ເມື່ອບໍ່ດົນມານີ້, ເຜົ່າມົ້ງນະຄອນ ຫຼວງພະບາງ ແຂວງຫຼວງພະບາງ ໄດ້ຈັດພິທີສະເຫຼີມສະຫຼອງບູນນໍເປເຈົ່າສົ່ງທ້າຍປີເກົ່າຕ້ອນຮັບປີໃໝ່ປະຈໍາປີ 2024 ຂຶ້ນ, ເປັນກຽດເຂົ້າຮ່ວມຂອງທ່ານ ແກ້ວຈະເລີນ ເຊ່ຍຢິ້ງຢ່າງ ຮອງປະທານກຳມາທິການບັນດາເຜົ່າສະພາແຫ່ງຊາດ, ສສຊເຂດເລືອກຕັ້ງທີ 8 ແຂວງຫົວພັນ, ທ່ານ ວຽງທອງ ຫັດສະຈັນ ເຈົ້ານະຄອນ ຫຼວງພະບາງ, ທ່ານ ສີງຕັນ ໄຊລືຊົ່ງ ຮອງປະທານສະພາປະຊາຊົນແຂວງ ແລະ ອຳນາດການປົກຄອງບ້ານ, ເຖົ້າແກ່ແນວໂຮມຜູ້ຊົງຄຸນວຸດທິເຂົ້າຮ່ວມ.
ໃນພິທີຫຼາຍພາກສ່ວນກໍໄດ້ມີກະຕ່າມາຮ່ວມອວຍພອນຄະນະພັກ, ອົງການປົກຄອງບ້ານກໍຄືປະຊາຊົນ. ຈາກນັ້ນ, ຜູ້ເຂົ້າຮ່ວມກໍໄດ້ຊົມການສະແດງສິລະປະ, ຊົມການເປົ່າແຄນເຜົ່າມົ້ງ, ສາທິດການຕໍາເຂົ້າປະປາປີໃໝ່, ໂຍນໝາກຄອນ ແລະ ມ່ວນຊື່ນລໍາວົງສາມັກຄີ.