ວັນທີ 7 ມັງກອນນີ້ ຫ້ອງພະລາທິການ-ເຕັກນິກ ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດກອງປະຊຸມສະຫຼຸບວຽກງານຮອບດ້ານປະຈຳປີ 2024 ແລະ ຜ່ານທິດທາງແຜນການປະຈຳປີ 2025 ໂດຍການເປັນປະທານຂອງສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ໂຮງຮຽນວັດທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, 4 ຫ້ອງ, 2 ກອງພັນ ຕະຫຼອດຮອດພະນັກງານ-ນັກຮົບ ທົ່ວຫ້ອງການພະລາທິການ-ເຕັກນິກ ເຂົ້າຮ່ວມ.
ສະຫາຍ ພັນເອກ ວັນໄຊ ວົງປັນຍາ ຫົວໜ້າຫ້ອງພະລາທິການ-ເຕັກນິກ ໄດ້ຂຶ້ນສະຫຼຸບຄືນວຽກງານການເຄື່ອນໄຫວໄລຍະ 1 ປີທີ່ຜ່ານມາ ສາຍຫາຍໄດ້ຍົກໃຫ້ເຫັນຫຼາຍດ້ານທີ່ພົ້ນເດັ່ນ ໃນນັ້ນໄດ້ເອົາໃຈໃສ່ສຶກສາອົບຮົມການເມືອງ ນຳພາແນວຄິດໃຫ້ພະນັກງານນັກຮົບ ໂດຍຕິດພັນ ແລະ ສອດຫ້ອຍເຂົ້າໃນທຸກຂົງເຂດວຽກງານ ເຂົ້າໃຈແຈ້ງຕໍ່ແນວທາງນະໂຍບາຍຂອງພັກລັດ ເຂັ້ມງວດໃນການປະຕິບັດລະບອບ ລະບຽບຂອງກອງທັບ ມີແນວຄິດໜັກແໜ້ນ ຫ້າວຫັນຕໍ່ໜ້າທີ່ວິຊາສະເພາະຂອງຕົນ ໂດຍປະຕິບັດຕາມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ໃນນັ້ນໄດ້ຖືເປັນສຳຄັນ ກຳແໜ້ນສະພາບຮອບດ້ານ ກຽມພ້ອມກຳລັງປະຈຳການຕະຫຼອດ 24 ຊົ່ວໂມງ ຕິດຕາມກວດກາວຽກງານທີ່ໄດ້ຮັບມອບໝາຍຢ່າງໃກ້ຊິດຕິດແທດ ໄດ້ປະກອບສ່ວນເຮັດສຳເລັດໜ້າທີ່ການເບິ່ງແຍງລ້ຽງດູທັບ ຕະຫຼອດໄລຍະຜ່ານມາ, ໃນນີ້ ໄດ້ເອົາໃຈໃສ່ຊຸກຍູ້ ພະນັກງານ-ນັກຮົບ ພະນັກງານວິຊາສະເພາະ ສຸມໃສ່ສ້າງເສດຖະກິດ ແກ້ໄຂຊີວິດການເປັນຢູ່, ວຽກງານພັກ ໄດ້ເອົາໃຈໃສ່ປັບປຸງກໍ່ສ້າງພັກ ໃຫ້ມີຄວາມເຂັ້ມແຂງໜັກແໜ້ນ ຂະຫຍາຍພັກຖືເອົາຄຸນນະພາບເປັນກົກຖືກຕ້ອງຕາມລະບຽບຫຼັກການ, ວຽກງານຊາວໜຸ່ມ ສາມາດຂະຫຍາຍສະມາຊິກຊາວໜຸ່ມເຂົ້າຮຽນສະໜັບສະໜູນ ແລະ ດຳເນີນຊີວິດການເມືອງເປັນປົກກະຕິ, ວຽກງານສະຫະພັນແມ່ຍິງ ໄດ້ເອົາໃຈໃສ່ນຳພາເອື້ອຍນ້ອງແມ່ຍິງເຂົ້າຮ່ວມຂະບວນການຕ່າງໆ ກິດຈະກຳນຳຂັ້ນເທິງທີ່ໂຮງຮຽນຈັດຂຶ້ນ ແລະ ສາມາດສ້າງເງິນຄັງລວມໄດ້ 700,000 ກີບ, ຮັບປະກັນເຄື່ອງນຸ່ງຮົ່ມ ຮັບເຂົ້າກິນ ເບີກຈ່າຍຕາມລະບົບອັດຕາ ຮັບປະກັນດ້ານສະບຽງອາຫານ ສະໜອງເຂົ້າເຮືອນຄົວລວມໄດ້ຈຳນວນໜຶ່ງ ຮັບປະກັນໄດ້ກິນເຂົ້າ 3 ຂາບ ອາຫານ 3 ເຍື່ອງ ເປັນປົກກະຕິ, ຈັດຕັ້ງເຄື່ອນໄຫວເຝົ້າລະວັງການລະບາດຂອງພະຍາດຕາມລະດູການ, ພ້ອມນີ້ ຍັງໄດ້ປະຕິບັດນະໂຍບາຍຕໍ່ພະນັກງານ-ນັກຮົບ ຜູ້ທີ່ເຈັບເປັນ, ເຂົ້າໂຮງໝໍ, ເກີດລູກ, ເສຍຊີວິດ ແລະອື່ນໆຢ່າງຖືກຕ້ອງເໝາະສົມລວມເປັນເງິນ 5,095,000 ກີບ ແລະ ຍັງມີວຽກງານອື່ນໆປິ່ນອ້ອມຂອງແຕ່ລະພະແນກການກໍມີຜົນສຳເລັດເປັນຢ່າງສູງ, ກອງປະຊຸມຍັງໄດ້ຜ່ານທິດທາງແຜນການປະຈຳປີ 2025 ແລະ ພ້ອມກັນປະກອບຄຳຄິດເຫັນໃສ່ ຢ່າງມີເນື້ອໃນເລິກເຊິ່ງ.
ໂອກາດນີ້, ສະຫາຍ ພັນເອກ ເພັດສະໝອນ ວິລະວອນ ກໍໄດ້ມີຄຳເຫັນໂອ້ລົມກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ຜົນສຳເລັດທີ່ເຮັດໄດ້ໃນໄລຍະທີ່ຜ່ານມາ ພ້ອມທັງຮຽກຮ້ອງໃຫ້ ຄະນະພັກ-ຄະນະບັນຊາຕ້ອງຮັດແໜ້ນຄວາມສາມັກຄີພາຍໃນໃຫ້ແໜ້ນແຟ້ນ ພາຍນອກໃຫ້ກວ້າງຂວາງ, ຊີ້ນຳ-ນຳພາບັນຊາ ປັບປຸງແບບແຜນວິທີເຮັດວຽກໃຫ້ຮັດກຸມກວ່າເກົ່າ ກຳແໜ້ນຫຼັກການການເຮັດວຽກຂອງພັກ ໃຫ້ສອດຄ່ອງກັບວຽກງານຕົວຈິງ, ເອົາໃຈໃສ່ສຶກສາອົບຮົມການເມືອງ ນຳພາແນວຄິດ ໃຫ້ພະນັກງານ-ນັກຮົບ ຢ່າງຕໍ່ເນື່ອງ, ເພີ່ມທະວີຍົກສູງສະຕິຕໍ່ກົນອຸບາຍຂອງກຸ່ມຄົນບໍ່ດີ ຮູ້ຈຳແນກມິດສັດຕູ ຢ່າງຈະແຈ້ງ, ເຊີດຊູຄວາມຮັບຜິດຊອບນ້ຳໃຈເພິ່ງຕົນເອງກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ, ປະຕິບັດຕາມທິດຊີ້ນຳ 4 ປູກ 4 ລ້ຽງໃນການລ້ຽງດູທັບ, ພ້ອມກັນນຳເອົາແຜນການໄປຈັດຕັ້ງປະຕິບັດໃຫ້ປະກົດຜົນເປັນຈິງ.
(ຂ່າວ-ພາບ: ໂອລິນ ມິ່ງມີໄຊ)
ສະຫາຍ ພັນເອກ ວັນໄຊ ວົງປັນຍາ ຫົວໜ້າຫ້ອງພະລາທິການ-ເຕັກນິກ ໄດ້ຂຶ້ນສະຫຼຸບຄືນວຽກງານການເຄື່ອນໄຫວໄລຍະ 1 ປີທີ່ຜ່ານມາ ສາຍຫາຍໄດ້ຍົກໃຫ້ເຫັນຫຼາຍດ້ານທີ່ພົ້ນເດັ່ນ ໃນນັ້ນໄດ້ເອົາໃຈໃສ່ສຶກສາອົບຮົມການເມືອງ ນຳພາແນວຄິດໃຫ້ພະນັກງານນັກຮົບ ໂດຍຕິດພັນ ແລະ ສອດຫ້ອຍເຂົ້າໃນທຸກຂົງເຂດວຽກງານ ເຂົ້າໃຈແຈ້ງຕໍ່ແນວທາງນະໂຍບາຍຂອງພັກລັດ ເຂັ້ມງວດໃນການປະຕິບັດລະບອບ ລະບຽບຂອງກອງທັບ ມີແນວຄິດໜັກແໜ້ນ ຫ້າວຫັນຕໍ່ໜ້າທີ່ວິຊາສະເພາະຂອງຕົນ ໂດຍປະຕິບັດຕາມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ໃນນັ້ນໄດ້ຖືເປັນສຳຄັນ ກຳແໜ້ນສະພາບຮອບດ້ານ ກຽມພ້ອມກຳລັງປະຈຳການຕະຫຼອດ 24 ຊົ່ວໂມງ ຕິດຕາມກວດກາວຽກງານທີ່ໄດ້ຮັບມອບໝາຍຢ່າງໃກ້ຊິດຕິດແທດ ໄດ້ປະກອບສ່ວນເຮັດສຳເລັດໜ້າທີ່ການເບິ່ງແຍງລ້ຽງດູທັບ ຕະຫຼອດໄລຍະຜ່ານມາ, ໃນນີ້ ໄດ້ເອົາໃຈໃສ່ຊຸກຍູ້ ພະນັກງານ-ນັກຮົບ ພະນັກງານວິຊາສະເພາະ ສຸມໃສ່ສ້າງເສດຖະກິດ ແກ້ໄຂຊີວິດການເປັນຢູ່, ວຽກງານພັກ ໄດ້ເອົາໃຈໃສ່ປັບປຸງກໍ່ສ້າງພັກ ໃຫ້ມີຄວາມເຂັ້ມແຂງໜັກແໜ້ນ ຂະຫຍາຍພັກຖືເອົາຄຸນນະພາບເປັນກົກຖືກຕ້ອງຕາມລະບຽບຫຼັກການ, ວຽກງານຊາວໜຸ່ມ ສາມາດຂະຫຍາຍສະມາຊິກຊາວໜຸ່ມເຂົ້າຮຽນສະໜັບສະໜູນ ແລະ ດຳເນີນຊີວິດການເມືອງເປັນປົກກະຕິ, ວຽກງານສະຫະພັນແມ່ຍິງ ໄດ້ເອົາໃຈໃສ່ນຳພາເອື້ອຍນ້ອງແມ່ຍິງເຂົ້າຮ່ວມຂະບວນການຕ່າງໆ ກິດຈະກຳນຳຂັ້ນເທິງທີ່ໂຮງຮຽນຈັດຂຶ້ນ ແລະ ສາມາດສ້າງເງິນຄັງລວມໄດ້ 700,000 ກີບ, ຮັບປະກັນເຄື່ອງນຸ່ງຮົ່ມ ຮັບເຂົ້າກິນ ເບີກຈ່າຍຕາມລະບົບອັດຕາ ຮັບປະກັນດ້ານສະບຽງອາຫານ ສະໜອງເຂົ້າເຮືອນຄົວລວມໄດ້ຈຳນວນໜຶ່ງ ຮັບປະກັນໄດ້ກິນເຂົ້າ 3 ຂາບ ອາຫານ 3 ເຍື່ອງ ເປັນປົກກະຕິ, ຈັດຕັ້ງເຄື່ອນໄຫວເຝົ້າລະວັງການລະບາດຂອງພະຍາດຕາມລະດູການ, ພ້ອມນີ້ ຍັງໄດ້ປະຕິບັດນະໂຍບາຍຕໍ່ພະນັກງານ-ນັກຮົບ ຜູ້ທີ່ເຈັບເປັນ, ເຂົ້າໂຮງໝໍ, ເກີດລູກ, ເສຍຊີວິດ ແລະອື່ນໆຢ່າງຖືກຕ້ອງເໝາະສົມລວມເປັນເງິນ 5,095,000 ກີບ ແລະ ຍັງມີວຽກງານອື່ນໆປິ່ນອ້ອມຂອງແຕ່ລະພະແນກການກໍມີຜົນສຳເລັດເປັນຢ່າງສູງ, ກອງປະຊຸມຍັງໄດ້ຜ່ານທິດທາງແຜນການປະຈຳປີ 2025 ແລະ ພ້ອມກັນປະກອບຄຳຄິດເຫັນໃສ່ ຢ່າງມີເນື້ອໃນເລິກເຊິ່ງ.
ໂອກາດນີ້, ສະຫາຍ ພັນເອກ ເພັດສະໝອນ ວິລະວອນ ກໍໄດ້ມີຄຳເຫັນໂອ້ລົມກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ຜົນສຳເລັດທີ່ເຮັດໄດ້ໃນໄລຍະທີ່ຜ່ານມາ ພ້ອມທັງຮຽກຮ້ອງໃຫ້ ຄະນະພັກ-ຄະນະບັນຊາຕ້ອງຮັດແໜ້ນຄວາມສາມັກຄີພາຍໃນໃຫ້ແໜ້ນແຟ້ນ ພາຍນອກໃຫ້ກວ້າງຂວາງ, ຊີ້ນຳ-ນຳພາບັນຊາ ປັບປຸງແບບແຜນວິທີເຮັດວຽກໃຫ້ຮັດກຸມກວ່າເກົ່າ ກຳແໜ້ນຫຼັກການການເຮັດວຽກຂອງພັກ ໃຫ້ສອດຄ່ອງກັບວຽກງານຕົວຈິງ, ເອົາໃຈໃສ່ສຶກສາອົບຮົມການເມືອງ ນຳພາແນວຄິດ ໃຫ້ພະນັກງານ-ນັກຮົບ ຢ່າງຕໍ່ເນື່ອງ, ເພີ່ມທະວີຍົກສູງສະຕິຕໍ່ກົນອຸບາຍຂອງກຸ່ມຄົນບໍ່ດີ ຮູ້ຈຳແນກມິດສັດຕູ ຢ່າງຈະແຈ້ງ, ເຊີດຊູຄວາມຮັບຜິດຊອບນ້ຳໃຈເພິ່ງຕົນເອງກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ, ປະຕິບັດຕາມທິດຊີ້ນຳ 4 ປູກ 4 ລ້ຽງໃນການລ້ຽງດູທັບ, ພ້ອມກັນນຳເອົາແຜນການໄປຈັດຕັ້ງປະຕິບັດໃຫ້ປະກົດຜົນເປັນຈິງ.
(ຂ່າວ-ພາບ: ໂອລິນ ມິ່ງມີໄຊ)
