ທ່ານ ຄຳເຈນ ວົງໂພສີ ລັດຖະມົນຕີ ກະຊວງແຜນການ ແລະ ການລົງທຶນ(ຜທ)ໄດ້ລາຍງານກ່ຽວການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມກາງສະໄໝ 5ປີ(2021-2025) ແລະ ແຜນການທ້າຍສະໄໝຮອດປີ 2025,ການຈັດຕັ້ງປະຕິບັດແຜນການ ປະຈຳປີ 2023 ແລະ ແຜນການປະຈຳປີ 2024 ຕໍ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 31 ຕຸລານີ້ ທີ່ຫໍສະພາແຫ່ງຊາດ ພາຍໃຕ້ການເປັນປະທານ ຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.
ທ່ານລັດຖະມົນຕີກະຊວງ ຜທ ກ່າວວ່າ:ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ກາງສະໄໝ (2021-2023) ຜ່ານມາການເຕີບໂຕເສດຖະກິດ ມີ 12 ຕົວຊີ້ບອກ, ຄາດວ່າຈະບັນລຸມີ 6 ຕົວຊີ້ບອກ, ອັນທີ່ພົ້ນເດັ່ນແມ່ນ ໃນໄລຍະເຄິ່ງສະໄໝຜ່ານມາ (2021-2023) ເສດຖະກິດໄດ້ຂະຫຍາຍຕົວ ສະເລ່ຍໃນລະດັບ 4,03% (ແຜນການ 5 ປີ ສະເລ່ຍໃນລະດັບ 4% ຂຶ້ນໄປ)ໃນຂະນະທີ່ ການລົງທຶນທົ່ວສັງຄົມມີທັງໝົດ 5 ຕົວຊີ້ບອກ ຊຶ່ງໄດ້ຈັດຕັ້ງປະຕິບັດຕົວຊີ້ບອກດັ່ງກ່າວຢ່າງຕັ້ງໜ້າ ແລະສາມາດປະຕິບັດໄດ້ 153.987,33 ຕື້ກີບ, ເທົ່າກັບ 75% ຂອງແຜນການ, ໃນນີ້ການລົງທຶນຈາກ ODA ປະຕິບັດໄດ້22.424 ຕື້ກີບ ເທົ່າກັບ 60% ຂອງແຜນການ ແລະ ການລົງທຶນຈາກເອກະຊົນພາຍໃນ ແລະ ຕ່າງປະເທດ ປະຕິບັດໄດ້123.658 ຕື້ກີບ, ເທົ່າກັບ 124%. ມີ 1 ຕົວຊີ້ບອກຄາດວ່າຈະບໍ່ໄດ້ຕາມແຜນການ ນັ້ນແມ່ນການລົງທຶນຈາກງົບປະມານຂອງລັດ ຊຶ່ງໄດ້ພຽງແຕ່ 7.904,22 ຕື້ກີບ ເທົ່າກັບ 34% ຂອງແຜນການ 5ປີ ຄັ້ງທີ IX, ການຄ້າກັບຕ່າງປະເທດມີທັງໝົດ 2ຕົວຊີ້ບອກຊຶ່ງຄາດວ່າຈະສາມາດບັນລຸໄດ້ຕາມແຜນການວາງໄວ້ ໂດຍໄດ້ເອົາໃຈໃສ່ປະຕິບັດນະໂຍບາຍການຄ້າກັບຕ່າງປະເທດຢ່າງຕັ້ງໜ້າຊຶ່ງມູນຄ່າການສົ່ງອອກສິນຄ້າໄປຕ່າງປະເທດ ໄດ້ເພີ່ມຂຶ້ນ ແລະສາມາດເກີນດຸນການຄ້າໃນແຕ່ລະປີ(ໃນປີ 2021 ເກີນດຸນ1.740 ລ້ານໂດລາ ແລະ ປີ 2022ເກີນດຸນ 1.390ລ້ານໂດລາ ແລະ ໃນ6 ເດືອນຕົ້ນປີ 2023 ແມ່ນເກີນດຸນ 998,26 ລ້ານໂດລາ
ທ່ານລັດຖະມົນຕີກະຊວງ ຜທ ກ່າວຕື່ມວ່າ: ຕໍ່ກັບແຜນພັດທະນາເສດຖະກິດ-ສັງຄົມໃນທ້າຍສະໄໝ ຮອດປີ 2025 ໂດຍສະເພາະດ້ານເສດຖະກິດມະຫາພາກຈະສູ້ຊົນໃຫ້ລວມຍອດຜະລິດຕະພັນພາຍໃນ (GDP) ຂະຫຍາຍຕົວ ສະເລ່ຍ 4% ຂຶ້ນໄປ ຕໍ່ປີ,ສູ້ຊົນເກັບລາຍຮັບ ບໍ່ໃຫ້ຫຼຸດ 17% ຂອງ GDP, ລາຍຈ່າຍບໍ່ເກີນ 18% ຂອງ GDP ແລະ ຂາດດຸນງົບປະມານໃຫ້ຢູ່ໃນລະດັບຕໍ່າກວ່າ 1% ຂອງ GDP ຫຼື ສູງສຸດບໍ່ເກີນ 2% ຂອງ GDP,ສູ້ຊົນໃຫ້ປະລິມານເງິນລວມ M2 ໃຫ້ຂະຫຍາຍຕົວບໍ່ເກີນ 20%,ສູ້ຊົນເຮັດໃຫ້ອັດຕາເງິນເຟີ້ ຢູ່ໃນລະດັບບໍ່ເກີນ 6%,ຄຸ້ມຄອງອັດຕາແລກປ່ຽນໃຫ້ເໜັງຕີງຢູ່ໃນລະດັບບໍ່ສ້າງແຮງກົດດັນຕໍ່ອັດຕາເງິນເຟີ້, ຍອດເຫຼືອເງິນຝາກຂອງທະນາຄານທຸລະກິດໃຫ້ຢູ່ໃນລະດັບ 60% ຂອງ GDP,ຍອດເຫຼືອສິນເຊື່ອຂອງຂະແໜງການທະນາຄານໃຫ້ຢູ່ໃນລະດັບ 49%,ຄັງສຳຮອງເງິນຕາຕ່າງປະເທດໃຫ້ສາມາດກຸ້ມການນຳເຂົ້າໄດ້ບໍ່ໃຫ້ຫຼຸດ 5 ເດືອນ, ຄວບຄຸມອັດຕາສ່ວນໜີ້ບໍ່ເກີດດອກອອກຜົນ (NPLs) ສະເລ່ຍໃຫ້ຢູ່ໃນລະດັບບໍ່ເກີນ 3% ຂອງ ຍອດສິນເຊື່ອທັງໝົດ, ການລົງທຶນທົ່ວສັງຄົມ ໃຫ້ຢູ່ໃນລະດັບບໍ່ຫຼຸດ 204.599 ຕື້ກີບ ເທົ່າກັບ 19,4% ຂອງ GDP.
(ຂ່າວ-ພາບ:ສຳນານ)
ທ່ານລັດຖະມົນຕີກະຊວງ ຜທ ກ່າວວ່າ:ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ກາງສະໄໝ (2021-2023) ຜ່ານມາການເຕີບໂຕເສດຖະກິດ ມີ 12 ຕົວຊີ້ບອກ, ຄາດວ່າຈະບັນລຸມີ 6 ຕົວຊີ້ບອກ, ອັນທີ່ພົ້ນເດັ່ນແມ່ນ ໃນໄລຍະເຄິ່ງສະໄໝຜ່ານມາ (2021-2023) ເສດຖະກິດໄດ້ຂະຫຍາຍຕົວ ສະເລ່ຍໃນລະດັບ 4,03% (ແຜນການ 5 ປີ ສະເລ່ຍໃນລະດັບ 4% ຂຶ້ນໄປ)ໃນຂະນະທີ່ ການລົງທຶນທົ່ວສັງຄົມມີທັງໝົດ 5 ຕົວຊີ້ບອກ ຊຶ່ງໄດ້ຈັດຕັ້ງປະຕິບັດຕົວຊີ້ບອກດັ່ງກ່າວຢ່າງຕັ້ງໜ້າ ແລະສາມາດປະຕິບັດໄດ້ 153.987,33 ຕື້ກີບ, ເທົ່າກັບ 75% ຂອງແຜນການ, ໃນນີ້ການລົງທຶນຈາກ ODA ປະຕິບັດໄດ້22.424 ຕື້ກີບ ເທົ່າກັບ 60% ຂອງແຜນການ ແລະ ການລົງທຶນຈາກເອກະຊົນພາຍໃນ ແລະ ຕ່າງປະເທດ ປະຕິບັດໄດ້123.658 ຕື້ກີບ, ເທົ່າກັບ 124%. ມີ 1 ຕົວຊີ້ບອກຄາດວ່າຈະບໍ່ໄດ້ຕາມແຜນການ ນັ້ນແມ່ນການລົງທຶນຈາກງົບປະມານຂອງລັດ ຊຶ່ງໄດ້ພຽງແຕ່ 7.904,22 ຕື້ກີບ ເທົ່າກັບ 34% ຂອງແຜນການ 5ປີ ຄັ້ງທີ IX, ການຄ້າກັບຕ່າງປະເທດມີທັງໝົດ 2ຕົວຊີ້ບອກຊຶ່ງຄາດວ່າຈະສາມາດບັນລຸໄດ້ຕາມແຜນການວາງໄວ້ ໂດຍໄດ້ເອົາໃຈໃສ່ປະຕິບັດນະໂຍບາຍການຄ້າກັບຕ່າງປະເທດຢ່າງຕັ້ງໜ້າຊຶ່ງມູນຄ່າການສົ່ງອອກສິນຄ້າໄປຕ່າງປະເທດ ໄດ້ເພີ່ມຂຶ້ນ ແລະສາມາດເກີນດຸນການຄ້າໃນແຕ່ລະປີ(ໃນປີ 2021 ເກີນດຸນ1.740 ລ້ານໂດລາ ແລະ ປີ 2022ເກີນດຸນ 1.390ລ້ານໂດລາ ແລະ ໃນ6 ເດືອນຕົ້ນປີ 2023 ແມ່ນເກີນດຸນ 998,26 ລ້ານໂດລາ
ທ່ານລັດຖະມົນຕີກະຊວງ ຜທ ກ່າວຕື່ມວ່າ: ຕໍ່ກັບແຜນພັດທະນາເສດຖະກິດ-ສັງຄົມໃນທ້າຍສະໄໝ ຮອດປີ 2025 ໂດຍສະເພາະດ້ານເສດຖະກິດມະຫາພາກຈະສູ້ຊົນໃຫ້ລວມຍອດຜະລິດຕະພັນພາຍໃນ (GDP) ຂະຫຍາຍຕົວ ສະເລ່ຍ 4% ຂຶ້ນໄປ ຕໍ່ປີ,ສູ້ຊົນເກັບລາຍຮັບ ບໍ່ໃຫ້ຫຼຸດ 17% ຂອງ GDP, ລາຍຈ່າຍບໍ່ເກີນ 18% ຂອງ GDP ແລະ ຂາດດຸນງົບປະມານໃຫ້ຢູ່ໃນລະດັບຕໍ່າກວ່າ 1% ຂອງ GDP ຫຼື ສູງສຸດບໍ່ເກີນ 2% ຂອງ GDP,ສູ້ຊົນໃຫ້ປະລິມານເງິນລວມ M2 ໃຫ້ຂະຫຍາຍຕົວບໍ່ເກີນ 20%,ສູ້ຊົນເຮັດໃຫ້ອັດຕາເງິນເຟີ້ ຢູ່ໃນລະດັບບໍ່ເກີນ 6%,ຄຸ້ມຄອງອັດຕາແລກປ່ຽນໃຫ້ເໜັງຕີງຢູ່ໃນລະດັບບໍ່ສ້າງແຮງກົດດັນຕໍ່ອັດຕາເງິນເຟີ້, ຍອດເຫຼືອເງິນຝາກຂອງທະນາຄານທຸລະກິດໃຫ້ຢູ່ໃນລະດັບ 60% ຂອງ GDP,ຍອດເຫຼືອສິນເຊື່ອຂອງຂະແໜງການທະນາຄານໃຫ້ຢູ່ໃນລະດັບ 49%,ຄັງສຳຮອງເງິນຕາຕ່າງປະເທດໃຫ້ສາມາດກຸ້ມການນຳເຂົ້າໄດ້ບໍ່ໃຫ້ຫຼຸດ 5 ເດືອນ, ຄວບຄຸມອັດຕາສ່ວນໜີ້ບໍ່ເກີດດອກອອກຜົນ (NPLs) ສະເລ່ຍໃຫ້ຢູ່ໃນລະດັບບໍ່ເກີນ 3% ຂອງ ຍອດສິນເຊື່ອທັງໝົດ, ການລົງທຶນທົ່ວສັງຄົມ ໃຫ້ຢູ່ໃນລະດັບບໍ່ຫຼຸດ 204.599 ຕື້ກີບ ເທົ່າກັບ 19,4% ຂອງ GDP.
(ຂ່າວ-ພາບ:ສຳນານ)
