ກອງປະຊຸມສະຫຼຸບວຽກງານໄອຍະການປະຊາຊົນທົ່ວປະເທດປະຈໍາປີ 2024 ໄດ້ຈັດຂຶ້ນໃນຕອນບ່າຍຂອງວັນທີ 8 ມັງກອນນີ້ ທີ່ຫໍປະຊຸມແຫ່ງຊາດ ພາຍໃຕ້ການເປັນປະທານຂອງທ່ານ ໄຊຊະນະ ໂຄດພູທອນ ກໍາມະການສູນກາງພັກ ເລຂາຄະນະບໍລິຫານງານພັກ ຫົວໜ້າອົງການໄອຍະການປະຊາຊົນສູງສຸດ (ອອປສ), ມີບັນດາຮອງຫົວໜ້າ ອອປສບັນດາຄະນະນໍາອົງການໄອຍະການປະຊາຊົນນະຄອນຫຼວງ ແລະ 17 ແຂວງ ພ້ອມດ້ວຍພະນັກງານຫຼັກແຫຼ່ງອົງການໄອຍະການປະຊາຊົນເຂດ ໃນຂອບເຂດທົ່ວປະເທດເຂົ້າຮ່ວມ.
ທ່ານ ຄຳເພັດ ສົມວໍລະຈິດ ຄະນະປະຈຳພັກ ຮອງຫົວໜ້າ ອອປສ ໄດ້ລາຍງານການເຄື່ອນໄຫວວຽກງານໄອຍະການປະຊາຊົນທົ່ວປະເທດ ປະຈໍາປີ 2024 ໂດຍຊີ້ໃຫ້ເຫັນຜົນສໍາເລັດ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງວຽກງານຈຸດສຸມປະຈຳປີ 2024 ເຊັ່ນ: ອອກຄໍາສັ່ງເລກທີ 006/ອອປສ, ລົງວັນທີ 30 ມິຖຸນາ 2023 ແລະ ຄໍາແນະນໍາເລກທີ 002/ອອປສ, ລົງວັນທີ 27 ກໍລະກົດ 2024 ກ່ຽວກັບການດໍາເນີນຄະດີຕໍ່ຜູ້ກະທຳຜິດກ່ຽວກັບໃບກະທ້ອມ, ນໍ້າກະທ້ອມ ຫຼື ສານລະເຫີຍທີ່ມີສານເສບຕິດອື່ນໆເຊັ່ນ: ປຸມເປົ້າອັດແກັສສານໄນຕັດອັອກໄຊ (Nitrous oxide), ຢາສູບໄຟຟ້າ-ຊີຊ່າ (ບາລາກູ); ຄໍາສັ່ງເລກທີ 011/ອອປສ, ລົງວັນທີ 23 ສິງຫາ 2021 ກ່ຽວກັບການດໍາເນີນຄະດີຟອກເງິນ, ການດໍາເນີນຄະດີການຟອກເງິນຍັງບໍ່ທັນໄດ້ປະຕິບັດເປັນຮູບປະທໍາ, ສ່ວນຫຼາຍບໍ່ໄດ້ດໍາເນີນຄະດີ ໄປຄວບຄູ່ກັບການດໍາເນີນຄະດີຢາເສບຕິດ; ສຳລັບວຽກຕິດຕາມກວດກາທົ່ວໄປ ໄດ້ຮັບການຈັດຕັ້ງປະຕິບັດໃຫ້ເປັນຮູບປະທໍາຫຼາຍຂຶ້ນ, ບັນດາອົງການຈັດຕັ້ງພັກ, ລັດ ແລະ ປະຊາຊົນບັນດາເຜົ່າມີຄວາມຮັບຮູ້ເຂົ້າໃຈ ແລະ ໃຫ້ຄວາມຮ່ວມມືໃນວຽກງານດັ່ງກ່າວນີ້ຫຼາຍຂຶ້ນ; ກົນໄກປະສານງານ, ການວິເຄາະວິໄຈອາຊະຍາກໍາສາມາດຮູ້ໄດ້ບາງສາເຫດຕົ້ນຕໍ ແລະ ວາງມາດຕະການແກ້ໄຂ; ສ່ວນວຽກງານຕິດຕາມກວດກາການດຳເນີນຄະດີອາຍາໄດ້ຮັບການຍົກສູງສູ່ຄຸນນະພາບເປັນກ້າວໆ, ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດໄດ້ຮັບການຈັດຕັ້ງປະຕິບັດຢ່າງມີສິດທິພາບ, ກົນໄກປະສານງານສະດວກ, ວ່ອງໄວ, ໂລ່ງລ່ຽນ; ການຕິດຕາມກວດກາການດໍາເນີນຄະດີຢູ່ສານອາຍາ ແລະ ການສັ່ງຟ້ອງຜູ້ຖືກຫາໄດ້ຮັບການຍົກສູງທາງດ້ານຄຸນນະພາບ; ສ່ວນວຽກງານຕິດຕາມກວດກາການປະຕິບັດກົດໝາຍຢູ່ຄ້າຍຄຸມຂັງ-ດັດສ້າງມີຄຸນນະພາບດີຂຶ້ນ, ການແຕ່ງຕັ້ງພະນັກງານລົງປະຈໍາຢູ່ຄ້າຍຄຸມຂັງ-ດັດສ້າງ, ເກັບກໍາບັນຊີຜູ້ຖືກຫາ ແລະ ນັກໂທດທີ່ຂໍອະນຸຍາດ, ການກັກຂັງຜູ້ຖືກຫາເກີນກໍານົດ, ການຄົ້ນຄວ້າອະໄພຍະໂທດປະຈໍາປີ ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ.
ໃນໂອກາດນີ້, ທ່ານ ໄຊຊະນະ ໂຄດພູທອນ ໄດ້ຮຽກຮ້ອງໃຫ້ຜູ້ແທນຈົ່ງເຊີດຊູຄວາມຮັບຜິດຊອບຂອງຕົນໃນການເຮັດສຳເລັດໜ້າທີ່ໆພັກ, ລັດ ແລະ ປະຊາຊົນມອບໝາຍໃຫ້; ຮັບໃຊ້ຊາດ, ຮັບໃຊ້ປະຊາຊົນດ້ວຍຄວາມບໍລິສຸດໃຈ, ນໍາເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ໄປຈັດຕັ້ງຜັນຂະຫຍາຍຢູ່ກົມກອງຂອງຕົນ ເຂົ້າໃນວຽກງານຕົວຈິງຢ່າງມີຜົນສໍາເລັດ; ພັດທະນາວຽກງານໄອຍະການປະຊາຊົນ ຕາມທິດກ້າວໜ້າ, ທັນສະໄໝ ແລະ ວິທະຍາສາດ; ຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ການແກ້ໄຂບັນຫາຢາເສບຕິດເຂົ້າສູ່ວຽກງານໄອຍະການປະຊາຊົນ; ຍົກສູງຄຸນນະພາບໃນການຕິດຕາມກວດກາການປະຕິບັດກົດໝາຍ, ການຕິດຕາມກວດກາທົ່ວໄປ, ການດໍາເນີນຄະດີປົກຄອງ, ການປະຕິບັດຄໍາຕັດສິນຂອງສານ; ສ້າງກົນໄກປະສານງານລະຫວ່າງອົງການໄອຍະການປະຊາຊົນກັບອົງການປົກຄອງ, ອົງການສືບສວນ-ສອບສວນຂອງເຈົ້າໜ້າທີ່ຕຳຫຼວດ, ພາສີ, ປ່າໄມ້ ແລະ ອົງການສືບສວນ-ສອບສວນອື່ນໆຢ່າງກົມກຽວດ້ວຍການສ້າງບົດບັນທຶກຮ່ວມ, ນິຕິກຳ ແລະ ປຶ້ມຄູ່ມືອັນເປັນພື້ນຖານໃຫ້ແກ່ການຍົກສູງຄຸນນະພາບໃນການຕິດຕາມກວດກາການປະຕິບັດກົດໝາຍ, ແກ້ໄຂການລະເມີດທາງປົກຄອງ, ນຳເອົາຜູ້ກະທຳຜິດມາດຳເນີນຄະດີສັ່ງຟ້ອງໃຫ້ສານຕັດສິນຖືກຕ້ອງເປັນທຳ ເຮັດໃຫ້ສັງຄົມມີຄວາມສະຫງົບ ມີຄວາມເປັນລະບຽບຮຽບຮ້ອຍເສດຖະກິດຂະຫຍາຍຕົວຢ່າງຕໍ່ເນື່ອງ ປະເທດຊາດຈະເລີນກ້າວໜ້າຢ່າງບໍ່ຢຸດຢັ້ງ.
(ຂ່າວ-ພາບ:ວັນເພັງ)
ທ່ານ ຄຳເພັດ ສົມວໍລະຈິດ ຄະນະປະຈຳພັກ ຮອງຫົວໜ້າ ອອປສ ໄດ້ລາຍງານການເຄື່ອນໄຫວວຽກງານໄອຍະການປະຊາຊົນທົ່ວປະເທດ ປະຈໍາປີ 2024 ໂດຍຊີ້ໃຫ້ເຫັນຜົນສໍາເລັດ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງວຽກງານຈຸດສຸມປະຈຳປີ 2024 ເຊັ່ນ: ອອກຄໍາສັ່ງເລກທີ 006/ອອປສ, ລົງວັນທີ 30 ມິຖຸນາ 2023 ແລະ ຄໍາແນະນໍາເລກທີ 002/ອອປສ, ລົງວັນທີ 27 ກໍລະກົດ 2024 ກ່ຽວກັບການດໍາເນີນຄະດີຕໍ່ຜູ້ກະທຳຜິດກ່ຽວກັບໃບກະທ້ອມ, ນໍ້າກະທ້ອມ ຫຼື ສານລະເຫີຍທີ່ມີສານເສບຕິດອື່ນໆເຊັ່ນ: ປຸມເປົ້າອັດແກັສສານໄນຕັດອັອກໄຊ (Nitrous oxide), ຢາສູບໄຟຟ້າ-ຊີຊ່າ (ບາລາກູ); ຄໍາສັ່ງເລກທີ 011/ອອປສ, ລົງວັນທີ 23 ສິງຫາ 2021 ກ່ຽວກັບການດໍາເນີນຄະດີຟອກເງິນ, ການດໍາເນີນຄະດີການຟອກເງິນຍັງບໍ່ທັນໄດ້ປະຕິບັດເປັນຮູບປະທໍາ, ສ່ວນຫຼາຍບໍ່ໄດ້ດໍາເນີນຄະດີ ໄປຄວບຄູ່ກັບການດໍາເນີນຄະດີຢາເສບຕິດ; ສຳລັບວຽກຕິດຕາມກວດກາທົ່ວໄປ ໄດ້ຮັບການຈັດຕັ້ງປະຕິບັດໃຫ້ເປັນຮູບປະທໍາຫຼາຍຂຶ້ນ, ບັນດາອົງການຈັດຕັ້ງພັກ, ລັດ ແລະ ປະຊາຊົນບັນດາເຜົ່າມີຄວາມຮັບຮູ້ເຂົ້າໃຈ ແລະ ໃຫ້ຄວາມຮ່ວມມືໃນວຽກງານດັ່ງກ່າວນີ້ຫຼາຍຂຶ້ນ; ກົນໄກປະສານງານ, ການວິເຄາະວິໄຈອາຊະຍາກໍາສາມາດຮູ້ໄດ້ບາງສາເຫດຕົ້ນຕໍ ແລະ ວາງມາດຕະການແກ້ໄຂ; ສ່ວນວຽກງານຕິດຕາມກວດກາການດຳເນີນຄະດີອາຍາໄດ້ຮັບການຍົກສູງສູ່ຄຸນນະພາບເປັນກ້າວໆ, ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດໄດ້ຮັບການຈັດຕັ້ງປະຕິບັດຢ່າງມີສິດທິພາບ, ກົນໄກປະສານງານສະດວກ, ວ່ອງໄວ, ໂລ່ງລ່ຽນ; ການຕິດຕາມກວດກາການດໍາເນີນຄະດີຢູ່ສານອາຍາ ແລະ ການສັ່ງຟ້ອງຜູ້ຖືກຫາໄດ້ຮັບການຍົກສູງທາງດ້ານຄຸນນະພາບ; ສ່ວນວຽກງານຕິດຕາມກວດກາການປະຕິບັດກົດໝາຍຢູ່ຄ້າຍຄຸມຂັງ-ດັດສ້າງມີຄຸນນະພາບດີຂຶ້ນ, ການແຕ່ງຕັ້ງພະນັກງານລົງປະຈໍາຢູ່ຄ້າຍຄຸມຂັງ-ດັດສ້າງ, ເກັບກໍາບັນຊີຜູ້ຖືກຫາ ແລະ ນັກໂທດທີ່ຂໍອະນຸຍາດ, ການກັກຂັງຜູ້ຖືກຫາເກີນກໍານົດ, ການຄົ້ນຄວ້າອະໄພຍະໂທດປະຈໍາປີ ຖືກຕ້ອງ ແລະ ສອດຄ່ອງກັບກົດໝາຍ ແລະ ລະບຽບການ.
ໃນໂອກາດນີ້, ທ່ານ ໄຊຊະນະ ໂຄດພູທອນ ໄດ້ຮຽກຮ້ອງໃຫ້ຜູ້ແທນຈົ່ງເຊີດຊູຄວາມຮັບຜິດຊອບຂອງຕົນໃນການເຮັດສຳເລັດໜ້າທີ່ໆພັກ, ລັດ ແລະ ປະຊາຊົນມອບໝາຍໃຫ້; ຮັບໃຊ້ຊາດ, ຮັບໃຊ້ປະຊາຊົນດ້ວຍຄວາມບໍລິສຸດໃຈ, ນໍາເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ໄປຈັດຕັ້ງຜັນຂະຫຍາຍຢູ່ກົມກອງຂອງຕົນ ເຂົ້າໃນວຽກງານຕົວຈິງຢ່າງມີຜົນສໍາເລັດ; ພັດທະນາວຽກງານໄອຍະການປະຊາຊົນ ຕາມທິດກ້າວໜ້າ, ທັນສະໄໝ ແລະ ວິທະຍາສາດ; ຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ, ການແກ້ໄຂບັນຫາຢາເສບຕິດເຂົ້າສູ່ວຽກງານໄອຍະການປະຊາຊົນ; ຍົກສູງຄຸນນະພາບໃນການຕິດຕາມກວດກາການປະຕິບັດກົດໝາຍ, ການຕິດຕາມກວດກາທົ່ວໄປ, ການດໍາເນີນຄະດີປົກຄອງ, ການປະຕິບັດຄໍາຕັດສິນຂອງສານ; ສ້າງກົນໄກປະສານງານລະຫວ່າງອົງການໄອຍະການປະຊາຊົນກັບອົງການປົກຄອງ, ອົງການສືບສວນ-ສອບສວນຂອງເຈົ້າໜ້າທີ່ຕຳຫຼວດ, ພາສີ, ປ່າໄມ້ ແລະ ອົງການສືບສວນ-ສອບສວນອື່ນໆຢ່າງກົມກຽວດ້ວຍການສ້າງບົດບັນທຶກຮ່ວມ, ນິຕິກຳ ແລະ ປຶ້ມຄູ່ມືອັນເປັນພື້ນຖານໃຫ້ແກ່ການຍົກສູງຄຸນນະພາບໃນການຕິດຕາມກວດກາການປະຕິບັດກົດໝາຍ, ແກ້ໄຂການລະເມີດທາງປົກຄອງ, ນຳເອົາຜູ້ກະທຳຜິດມາດຳເນີນຄະດີສັ່ງຟ້ອງໃຫ້ສານຕັດສິນຖືກຕ້ອງເປັນທຳ ເຮັດໃຫ້ສັງຄົມມີຄວາມສະຫງົບ ມີຄວາມເປັນລະບຽບຮຽບຮ້ອຍເສດຖະກິດຂະຫຍາຍຕົວຢ່າງຕໍ່ເນື່ອງ ປະເທດຊາດຈະເລີນກ້າວໜ້າຢ່າງບໍ່ຢຸດຢັ້ງ.
(ຂ່າວ-ພາບ:ວັນເພັງ)
