ໃນຕອນແລງວັນທີ 6ມັງກອນ ນີ້ທີ່ຫໍປະຊຸມແຫ່ງຊາດ, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ໃຫ້ກຽດເຂົ້າຮ່ວມເປັນສັກຂີພິຍານພິທີມອບ-ຮັບເງິນ ຈາກບັນດາຫົວໜ່ວຍທຸລະກິດຈຳນວນ 21 ພາກສ່ວນ, ລວມມູນຄ່າທັງໝົດ55 ຕື້ກີບເພື່ອປະກອບສ່ວນເຂົ້າໃນການສ້າງກອງທຶນຜະລິດສິນຄ້າຂອງ ສປປ ລາວ; ມີທ່ານ ບົວຄົງ ນາມມະວົງ ລັດຖະມົນຕີ ຫົວໜ້າຫ້ອງວ່າການສໍານັກງານນາຍົກລັດຖະມົນຕີ;ທ່ານ ວິໄລວົງ ບຸດດາຄໍາລັດຖະມົນຕີກະຊວງພາຍໃນ; ທ່ານ ສັນຕິພາບ ພົມວິຫານລັດຖະມົນຕີ ກະຊວງການເງິນ;ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກຳ ແລະການຄ້າ; ທ່ານ ລິນຄຳ ດວງສະຫວັນລັດຖະມົນຕີ ກະຊວງກະສິກຳ ແລະ ປ່າໄມ້, ມີບັນດາທ່ານຮອງລັດຖະມົນຕີ;ບັນດາປະທານສະພາບໍລິຫານ, ຜູ້ອໍານວຍການແລະ ຜູ້ຕາງໜ້າຈາກບັນດາຫົວໜ່ວຍທຸລະກິດແລະ ພາກສ່ວນກ່ຽວຂ້ອງເຂົ້າຮ່ວມ.
ພາກສ່ວນທີ່ນຳເງິນມາມອບໃນຄັ້ງນີ້ ປະກອບມີ: ບໍລິສັດ ST Bank ຈໍານວນ 6 ຕື້ກີບ; ບໍລິສັດ PT Sole,ບໍລິສັດ ພົງຊັບທະວີ ຈຳກັດ, ທະນາຄານພັດທະນາລາວ (LDB), ທະນາຄານຮ່ວມພັດທະນາ (JDB), ບໍລິສັດ ປີໂຕຣລ້ຽມເທຣດດິ້ງລາວ ມະຫາຊົນ, ບໍລິສັດ ລາວກຣີນດີເວີລົບເມັ້ນ ຈຳກັດ, ບໍລິສັດ AIF ແລະ AIDC ແລະ ບໍລິສັດ ຊີເຄ ກຣຸບ ພາກສ່ວນລະ 5 ຕື້ກີບ;ບໍລິສັດ ສີສະເກດ ກໍ່ສ້າງຄົບວົງຈອນ ຈຳກັດຜູ້ດຽວ ຈຳນວນ 2 ຕື້ກີບ; ບໍລິສັດໂຊກໄຊ, ບໍລິສັດລາດຊະວົງ ພັດທະນາ, ບໍລິສັດ ໄຊສົມບູນ ຈະເລີນຊັບ, ບໍລິສັດ ຄູນຄຳ ຈຳກັດ ແລະ ບໍລິສັດບົວທິບ ພາກສ່ວນລະ 1 ຕື້ກີບ; ກຸ່ມບໍລິສັດ ດວງຈະເລີນ, ກຸ່ມບໍລິສັດ ນິກສັນ ພັດທະນາບໍ່ແຮ່ ຈຳກັດ ແລະ ກຸ່ມບໍລິສັດ ພູສີກໍ່ສ້າງກຣຸບ ພາກສ່ວນລະ 500 ລ້ານກີບ; ບໍລິສັດພັນທະມິດ ແລະ ບໍລິສັດ HKSພາກສ່ວນລະ 200 ລ້ານກີບ ແລະ ບໍລິສັດ 3S ຈໍານວນ 100 ລ້ານກີບ.
ໃນໂອກາດນີ້, ທ່ານນາຍົກລັດຖະມົນຕີ ກໍໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ບັນດາຫົວໜ່ວຍທຸລະກິດ ທີ່ໄດ້ສະແດງເຈດຈໍານົງ ແລະ ມີຈິດໃຈຢາກພັດທະນາ ດ້ວຍນໍ້າໃຈຮັກຊາດ, ຮັກບ້ານເກີດເມືອງນອນ ແລະ ຢາກເຫັນປະເທດຊາດຂອງຕົນ ໄດ້ຮັບການພັດທະນາຢ່າງແທ້ຈິງ, ຈຶ່ງໄດ້ລະດົມກັນປະກອບສ່ວນທຶນ ເຂົ້າໃນກອງທຶນຜະລິດສິນຄ້າ ໃນຄັ້ງນີ້; ໄດ້ແຈ້ງໃຫ້ຊາບ ກ່ຽວກັບຈຸດປະສົງ ແລະ ເຫດຜົນໃນການສ້າງຕັ້ງກອງທຶນດັ່ງກ່າວ, ລວມທັງ ທ່າແຮງ ແລະ ຂໍ້ຈຳກັດ ທາງດ້ານແຫຼ່ງທຶນ ໃນການຊຸກຍູ້ສົ່ງເສີມບັນດາວິສາຫະກິດໃຫ້ມີຄວາມເຂັ້ມແຂງ ແລະ ຍືນຍົງ ໂດຍສະເພາະ ການຊຸກຍູ້ການດໍາເນີນທຸລະກິດ, ການບໍລິການ, ການຜະລິດສິນຄ້າພາຍໃນທີ່ເປັນຍີ່ຫໍ້ (Brand)ຂອງຄົນລາວ ໃຫ້ໄດ້ທັງປະລິມານ ແລະຄຸນນະພາບເພື່ອໃຫ້ສາມາດສົ່ງອອກຕ່າງປະເທດ. ທັງນີ້ ກໍເພື່ອເປັນການຈັດຕັ້ງຜັນຂະຫຍາຍມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃໝ່ ເທື່ອລະກ້າວ;ພ້ອມທັງຢືນຢັນວ່າຈະນຳໃຊ້ເງິນທີ່ໄດ້ຮັບການປະກອບສ່ວນ ໃຫ້ເປັນປະໂຫຍດສູງສຸດ ແລະ ເປັນໄປຕາມຈຸດປະສົງທີ່ວາງໄວ້ເພື່ອໃຫ້ກອງທຶນດັ່ງກ່າວນັບມື້ນັບເຕີບໃຫຍ່ຂຶ້ນເລື້ອຍໆ. ພ້ອມດຽວກັນ ທ່ານ ນາຍົກລັດຖະມົນຕີກໍໄດ້ລາຍງານໃຫ້ຊາບວ່າ ສຳລັບການຄຸ້ມຄອງ ແລະ ນຳໃຊ້ທຶນດັ່ງກ່າວ, ລັດຖະບານ ໄດ້ມອບໃຫ້ກະຊວງອຸດສາຫະກຳ ແລະ ການຄ້າ ເປັນໃຈກາງສົມທົບກັບຫ້ອງວ່າການສຳນັກງານນາຍົກລັດຖະມົນຕີ, ກະຊວງການເງິນ ແລະ ທະນາຄານແຫ່ງ ສປປ ລາວ ເພື່ອສ້າງນິຕິກຳ ແລະ ລະບຽບການ ພ້ອມທັງ ໃຫ້ເອົາລະບຽບການດັ່ງກ່າວ ທາບທາມຄຳຄິດເຫັນນຳບັນດາຜູ້ປະກອບການຕົວຈິງຕື່ມ ເພື່ອລະດົມຄວາມຄິດເຫັນທີ່ຫຼາກຫຼາຍ ແນໃສ່ສ້າງກອງທຶນດັ່ງກ່າວ ມີເນື້ອໃນຮັດກຸມ,ຈະແຈ້ງ ສາມາດຈັດຕັ້ງປະຕິບັດໄດ້ ຢ່າງມີປະສິດທິພາບ ແລະ ປະສິດທິຜົນສູງ.ຕາງໜ້າໃຫ້ລັດຖະບານ ເພື່ອຮັບເອົາເງິນຄັ້ງນີ້ໂດຍແມ່ນທ່ານບົວຄົງ ນາມມະວົງ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ໂດຍການຮ່ວມເປັນສັກຂີພິຍານ ຂອງທ່ານນາຍົກລັດຖະມົນຕີ, ບັນດາທ່ານລັດຖະມົນຕີ, ຮອງລັດຖະມົນຕີ ກະຊວງ-ອົງການທີ່ກ່ຽວຂ້ອງ.
ຂ່າວ ແລະ ພາບ: ກົມປະຊາສຳພັນ, ຫສນຍ
ພາກສ່ວນທີ່ນຳເງິນມາມອບໃນຄັ້ງນີ້ ປະກອບມີ: ບໍລິສັດ ST Bank ຈໍານວນ 6 ຕື້ກີບ; ບໍລິສັດ PT Sole,ບໍລິສັດ ພົງຊັບທະວີ ຈຳກັດ, ທະນາຄານພັດທະນາລາວ (LDB), ທະນາຄານຮ່ວມພັດທະນາ (JDB), ບໍລິສັດ ປີໂຕຣລ້ຽມເທຣດດິ້ງລາວ ມະຫາຊົນ, ບໍລິສັດ ລາວກຣີນດີເວີລົບເມັ້ນ ຈຳກັດ, ບໍລິສັດ AIF ແລະ AIDC ແລະ ບໍລິສັດ ຊີເຄ ກຣຸບ ພາກສ່ວນລະ 5 ຕື້ກີບ;ບໍລິສັດ ສີສະເກດ ກໍ່ສ້າງຄົບວົງຈອນ ຈຳກັດຜູ້ດຽວ ຈຳນວນ 2 ຕື້ກີບ; ບໍລິສັດໂຊກໄຊ, ບໍລິສັດລາດຊະວົງ ພັດທະນາ, ບໍລິສັດ ໄຊສົມບູນ ຈະເລີນຊັບ, ບໍລິສັດ ຄູນຄຳ ຈຳກັດ ແລະ ບໍລິສັດບົວທິບ ພາກສ່ວນລະ 1 ຕື້ກີບ; ກຸ່ມບໍລິສັດ ດວງຈະເລີນ, ກຸ່ມບໍລິສັດ ນິກສັນ ພັດທະນາບໍ່ແຮ່ ຈຳກັດ ແລະ ກຸ່ມບໍລິສັດ ພູສີກໍ່ສ້າງກຣຸບ ພາກສ່ວນລະ 500 ລ້ານກີບ; ບໍລິສັດພັນທະມິດ ແລະ ບໍລິສັດ HKSພາກສ່ວນລະ 200 ລ້ານກີບ ແລະ ບໍລິສັດ 3S ຈໍານວນ 100 ລ້ານກີບ.
ໃນໂອກາດນີ້, ທ່ານນາຍົກລັດຖະມົນຕີ ກໍໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ບັນດາຫົວໜ່ວຍທຸລະກິດ ທີ່ໄດ້ສະແດງເຈດຈໍານົງ ແລະ ມີຈິດໃຈຢາກພັດທະນາ ດ້ວຍນໍ້າໃຈຮັກຊາດ, ຮັກບ້ານເກີດເມືອງນອນ ແລະ ຢາກເຫັນປະເທດຊາດຂອງຕົນ ໄດ້ຮັບການພັດທະນາຢ່າງແທ້ຈິງ, ຈຶ່ງໄດ້ລະດົມກັນປະກອບສ່ວນທຶນ ເຂົ້າໃນກອງທຶນຜະລິດສິນຄ້າ ໃນຄັ້ງນີ້; ໄດ້ແຈ້ງໃຫ້ຊາບ ກ່ຽວກັບຈຸດປະສົງ ແລະ ເຫດຜົນໃນການສ້າງຕັ້ງກອງທຶນດັ່ງກ່າວ, ລວມທັງ ທ່າແຮງ ແລະ ຂໍ້ຈຳກັດ ທາງດ້ານແຫຼ່ງທຶນ ໃນການຊຸກຍູ້ສົ່ງເສີມບັນດາວິສາຫະກິດໃຫ້ມີຄວາມເຂັ້ມແຂງ ແລະ ຍືນຍົງ ໂດຍສະເພາະ ການຊຸກຍູ້ການດໍາເນີນທຸລະກິດ, ການບໍລິການ, ການຜະລິດສິນຄ້າພາຍໃນທີ່ເປັນຍີ່ຫໍ້ (Brand)ຂອງຄົນລາວ ໃຫ້ໄດ້ທັງປະລິມານ ແລະຄຸນນະພາບເພື່ອໃຫ້ສາມາດສົ່ງອອກຕ່າງປະເທດ. ທັງນີ້ ກໍເພື່ອເປັນການຈັດຕັ້ງຜັນຂະຫຍາຍມະຕິວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃໝ່ ເທື່ອລະກ້າວ;ພ້ອມທັງຢືນຢັນວ່າຈະນຳໃຊ້ເງິນທີ່ໄດ້ຮັບການປະກອບສ່ວນ ໃຫ້ເປັນປະໂຫຍດສູງສຸດ ແລະ ເປັນໄປຕາມຈຸດປະສົງທີ່ວາງໄວ້ເພື່ອໃຫ້ກອງທຶນດັ່ງກ່າວນັບມື້ນັບເຕີບໃຫຍ່ຂຶ້ນເລື້ອຍໆ. ພ້ອມດຽວກັນ ທ່ານ ນາຍົກລັດຖະມົນຕີກໍໄດ້ລາຍງານໃຫ້ຊາບວ່າ ສຳລັບການຄຸ້ມຄອງ ແລະ ນຳໃຊ້ທຶນດັ່ງກ່າວ, ລັດຖະບານ ໄດ້ມອບໃຫ້ກະຊວງອຸດສາຫະກຳ ແລະ ການຄ້າ ເປັນໃຈກາງສົມທົບກັບຫ້ອງວ່າການສຳນັກງານນາຍົກລັດຖະມົນຕີ, ກະຊວງການເງິນ ແລະ ທະນາຄານແຫ່ງ ສປປ ລາວ ເພື່ອສ້າງນິຕິກຳ ແລະ ລະບຽບການ ພ້ອມທັງ ໃຫ້ເອົາລະບຽບການດັ່ງກ່າວ ທາບທາມຄຳຄິດເຫັນນຳບັນດາຜູ້ປະກອບການຕົວຈິງຕື່ມ ເພື່ອລະດົມຄວາມຄິດເຫັນທີ່ຫຼາກຫຼາຍ ແນໃສ່ສ້າງກອງທຶນດັ່ງກ່າວ ມີເນື້ອໃນຮັດກຸມ,ຈະແຈ້ງ ສາມາດຈັດຕັ້ງປະຕິບັດໄດ້ ຢ່າງມີປະສິດທິພາບ ແລະ ປະສິດທິຜົນສູງ.ຕາງໜ້າໃຫ້ລັດຖະບານ ເພື່ອຮັບເອົາເງິນຄັ້ງນີ້ໂດຍແມ່ນທ່ານບົວຄົງ ນາມມະວົງ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ໂດຍການຮ່ວມເປັນສັກຂີພິຍານ ຂອງທ່ານນາຍົກລັດຖະມົນຕີ, ບັນດາທ່ານລັດຖະມົນຕີ, ຮອງລັດຖະມົນຕີ ກະຊວງ-ອົງການທີ່ກ່ຽວຂ້ອງ.
ຂ່າວ ແລະ ພາບ: ກົມປະຊາສຳພັນ, ຫສນຍ
