ໂດຍປະຕິບັດຕາມທິດຊີ້ນຳຂອງຄະນະພັກຂັ້ນເທິງ ໃນການປັບປຸງລະບົບການຈັດຕັ້ງໃນຂັ້ນຮາກຖານໃຫ້ມີຄວາມໜັກແໜ້ນ ເຂັ້ມແຂງ, ສ້າງການຫັນປ່ຽນຢ່າງແຂງແຮງຮອບດ້ານ ເປົ້າໝາຍແມ່ນເພື່ອແກ້ໄຂສະພາບການດຳລົງຊີວິດຂອງພໍ່ແມ່ປະຊາຊົນໃນເຂດຊົນນະບົດຫ່າງໄກສອກຫຼີກໃຫ້ດີຂຶ້ນຢ່າງເປັນກ້າວໆ. ດັ່ງນັ້ນ, ໃນວັນທີ 9 ພະຈິກ ຜ່ານມາທ່ານ ບຸນໂຈມ ອຸບົນປະເສີດ ເລຂາພັກແຂວງ ເຈົ້າແຂວງສະຫວັນນະເຂດ ພ້ອມຄະນະບັນຊາ ປກຊ-ປກສ ແຂວງ ແລະຫົວໜ້າພະແນກການກົມກອງກ່ຽວຂ້ອງຈຳນວນໜຶ່ງຂອງແຂວງ ໄດ້ລົງເຄື່ອນໄຫວຊີ້ນຳ ແລະພົບປະໂອ້ລົມຄະນະພັກເມືອງເມືອງເຊໂປນ ກ່ຽວກັບການປັບປຸງກົງຈັກການຈັດຕັ້ງຄະນະພັກຮາກຖານຈຸດສຸມຈຽງຕູບ ແລະບ້ານແດນສະຫວັນ.
ທ່ານ ພົງຄຳຮັກ ບຸດທະວົງ ເລຂາພັກເມືອງ ເຈົ້າເມືອງເຊໂປນ ໄດ້ກ່າວລາຍງານ ໂດຍສັງເຂບວ່າ: ເມືອງເຊໂປນ ປະກອບມີ 88 ບ້ານ, ມີ 7 ຈຸດສຸມ ໃນນັ້ນ ມີ 4 ຈຸດສຸມຂຶ້ນກັບແຂວງ ແລະ3 ຈຸດສຸມທີ່ຂຶ້ນກັບເມືອງ, ມີ 4 ກຸ່ມບ້ານ, 14 ບ້ານໃຫຍ່, ມີ 12.877 ຄອບຄົວ, ມີປະຊາກອນ 66.995 ຄົນ, ໃນນີ້ ສຳລັບຈຸດສຸມຈຽງຕູບ ປະກອບມີ 6 ບ້ານ, ມີປະຊາກອນ 2.280 ຄົນ, ມີ 446 ຫຼັງຄາ, 448 ຄອບຄົວ, ເຜົ່າຕຣີ ກວມເອົາ 100%, ມີໜ່ວຍພັກຂຶ້ນກັບ 6 ໜ່ວຍ, ມີສະມາຊິກພັກທັງໝົດ 48 ສະຫາຍ, ຄະນະພັກຮາກຖານ 4 ສະຫາຍ, ຄະນະໜ່ວຍພັກ 13 ສະຫາຍ ແລະໜ່ວຍພັກນຳພາບ້ານດ່ຽວມີ 6 ໜ່ວຍພັກ; ສ່ວນບ້ານແດນສະຫວັນ, ມີພົນລະເມືອງ 2.011 ຄົນ, ມີ 339 ຫຼັງຄາ, ມີ 450 ຄອບຄົວ, ເຜົ່າຕຣີ ກວມ100%, ມີໜ່ວຍພັກຂຶ້ນກັບ 1 ໜ່ວຍ, ມີສະມາຊິກພັກ 40 ສະຫາຍ, ຄະນະໜ່ວຍພັກ 3 ສະຫາຍ ແລະໜ່ວຍພັກນຳພາບ້ານດ່ຽວ 1 ໜ່ວຍພັກ ແລະຍັງໄດ້ລາຍງານໃຫ້ຮູ້ເຖິງຄວາມຄືບໜ້າຂອງການປັບປຸງກົງຈັກການຈັດຕັ້ງພັກ-ລັດຂັ້ນເມືອງ ກໍຄືການກະກຽມຈັດບ້ານ ມາເປັນກຸ່ມບ້ານຊຶ່ງທ່ານເຈົ້າເມືອງ ກ່າວວ່າ: ຄາດວ່າ ອີກ 2 ອາທິດ ຈະສຳເລັດການອອກຂ້ໍຕົກລົງແຕ່ງຕັ້ງຄະນະພັກຮາກຖານກຸ່ມບ້ານຈຽງຕູບ ແລະບ້ານແດນສະຫວັນ.
ໂອກາດດັ່ງກ່າວນີ້, ທ່ານ ບຸນໂຈມ ອຸບົນປະເສິດ ໄດ້ໃຫ້ກຽດກ່າວໂອ້ລົມ ແລະໃຫ້ທິດຊີ້ນຳບາງບັນຫາສຳຄັນຕໍ່ຄະນະບໍລິຫານງານພັກເມືອງເຊໂປນ ໂດຍທ່ານເຈົ້າແຂວງໄດ້ເນັ້ນໃຫ້ຂຸ້ນຂ້ຽວສ້າງຕັ້ງຄະນະພັກຮາກຖານກຸ່ມບ້ານຈຽງຕູບ ຊຶ່ງເປັນກຸ່ມບ້ານແບບໃໝ່ ທີ່ມີທີ່ຕັ້ງ, ພາລະບົດບາດ, ສິດໜ້າທີ່ ແລະຂອບເຂດຄວາມຮັບຜິດຊອບໃໝ່ຕ່າງຈາກຈຸດສຸມ ທັງນີ້ກໍເພື່ອກະກຽມສູ່ການສ້າງຕັ້ງເປັນຕາແສງຈຽງຕູບໃນປີ 2026, ສຳລັບຜູ້ທີ່ຈະເປັນເລຂາຄະນະພັກຮາກຖານຢູ່ນີ້ ແມ່ນເປັນເປົ້າໝາຍຜູ້ທີ່ຈະສະໝັກຄະນະບໍລິຫານງານພັກເມືອງຊຸດໃໝ່ ຫຼືເປັນຄະນະພັກເມືອງ ແຕ່ຕ້ອງໄດ້ປະວຽກທັງໝົດ ບໍ່ໃຫ້ຄວບຕຳແໜ່ງ ເພື່ອໄປຮັບໜ້າທີ່ຢູ່ກຸ່ມບ້ານ ເພື່ອຊີ້ນຳ-ນຳພາແກ້ໄຂວຽກງານຢ່າງຈິງຈັງ, ສ່ວນຮອງເລຂາຄະນະພັກຮາກຖານ ທັງເປັນຫົວໜ້າ ປກສ ກຸ່ມ ໂດຍຄັດເລືອກເອົາຈາກກຳລັງ ປກສ ຜູ້ທີ່ມີເປົ້າໝາຍຈະສ້າງ, ສ່ວນຄະນະພັກຮາກຖານ ທີ່ຈະປະກອບເຂົ້າແມ່ນຄັດເລືອກຈາກທະຫານເມືອງ ຫຼື ທະຫານຊາຍແດນ, ຈາກກະສິກຳ, ສຶກສາ ຕາມລຳດັບ. ດັ່ງນັ້ນ, ສິ່ງທີ່ຄະນະປະຈຳພັກເມືອງຕ້ອງຮີບຮ້ອນ 1. ແມ່ນການຮັບຮອງການສ້າງຕັ້ງຄະນະພັກຮາກຖານກຸ່ມບ້ານຈຽງຕູບ ແລະ2. ແມ່ນການປະກາດບົ່ງຕົວແຕ່ງຕັ້ງສະຫາຍຄະນະພັກຮາກຖານທີ່ຈະລົງໄປປະຈຳຢູ່ນັ້ນ ພາຍຫຼັງສຳເລັດ, ຄະນະຊີ້ນຳຂັ້ນແຂວງ-ຂັ້ນເມືອງ ຈຶ່ງຈະລົງໄປນຳພາປະຕິບັດ ວ່າຄວນເລີ່ມຈາກຫຍັງ ຊຶ່ງໃນໄລຍະ 2 ປີຂ້າງໜ້ານີ້ ພາຍໃນກຸ່ມບ້ານຈຽງຕູບ ຕ້ອງໄດ້ມີການຫັນປ່ຽນຢ່າງແຂງແຮງຮອບດ້ານ ເພື່ອກຽມສູ່ການສ້າງຕັ້ງເປັນຕາແສງໃນປີ 2026. ອີກບັນຫາໜຶ່ງ ກໍຄືການສ້າງຕັ້ງບ້ານແດນສະຫວັນເປັນບ້ານໃຫຍ່ ແລະສ້າງຕັ້ງເປັນຄະນະພັກຮາກຖານ ທັງນີ້ກໍເພື່ອນຳພາແກ້ໄຂບັນຫາ ແລະອັດຊ່ອງຫວ່າງຂອງປະກົດການຫຍໍ້ທໍ້ຕ່າງໆທີ່ເກີດຂຶ້ນພາຍໃນເຂດບ້ານດັ່ງກ່າວ ເພື່ອໃຫ້ມີການພັດທະນາ ແລະກາຍເປັນຕົວເມືອງນ້ອຍ, ສຳລັບຜູ້ທີ່ຈະໄປເປັນເລຂາຄະນະພັກ ແມ່ນໃຫ້ເລືອກເອົາຄະນະພັກເມືອງ, ຮອງເລຂາ ແມ່ນ ປກສ ຫຼື ປກຊ, ສ່ວນໃນຄະນະແມ່ນຈາກກະສິກຳ(ປູກຝັງ-ລ້ຽງສັດ), ສຶກສາ ແລະເຂດອື່ນທີ່ມີຄວາມເໝາະສົມ.
ຈາກນັ້ນ, ທ່ານ ບຸນໂຈມ ອຸບົນປະເສີດ ພ້ອມຄະນະ ຍັງໄດ້ລົງຕິດຕາມຊຸກຍູ້ການພັດທະນາບໍລິເວນດ່ານສາກົນແດນສະຫວັນ ພ້ອມທັງພົບປະໂອ້ລົມຄະນະຄຸ້ມຄອງດ່ານ ຊຶ່ງທ່ານເຈົ້າແຂວງ ໄດ້ຊີ້ນຳໃຫ້ດ່ານໃຫ້ເກັບລາຍຮັບແບບລວມສູນ ເພື່ອໃຫ້ມີທຶນຮອນໄປພັດທະນາ ຈາກນີ້ກໍໃຫ້ເລັ່ງແກ້ໄຂບັນຫາປະກົດການຫຍໍ້ທໍ້ຕ່າງໆໃນຂອບເຂດດ່ານສາກົນແດນສະຫວັນ ໂດຍສະເພາະບັນຫາຄົນລັກເຂົ້າເມືອງ, ການຂົນສົ່ງສິນຄ້າ ຕາມເສັ້ນທາງທໍາມະຊາດ ເຂດຊາຍແດນລາວ-ຫວຽດນາມ ຊຶ່ງໃກ້ກັບດ່ານພວກເຮົາ ທີ່ເປັນຊ່ອງຫວ່າງຫຼາຍ ແລະຍັງມີບັນຫາອື່ນໆອີກ. ສະນັ້ນ, ທຸກພາກສ່ວນທີ່ກ່ຽວຂ້ອງ ຕ້ອງໄດ້ປຶກສາຫາລືຮ່ວມກັນ ເພື່ອຊອກທິດທາງແກ້ໄຂ ແລະຄຸ້ມຄອງໃຫ້ໄດ້.ທ່ານເຈົ້າແຂວງ ກໍເດີນທາງໄປຢ້ຽມຢາມເບິ່ງສະພາບການເກັບຊື້ມັນຕົ້ນ ແລະການຜະລິດແປ້ງມັນຕົ້ນຢູ່ໂຮງງານແປ້ງມັນຕົ້ນເຊໂປນຕື່ມອີກ.
ຂ່າວ-ພາບ: ສະຫວັນນະເຂດ
ທ່ານ ພົງຄຳຮັກ ບຸດທະວົງ ເລຂາພັກເມືອງ ເຈົ້າເມືອງເຊໂປນ ໄດ້ກ່າວລາຍງານ ໂດຍສັງເຂບວ່າ: ເມືອງເຊໂປນ ປະກອບມີ 88 ບ້ານ, ມີ 7 ຈຸດສຸມ ໃນນັ້ນ ມີ 4 ຈຸດສຸມຂຶ້ນກັບແຂວງ ແລະ3 ຈຸດສຸມທີ່ຂຶ້ນກັບເມືອງ, ມີ 4 ກຸ່ມບ້ານ, 14 ບ້ານໃຫຍ່, ມີ 12.877 ຄອບຄົວ, ມີປະຊາກອນ 66.995 ຄົນ, ໃນນີ້ ສຳລັບຈຸດສຸມຈຽງຕູບ ປະກອບມີ 6 ບ້ານ, ມີປະຊາກອນ 2.280 ຄົນ, ມີ 446 ຫຼັງຄາ, 448 ຄອບຄົວ, ເຜົ່າຕຣີ ກວມເອົາ 100%, ມີໜ່ວຍພັກຂຶ້ນກັບ 6 ໜ່ວຍ, ມີສະມາຊິກພັກທັງໝົດ 48 ສະຫາຍ, ຄະນະພັກຮາກຖານ 4 ສະຫາຍ, ຄະນະໜ່ວຍພັກ 13 ສະຫາຍ ແລະໜ່ວຍພັກນຳພາບ້ານດ່ຽວມີ 6 ໜ່ວຍພັກ; ສ່ວນບ້ານແດນສະຫວັນ, ມີພົນລະເມືອງ 2.011 ຄົນ, ມີ 339 ຫຼັງຄາ, ມີ 450 ຄອບຄົວ, ເຜົ່າຕຣີ ກວມ100%, ມີໜ່ວຍພັກຂຶ້ນກັບ 1 ໜ່ວຍ, ມີສະມາຊິກພັກ 40 ສະຫາຍ, ຄະນະໜ່ວຍພັກ 3 ສະຫາຍ ແລະໜ່ວຍພັກນຳພາບ້ານດ່ຽວ 1 ໜ່ວຍພັກ ແລະຍັງໄດ້ລາຍງານໃຫ້ຮູ້ເຖິງຄວາມຄືບໜ້າຂອງການປັບປຸງກົງຈັກການຈັດຕັ້ງພັກ-ລັດຂັ້ນເມືອງ ກໍຄືການກະກຽມຈັດບ້ານ ມາເປັນກຸ່ມບ້ານຊຶ່ງທ່ານເຈົ້າເມືອງ ກ່າວວ່າ: ຄາດວ່າ ອີກ 2 ອາທິດ ຈະສຳເລັດການອອກຂ້ໍຕົກລົງແຕ່ງຕັ້ງຄະນະພັກຮາກຖານກຸ່ມບ້ານຈຽງຕູບ ແລະບ້ານແດນສະຫວັນ.
ໂອກາດດັ່ງກ່າວນີ້, ທ່ານ ບຸນໂຈມ ອຸບົນປະເສິດ ໄດ້ໃຫ້ກຽດກ່າວໂອ້ລົມ ແລະໃຫ້ທິດຊີ້ນຳບາງບັນຫາສຳຄັນຕໍ່ຄະນະບໍລິຫານງານພັກເມືອງເຊໂປນ ໂດຍທ່ານເຈົ້າແຂວງໄດ້ເນັ້ນໃຫ້ຂຸ້ນຂ້ຽວສ້າງຕັ້ງຄະນະພັກຮາກຖານກຸ່ມບ້ານຈຽງຕູບ ຊຶ່ງເປັນກຸ່ມບ້ານແບບໃໝ່ ທີ່ມີທີ່ຕັ້ງ, ພາລະບົດບາດ, ສິດໜ້າທີ່ ແລະຂອບເຂດຄວາມຮັບຜິດຊອບໃໝ່ຕ່າງຈາກຈຸດສຸມ ທັງນີ້ກໍເພື່ອກະກຽມສູ່ການສ້າງຕັ້ງເປັນຕາແສງຈຽງຕູບໃນປີ 2026, ສຳລັບຜູ້ທີ່ຈະເປັນເລຂາຄະນະພັກຮາກຖານຢູ່ນີ້ ແມ່ນເປັນເປົ້າໝາຍຜູ້ທີ່ຈະສະໝັກຄະນະບໍລິຫານງານພັກເມືອງຊຸດໃໝ່ ຫຼືເປັນຄະນະພັກເມືອງ ແຕ່ຕ້ອງໄດ້ປະວຽກທັງໝົດ ບໍ່ໃຫ້ຄວບຕຳແໜ່ງ ເພື່ອໄປຮັບໜ້າທີ່ຢູ່ກຸ່ມບ້ານ ເພື່ອຊີ້ນຳ-ນຳພາແກ້ໄຂວຽກງານຢ່າງຈິງຈັງ, ສ່ວນຮອງເລຂາຄະນະພັກຮາກຖານ ທັງເປັນຫົວໜ້າ ປກສ ກຸ່ມ ໂດຍຄັດເລືອກເອົາຈາກກຳລັງ ປກສ ຜູ້ທີ່ມີເປົ້າໝາຍຈະສ້າງ, ສ່ວນຄະນະພັກຮາກຖານ ທີ່ຈະປະກອບເຂົ້າແມ່ນຄັດເລືອກຈາກທະຫານເມືອງ ຫຼື ທະຫານຊາຍແດນ, ຈາກກະສິກຳ, ສຶກສາ ຕາມລຳດັບ. ດັ່ງນັ້ນ, ສິ່ງທີ່ຄະນະປະຈຳພັກເມືອງຕ້ອງຮີບຮ້ອນ 1. ແມ່ນການຮັບຮອງການສ້າງຕັ້ງຄະນະພັກຮາກຖານກຸ່ມບ້ານຈຽງຕູບ ແລະ2. ແມ່ນການປະກາດບົ່ງຕົວແຕ່ງຕັ້ງສະຫາຍຄະນະພັກຮາກຖານທີ່ຈະລົງໄປປະຈຳຢູ່ນັ້ນ ພາຍຫຼັງສຳເລັດ, ຄະນະຊີ້ນຳຂັ້ນແຂວງ-ຂັ້ນເມືອງ ຈຶ່ງຈະລົງໄປນຳພາປະຕິບັດ ວ່າຄວນເລີ່ມຈາກຫຍັງ ຊຶ່ງໃນໄລຍະ 2 ປີຂ້າງໜ້ານີ້ ພາຍໃນກຸ່ມບ້ານຈຽງຕູບ ຕ້ອງໄດ້ມີການຫັນປ່ຽນຢ່າງແຂງແຮງຮອບດ້ານ ເພື່ອກຽມສູ່ການສ້າງຕັ້ງເປັນຕາແສງໃນປີ 2026. ອີກບັນຫາໜຶ່ງ ກໍຄືການສ້າງຕັ້ງບ້ານແດນສະຫວັນເປັນບ້ານໃຫຍ່ ແລະສ້າງຕັ້ງເປັນຄະນະພັກຮາກຖານ ທັງນີ້ກໍເພື່ອນຳພາແກ້ໄຂບັນຫາ ແລະອັດຊ່ອງຫວ່າງຂອງປະກົດການຫຍໍ້ທໍ້ຕ່າງໆທີ່ເກີດຂຶ້ນພາຍໃນເຂດບ້ານດັ່ງກ່າວ ເພື່ອໃຫ້ມີການພັດທະນາ ແລະກາຍເປັນຕົວເມືອງນ້ອຍ, ສຳລັບຜູ້ທີ່ຈະໄປເປັນເລຂາຄະນະພັກ ແມ່ນໃຫ້ເລືອກເອົາຄະນະພັກເມືອງ, ຮອງເລຂາ ແມ່ນ ປກສ ຫຼື ປກຊ, ສ່ວນໃນຄະນະແມ່ນຈາກກະສິກຳ(ປູກຝັງ-ລ້ຽງສັດ), ສຶກສາ ແລະເຂດອື່ນທີ່ມີຄວາມເໝາະສົມ.
ຈາກນັ້ນ, ທ່ານ ບຸນໂຈມ ອຸບົນປະເສີດ ພ້ອມຄະນະ ຍັງໄດ້ລົງຕິດຕາມຊຸກຍູ້ການພັດທະນາບໍລິເວນດ່ານສາກົນແດນສະຫວັນ ພ້ອມທັງພົບປະໂອ້ລົມຄະນະຄຸ້ມຄອງດ່ານ ຊຶ່ງທ່ານເຈົ້າແຂວງ ໄດ້ຊີ້ນຳໃຫ້ດ່ານໃຫ້ເກັບລາຍຮັບແບບລວມສູນ ເພື່ອໃຫ້ມີທຶນຮອນໄປພັດທະນາ ຈາກນີ້ກໍໃຫ້ເລັ່ງແກ້ໄຂບັນຫາປະກົດການຫຍໍ້ທໍ້ຕ່າງໆໃນຂອບເຂດດ່ານສາກົນແດນສະຫວັນ ໂດຍສະເພາະບັນຫາຄົນລັກເຂົ້າເມືອງ, ການຂົນສົ່ງສິນຄ້າ ຕາມເສັ້ນທາງທໍາມະຊາດ ເຂດຊາຍແດນລາວ-ຫວຽດນາມ ຊຶ່ງໃກ້ກັບດ່ານພວກເຮົາ ທີ່ເປັນຊ່ອງຫວ່າງຫຼາຍ ແລະຍັງມີບັນຫາອື່ນໆອີກ. ສະນັ້ນ, ທຸກພາກສ່ວນທີ່ກ່ຽວຂ້ອງ ຕ້ອງໄດ້ປຶກສາຫາລືຮ່ວມກັນ ເພື່ອຊອກທິດທາງແກ້ໄຂ ແລະຄຸ້ມຄອງໃຫ້ໄດ້.ທ່ານເຈົ້າແຂວງ ກໍເດີນທາງໄປຢ້ຽມຢາມເບິ່ງສະພາບການເກັບຊື້ມັນຕົ້ນ ແລະການຜະລິດແປ້ງມັນຕົ້ນຢູ່ໂຮງງານແປ້ງມັນຕົ້ນເຊໂປນຕື່ມອີກ.
ຂ່າວ-ພາບ: ສະຫວັນນະເຂດ
