ໃນວັນທີ 2 ກຸມພານີ້ ຢູ່ເດີ່ນກິລາຫຍ້າທຽມສິງນ້ອຍ ເມືອງຄອບ ແຂວງໄຊຍະບູລີ ໄດ້ຈັດງານແຂ່ງຂັນກິລາບານເຕະອາວຸໂສມິດຕະພາບ ຊິງຂັນທ່ານປະທານສະພາປະຊາຊົນແຂວງໄຊຍະບູລີ ໂດຍເປັນກຽດເຂົ້າຮ່ວມຂອງທ່ານ ເພັງນິລັນ ຄຳພັນເພັງ ປະທານສະພາປະຊາຊົນແຂວງ, ມີແຂກຖືກເຊີນ ທີມງານລົງກໍ່ສ້າງຮາກຖານຂັ້ນແຂວງ, ມີການນຳ 4 ເມືອງເໜືອເຂົ້າຮ່ວມ.

ໃນພິທີ, ທ່ານ ສົມນຶກ ສິງຄໍາ ວ່າການເຈົ້າເມືອງຄອບ ໄດ້ກ່າວວ່າ: ການຈັດກິດຈະກຳແຂ່ງກິລາໃນຄັ້ງນີ້, ເປັນການຊຸກຍູ້ສົ່ງເສີມການພັດທະນາວຽກງານກິລາ-ກາຍະກຳ ທັງເປັນການຮັດແໜ້ນຄວາມສາມັກຄີລະຫວ່າງເມືອງຕໍ່ເມືອງ, ທັງເປັນການສ້າງຂະບວນຄຳນັບຮັບຕ້ອນວັນສຳຄັນຂອງພັກ, ຂອງຊາດ, ອິກດ້ານໜຶ່ງກໍເພື່ອເປັນການຂໍ່ານັບຮັບຕ້ອນກອງປະຊຸມໃຫຍ່ຜູ້ແທນອົງຄະນະພັກເມືອງຄອບຄັ້ງທີ VI ທີ່ຈະໄດ້ໄຂຂຶ້ນໃນຕໍ່ໜ້ານີ້.

ການແຂ່ງຂັນຄັ້ງນີ້, ປະກອບມີນັກກິລາ: ເມືອງຄອບ, ເມືອງຊຽງຮ່ອນ, ເມືອງຫົງສາ ແລະ ເມືອງເງິນ ຊຶ່ງມີຜົນການແຂ່ງຂັນດັ່ງນີ້: ທີ 1 ໄດ້ທີມບານເຕະເມືອງຊຽງຮ່ອນ, ທີ 2 ໄດ້ທີມບານເຕະເມືອງຫົງສາ

(ຂ່າວ-ພາບ: ທອງແກ້ວ ພອນມະລີ)