ພິທີມອບ-ຮັບພະນັກງານລົງກໍ່ສ້າງຮາກຖານການເມືອງຈາກກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ( ຖວທ ) ໃຫ້ແກ່ພະແນກ ຖວທ ແຂວງເຊກອງໄດ້ຈັດຂຶ້ນໃນວັນທີ 25 ຕຸລາຜ່ານມາ, ທີ່ຫ້ອງປະຊຸມພະແນກດັ່ງກ່າວ, ໃຫ້ກຽດຕ້ອນຮັບໂດຍທ່ານ ບຸນທົງ ຖິ່ນດອນໂຂງ ຮັກສາການຫົວໜ້າພະແນກ ຖວທ ແຂວງ, ມີທ່ານ ອິນຖາ ສີສົມພອນ ຮອງຫົວໜ້າກົມຈັດຕັ້ງ ແລະ ພະນັກງານ ກະຊວງ ຖວທ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ຈະຕຸພອນ ບຸນຍະມະວົງ ຕາງໜ້າກົມຈັດຕັ້ງ ແລະ ພະນັກງານກະຊວງ ຖວທ ໄດ້ຜ່ານຂໍ້ຕົກລົງ ຂອງກະຊວງ ຖວທ ວ່າດ້ວຍການອະນຸມັດໃຫ້ພະນັກງານລົງກໍ່ສ້າງຮາກຖານການເມືອງຢູ່ທ້ອງຖິ່ນປີ 2023 ໂດຍອະນຸມັດໃຫ້ທ່ານ ວົງເດືອນ ແກ້ວສຸລິວົງ ຫົວໜ້າພະແນກວິໄຈການຕະຫຼາດທ່ອງທ່ຽວ ກົມໂຄສະນາການທ່ອງ ທ່ຽວ ລົງຮາກຖານຢູ່ພະແນກ ຖວທ ແຂວງເຊກອງໄລຍະເວລາ 6 ເດືອນເລີ່ມແຕ່ວັນທີ 25 ຕຸລາ 2023 ຫາວັນທີ 31 ມີນາ 2024.
ທ່ານ ອິນຖາ ສີສົມພອນ ກ່າວວ່າ: ການຫັນພະນັກງານລົງກໍ່ສ້າງຮາກຖານໃນຄັ້ງນີ້ ເພື່ອສ້າງຄວາມເຂັ້ມແຂງໃຫ້ທ້ອງຖິ່ນ, ແມ່ນການປະຕິບັດຕາມແນວທາງນະໂຍບາຍຂອງພັກ-ລັດ ວ່າດ້ວຍການຫັນເອົາພະນັກ ງານລົງກໍ່ສ້າງຮາກຖານການເມືອງຮອບດ້ານ, ຊຶ່ງຄະນະພັກກະຊວງ ຖວທ ໄດ້ເລືອກເຟັ້ນເອົາພະນັກງານ, ສະມາຊິກພັກຜູ້ທີ່ຢູ່ໃນແຜນກຳນົດພະນັກງານນຳພາ-ຄຸ້ມຄອງຂັ້ນຂອງຕົນ ຊຶ່ງແມ່ນຜູ້ທີ່ມີຄວາມຮູ້, ຄວາມສາມາດມີປະສົບການລົງຊ່ວຍຊຸກຍູ້, ປັບປຸງ ແລະ ພັດທະນາວຽກງານ ຖວທ ຕາມການສະເໜີ ແລະ ຄວາມຮຽກຮ້ອງຕ້ອງການຂອງພະແນກ ຖວທ ແຂວງເຊກອງ ໂດຍສະເພາະແມ່ນວຽກວິໄຈຕະຫຼາດການທ່ອງທ່ຽວ ພ້ອມທັງຊ່ວຍເປັນຂົວຕໍ່ປະສານງານວຽກງານປິ່ນອ້ອມອື່ນໆລະຫວ່າງກະຊວງ ຖວທ ແລະ ພະແນກ ຖວທ ແຂວງໃຫ້ກົມກຽວກັນ ສາມາດຈັດຕັ້ງປະຕິບັດແຜນຍຸດທະສາດ, ແຜນພັດທະນາວຽກງານ ຖວທ ທີ່ກຳນົດໄວ້ໃຫ້ມີຜົນ ສຳເລັດ.
ໂອກາດນີ້, ທ່ານ ບຸນທົງ ຖິ່ນດອນໂຂງ ໄດ້ກ່າວສະແດງຄວາມດີໃຈ ແລະ ຍິນດີຕ້ອນຮັບເອົາພະນັກ ງານທີ່ລົງກໍ່ສ້າງຮາກຖານຢ່າງອົບອຸ່ນ, ພ້ອມທັງລາຍງານສະພາບການພັດທະນາວຽກງານ ຖວທ ແຂວງເຊກອງໂດຍຫຍໍ້ ແລະ ວຽກງານຈຸດສຸມທີ່ສຳຄັນຈຳນວນໜຶ່ງເປັນຕົ້ນ: ການກະກຽມເປີດປີທ່ອງທ່ຽວລາວ 2024 ຕິດພັນກັບການສະເຫຼີມສະຫຼອງວັນສ້າງຕັ້ງແຂວງເຊກອງ ຄົບຮອບ 40 ປີ ແລະ ເຫດການທີ່ສຳຄັນອື່ນໆຂອງພັກ, ຂອງຊາດ ແລະ ຂອງແຂວງທີ່ຈະມາເຖິງໃນມໍ່ໆນີ້, ຫັວງຢ່າງຍິ່ງວ່າການຫັນເອົາພະນັກງານລົງກໍ່ສ້າງຮາກຖານການເມືອງໃນຄັ້ງນີ້ຈະຊ່ວຍປັບປຸງ ແລະ ພັດທະນາວຽກງານ ຖວທ ຢູ່ແຂວງເຊກອງ ເວົ້າສະເພາະວຽກງານວິໄຈດ້ານການພັດທະນາການທ່ອງທ່ຽວໃຫ້ມີບາດກ້າວໃໝ່ທີ່ດີຂຶ້ນກວ່າເກົ່າ ເພື່ອດຶງດູດນັກທ່ອງທ່ຽວທັງພາຍໃນ ແລະຕ່າງປະເທດໃຫ້ມາທ່ຽວແຂວງເຊກອງໃຫ້ຫຼາຍຂຶ້ນ. ຂ່າວ: ພຸດທະສອນ
ທ່ານ ຈະຕຸພອນ ບຸນຍະມະວົງ ຕາງໜ້າກົມຈັດຕັ້ງ ແລະ ພະນັກງານກະຊວງ ຖວທ ໄດ້ຜ່ານຂໍ້ຕົກລົງ ຂອງກະຊວງ ຖວທ ວ່າດ້ວຍການອະນຸມັດໃຫ້ພະນັກງານລົງກໍ່ສ້າງຮາກຖານການເມືອງຢູ່ທ້ອງຖິ່ນປີ 2023 ໂດຍອະນຸມັດໃຫ້ທ່ານ ວົງເດືອນ ແກ້ວສຸລິວົງ ຫົວໜ້າພະແນກວິໄຈການຕະຫຼາດທ່ອງທ່ຽວ ກົມໂຄສະນາການທ່ອງ ທ່ຽວ ລົງຮາກຖານຢູ່ພະແນກ ຖວທ ແຂວງເຊກອງໄລຍະເວລາ 6 ເດືອນເລີ່ມແຕ່ວັນທີ 25 ຕຸລາ 2023 ຫາວັນທີ 31 ມີນາ 2024.
ທ່ານ ອິນຖາ ສີສົມພອນ ກ່າວວ່າ: ການຫັນພະນັກງານລົງກໍ່ສ້າງຮາກຖານໃນຄັ້ງນີ້ ເພື່ອສ້າງຄວາມເຂັ້ມແຂງໃຫ້ທ້ອງຖິ່ນ, ແມ່ນການປະຕິບັດຕາມແນວທາງນະໂຍບາຍຂອງພັກ-ລັດ ວ່າດ້ວຍການຫັນເອົາພະນັກ ງານລົງກໍ່ສ້າງຮາກຖານການເມືອງຮອບດ້ານ, ຊຶ່ງຄະນະພັກກະຊວງ ຖວທ ໄດ້ເລືອກເຟັ້ນເອົາພະນັກງານ, ສະມາຊິກພັກຜູ້ທີ່ຢູ່ໃນແຜນກຳນົດພະນັກງານນຳພາ-ຄຸ້ມຄອງຂັ້ນຂອງຕົນ ຊຶ່ງແມ່ນຜູ້ທີ່ມີຄວາມຮູ້, ຄວາມສາມາດມີປະສົບການລົງຊ່ວຍຊຸກຍູ້, ປັບປຸງ ແລະ ພັດທະນາວຽກງານ ຖວທ ຕາມການສະເໜີ ແລະ ຄວາມຮຽກຮ້ອງຕ້ອງການຂອງພະແນກ ຖວທ ແຂວງເຊກອງ ໂດຍສະເພາະແມ່ນວຽກວິໄຈຕະຫຼາດການທ່ອງທ່ຽວ ພ້ອມທັງຊ່ວຍເປັນຂົວຕໍ່ປະສານງານວຽກງານປິ່ນອ້ອມອື່ນໆລະຫວ່າງກະຊວງ ຖວທ ແລະ ພະແນກ ຖວທ ແຂວງໃຫ້ກົມກຽວກັນ ສາມາດຈັດຕັ້ງປະຕິບັດແຜນຍຸດທະສາດ, ແຜນພັດທະນາວຽກງານ ຖວທ ທີ່ກຳນົດໄວ້ໃຫ້ມີຜົນ ສຳເລັດ.
ໂອກາດນີ້, ທ່ານ ບຸນທົງ ຖິ່ນດອນໂຂງ ໄດ້ກ່າວສະແດງຄວາມດີໃຈ ແລະ ຍິນດີຕ້ອນຮັບເອົາພະນັກ ງານທີ່ລົງກໍ່ສ້າງຮາກຖານຢ່າງອົບອຸ່ນ, ພ້ອມທັງລາຍງານສະພາບການພັດທະນາວຽກງານ ຖວທ ແຂວງເຊກອງໂດຍຫຍໍ້ ແລະ ວຽກງານຈຸດສຸມທີ່ສຳຄັນຈຳນວນໜຶ່ງເປັນຕົ້ນ: ການກະກຽມເປີດປີທ່ອງທ່ຽວລາວ 2024 ຕິດພັນກັບການສະເຫຼີມສະຫຼອງວັນສ້າງຕັ້ງແຂວງເຊກອງ ຄົບຮອບ 40 ປີ ແລະ ເຫດການທີ່ສຳຄັນອື່ນໆຂອງພັກ, ຂອງຊາດ ແລະ ຂອງແຂວງທີ່ຈະມາເຖິງໃນມໍ່ໆນີ້, ຫັວງຢ່າງຍິ່ງວ່າການຫັນເອົາພະນັກງານລົງກໍ່ສ້າງຮາກຖານການເມືອງໃນຄັ້ງນີ້ຈະຊ່ວຍປັບປຸງ ແລະ ພັດທະນາວຽກງານ ຖວທ ຢູ່ແຂວງເຊກອງ ເວົ້າສະເພາະວຽກງານວິໄຈດ້ານການພັດທະນາການທ່ອງທ່ຽວໃຫ້ມີບາດກ້າວໃໝ່ທີ່ດີຂຶ້ນກວ່າເກົ່າ ເພື່ອດຶງດູດນັກທ່ອງທ່ຽວທັງພາຍໃນ ແລະຕ່າງປະເທດໃຫ້ມາທ່ຽວແຂວງເຊກອງໃຫ້ຫຼາຍຂຶ້ນ. ຂ່າວ: ພຸດທະສອນ
