມ້ຽນມັດເຂົ້າພາຍຫຼັງການເກັບກ່ຽວເຂົ້າຢ່າງຖືກວິທີເປັນຕົ້ນ: ການເກັບກ່ຽວເຂົ້າທີ່ດີ, ການຈັດການຫຼັງການເກັບກ່ຽວ, ການຄວບຄຸມຄວາມຊຸ່ມຊື້ນໃນເຂົ້າເປືອກ, ການເກັບຮັກສາເຂົ້າເປືອກຢ່າງຖືກວິທີ ແລະ ຄວາມສ່ຽງທີ່ອາດຈະເກີດຂຶ້ນຈາກການເກັບຮັກສາເຂົ້າເປືອກ. ຈາກນັ້ນ ທ່ານເຈົ້າເມືອງໆໂຂງ ກໍໄດ້ໂອ້ລົມຕໍ່ກັບກຸ່ມຊາວນາທີ່ມາຮັບເຄື່ອງຈັກດັ່ງກ່າວຄັ້ງນີ້ວ່າ: ເຄື່ອງຈັກໃນການເກັບກ່ຽວເຂົ້າ ແລະ ຈັກປັ່ນເຂົ້າທີ່ມາຮັບໃນຄັ້ງນີ້ ຂໍໃຫ້ກຸ່ມຊາວນາພວກເຮົາຈົ່ງໄດ້ພ້ອມກັນປົກປັກຮັກສາ ແລະ ນຳໃຊ້ໃຫ້ເກີດປະໂຫຍດສູງສຸດ ໂດຍສະເພາະກຸ່ມຊາວນາດ້ວຍກັນຕ້ອງໄດ້ມີລະບຽບໃນການນຳໃຊ້ ແລະ ມີນະໂຍບາຍຕໍ່ກັນ ຫາກອັນໃດທີ່ເຫັນວ່າພາຍໃນກຸ່ມຍັງເຮັດ ຫຼື ປະຕິບັດຕໍ່ລະບຽບພາຍໃນກຸ່ມບໍ່ໄດ້ດີເທົ່າທີ່ຄວນ ກໍຂໍໃຫ້ມີການແກ້ໄຂປັບປຸງໂດຍໄວ ສະເພາະເຂົ້າທີ່ຈະສົ່ງຂາຍໃຫ້ກັບບໍລິສັດ ກໍຂໍໃຫ້ມີຄຸນນະພາບຕາມທີ່ທາງບໍລິສັດໄດ້ກຳນົດໄວ້; ຍ້ອນເຫັນໄດ້ຄວາມຈຳເປັນ ແລະ ຄວາມຫຍຸ້ງຍາກຄືແນວນັ້ນ ບໍ່ວ່າຈະເປັນການເກັບກ່ຽວມ້ຽນມັດເຂົ້າຂອງກຸ່ມຊາວນາຊັກຊ້າ ແລະ ແກ່ຍາວນັ້ນ ຈຶ່ງເຮັດໃຫ້ສະມັດຕະພາບເຂົ້າຫຼຸດລົງ ສາເຫດຍ້ອນຂາດແຮງງານ, ປະເຂົ້າໃນໄຮ່ນາດົນເກີນໄປ ແລະ ກອງເຂົ້າໄວ້ເພື່ອລໍຖ້າຟາດ ຫຼື ປັ່ນເຂົ້າກໍດົນເກີນໄປ ທາງບໍລິສັດຈຶ່ງໄດ້ຕັດສິນໃຈມອບອຸປະກອນການກ່ຽວເຂົ້າ ແລະ ຈັກປັ່ນເຂົ້າຄັ້ງນີ້ໃຫ້ກັບກຸ່ມຊາວນາ.
ບໍລິສັດ ອິນດູຈີນຮ່ວມມືພັດທະນາລາວ ຈໍາກັດຜູ້ດຽວ (IDP) ໄດ້ນໍາເອົາອຸປະກອນການກະເສດມາມອບໃຫ້ກັບກຸ່ມຊາວນາຄັ້ງນີ້ປະກອບມີ: ຈັກກ່ຽວເຂົ້າ 8 ເຄື່ອງ, ຈັກປັ່ນເຂົ້າ 4 ເຄື່ອງ, ລວມມູນຄ່າທັງໝົດ 30.000 ໂດລາ ແລະ ກຸ່ມຊາວນາທີ່ໄດ້ຮັບອຸປະກອນຄັ້ງນີ້ປະກອບມີ: ກຸ່ມຊາວນາ ບ້ານນາ, ກຸ່ມຊາວນາ ບ້ານແສນຫາດນ້ອຍ, ກຸ່ມຊາວນາ ບ້ານເມືອງແສນ ແລະ ກຸ່ມຊາວນາບ້ານຫາງດອນສັນ.
(ຂ່າວ-ພາບ: ພຸດທະສິນ ວົງວິໄລທອງ ສະຖານີວິທະຍຸ-ໂທລະພາບເມືອງໂຂງ)
ໃນພິທີ ວິຊາການໃນບໍລິສັດ IDP ກໍໄດ້ແນະນຳກ່ຽວກັບກົດລະບຽບໃນການນຳໃຊ້ອຸປະກອນກ່ຽວເຂົ້າ ແລະ ເຄື່ອງປັ່ນເຂົ້າໃຫ້ກັບກຸ່ມຊາວນາ; ແນະນຳໃຫ້ຄວາມຮູ້ກ່ຽວກັບການຈັດເກັບມ້ຽນມັດເຂົ້າພາຍຫຼັງການເກັບກ່ຽວເຂົ້າຢ່າງຖືກວິທີເປັນຕົ້ນ: ການເກັບກ່ຽວເຂົ້າທີ່ດີ, ການຈັດການຫຼັງການເກັບກ່ຽວ, ການຄວບຄຸມຄວາມຊຸ່ມຊື້ນໃນເຂົ້າເປືອກ, ການເກັບຮັກສາເຂົ້າເປືອກຢ່າງຖືກວິທີ ແລະ ຄວາມສ່ຽງທີ່ອາດຈະເກີດຂຶ້ນຈາກການເກັບຮັກສາເຂົ້າເປືອກ. ຈາກນັ້ນ ທ່ານເຈົ້າເມືອງໆໂຂງ ກໍໄດ້ໂອ້ລົມຕໍ່ກັບກຸ່ມຊາວນາທີ່ມາຮັບເຄື່ອງຈັກດັ່ງກ່າວຄັ້ງນີ້ວ່າ: ເຄື່ອງຈັກໃນການເກັບກ່ຽວເຂົ້າ ແລະ ຈັກປັ່ນເຂົ້າທີ່ມາຮັບໃນຄັ້ງນີ້ ຂໍໃຫ້ກຸ່ມຊາວນາພວກເຮົາຈົ່ງໄດ້ພ້ອມກັນປົກປັກຮັກສາ ແລະ ນຳໃຊ້ໃຫ້ເກີດປະໂຫຍດສູງສຸດ ໂດຍສະເພາະກຸ່ມຊາວນາດ້ວຍກັນຕ້ອງໄດ້ມີລະບຽບໃນການນຳໃຊ້ ແລະ ມີນະໂຍບາຍຕໍ່ກັນ ຫາກອັນໃດທີ່ເຫັນວ່າພາຍໃນກຸ່ມຍັງເຮັດ ຫຼື ປະຕິບັດຕໍ່ລະບຽບພາຍໃນກຸ່ມບໍ່ໄດ້ດີເທົ່າທີ່ຄວນ ກໍຂໍໃຫ້ມີການແກ້ໄຂປັບປຸງໂດຍໄວ ສະເພາະເຂົ້າທີ່ຈະສົ່ງຂາຍໃຫ້ກັບບໍລິສັດ ກໍຂໍໃຫ້ມີຄຸນນະພາບຕາມທີ່ທາງບໍລິສັດໄດ້ກຳນົດໄວ້; ຍ້ອນເຫັນໄດ້ຄວາມຈຳເປັນ ແລະ ຄວາມຫຍຸ້ງຍາກຄືແນວນັ້ນ ບໍ່ວ່າຈະເປັນການເກັບກ່ຽວມ້ຽນມັດເຂົ້າຂອງກຸ່ມຊາວນາຊັກຊ້າ ແລະ ແກ່ຍາວນັ້ນ ຈຶ່ງເຮັດໃຫ້ສະມັດຕະພາບເຂົ້າຫຼຸດລົງ ສາເຫດຍ້ອນຂາດແຮງງານ, ປະເຂົ້າໃນໄຮ່ນາດົນເກີນໄປ ແລະ ກອງເຂົ້າໄວ້ເພື່ອລໍຖ້າຟາດ ຫຼື ປັ່ນເຂົ້າກໍດົນເກີນໄປ ທາງບໍລິສັດຈຶ່ງໄດ້ຕັດສິນໃຈມອບອຸປະກອນການກ່ຽວເຂົ້າ ແລະ ຈັກປັ່ນເຂົ້າຄັ້ງນີ້ໃຫ້ກັບກຸ່ມຊາວນາ.
ບໍລິສັດ ອິນດູຈີນຮ່ວມມືພັດທະນາລາວ ຈໍາກັດຜູ້ດຽວ (IDP) ໄດ້ນໍາເອົາອຸປະກອນການກະເສດມາມອບໃຫ້ກັບກຸ່ມຊາວນາຄັ້ງນີ້ປະກອບມີ: ຈັກກ່ຽວເຂົ້າ 8 ເຄື່ອງ, ຈັກປັ່ນເຂົ້າ 4 ເຄື່ອງ, ລວມມູນຄ່າທັງໝົດ 30.000 ໂດລາ ແລະ ກຸ່ມຊາວນາທີ່ໄດ້ຮັບອຸປະກອນຄັ້ງນີ້ປະກອບມີ: ກຸ່ມຊາວນາ ບ້ານນາ, ກຸ່ມຊາວນາ ບ້ານແສນຫາດນ້ອຍ, ກຸ່ມຊາວນາ ບ້ານເມືອງແສນ ແລະ ກຸ່ມຊາວນາບ້ານຫາງດອນສັນ.
(ຂ່າວ-ພາບ: ພຸດທະສິນ ວົງວິໄລທອງ ສະຖານີວິທະຍຸ-ໂທລະພາບເມືອງໂຂງ)
