ຂ່າວຕ່າງປະເທດລາຍງານໃນວັນທີ 24 ມີນາ ຜ່ານມາ; ກະຊວງການເງິນ ຂອງຟີລິບປິນລາຍງານວ່າ: ປັດຈຸບັນ, ຟີລິບໄດ້ຍົກເວັ້ນອາກອນມູນຄ່າເພີ່ມ (VAT) ສຳລັບນັກທ່ອງທ່ຽວຕ່າງປະເທດ. ຫຼັງຈາກທີ່ໄດ້ມີການລົງນາມກົດລະບຽບ ແລະ ຂໍ້ບັງຄັບຄືນVATໃຫ້ແກ່ນັກທ່ອງທ່ຽວທີ່ບໍ່ມີທີ່ຢູ່ອາໄສໃນປະເທດເພື່ອກະຕຸ້ນການທ່ອງທ່ຽວແລະ ນັກທ່ອງທ່ຽວຕ່າງປະເທດໃຊ້ຈ່າຍເງິນໃນຟີລິບປິນເພີ່ມຫຼາຍຂຶ້ນ.
ກະຊວງດັ່ງກ່າວລະບຸວ່າ: ນັກທ່ອງທ່ຽວທີ່ບໍ່ມີທີ່ຢູ່ອາໄສໃນປະເທດ ຫຼືຜູ້ຖືໜັງສືຜ່ານແດນຕ່າງປະເທດສາມາດຂໍVAT ສໍາລັບສິນຄ້າທີ່ຊື້ພາຍໃນປະເທດຈາກຮ້ານຄ້າທີ່ໄດ້ຮັບການຢັ້ງຢືນ ຊຶ່ງມູນຄ່າທັງໝົດຕ້ອງຕໍ່າກວ່າ 3,000 ເປໂຊ, ໂດຍສໍາລັບສິນຄ້າທີ່ຕ້ອງຂໍຄືນVATຕ້ອງນຳອອກຈາກຟີລິບປິນພ້ອມກັບນັກທ່ອງທ່ຽວພາຍໃນ 60 ວັນນັບຈາກມື້ຊື້.
ການຄືນVAT ສຳລັບນັກທ່ອງທ່ຽວຕ່າງປະເທດແມ່ນນຳໃຊ້ໄດ້ກັບສິນຄ້າຂາຍຍ່ອຍ ແລະ ສິນຄ້າທີ່ຈັບຕ້ອງໄດ້ເທົ່ານັ້ນເຊັ່ນ: ເຄື່ອງນຸ່ງ ແລະ ເຄື່ອງແຕ່ງກາຍ, ອຸປະກອນເອເລັກໂຕຣນິກ, ອຸປະກອນເສີມຂະໜາດນ້ອຍ, ເຄື່ອງປະດັບ, ຂອງທີ່ລະນຶກ, ອາຫານຫຼືເຄື່ອງອຸປະໂພກທີ່ບໍ່ແມ່ນອາຫານແລະຜະລິດຕະພັນອື່ນໆທີ່ມີຈຸດປະສົງສໍາລັບການນໍາໃຊ້ສ່ວນບຸກຄົນ.
