ໃນວັນທີ 22 ມັງກອນຜ່ານມານີ້ ຢູ່ທີ່ເດີ່ນກິລາ ລີສອດໂອເຄ ບ້ານປ່າຫວ້ານ ເມືອງຊຽງຮ່ອນ ແຂວງໄຊຍະບູລີ ໄດ້ຈັດງານແຂ່ງຂັນກິລາບານເຕະອາວຸດໂສມິດຕະພາບ ຊິງຂັນທ່ານປະທານສະພາປະຊາຊົນແຂວງໄຊຍະບູລີ ໂດຍເປັນກຽດເຂົ້າຮ່ວມຂອງທ່ານ ເພັງນິລັນ ຄຳພັນເພັງ ປະທານສະພາປະຊາຊົນແຂວງ, ມີທ່ານ ແສງອາທິດ ລາວເບຼຍຢາທໍ່ ວ່າການເຈົ້າເມືອງຊຽງຮ່ອນ, ມີການນຳ 4 ເມືອງເໜືອ ພ້ອມດ້ວຍນັກກິລາເຂົ້າຮ່ວມ.
      ໃນພິທີ, ທ່ານ ແສງອາທິດ ລາວເບຼຍຢາທໍ່ ໄດ້ກ່າວວ່າ: ການຈັດກິດຈະກຳແຂ່ງກິລາຄັ້ງນີ້, ແມ່ນມີຄວາມໝາຍຄວາມສຳຄັນ, ເປັນການຊຸກຍູ້ສົ່ງເສີມການພັດທະນາວຽກງານກິລາ-ກາຍະກຳ ທັງເປັນການຮັດແໜ້ນຄວາມສາມັກຄີລະຫວ່າງເມືອງຕໍ່ເມືອງ ແລະ ຍັງສ້າງຂະບວນຄຳນັບຮັບຕ້ອນວັນສຳຄັນຂອງພັກ- ຂອງຊາດ, ອີກດ້ານໜຶ່ງ ກໍເພື່ອເປັນການຄໍານັບຮັບຕ້ອນກອງປະຊຸມໃຫຍ່ຜູ້ແທນອົງຄະນະພັກເມືອງຊຽງຮ່ອນຄັ້ງທີ VIII ທີ່ຈະໄດ້ໄອ້ຂຶ້ນໃນຕໍ່ໜ້ານີ້. ຊຶ່ງມີຜົນການແຂ່ງຂັນດັ່ງງນີ້: ທີ 1 ໄດ້ແກ່ທີມບານເຕະເມືອງຄອບ, ທີ 2 ໄດ້ແກ່ທີມບານເຕະເມືອງເງິນ ແລະ ທີ 3 ໄດ້ແກ່ທີມບານເຕະເມືອງຊຽງຮ່ອນ ແລະ ເມືອງຫົງສາ. 
        (ແຫຼ່ງຂ່າວ: ຖວທ ເມືອງຊຽງຮ່ອນ)