ໃນວັນທີ 3ມັງກອນຜ່ານມາ ທີ່ຫ້ອງຮັບແຂກກະຊວງໂຍທາທິການ ແລະ ຂົນສົ່ງ (ຍທຂ), ທ່ານ ງາມປະສົງ ເມືອງມະນີລັດຖະມົນຕີກະຊວງ ຍທຂແຫ່ງສປປ ລາວໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານຫງວຽນ ຊວັນ ຊາງ ຮອງລັດຖະມົນຕີກະຊວງຄົມມະນາຄົມຂົນສົ່ງແຫ່ງ ສສ ຫວຽດນາມ ເນື່ອງໃນໂອກາດເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ.
ທ່ານງາມປະສົງ ເມືອງມະນີ ໄດ້ສະແດງຄວາມຍິນດີຕ້ອນຮັບທ່ານຫງວຽນຊວັນຊາງ ທີ່ໄດ້ໃຫ້ຄວາມສໍາຄັນແກ່ການຮ່ວມມືລະຫວ່າງສອງພັກ, ສອງລັດ ແລະ ສອງກະຊວງໃນການມາຢ້ຽມຢາມເຮັດວຽກຢູ່ ສປປ ລາວ ໃນຄັ້ງນີ້.ພ້ອມທັງຕີລາຄາສູງຕໍ່ການພົວພັນຮ່ວມມືສອງກະຊວງທາງດ້ານການຄົມມະນາຄົມ ແລະ ຂົນສົ່ງໃນໄລຍະຜ່ານມາ ທີ່ໄດ້ປະກອບສ່ວນຢ່າງໃຫຍ່ຫຼວງເຂົ້າໃນການເຊື່ອມໂຍງ ເຊື່ອມຈອດກັບພາກພື້ນ ແລະ ສາກົນ.
ໃນໂອກາດດັ່ງກ່າວ, ທັງສອງຝ່າຍໄດ້ປຶກສາຫາລື ແລະ ແລກປ່ຽນຄໍາຄິດຄໍາເຫັນກ່ຽວກັບການຈັດຕັ້ງຜັນຂະຫຍາຍທິດຊີ້ນໍາຂອງສອງນາຍົກລັດຖະມົນຕີທີ່ຕິດພັນກັບການຮ່ວມມືດ້ານການຄົມມະນາຄົມແລະ ຂົນສົ່ງ ເປັນຕົ້ນການຈັດກອງປະຊຸມພົບປະສອງຝ່າຍປະຈໍາປີລະຫວ່າງກະຊວງ ຍທຂ ສປປ ລາວ ແລະ ກະຊວງຄົມມະນາຄົມຂົນສົ່ງ ສສ ຫວຽດນາມ, ທິດທາງຂອງຂະບວນການໂອນຮຸ້ນ ແລະ ການບໍລິຫານທ່າເຮືອຫວຸ້ງອ່າງ,ການຊຸກຍູ້ໂຄງການທາງລົດໄຟວຽງຈັນ-ທ່າແຂກ-ຫວຸ້ງອ່າງ ແລະ ໂຄງການທາງດ່ວນວຽງຈັນ-ຮ່າໂນ້ຍ, ແຜນຍຸດທະສາດການຮ່ວມມືລະຫວ່າງກະຊວງ ຍທຂ ແລະ ກະຊວງຄົມມະນາຄົມຂົນສົ່ງແຕ່ປີ 2026-2030, ການປັບປຸງສັນຍາການຂົນສົ່ງທາງບົກ, ແຜນການຮ່ວມມືດ້ານການບິນ ແລະ ການຂົນສົ່ງທາງອາກາດ ແລະ ການຮ່ວມມືເພື່ອພັດທະນາຍົກລະດັບບຸກຄາລະກອນດ້ານການຂົນສົ່ງ, ການບໍລິຫານທ່າເຮືອ, ການຂົນສົ່ງທາງທະເລ ແລະ ອື່ນໆ.
ການຢ້ຽມຢາມຄັ້ງນີ້, ທ່ານຫງວຽນ ຊວັນ ຊາງ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງທ່ານງາມປະສົງ ເມືອງມະນີແລະ ພ້ອມທີ່ຈະໃຫ້ການສະໜັບສະໜູນດ້ານປະສົບການ ແລະ ບົດຮຽນຕ່າງໆໃນການສະໝັກເປັນສະມາຊິກຂອງອົງການຂົນສົ່ງທາງລະເລສາກົນ ແລະ ສະມາຄົມທ່າເຮືອໃນອາຊຽນພ້ອມດຽວກັນນີ້, ທັງສອງຝ່າຍໄດ້ເປັນເອກະພາບ ແລະ ເຊື່ອໝັ້ນວ່າ ພາຍໃຕ້ທິດຊີ້ນໍາຂອງສອງພັກ, ສອງລັດຖະບານ ແລະ ສອງກະຊວງຈະສາມາດບັນລຸແຜນງານການຮ່ວມມືທີ່ວາງໄວ້ ແລະ ປະສົບຜົນສໍາເລັດໃນການພັດທະນາໂດຍສະເພາະການພັດທະນາວຽກງານຄົມມະນາຄົມຂົນສົ່ງໃຫ້ມີຜົນສໍາເລັດທີ່ດີ ແລະ ມີປະສິດທິຜົນສູງຂຶ້ນເລື້ອຍໆ.
ຂ່າວ-ພາບ: ກະຊວງ ຍທຂ
ທ່ານງາມປະສົງ ເມືອງມະນີ ໄດ້ສະແດງຄວາມຍິນດີຕ້ອນຮັບທ່ານຫງວຽນຊວັນຊາງ ທີ່ໄດ້ໃຫ້ຄວາມສໍາຄັນແກ່ການຮ່ວມມືລະຫວ່າງສອງພັກ, ສອງລັດ ແລະ ສອງກະຊວງໃນການມາຢ້ຽມຢາມເຮັດວຽກຢູ່ ສປປ ລາວ ໃນຄັ້ງນີ້.ພ້ອມທັງຕີລາຄາສູງຕໍ່ການພົວພັນຮ່ວມມືສອງກະຊວງທາງດ້ານການຄົມມະນາຄົມ ແລະ ຂົນສົ່ງໃນໄລຍະຜ່ານມາ ທີ່ໄດ້ປະກອບສ່ວນຢ່າງໃຫຍ່ຫຼວງເຂົ້າໃນການເຊື່ອມໂຍງ ເຊື່ອມຈອດກັບພາກພື້ນ ແລະ ສາກົນ.
ໃນໂອກາດດັ່ງກ່າວ, ທັງສອງຝ່າຍໄດ້ປຶກສາຫາລື ແລະ ແລກປ່ຽນຄໍາຄິດຄໍາເຫັນກ່ຽວກັບການຈັດຕັ້ງຜັນຂະຫຍາຍທິດຊີ້ນໍາຂອງສອງນາຍົກລັດຖະມົນຕີທີ່ຕິດພັນກັບການຮ່ວມມືດ້ານການຄົມມະນາຄົມແລະ ຂົນສົ່ງ ເປັນຕົ້ນການຈັດກອງປະຊຸມພົບປະສອງຝ່າຍປະຈໍາປີລະຫວ່າງກະຊວງ ຍທຂ ສປປ ລາວ ແລະ ກະຊວງຄົມມະນາຄົມຂົນສົ່ງ ສສ ຫວຽດນາມ, ທິດທາງຂອງຂະບວນການໂອນຮຸ້ນ ແລະ ການບໍລິຫານທ່າເຮືອຫວຸ້ງອ່າງ,ການຊຸກຍູ້ໂຄງການທາງລົດໄຟວຽງຈັນ-ທ່າແຂກ-ຫວຸ້ງອ່າງ ແລະ ໂຄງການທາງດ່ວນວຽງຈັນ-ຮ່າໂນ້ຍ, ແຜນຍຸດທະສາດການຮ່ວມມືລະຫວ່າງກະຊວງ ຍທຂ ແລະ ກະຊວງຄົມມະນາຄົມຂົນສົ່ງແຕ່ປີ 2026-2030, ການປັບປຸງສັນຍາການຂົນສົ່ງທາງບົກ, ແຜນການຮ່ວມມືດ້ານການບິນ ແລະ ການຂົນສົ່ງທາງອາກາດ ແລະ ການຮ່ວມມືເພື່ອພັດທະນາຍົກລະດັບບຸກຄາລະກອນດ້ານການຂົນສົ່ງ, ການບໍລິຫານທ່າເຮືອ, ການຂົນສົ່ງທາງທະເລ ແລະ ອື່ນໆ.
ການຢ້ຽມຢາມຄັ້ງນີ້, ທ່ານຫງວຽນ ຊວັນ ຊາງ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງທ່ານງາມປະສົງ ເມືອງມະນີແລະ ພ້ອມທີ່ຈະໃຫ້ການສະໜັບສະໜູນດ້ານປະສົບການ ແລະ ບົດຮຽນຕ່າງໆໃນການສະໝັກເປັນສະມາຊິກຂອງອົງການຂົນສົ່ງທາງລະເລສາກົນ ແລະ ສະມາຄົມທ່າເຮືອໃນອາຊຽນພ້ອມດຽວກັນນີ້, ທັງສອງຝ່າຍໄດ້ເປັນເອກະພາບ ແລະ ເຊື່ອໝັ້ນວ່າ ພາຍໃຕ້ທິດຊີ້ນໍາຂອງສອງພັກ, ສອງລັດຖະບານ ແລະ ສອງກະຊວງຈະສາມາດບັນລຸແຜນງານການຮ່ວມມືທີ່ວາງໄວ້ ແລະ ປະສົບຜົນສໍາເລັດໃນການພັດທະນາໂດຍສະເພາະການພັດທະນາວຽກງານຄົມມະນາຄົມຂົນສົ່ງໃຫ້ມີຜົນສໍາເລັດທີ່ດີ ແລະ ມີປະສິດທິຜົນສູງຂຶ້ນເລື້ອຍໆ.
ຂ່າວ-ພາບ: ກະຊວງ ຍທຂ
