ເມືອງປາກລາຍ ແຂວງໄຊຍະບູລີ ໄດ້ຈັດກອງປະຊຸມ ສໍາມະນາຮ່າງລາຍງານການເມືອງ ແລະ ຮ່າງແຜນພັດທະນາເສດຖະກິດ-ສັງຄົມ 5 ປີ ຂອງເມືອງ ເພື່ອກະກຽມໃຫ້ແກ່ການດໍາເນີນກອງປະຊຸມໃຫຍ່ ຄັ້ງທີ IXຂອງອົງຄະນະພັກເມືອງ ຊຶ່ງຈັດຂຶ້ນໃນວັນທີ 3ມັງກອນ2025ນີ້ຢູ່ທີ່ຫ້ອງປະຊຸມຫ້ອງວ່າການເມືອງ. ໂດຍການເປັນປະທານຂອງທ່ານ ຄໍາຝັ້ນ ວົງສະຫວັນ ຮັກສາການແທນເຈົ້າເມືອງປາກລາຍ, ມີບັນດາຄະນະປະຈໍາພັກເມືອງ, ມີຫົວໜ້າ, ຮອງຫົວໜ້າຫ້ອງການ, ກົມກອງ, ອົງການຈັດຕັ້ງ ຢູ່ພາຍໃນເມືອງເຂົ້າຮ່ວມ.

ໃນກອງປະຊຸມ ຜູ້ເຂົ້າຮ່ວມໄດ້ຮັບຟັງການຜ່ານຮ່າງລາຍງານການເມືອງທັງ 2 ພາກ ແລະ ຮ່າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII (2020-2024) ແລະ ທິດທາງແຜນການ 5 ປີ ຄັ້ງທີ IX ( 2025-2029 ) ຂອງເມືອງ ໃນການຈັດຕັ້ງປະຕິບັດ 6 ເປົ້າໝາຍ 15ໜ້າວຽກຈຸດສຸມຂອງຂະແໜງການ, ກົມກອງ, ອົງການອ້ອມຂ້າງເມືອງ ເພື່ອໃຫ້ເປັນເອກະພາບກັນ ແລະ ພ້ອມກັນຈັດຕັ້ງປະຕິບັດໃຫ້ສໍາເລັດຕາມແຜນທີ່ວາງໄວ້ ໃຫ້ມີຄວາມສະອຽດ, ຊັດເຈນ ແລະ ຖືກຕ້ອງກັບສະພາບຄາມເປັນຈິງ ເພື່ອກະກຽມໃຫ້ແກ່ການດໍາເດີນກອງປະຊຸມໃຫຍ່ ຄັ້ງທີIX ຂອງອົງຄະນະພັກເມືອງ ທີ່ຈະໄດ້ໄຂຂຶ້ນໃນຕົ້ນປີ 2025 ນີ້.

(ຂ່າວ: ຖວທ ເມືອງປາກລາຍ)