ພິທີເຊັນສັນຍາ ລະຫວ່າງ ກອງບັນຊາການທະຫານແຂວງບໍ່ແກ້ວ ກັບ ຕົວແທນບັນດາໂຮງສີ ໄດ້ຈັດຂຶ້ນໃນວັນທີ 15 ມັງກອນຜ່ານມາ ທີ່ຫ້ອງປະຊຸມ ຫ້ອງພະລາທິການ ໂດຍການເຂົ້າຮ່ວມຂອງ ສະຫາຍ ຄຳຝຸງ ໄຍປະສິດ ຄະນະບໍລິຫານງານພັກກອງບັນຊາການ ເລຂາຄະນະພັກຮາກຖານ ຫົວໜ້າຫ້ອງພະລາທິການກອງບັນຊາການທະຫານແຂວງບໍ່ແກ້ວ ມີບັນດາຄະນະພັກ-ຄະນະບັນຊາ, ເເຂກຖຶກເຊີນເຂົ້າຮ່ວມ.

ສະຫາຍ ພັນໂທ ເຄນ ກົມແພງມີ ຫົວໜ້າພະແນກອຸປະໂພກ ໄດ້ໃຫ້ຮູ້ວ່າ: ຈຸດປະສົງຂອງການຮ່ວມມືເຊັນສັນຍາຄັ້ງນີ້, ກອງບັນຊາການທະຫານແຂວງບໍ່ແກ້ວຈະເປັນຜູ້ຮັບຊື້ເຂົ້າສານໜຽວ ນໍາຕົວແທນແຕ່ລະໂຮງສີ ເພື່ອແຈກຍ້າຍໃຫ້ພະນັກງານ-ນັກຮົບ ຢູ່ບັນດາອົງການ, ກົມກອງ ກໍຄືກອງບັນຊາການທະຫານແຂວງບໍ່ແກ້ວ ໃນແຕ່ລະເດືອນ, ແຕ່ລະງວດຂອງປີ, ເຂົ້າສານຕ້ອງມີຄຸນນະພາບດີ ເຂົ້າໃໝ່ ແລະ ສີຈາກໂຮງສີຂະໜາດກາງຂຶ້ນໄປ ຂາວງາມ, ບໍ່ໜຸ່ນ, ບໍ່ມີມອດ-ແມງ, ບໍ່ແຂງ, ບໍໍ່ມີຫົວກາກ-ແກບປົນຢູ່. ຫຼັງຈາກນັ້ນ, ທັງສອງຝ່າຍກໍໄດ້ມີການເຊັນບົດບັນທຶກການຊື້-ຂາຍ ລະຫວ່າງ ກອງບັນຊາການທະຫານແຂວງບໍ່ແກ້ວ ແລະ ຕົວແທນແຕ່ລະໂຮງສີ.

(ຂ່າວ: ນາງ ນີ່ ທຳມະວົງ)