ໃນວັນທີ 25 ຕຸລາຜ່ານມາ, ສະຫາຍ ພັນໂທ ສົມໝາຍ ດອນພະຈັນ ຫົວໜ້າການເມືອງ ກອງພັນໃຫຍ່ 202 ພົບປະໂອ້ລົມພະນັກງານ-ນັກຮົບພະແນກການເມືອງ ກອງພັນໃຫຍ່ 202 ກອງພົນທີ 2ທີ່ສະໂມສອນກອງດັ່ງກ່າວ, ໂດຍມີພະນັກງານສະມາຊິກພັກ-ນັກຮົບກ່ຽວຂ້ອງເຂົ້າຮ່ວມ.
ໂອກາດນີ້,ສະຫາຍ ພັນໂທ ຄຳໄບ ວິໄລພອນ ຮອງຫົວໜ້າພະແນກການເມືອງ ໄດ້ລາຍງານວ່າ: ໃນໄລຍະຜ່ານມາ, ຄະນະພັກ-ຄະນະບັນຊາໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດ ໃຫ້ພະນັກງານ-ນັກຮົບມີແນວຄິດອຸ່ນອ່ຽງທຸ່ນທ່ຽງ ຕໍ່ໜ້າທີ່ວິຊາສະເພາະຂອງຕົນໃກ້ສິດຕິດແທດກັບວຽກງານຕົວຈິງ, ເອົາໃຈໃສ່ຊຸກຍູ້ຂະບວນການດ້ານຕ່າງໆເປັນຕົ້ນ ຂະບວນການເພີ່ມພູນຜະລິດຜົນ, ປູກຝັງ-ລ້ຽງສັດ, ຂະບວນການປັບປຸງກໍ່ສ້າງກົມກອງ, ຂະບວນການສິລະປະ-ວັນນະຄະດີ ແລະ ຂະບວນການອື່ນໆ ໃຫ້ມີບັນຍາກາດຟົດຟື້ນຢ່າງຕໍ່ເນື່ອງ. ນອກນັ້ນຍັງໄດ້ເອົາໃຈໃສ່ວຽກງານກໍ່ສ້າງພັກພະນັກງານ ແລະ ວຽກງານອົງການຈັດຕັ້ງມະຫາຊົນ, ວຽກງານປ້ອງກັນກວດກາ, ວຽກງານນະໂຍບາຍປະກັນສັງຄົມ, ວຽກງານປັບປຸງແກ້ໄຂຊີວິດການເປັນຢູ່ຂອງພະນັກງານ-ນັກຮົບໃຫ້ດີຂຶ້ນເທື່ອລະກ້າວ.
ຈາກນັ້ນ, ສະຫາຍພັນໂທ ສົມໝາຍ ດອນພະຈັນ ໄດ້ໃຫ້ກຽດໂອ້ລົມເນັ້ນໜັກໃຫ້ຄະນະພັກ-ຄະນະບັນຊາເປັນເຈົ້າການຍົກສູງບົດບາດການນຳພາ-ບັນຊາຂອງຕົນ, ເອົາໃຈໃສ່ວຽກງານການເມືອງນໍາພາແນວຄິດເປັນກົກ, ເພີ່ມທະວີຄວາມສາມັກຄີໃຫ້ແໜ້ນແຟ້ນ, ເປັນແບບຢ່າງໃນທຸກຂະບວນການ ເພື່ອເປັນເງື່ອນໄຂໃນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ເອົາໃຈໃສ່ວຽກງານການກຽມພ້ອມສູ້ຮົບ ກອບກູ້ໄພພິບັດ, ວຽກງານປັບປຸງກໍ່ສ້າງກົມກອງໄປຄຽງຄູ່ກັບວຽກງານເພີ່ມພູມຜະລິດຜົນປູກຝັງ-ລ້ຽງສັດເພື່ອແກ້ໄຂຊີວິດການເປັນຢູ່ໃຫ້ດີຂຶ້ນຕາມທິດນຳເພີ່ງຕົນເອງ, ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງຕິດພັນກັບຂະບວນການສ້າງກອງ 3 ປອດໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກໃຫ້ປະກົດຜົນເປັນຈິງ. ຂ່າວ-ພາບ: ຄຳຊາຍ ກວ່າງຄຸນສີ
ໂອກາດນີ້,ສະຫາຍ ພັນໂທ ຄຳໄບ ວິໄລພອນ ຮອງຫົວໜ້າພະແນກການເມືອງ ໄດ້ລາຍງານວ່າ: ໃນໄລຍະຜ່ານມາ, ຄະນະພັກ-ຄະນະບັນຊາໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດ ໃຫ້ພະນັກງານ-ນັກຮົບມີແນວຄິດອຸ່ນອ່ຽງທຸ່ນທ່ຽງ ຕໍ່ໜ້າທີ່ວິຊາສະເພາະຂອງຕົນໃກ້ສິດຕິດແທດກັບວຽກງານຕົວຈິງ, ເອົາໃຈໃສ່ຊຸກຍູ້ຂະບວນການດ້ານຕ່າງໆເປັນຕົ້ນ ຂະບວນການເພີ່ມພູນຜະລິດຜົນ, ປູກຝັງ-ລ້ຽງສັດ, ຂະບວນການປັບປຸງກໍ່ສ້າງກົມກອງ, ຂະບວນການສິລະປະ-ວັນນະຄະດີ ແລະ ຂະບວນການອື່ນໆ ໃຫ້ມີບັນຍາກາດຟົດຟື້ນຢ່າງຕໍ່ເນື່ອງ. ນອກນັ້ນຍັງໄດ້ເອົາໃຈໃສ່ວຽກງານກໍ່ສ້າງພັກພະນັກງານ ແລະ ວຽກງານອົງການຈັດຕັ້ງມະຫາຊົນ, ວຽກງານປ້ອງກັນກວດກາ, ວຽກງານນະໂຍບາຍປະກັນສັງຄົມ, ວຽກງານປັບປຸງແກ້ໄຂຊີວິດການເປັນຢູ່ຂອງພະນັກງານ-ນັກຮົບໃຫ້ດີຂຶ້ນເທື່ອລະກ້າວ.
ຈາກນັ້ນ, ສະຫາຍພັນໂທ ສົມໝາຍ ດອນພະຈັນ ໄດ້ໃຫ້ກຽດໂອ້ລົມເນັ້ນໜັກໃຫ້ຄະນະພັກ-ຄະນະບັນຊາເປັນເຈົ້າການຍົກສູງບົດບາດການນຳພາ-ບັນຊາຂອງຕົນ, ເອົາໃຈໃສ່ວຽກງານການເມືອງນໍາພາແນວຄິດເປັນກົກ, ເພີ່ມທະວີຄວາມສາມັກຄີໃຫ້ແໜ້ນແຟ້ນ, ເປັນແບບຢ່າງໃນທຸກຂະບວນການ ເພື່ອເປັນເງື່ອນໄຂໃນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ເອົາໃຈໃສ່ວຽກງານການກຽມພ້ອມສູ້ຮົບ ກອບກູ້ໄພພິບັດ, ວຽກງານປັບປຸງກໍ່ສ້າງກົມກອງໄປຄຽງຄູ່ກັບວຽກງານເພີ່ມພູມຜະລິດຜົນປູກຝັງ-ລ້ຽງສັດເພື່ອແກ້ໄຂຊີວິດການເປັນຢູ່ໃຫ້ດີຂຶ້ນຕາມທິດນຳເພີ່ງຕົນເອງ, ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງຕິດພັນກັບຂະບວນການສ້າງກອງ 3 ປອດໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກໃຫ້ປະກົດຜົນເປັນຈິງ. ຂ່າວ-ພາບ: ຄຳຊາຍ ກວ່າງຄຸນສີ
