ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ແຫ່ງ ສປປ ລາວ ໄດ້ຕາງໜ້າໃຫ້ລັດຖະບານລາວ ກ່າວຖະແຫຼງການແຫ່ງຊາດ ກ່ຽວກັບຜົນກອງປະຊຸມລະດັບຊາດ ວ່າດ້ວຍປະຊາກອນ ແລະ ການພັດທະນາ, ໃນວັນທີ 24 ຕຸລາຜ່ານມາ, ທີ່ນະຄອນຫຼວງວຽງຈັນ ພ້ອມທັງຢືນຢັນຄໍາໝັ້ນສັນ ຍາ ທີ່ລັດຖະບານແຫ່ງ ສປປ ລາວ ໃຫ້ໄວ້ກັບປະເທດຕ່າງໆ ຈະຈັດຕັ້ງປະຕິບັດແຜນການ, ນະໂຍບາຍ ແລະ ນະໂຍບາຍແຫ່ງຊາດ ດ້ານປະຊາກອນ ແລະ ການພັດທະນາ ໃຫ້ສອດຄ່ອງກັບເປົ້າໝາຍການພັດທະນາແບບຍືນຍົງ (SDGs) ແລະ ແຜນດຳເນີນງານຂອງກອງປະຊຸມສາກົນ ວ່າດ້ວຍປະຊາກອນ ແລະ ການພັດທະນາ.
ທ່ານ ຮອງນາຍົກລັດຖະມົນຕີ ໄດ້ກ່າວວ່າ: ກອງປະຊຸມລະດັບຊາດ ວ່າດ້ວຍປະຊາກອນ ແລະ ການພັດທະນາ ທີ່ຈັດຂຶ້ນຄັ້ງທໍາອິດ ຢູ່ ສປປ ລາວ ໃນວັນທີ 23-24 ຕຸລາ 2023 ຊຶ່ງໄດ້ດຳເນີນດ້ວຍບັນຍາກາດຟົດຟື້ນ ແລະ ມີຄວາມຮັບຜິດຊອບສູງ, ບັນດາທ່ານຜູ້ເຂົ້າຮ່ວມ ໄດ້ແລກປ່ຽນຄຳຄິດຄຳເຫັນຢ່າງສ້າງສັນ ເຮັດໃຫ້ພວກເຮົາສາມາດເຫັນໄດ້ສະພາບຄວາມເປັນຈິງໃນແຕ່ລະໄລຍະ, ກວມລວມຮອບດ້ານ ແລະ ເລິກເຊິ່ງກວ່າເກົ່າ. ພ້ອມດຽວກັນນີ້, ຍັງໄດ້ປຶກສາຫາລືກ່ຽວກັບວິທີການ, ມາດຕະການແກ້ໄຂບັນຫາຕ່າງໆ ລວມທັງບົດຮຽນທີ່ຖອດຖອນໄດ້ ເພື່ອສືບຕໍ່ຮ່ວມມືດ້ານວຽກງານປະຊາກອນ ແລະ ການພັດທະນາ ໃນຕໍ່ໜ້າ ຊຶ່ງກອງປະຊຸມ ບັນລຸຈຸດປະສົງຄາດໝາຍທີ່ວາງໄວ້ທຸກປະການ.
ໃນນາມລັດຖະບານ ແຫ່ງ ສປປ ລາວ, ທ່ານ ກິແກ້ວ ໄຂຄໍາພິທູນ ໄດ້ໃຫ້ຄຳໝັ້ນສັນຍາວ່າ: ຈະສືບຕໍ່ຊຸກຍູ້ຢ່າງແຂງແຮງການຈັດຕັ້ງປະຕິບັດ ບັນດາເປົ້າໝາຍການພັດທະນາແບບຍືນຍົງ ແລະ ແຜນດຳ ເນີນງານຂອງກອງປະຊຸມສາກົນວ່າດ້ວຍປະຊາກອນ ແລະ ການພັດທະນາ ໂດຍຈະຊຸກຍູ້ການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ຍຸດທະສາດ ແລະ ນະໂຍບາຍຂອງຂະແໜງການ, ນະໂຍ ບາຍແຫ່ງຊາດວ່າດ້ວຍປະຊາກອນ ແລະ ການພັດທະນາ ໂດຍການຮ່ວມມືຢ່າງສະໜິດແໜ້ນ ແລະ ການສະໜັບສະໜູນຢ່າງທັນການ ຈາກຄູ່ຮ່ວມພັດທະນາທັງໝົດ ເພື່ອບັນລຸຄາດໝາຍການຕາຍຂອງແມ່ ທີ່ສາມາດປ້ອງກັນໄດ້ໃຫ້ເປັນສູນ, ຄວາມຕ້ອງການໃນການວາງແຜນຄອບຄົວທີ່ບໍ່ຖືກຕອບສະໜອງໃຫ້ເປັນສູນ, ຄວາມຮຸນແຮງບົນພື້ນຖານທາງເພດໃຫ້ເປັນສູນ ແລະ ການປະພຶດທີ່ເປັນອັນຕະລາຍ ລວມທັງການແຕ່ງງານຂອງເດັກນ້ອຍ.
ພ້ອມນີ້, ທ່ານ ກິແກ້ວ ໄຂຄໍພິທູນ ກໍໄດ້ກ່າວສະເໜີຖະແຫຼງການແຫ່ງຊາດ ກ່ຽວກັບການຊຸກຍູ້ການພັດທະນາເສດຖະກິດ-ສັງຄົມ ຢ່າງຕັ້ງໜ້າ ດ້ວຍການນຳໃຊ້ຜົນປະໂຫຍດ ແລະ ເພີ່ມຄວາມສາມາດຂອງປະຊາກອນ ໂດຍການກໍານົດແນວທາງການຈັດຕັ້ງປະຕິບັດທີ່ເປັນຍຸດທະສາດ ແລະ ສາມາດນຳໄປຈັດຕັ້ງປະຕິບັດໄດ້ດັ່ງນີ້:
1). ການຄຸ້ມຄອງ ແລະ ນໍາໃຊ້ຜົນປະໂຫຍດທາງດ້ານປະຊາກອນ: ສ້າງຕັ້ງຄະນະກໍາມະການປະສານງານລະດັບຊາດດ້ານວຽກງານປະຊາກອນ ແລະ ການພັດທະນາ ແລະ ແຜນຈັດຕັ້ງປະຕິບັດຂອງຫຼາຍຂະແໜງການ ເພື່ອເລັ່ງລັດການຈັດຕັ້ງປະຕິບັດນະໂຍບາຍແຫ່ງຊາດ ດ້ານປະຊາກອນ ແລະ ການພັດທະນາ ໂດຍການສືບຕໍ່ເຊື່ອມສານເຂົ້າແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນພັດ ທະນາຂອງຂະແໜງການ ແລະ ທ້ອງຖິ່ນ ໂດຍການຮ່ວມມືກັບຄູ່ຮ່ວມພັດທະນາ ໃນລະດັບພາກພື້ນ ແລະ ຈັດຕັ້ງສາກົນ ຜັນຂະຫຍາຍ “ແຜນງານນາງນ້ອຍ” ແລະ ຂະຫຍາຍວຽກງານເພດສຶກສາໃຫ້ທົ່ວເຖິງ ເພື່ອສ້າງຄວາມເຂັ້ມແຂງໃຫ້ແກ່ເດັກຍິງ ແລະ ເດັກຊາຍ. ຈັດບຸລິມະສິດ ແລະ ເຊື່ອມສານລະ ຫວ່າງການປ່ຽນແປງດ້ານປະຊາກອນ ແລະ ທ່າອ່ຽງການປ່ຽນແປງຂອງໂລກເຊັ່ນ: ການປ່ຽນແປງດິນຟ້າອາກາດ, ການຂ້າມຜ່ານດ້ານປະຊາກອນ, ຄວາມແຕກໂຕນຂອງປະຊາກອນ ແລະ ການຫັນເປັນລະບົບດີຈີຕອນ ເຂົ້າໃນການທົບທວນແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ແລະ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X (2026-2030).
2). ພວກເຮົາຈະສືບຕໍ່ຄົ້ນຄວ້າ, ກະກຽມຄວາມພ້ອມໃນການຮັບມືກັບການປ່ຽນແປງຂອງດິນຟ້າອາກາດ ທີ່ມີຜົນກະທົບຕໍ່ວຽກງານສາທາລະນະສຸກ, ການປົກປ້ອງສັງຄົມ ແລະ ແກ້ໄຂບັນຫາຮ່ວມກັນ: ເພີ່ມການລົງທຶນໃສ່ການສ້າງລະບົບສາທາລະນະສຸກໃຫ້ມີຄຸນນະພາບ ແລະ ມີຄວາມເຂັ້ມແຂງ ລວມທັງການບໍລິການສຸຂະພາບທາງເພດ, ສຸຂະພາບຈະເລີນພັນ ແລະ ການຕໍ່ຕ້ານການໃຊ້ຄວາມຮຸນແຮງທາງເພດ; ການສະໜອງການບໍລິການຜ່ານຍຸດທະສາດແຫ່ງຊາດ ກ່ຽວກັບການປ່ຽນແປງດິນຟ້າອາກາດ ແລະ ການປັບຕົວດ້ານສຸຂະພາບ; ສ້າງຫຼັກຖານ ແລະ ຂໍ້ມູນສະເພາະຂອງປະເທດ ໃຫ້ເປັນລະບົບເຂັ້ມແຂງ ໂດຍເລັ່ງໃສ່ບັນຫາທາງສັງຄົມ ແລະ ບົດບາດ ຍິງ-ຊາຍ ທີ່ໄດ້ຮັບຜົນກະທົບຈາກການປ່ຽນແປງດິນຟ້າອາກາດ, ລວມທັງສຸຂະພາບທາງເພດ, ສຸຂະພາບຈະເລີນພັນ ແລະ ຄວາມຮຸນແຮງທາງເພດ ເພື່ອເປັນຂໍ້ມູນ ຮັບໃຊ້ການສ້າງຍຸດທະຊາດລະດັບຊາດ ແລະ ແຜນດຳເນີນງານຕ່າງໆ; ສືບຕໍ່ປັບປຸງ ແລະ ສ້າງຕັ້ງເຄືອຂ່າຍໜ່ວຍງານທີ່ຮັບຜິດຊອບວຽກງານການປ່ຽນແປງດິນຟ້າອາກາດ ແລະ ສິດທິຂອງແມ່ຍິງ ແລະ ເດັກຍິງ ຊbjງປະກອບດ້ວຍສະຖາບັນຂອງລັດຖະບານ, ພາກເອກະຊົນ ແລະ ອົງການຈັດຕັ້ງທາງສັງຄົມ.
3). ພວກເຮົາຈະຊຸກຍູ້ສົ່ງເສີມສຸຂະພາບ ແລະ ຊີວິດການເປັນຢູ່ຂອງປະຊາຊົນ ລວມທັງສິດທິທາງດ້ານສຸຂະພາບທາງເພດ ແລະ ສຸຂະພາບຈະເລີນພັນ: ລະດົມຂົນຂວາຍການຮ່ວມມື ແລະ ເພີ່ມທະວີການລົງທຶນໃສ່ການວາງແຜນຄອບຄົວ ດ້ວຍການສ້າງຍຸດທະສາດການວາງແຜນຄອບຄົວ ແລະ ຄາດຄະ ເນງົບປະມານ ໃຊ້ເຂົ້າໃນການຈັດຕັ້ງປະຕິບັດ ໃຫ້ສອດຄ່ອງກັບສະພາບການປ່ຽນແປງໃໝ່; ສ້າງຍຸດທະສາດແພດຜະດຸງຄັນ ພ້ອມທັງຄາດຄະເນງົບປະມານ ໃຊ້ເຂົ້າໃນການຈັດຕັ້ງປະຕິບັດ ເພື່ອຮັບປະກັນວ່າແພດຜະດຸງຄັນທັງໝົດ ໄດ້ຮັບການຝຶກອົບຮົມເປັນຢ່າງດີ ແລະ ນຳເອົາບົດຮຽນໄປໝູນໃຊ້ຢູ່ໃນສະຖານທີ່ຮັກສາສຸຂະພາບ ໂດຍສະເພາະ ຢູ່ເຂດຫ່າງໄກສອກຫຼີກ; ການລົງທຶນໃສ່ການບໍລິການສຸຂະພາບທີ່ເປັນມິດກັບໄວໜຸ່ມ ລວມທັງກຸ່ມທີ່ມີຄວາມສ່ຽງ.
4.) ສ້າງຄວາມເຂັ້ມແຂງໃຫ້ແກ່ລະບົບການຄຸ້ມຄອງຂໍ້ມູນປະຊາກອນ ແລະ ຂອບການຕິດຕາມກວດກາລະດັບຊາດ ເພື່ອການພັດທະນາເສດຖະກິດ-ສັງຄົມ: ໃຫ້ບຸລິມະສິດ ແລະ ຮັບປະກັນການນຳໃຊ້ຜົນຂອງການສຳຫຼວດພົນລະເມືອງ ປີ 2025 ແລະ ການສຳຫຼວດດັດສະນີໝາຍສັງຄົມລາວ ຄັ້ງທີ III ເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຄັ້ງທີ X ປີ (2026-2030); ລົງທຶນໃສ່ການສ້າງຫຼັກຖານກ່ຽວກັບທ່າອ່ຽງການປ່ຽນແປງ ທີ່ອາດເກີດຂຶ້ນເຊັ່ນ: ການປ່ຽນແປງຂອງດິນຟ້າອາກາດ, ການຂ້າມຜ່ານທາງດ້ານປະຊາກອນ, ຄວາມແຕກໂຕນຂອງປະຊາກອນ ແລະ ການຫັນເປັນລະບົບດີຈີຕອນ ເພື່ອການວາງນະໂຍບາຍ ແລະ ແຜນງານທີ່ເປັນຍຸດທະສາດ; ສ້າງຄວາມເຂັ້ມແຂງໃຫ້ແກ່ລະບົບການຄຸ້ມຄອງຂໍ້ມູນບໍລິຫານແຫ່ງຊາດ, ລວມທັງການຈົດທະບຽນພົນລະເມືອງ ແລະ ສະຖິຕິພົນລະເມືອງ ເປັນຕົ້ນ ຂໍ້ມູນແຍກເພດ, ຊົນເຜົ່າ, ການສຶກສາ, ສາທາລະນະສຸກ ແລະ ຄົນພິການ; ລະບົບການຄຸ້ມຄອງຂໍ້ມູນຂອງຂະແໜງການ ແລະ ອື່ນໆ... ເພື່ອຮັບປະກັນໃຫ້ມີຂໍ້ມູນທັນເວລາໃນການຕັດສິນບັນຫາ ແລະ ວາງແຜນ.
5). ພວກເຮົາຈະມີສ່ວນຮ່ວມ ແລະ ຮັບປະກັນ ສາມາດນໍາໃຊ້ທ່າແຮງຊັບພະຍາກອນ ແລະ ບຸກຄະລາກອນທັງໝົດຢູ່ພາຍໃນ ລວມທັງພາກເອກະຊົນ ແລະ ອົງການຈັດຕັ້ງທາງສັງຄົມ ເພື່ອສະໜັບການໜູນແຜນດຳເນີງານຂອງກອງປະຊຸມສາກົນ ວ່າດ້ວຍປະຊາກອນ ແລະ ການພັດທະນາ ໂດຍການນໍາໃຊ້ເຕັກໂນໂລຊີ, ນະວັດຕະກໍາ ແລະ ຜົນປະໂຫຍດຈາກຄວາມກ້າວໜ້າທາງວິທະຍາສາດ, ສົ່ງເສີມການເປັນຜູ້ປະກອບການ ແລະ ການສ້າງວຽກເຮັດງານທຳໃຫ້ໝົດທຸກຄົນ ເພື່ອພ້ອມກັນກ້າວໄປຂ້າງໜ້າ.
ລັດຖະບານແຫ່ງ ສປປ ລາວ ຢືນຢັນຄໍາໝັ້ນສັນຍາທີ່ໃຫ້ໄວ້ກັບປະເທດຕ່າງໆ ທີ່ຈະຈັດຕັ້ງປະຕິ ບັດແຜນການ, ນະໂຍບາຍ ແລະ ນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ໃຫ້ສອດ ຄ່ອງກັບເປົ້າໝາຍການພັດທະນາແບບຍືນຍົງ ແລະ ແຜນດຳເນີງານຂອງກອງປະຊຸມສາກົນ ວ່າດ້ວຍປະຊາກອນ ແລະ ການພັດທະນາ. ສະນັ້ນ, ຈຶ່ງຮຽກຮ້ອງມາຍັງທຸກຂະແໜງການ ທັງສູນກາງ ແລະ ທ້ອງຖິ່ນ, ອົງການ ສປຊ, ຄູ່ຮ່ວມພັດທະນາ, ອົງການຈັດຕັ້ງທາງສັງຄົມ ແລະ ພາກເອກະຊົນ ຈົ່ງເອົາປະຊາກອນທີ່ລັດຖະບານເຮົາຖືເຂົ້າເປັນຈຸດໝາຍ ແລະ ກຳລັງພັດທະນານັ້ນ ເປັນໃຈກາງຂອງແຜນພັດທະນາລະດັບຊາດ ແລະ ລະດັບທ້ອງຖິ່ນ ເພື່ອໃຫ້ໃຫ້ສອດຄ່ອງກັບເປົ້າໝາຍການພັດທະນາແບບຍືນຍົງ ແລະ ແຜນດຳເນີງານຂອງກອງປະຊຸມສາກົນ ວ່າດ້ວຍປະຊາກອນ ແລະ ການພັດທະນາ.
(ຂ່າວ: ສຸກສະຫວັນ, ຂໍ້ມູນຈາກ: ຫສນຍ)
ທ່ານ ຮອງນາຍົກລັດຖະມົນຕີ ໄດ້ກ່າວວ່າ: ກອງປະຊຸມລະດັບຊາດ ວ່າດ້ວຍປະຊາກອນ ແລະ ການພັດທະນາ ທີ່ຈັດຂຶ້ນຄັ້ງທໍາອິດ ຢູ່ ສປປ ລາວ ໃນວັນທີ 23-24 ຕຸລາ 2023 ຊຶ່ງໄດ້ດຳເນີນດ້ວຍບັນຍາກາດຟົດຟື້ນ ແລະ ມີຄວາມຮັບຜິດຊອບສູງ, ບັນດາທ່ານຜູ້ເຂົ້າຮ່ວມ ໄດ້ແລກປ່ຽນຄຳຄິດຄຳເຫັນຢ່າງສ້າງສັນ ເຮັດໃຫ້ພວກເຮົາສາມາດເຫັນໄດ້ສະພາບຄວາມເປັນຈິງໃນແຕ່ລະໄລຍະ, ກວມລວມຮອບດ້ານ ແລະ ເລິກເຊິ່ງກວ່າເກົ່າ. ພ້ອມດຽວກັນນີ້, ຍັງໄດ້ປຶກສາຫາລືກ່ຽວກັບວິທີການ, ມາດຕະການແກ້ໄຂບັນຫາຕ່າງໆ ລວມທັງບົດຮຽນທີ່ຖອດຖອນໄດ້ ເພື່ອສືບຕໍ່ຮ່ວມມືດ້ານວຽກງານປະຊາກອນ ແລະ ການພັດທະນາ ໃນຕໍ່ໜ້າ ຊຶ່ງກອງປະຊຸມ ບັນລຸຈຸດປະສົງຄາດໝາຍທີ່ວາງໄວ້ທຸກປະການ.
ໃນນາມລັດຖະບານ ແຫ່ງ ສປປ ລາວ, ທ່ານ ກິແກ້ວ ໄຂຄໍາພິທູນ ໄດ້ໃຫ້ຄຳໝັ້ນສັນຍາວ່າ: ຈະສືບຕໍ່ຊຸກຍູ້ຢ່າງແຂງແຮງການຈັດຕັ້ງປະຕິບັດ ບັນດາເປົ້າໝາຍການພັດທະນາແບບຍືນຍົງ ແລະ ແຜນດຳ ເນີນງານຂອງກອງປະຊຸມສາກົນວ່າດ້ວຍປະຊາກອນ ແລະ ການພັດທະນາ ໂດຍຈະຊຸກຍູ້ການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ຍຸດທະສາດ ແລະ ນະໂຍບາຍຂອງຂະແໜງການ, ນະໂຍ ບາຍແຫ່ງຊາດວ່າດ້ວຍປະຊາກອນ ແລະ ການພັດທະນາ ໂດຍການຮ່ວມມືຢ່າງສະໜິດແໜ້ນ ແລະ ການສະໜັບສະໜູນຢ່າງທັນການ ຈາກຄູ່ຮ່ວມພັດທະນາທັງໝົດ ເພື່ອບັນລຸຄາດໝາຍການຕາຍຂອງແມ່ ທີ່ສາມາດປ້ອງກັນໄດ້ໃຫ້ເປັນສູນ, ຄວາມຕ້ອງການໃນການວາງແຜນຄອບຄົວທີ່ບໍ່ຖືກຕອບສະໜອງໃຫ້ເປັນສູນ, ຄວາມຮຸນແຮງບົນພື້ນຖານທາງເພດໃຫ້ເປັນສູນ ແລະ ການປະພຶດທີ່ເປັນອັນຕະລາຍ ລວມທັງການແຕ່ງງານຂອງເດັກນ້ອຍ.
ພ້ອມນີ້, ທ່ານ ກິແກ້ວ ໄຂຄໍພິທູນ ກໍໄດ້ກ່າວສະເໜີຖະແຫຼງການແຫ່ງຊາດ ກ່ຽວກັບການຊຸກຍູ້ການພັດທະນາເສດຖະກິດ-ສັງຄົມ ຢ່າງຕັ້ງໜ້າ ດ້ວຍການນຳໃຊ້ຜົນປະໂຫຍດ ແລະ ເພີ່ມຄວາມສາມາດຂອງປະຊາກອນ ໂດຍການກໍານົດແນວທາງການຈັດຕັ້ງປະຕິບັດທີ່ເປັນຍຸດທະສາດ ແລະ ສາມາດນຳໄປຈັດຕັ້ງປະຕິບັດໄດ້ດັ່ງນີ້:
1). ການຄຸ້ມຄອງ ແລະ ນໍາໃຊ້ຜົນປະໂຫຍດທາງດ້ານປະຊາກອນ: ສ້າງຕັ້ງຄະນະກໍາມະການປະສານງານລະດັບຊາດດ້ານວຽກງານປະຊາກອນ ແລະ ການພັດທະນາ ແລະ ແຜນຈັດຕັ້ງປະຕິບັດຂອງຫຼາຍຂະແໜງການ ເພື່ອເລັ່ງລັດການຈັດຕັ້ງປະຕິບັດນະໂຍບາຍແຫ່ງຊາດ ດ້ານປະຊາກອນ ແລະ ການພັດທະນາ ໂດຍການສືບຕໍ່ເຊື່ອມສານເຂົ້າແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນພັດ ທະນາຂອງຂະແໜງການ ແລະ ທ້ອງຖິ່ນ ໂດຍການຮ່ວມມືກັບຄູ່ຮ່ວມພັດທະນາ ໃນລະດັບພາກພື້ນ ແລະ ຈັດຕັ້ງສາກົນ ຜັນຂະຫຍາຍ “ແຜນງານນາງນ້ອຍ” ແລະ ຂະຫຍາຍວຽກງານເພດສຶກສາໃຫ້ທົ່ວເຖິງ ເພື່ອສ້າງຄວາມເຂັ້ມແຂງໃຫ້ແກ່ເດັກຍິງ ແລະ ເດັກຊາຍ. ຈັດບຸລິມະສິດ ແລະ ເຊື່ອມສານລະ ຫວ່າງການປ່ຽນແປງດ້ານປະຊາກອນ ແລະ ທ່າອ່ຽງການປ່ຽນແປງຂອງໂລກເຊັ່ນ: ການປ່ຽນແປງດິນຟ້າອາກາດ, ການຂ້າມຜ່ານດ້ານປະຊາກອນ, ຄວາມແຕກໂຕນຂອງປະຊາກອນ ແລະ ການຫັນເປັນລະບົບດີຈີຕອນ ເຂົ້າໃນການທົບທວນແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ແລະ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X (2026-2030).
2). ພວກເຮົາຈະສືບຕໍ່ຄົ້ນຄວ້າ, ກະກຽມຄວາມພ້ອມໃນການຮັບມືກັບການປ່ຽນແປງຂອງດິນຟ້າອາກາດ ທີ່ມີຜົນກະທົບຕໍ່ວຽກງານສາທາລະນະສຸກ, ການປົກປ້ອງສັງຄົມ ແລະ ແກ້ໄຂບັນຫາຮ່ວມກັນ: ເພີ່ມການລົງທຶນໃສ່ການສ້າງລະບົບສາທາລະນະສຸກໃຫ້ມີຄຸນນະພາບ ແລະ ມີຄວາມເຂັ້ມແຂງ ລວມທັງການບໍລິການສຸຂະພາບທາງເພດ, ສຸຂະພາບຈະເລີນພັນ ແລະ ການຕໍ່ຕ້ານການໃຊ້ຄວາມຮຸນແຮງທາງເພດ; ການສະໜອງການບໍລິການຜ່ານຍຸດທະສາດແຫ່ງຊາດ ກ່ຽວກັບການປ່ຽນແປງດິນຟ້າອາກາດ ແລະ ການປັບຕົວດ້ານສຸຂະພາບ; ສ້າງຫຼັກຖານ ແລະ ຂໍ້ມູນສະເພາະຂອງປະເທດ ໃຫ້ເປັນລະບົບເຂັ້ມແຂງ ໂດຍເລັ່ງໃສ່ບັນຫາທາງສັງຄົມ ແລະ ບົດບາດ ຍິງ-ຊາຍ ທີ່ໄດ້ຮັບຜົນກະທົບຈາກການປ່ຽນແປງດິນຟ້າອາກາດ, ລວມທັງສຸຂະພາບທາງເພດ, ສຸຂະພາບຈະເລີນພັນ ແລະ ຄວາມຮຸນແຮງທາງເພດ ເພື່ອເປັນຂໍ້ມູນ ຮັບໃຊ້ການສ້າງຍຸດທະຊາດລະດັບຊາດ ແລະ ແຜນດຳເນີນງານຕ່າງໆ; ສືບຕໍ່ປັບປຸງ ແລະ ສ້າງຕັ້ງເຄືອຂ່າຍໜ່ວຍງານທີ່ຮັບຜິດຊອບວຽກງານການປ່ຽນແປງດິນຟ້າອາກາດ ແລະ ສິດທິຂອງແມ່ຍິງ ແລະ ເດັກຍິງ ຊbjງປະກອບດ້ວຍສະຖາບັນຂອງລັດຖະບານ, ພາກເອກະຊົນ ແລະ ອົງການຈັດຕັ້ງທາງສັງຄົມ.
3). ພວກເຮົາຈະຊຸກຍູ້ສົ່ງເສີມສຸຂະພາບ ແລະ ຊີວິດການເປັນຢູ່ຂອງປະຊາຊົນ ລວມທັງສິດທິທາງດ້ານສຸຂະພາບທາງເພດ ແລະ ສຸຂະພາບຈະເລີນພັນ: ລະດົມຂົນຂວາຍການຮ່ວມມື ແລະ ເພີ່ມທະວີການລົງທຶນໃສ່ການວາງແຜນຄອບຄົວ ດ້ວຍການສ້າງຍຸດທະສາດການວາງແຜນຄອບຄົວ ແລະ ຄາດຄະ ເນງົບປະມານ ໃຊ້ເຂົ້າໃນການຈັດຕັ້ງປະຕິບັດ ໃຫ້ສອດຄ່ອງກັບສະພາບການປ່ຽນແປງໃໝ່; ສ້າງຍຸດທະສາດແພດຜະດຸງຄັນ ພ້ອມທັງຄາດຄະເນງົບປະມານ ໃຊ້ເຂົ້າໃນການຈັດຕັ້ງປະຕິບັດ ເພື່ອຮັບປະກັນວ່າແພດຜະດຸງຄັນທັງໝົດ ໄດ້ຮັບການຝຶກອົບຮົມເປັນຢ່າງດີ ແລະ ນຳເອົາບົດຮຽນໄປໝູນໃຊ້ຢູ່ໃນສະຖານທີ່ຮັກສາສຸຂະພາບ ໂດຍສະເພາະ ຢູ່ເຂດຫ່າງໄກສອກຫຼີກ; ການລົງທຶນໃສ່ການບໍລິການສຸຂະພາບທີ່ເປັນມິດກັບໄວໜຸ່ມ ລວມທັງກຸ່ມທີ່ມີຄວາມສ່ຽງ.
4.) ສ້າງຄວາມເຂັ້ມແຂງໃຫ້ແກ່ລະບົບການຄຸ້ມຄອງຂໍ້ມູນປະຊາກອນ ແລະ ຂອບການຕິດຕາມກວດກາລະດັບຊາດ ເພື່ອການພັດທະນາເສດຖະກິດ-ສັງຄົມ: ໃຫ້ບຸລິມະສິດ ແລະ ຮັບປະກັນການນຳໃຊ້ຜົນຂອງການສຳຫຼວດພົນລະເມືອງ ປີ 2025 ແລະ ການສຳຫຼວດດັດສະນີໝາຍສັງຄົມລາວ ຄັ້ງທີ III ເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຄັ້ງທີ X ປີ (2026-2030); ລົງທຶນໃສ່ການສ້າງຫຼັກຖານກ່ຽວກັບທ່າອ່ຽງການປ່ຽນແປງ ທີ່ອາດເກີດຂຶ້ນເຊັ່ນ: ການປ່ຽນແປງຂອງດິນຟ້າອາກາດ, ການຂ້າມຜ່ານທາງດ້ານປະຊາກອນ, ຄວາມແຕກໂຕນຂອງປະຊາກອນ ແລະ ການຫັນເປັນລະບົບດີຈີຕອນ ເພື່ອການວາງນະໂຍບາຍ ແລະ ແຜນງານທີ່ເປັນຍຸດທະສາດ; ສ້າງຄວາມເຂັ້ມແຂງໃຫ້ແກ່ລະບົບການຄຸ້ມຄອງຂໍ້ມູນບໍລິຫານແຫ່ງຊາດ, ລວມທັງການຈົດທະບຽນພົນລະເມືອງ ແລະ ສະຖິຕິພົນລະເມືອງ ເປັນຕົ້ນ ຂໍ້ມູນແຍກເພດ, ຊົນເຜົ່າ, ການສຶກສາ, ສາທາລະນະສຸກ ແລະ ຄົນພິການ; ລະບົບການຄຸ້ມຄອງຂໍ້ມູນຂອງຂະແໜງການ ແລະ ອື່ນໆ... ເພື່ອຮັບປະກັນໃຫ້ມີຂໍ້ມູນທັນເວລາໃນການຕັດສິນບັນຫາ ແລະ ວາງແຜນ.
5). ພວກເຮົາຈະມີສ່ວນຮ່ວມ ແລະ ຮັບປະກັນ ສາມາດນໍາໃຊ້ທ່າແຮງຊັບພະຍາກອນ ແລະ ບຸກຄະລາກອນທັງໝົດຢູ່ພາຍໃນ ລວມທັງພາກເອກະຊົນ ແລະ ອົງການຈັດຕັ້ງທາງສັງຄົມ ເພື່ອສະໜັບການໜູນແຜນດຳເນີງານຂອງກອງປະຊຸມສາກົນ ວ່າດ້ວຍປະຊາກອນ ແລະ ການພັດທະນາ ໂດຍການນໍາໃຊ້ເຕັກໂນໂລຊີ, ນະວັດຕະກໍາ ແລະ ຜົນປະໂຫຍດຈາກຄວາມກ້າວໜ້າທາງວິທະຍາສາດ, ສົ່ງເສີມການເປັນຜູ້ປະກອບການ ແລະ ການສ້າງວຽກເຮັດງານທຳໃຫ້ໝົດທຸກຄົນ ເພື່ອພ້ອມກັນກ້າວໄປຂ້າງໜ້າ.
ລັດຖະບານແຫ່ງ ສປປ ລາວ ຢືນຢັນຄໍາໝັ້ນສັນຍາທີ່ໃຫ້ໄວ້ກັບປະເທດຕ່າງໆ ທີ່ຈະຈັດຕັ້ງປະຕິ ບັດແຜນການ, ນະໂຍບາຍ ແລະ ນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ ໃຫ້ສອດ ຄ່ອງກັບເປົ້າໝາຍການພັດທະນາແບບຍືນຍົງ ແລະ ແຜນດຳເນີງານຂອງກອງປະຊຸມສາກົນ ວ່າດ້ວຍປະຊາກອນ ແລະ ການພັດທະນາ. ສະນັ້ນ, ຈຶ່ງຮຽກຮ້ອງມາຍັງທຸກຂະແໜງການ ທັງສູນກາງ ແລະ ທ້ອງຖິ່ນ, ອົງການ ສປຊ, ຄູ່ຮ່ວມພັດທະນາ, ອົງການຈັດຕັ້ງທາງສັງຄົມ ແລະ ພາກເອກະຊົນ ຈົ່ງເອົາປະຊາກອນທີ່ລັດຖະບານເຮົາຖືເຂົ້າເປັນຈຸດໝາຍ ແລະ ກຳລັງພັດທະນານັ້ນ ເປັນໃຈກາງຂອງແຜນພັດທະນາລະດັບຊາດ ແລະ ລະດັບທ້ອງຖິ່ນ ເພື່ອໃຫ້ໃຫ້ສອດຄ່ອງກັບເປົ້າໝາຍການພັດທະນາແບບຍືນຍົງ ແລະ ແຜນດຳເນີງານຂອງກອງປະຊຸມສາກົນ ວ່າດ້ວຍປະຊາກອນ ແລະ ການພັດທະນາ.
(ຂ່າວ: ສຸກສະຫວັນ, ຂໍ້ມູນຈາກ: ຫສນຍ)
