ພິທີສອບເສັງນັກຮຽນຂັ້ນເມືອງ ສາຍສາມັນສຶກສາຂັ້ນປ1,ປ5,ມ4ແລະມ7ໄດ້ເປີດຂຶ້ນໃນທ້າຍອາທິດຜ່ານມາ,ຢູ່ທີ່ສະໂມສອນຂອງເມືອງສຸຂຸມາ ແຂວງຈໍາປາສັກ,ໂດຍການໃຫ້ກຽດເຂົ້່າຮ່ວມເປັນປະທານຂອງທ່ານ ນາງຄ່າຍແກ້ວ ສິງຫາວົງ ຮອງເລຂາພັກເມືອງ,ທ່ານ ແສງມະນີ ແກ້ວອາລຸນ ຮອງຫົວໜ້າຫ້ອງການສຶກສາທິການແລະກິລາເມືອງ,ມີຄະນະກຳມະການຈັດການສອບເສັງ,ຄູອາຈານແລະນ້ອງນັກຮຽນເຂົ້າຮ່ວມ.

ສຳລັບສູນສອບສອບເສັງນັກຮຽນເກັ່ງແມ່ນໂຮງຮຽນປະຖົມສຸຂຸມາມີ9ຫ້ອງສອບເສັງ,ການສອບເສັງນັກຮຽນເກັ່ງມີນັກສອບເສັງຊັ້ນ (ປໍ1) ຈຳນວນ24ຄົນຍິງ15ຄົນ,ຊັ້ນປະຖົມ (ປ5) ຈຳນວນນັກສອບເສັງ24ຄົນຍິງ20ຄົນ,ຊັ້ນມັດທະຍົມຕອນຕົ້ນ(ມໍ4)ມີນັກຮຽນສອບ32ຄົນຍິງ22ຄົນ,ຊັ້ນມັດທະຍົມຕອນປາຍ(ມໍ7)ມີນັກສອບ32ຄົນ,ຍິງ26ຄົນ.ສຳລັບວິຊາທີ່ນຳມາສອບເສັງມີຄື:ຊັ້ນປະຖົມປໍ1ມີວິຊາພາສາລາວ-ວັນນະຄະດີ,ວິຊາຄະນິດສາດແລະວິຊາວິທະຍາສາດແລະສີ່ງແວດລ້ອມ,ຊັ້ນປໍ5ມີວິຊາພາສາລາວ-ວັນນະຄະດີ,ຄະນິດສາດ,ວິທະຍາສາດແລະສີ່ງແວດລ້ອມ,ຊັ້ນມັດທະຍົມຕອນຕົ້ນ ມີວິຊາພາສາລາວ-ວັນນະຄະດີ, ຄະນິດສາດ,ເຄມີສາດ ແລະ ວິຊາຟີຊິກສາດ,ຊັ້ນມັດທະຍົມຕອນປາຍ(ມໍ7)ມີວິຊາພາສາລາວ-ວັນນະຄະດີ,ຄະນິດສາດ,ເຄມີສາດ ແລະ ວິຊາຟີຊິກສາດ. ໃນຕອນທ້າຍ ທ່ານ ນາງ ຄ່າຍແກ້ວ ສິງຫາວົງ ຮອງເລຂາພັກເມືອງ ກໍ່ໄດ້ໃຫ້ກຽດມອບໃບຍ້ອງຍໍແລະເງິນລາງວັນໃຫ້ແກ່ນັກຮຽນເກັ່ງອີກດ້ວຍ.

(ຂ່າວ-ພາບ:ປັນຍາ ແກ້ວພິລົມຖວທ ເມືອງສຸຂຸມາ)