ວັນທີ 25 ຕຸລານີ້ທີ່ອົງການພັດທະນາ ແລະ ບໍລິຫານຕົວເມືອງ(ອພບ)ແຂວງຫຼວງນນ້ຳທາໄດ້ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ,ເຂັ້ມແຂງ,ໜັກແໜ້ນ ຄັ້ງທີIV ຮອບທີ I.ໂດຍການເຂົ້າຮ່ວມຂອງສະຫາຍ ຫຼ້າປະເສີດ ສີປະເສີດ ກຳມະການພັກແຂວງ ເຈົ້າເມືອງຫຼວງນ້ຳທາ ປະທານ ອພບ ແຂວງ,ມີເລຂາໜ່ວຍພັກ ອພບ ແຂວງ,ສາມອົງການຈັດຕັ້ງພັກ ແລະ ສະມາຊິກພັກພາຍໃນໜ່ວຍເຂົ້າຮ່ວມ.
ສະຫາຍ ຄຳມີ ວົງບົວລົມ ເລຂາໜ່ວຍພັກ ອພບ ແຂວງ ຮອງປະທານ ອພບ ແຂວງ ໄດ້ຍົກໃຫ້ເຫັນການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນປະຈຳປີ 2023ວ່າ:ປະຕິບັດຕາມ ຄຳສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີ ການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ,ຄຳແນະນຳ ຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດຄຳສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2022 ຂອງໜ່ວຍພັກອົງການພັດທະນາ ແລະ ບໍລິຫານຕົວເມືອງ,ໜ່ວຍພັກອົງ ການພັດທະນາ ແລະ ບໍລິຫານຕົວເມືອງ ເປັນໜ່ວຍພັກຮາກຖານ, ໃຕ້ການຊີ້ນຳໆພາໂດຍກົງຂອງຄະນະປະຈຳພັກແຂວງ, ທາງດ້ານການເມືອງ-ແນວຄິດ ແລະ ການຈັດຕັ້ງ, ມີພາລະບົດບາດເປັນເສນາທິການໃຫ້ແກ່ຄະນະພັກ ແລະ ອົງການປົກຄອງແຂວງ, ໃນການວາງແຜນ, ຈັດຕັ້ງປະຕິບັດ, ຄຸ້ມຄອງ ແລະ ບໍລິການຕົວເມືອງ,ໃນຂອບເຂດພື້ນທີ່ 22 ບ້ານເປົ້າໝາຍຂອງຕົວເມືອງ ຕາມທີ່ໄດ້ກຳນົດໄວ້ໃນແຜນຜັງ.ໜ່ວຍພັກ ອພບ ແຂວງ ມີສະມາຊິກພັກສົມບູນທັງໝົດ 26 ສະຫາຍຍິງ 7 ສະຫາຍ, ກວມເອົາພະນັກງານ - ລັດຖະກອນໃນອົງການ 100%,ໜ່ວຍພັກ ອພບ ແຂວງ ປະກອບມີ 4 ຂະແໜງຂຶ້ນກັບຄື: ຂະແໜງຫ້ອງການບໍລິ ຫານແຜນການ-ການເງິນ, ຂະແໜງຄຸ້ມຄອງ ແລະ ບໍລິການຕົວເມືອງ, ຂະແໜງເຕັກນິກ-ອອກແບບ ແລະ ຂະແໜງຈັດຕັ້ງປະຕິບັດໂຄງການ, ຄະນະໜ່ວຍພັກໄດ້ນຳເອົາແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ມະຕິຕ່າງໆ ຂອງພັກເປັນຕົ້ນ: ມະຕິກອງປະຊຸມໃຫຍ່ຄັ້ງທີ XI ຂອງພັກ, ສອງວາລະແຫ່ງຊາດ, ດຳລັດວ່າດ້ວຍການປະຢັດ ແລະ ຕ້ານການຟຸມເຟືອຍ ແລະ ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ, ນຳມາຈັດຕັ້ງເຜີຍແຜ່, ເຊື່ອມຊຶມໃຫ້ພະນັກງານ, ສະມາຊິກພັກຮັບຮູ້ ແລະ ເຂົ້າໃຈຢ່າງເລິກເຊິ່ງ, ຜ່ານການເຊື່ອມຊຶມເອກະສານເຫັນວ່າສະມາຊິກພັກທຸກສະຫາຍມີຄວາມເຊື່ອໝັ້ນຕໍ່ອຸດົມການສັງຄົມນິຍົມ, ຮູ້ຈໍາແນກໄດ້ມິດ-ສັດຕູຢ່າງຈະແຈ້ງ, ຢຶດໝັ້ນທິດສະດີມາກ-ເລນິນ, ກຳແໜ້ນແນວທາງນະໂຍບາຍຂອງພັກ, ມີຄວາມຮັບຜິດຊອບສູງຕໍ່ໜ້າທີ່ວຽກງານທີ່ໄດ້ຮັບການມອບໝາຍ, ເຄົາລົບ ແລະ ປະຕິບັດກົດລະບຽບຂອງພັກ, ກົດໝາຍຂອງລັດຢ່າງເຂັ້ມງວດ.ໂອກາດນີ້ສະຫາຍ ຫຼ້າປະເສີດກໍໄດ້ໃຫ້ກຽດມອບໃບຢັ້ງຢືນໜ່ວຍພັກປອດໃສ,ເຂັ້ມແຂງ,ໜັກແໜ້ນຄັ້ງທີIV ຮອບທີ I,ຮັບໂດຍສະຫາຍ ຄຳມີ ວົງບົວລົມ.
(ຂ່າວ-ພາບ: ກິ່ນນາລົມ)
ສະຫາຍ ຄຳມີ ວົງບົວລົມ ເລຂາໜ່ວຍພັກ ອພບ ແຂວງ ຮອງປະທານ ອພບ ແຂວງ ໄດ້ຍົກໃຫ້ເຫັນການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນປະຈຳປີ 2023ວ່າ:ປະຕິບັດຕາມ ຄຳສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີ ການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ,ຄຳແນະນຳ ຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດຄຳສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2022 ຂອງໜ່ວຍພັກອົງການພັດທະນາ ແລະ ບໍລິຫານຕົວເມືອງ,ໜ່ວຍພັກອົງ ການພັດທະນາ ແລະ ບໍລິຫານຕົວເມືອງ ເປັນໜ່ວຍພັກຮາກຖານ, ໃຕ້ການຊີ້ນຳໆພາໂດຍກົງຂອງຄະນະປະຈຳພັກແຂວງ, ທາງດ້ານການເມືອງ-ແນວຄິດ ແລະ ການຈັດຕັ້ງ, ມີພາລະບົດບາດເປັນເສນາທິການໃຫ້ແກ່ຄະນະພັກ ແລະ ອົງການປົກຄອງແຂວງ, ໃນການວາງແຜນ, ຈັດຕັ້ງປະຕິບັດ, ຄຸ້ມຄອງ ແລະ ບໍລິການຕົວເມືອງ,ໃນຂອບເຂດພື້ນທີ່ 22 ບ້ານເປົ້າໝາຍຂອງຕົວເມືອງ ຕາມທີ່ໄດ້ກຳນົດໄວ້ໃນແຜນຜັງ.ໜ່ວຍພັກ ອພບ ແຂວງ ມີສະມາຊິກພັກສົມບູນທັງໝົດ 26 ສະຫາຍຍິງ 7 ສະຫາຍ, ກວມເອົາພະນັກງານ - ລັດຖະກອນໃນອົງການ 100%,ໜ່ວຍພັກ ອພບ ແຂວງ ປະກອບມີ 4 ຂະແໜງຂຶ້ນກັບຄື: ຂະແໜງຫ້ອງການບໍລິ ຫານແຜນການ-ການເງິນ, ຂະແໜງຄຸ້ມຄອງ ແລະ ບໍລິການຕົວເມືອງ, ຂະແໜງເຕັກນິກ-ອອກແບບ ແລະ ຂະແໜງຈັດຕັ້ງປະຕິບັດໂຄງການ, ຄະນະໜ່ວຍພັກໄດ້ນຳເອົາແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ມະຕິຕ່າງໆ ຂອງພັກເປັນຕົ້ນ: ມະຕິກອງປະຊຸມໃຫຍ່ຄັ້ງທີ XI ຂອງພັກ, ສອງວາລະແຫ່ງຊາດ, ດຳລັດວ່າດ້ວຍການປະຢັດ ແລະ ຕ້ານການຟຸມເຟືອຍ ແລະ ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ, ນຳມາຈັດຕັ້ງເຜີຍແຜ່, ເຊື່ອມຊຶມໃຫ້ພະນັກງານ, ສະມາຊິກພັກຮັບຮູ້ ແລະ ເຂົ້າໃຈຢ່າງເລິກເຊິ່ງ, ຜ່ານການເຊື່ອມຊຶມເອກະສານເຫັນວ່າສະມາຊິກພັກທຸກສະຫາຍມີຄວາມເຊື່ອໝັ້ນຕໍ່ອຸດົມການສັງຄົມນິຍົມ, ຮູ້ຈໍາແນກໄດ້ມິດ-ສັດຕູຢ່າງຈະແຈ້ງ, ຢຶດໝັ້ນທິດສະດີມາກ-ເລນິນ, ກຳແໜ້ນແນວທາງນະໂຍບາຍຂອງພັກ, ມີຄວາມຮັບຜິດຊອບສູງຕໍ່ໜ້າທີ່ວຽກງານທີ່ໄດ້ຮັບການມອບໝາຍ, ເຄົາລົບ ແລະ ປະຕິບັດກົດລະບຽບຂອງພັກ, ກົດໝາຍຂອງລັດຢ່າງເຂັ້ມງວດ.ໂອກາດນີ້ສະຫາຍ ຫຼ້າປະເສີດກໍໄດ້ໃຫ້ກຽດມອບໃບຢັ້ງຢືນໜ່ວຍພັກປອດໃສ,ເຂັ້ມແຂງ,ໜັກແໜ້ນຄັ້ງທີIV ຮອບທີ I,ຮັບໂດຍສະຫາຍ ຄຳມີ ວົງບົວລົມ.
(ຂ່າວ-ພາບ: ກິ່ນນາລົມ)
