ໃນວັນທີ 9 ມີນານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ເມືອງທ່າແຕງ ແຂວງເຊກອງ ໂດຍການຕ້ອນຮັບຂອງ ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ພ້ອມດ້ວຍຄະນະນໍາແຂວງ, ເມືອງ.
ໃນການເຄື່ອນໄຫວເຮັດວຽກຄັ້ງນີ້, ທ່ານ ສອນໄຊ ສີພັນດອນ ໄດ້ເຄື່ອນໄຫວຢ້ຽມຢາມບໍລິສັດ ອິນແປງການຄ້າ ຂາອອກ-ຂາເຂົ້າ ຈໍາກັດຜູ້ດຽວ ກໍຄື ໂຮງງານເຊກອງວາຍ ແລະ ບໍລິສັດ ປຸງແຕ່ງແປ້ງມັນຕົົ້ນຄູນມີໄຊ ຈໍາກັດຜູ້ດຽວ ໂດຍຕາງໜ້າໂຮງງານເຊກອງວາຍ ໄດ້ລາຍງານໃຫ້ຊາບວ່າ: ໂຮງງານ ໄດ້ເລີ່ມຄົ້ນຄິດການຜະລິດວາຍ ມາແຕ່ປີ 2005, ມາຮອດປີ 2008 ຈຶ່ງໄດ້ສ້າງຕັ້ງໂຮງງານຜະລິດຂຶ້ນເປັນທາງການ ຊຶ່ງສາມາດຜະລິດ ແລະ ປຸງແຕ່ງໄດ້ 4 ຢ່າງ ຄື: ວາຍໝາກຂາມປ້ອມ, ວາຍໝາກຈັນ, ວາຍໝາກນອດ, ວາຍໝາກກ້ວຍຊຶ່ງໄດ້ຮັບຮອງເປັນສິນຄ້າໜຶ່ງເມືອງໜຶ່ງຜະລິດຕະພັນ (ODOP) ຂອງເມືອງທ່າແຕງ, ມາຮອດປັດຈຸບັນ ໄດ້ມີການຜະລິດເພີ່ມອີກ 2 ຢ່າງຄື: ວາຍກາເຟ ແລະ ວາຍໝາກຂາມປ້ອມຄັດພິເສດ.
ສ່ວນໂຮງງານປຸງແຕ່ງແປ້ງມັນຕົ້ນ ຄູນມີໄຊ ຈໍາກັດຜູ້ດຽວ ຜູ້ຕາງໜ້າໂຮງງານດັ່ງກ່າວໄດ້ໃຫ້ຮູ້ວ່າ: ທາງໂຮງງານເປັນຜູ້ຜະລິດ ແລະ ສົ່ງອອກຜະລິດຕະພັນແປ້ງມັນຕົ້ນທີ່ຫຼາຍທີ່ສຸດໃນແຂວງເຊກອງ ຊຶ່ງວັດຖຸດິບ ແມ່ນໄດ້ຮັບຊື້ຈາກຜົນຜະລິດຂອງພໍ່ແມ່ປະຊາຊົນພາຍໃນເມືອງທ່າແຕງ ກໍຄື ແຂວງເຊກອງ ທີ່ຜະລິດ ແລະ ສະໜອງໃຫ້ ນັບມື້ນັບຫຼາຍຂຶ້ນໃນແຕ່ລະປີ ໂດຍທາງໂຮງງານ ໄດ້ຜະລິດເປັນແປ້ງສົ່ງຂາຍພາຍໃນ ແລະ ຕ່າງປະເທດ. ໃນປີ 2024 ຜ່ານມາ ສາມາດຜະລິດແປ້ງມັນຕົ້ນໄດ້ທັງໝົດ 152,000 ໂຕນຄິດເປັນມູນຄ່າ 263 ຕື້ກີບ.
ໂອກາດນີ້, ທ່ານນາຍົກລັດຖະມົນຕີ ໄດ້ໃຫ້ທິດຊີ້ນໍາ ຕໍ່ໂຮງງານເຊກອງວາຍ ໃຫ້ເລັ່ງໃສ່ການພັດທະນາພື້ນຖານໂຄງລ່າງ ໂດຍສະເພາະ ເສັ້ນທາງເຂົ້າໂຮງງານ, ຊຸດປ້ອງກັນຂອງພະນັກງານທີ່ດຳ ເນີນການຜະລິດ, ການປັບປຸງສະຖານທີ່, ຂອດການບໍລິການ ແລະ ການຄັດເລືອກເອົາໝາກໄມ້ຊະນິດຕ່າງໆມາຜະລິດເປັນວາຍ ຕ້ອງໃຫ້ໄດ້ຄຸນນະພາບ ເພື່ອເຮັດໃຫ້ຜະລິດຕະພັນ ເປັນທີ່ນິຍົມ ແລະ ສືບຕໍ່ຂະຫຍາຍຕົວຍິ່ງຂຶ້ນ. ສໍາລັບໂຮງງານປຸງແຕ່ງແປ້ງມັນຕົ້ນ ແມ່ນໃຫ້ເອົາໃຈໃສ່ຊຸກຍູ້ ແລະ ຈັດສັນເນື້ອທີ່ການຜະລິດມັນຕົ້ນຂອງປະຊາຊົນ ລວມເຖິງການສະໜອງແນວພັນ, ການຄໍ້າປະກັນລາຄາ, ການຊອກຕະຫຼາດຮອງຮັບ, ໃຫ້ຄົ້ນຄວ້າສ້າງພະລັງງານໄຟຟ້າແສງຕາເວັນ. ທັງນີ້, ກໍເພື່ອແກ້ໄຂຄວາມທຸກຍາກຂອງປະຊາຊົນ ໃຫ້ໄດ້ຕາມເປົ້າໝາຍແຜນການທີ່ວາງໄວ້, ຄຽງຄູ່ກັນນີ້ແມ່ນໃຫ້ອະນຸລັກຮັກສາປ່າໄມ້, ບໍ່ໃຫ້ບຸກລຸກເຂດປ່າປ້ອງກັນ, ປ່າສະຫງວນ ເພື່ອປະຕິບັດຕາມທິດສີຂຽວ ຂອງລັດຖະບານ ກໍຄື ການຮັກສາປ່າໄມ້ ໃຫ້ໄດ້ກວມເຖິງ 70% ຂອງພື້ນທີ່ໃນທົ່ວປະເທດ. ພ້ອມນີ້, ການນໍາແຂວງເຊກອງ, ການນໍາເມືອງ ກໍໃຫ້ເອົາໃຈໃສ່ຂອດການລົງທຶນ ໃຫ້ປະຕິບັດໄປຕາມທິດຊີ້ນຳຂອງກົມການເມືອງສູນກາງພັກ ແລະ ລັດຖະບານ ເພື່ອຄຸ້ມຄອງການລົງທຶນໃຫ້ເຂົ້າສູ່ລະບຽບກົດໝາຍຢ່າງເຂັ້ມງວດ, ພ້ອມທັງເອົາໃຈໃສ່ດຶງດູດ ແລະ ຍາດແຍ່ງເອົາການລົງທຶນໃຫ້ຫຼາຍຂຶ້ນ.
(ຂ່າວ: ອັດສະວິນ)
ໃນການເຄື່ອນໄຫວເຮັດວຽກຄັ້ງນີ້, ທ່ານ ສອນໄຊ ສີພັນດອນ ໄດ້ເຄື່ອນໄຫວຢ້ຽມຢາມບໍລິສັດ ອິນແປງການຄ້າ ຂາອອກ-ຂາເຂົ້າ ຈໍາກັດຜູ້ດຽວ ກໍຄື ໂຮງງານເຊກອງວາຍ ແລະ ບໍລິສັດ ປຸງແຕ່ງແປ້ງມັນຕົົ້ນຄູນມີໄຊ ຈໍາກັດຜູ້ດຽວ ໂດຍຕາງໜ້າໂຮງງານເຊກອງວາຍ ໄດ້ລາຍງານໃຫ້ຊາບວ່າ: ໂຮງງານ ໄດ້ເລີ່ມຄົ້ນຄິດການຜະລິດວາຍ ມາແຕ່ປີ 2005, ມາຮອດປີ 2008 ຈຶ່ງໄດ້ສ້າງຕັ້ງໂຮງງານຜະລິດຂຶ້ນເປັນທາງການ ຊຶ່ງສາມາດຜະລິດ ແລະ ປຸງແຕ່ງໄດ້ 4 ຢ່າງ ຄື: ວາຍໝາກຂາມປ້ອມ, ວາຍໝາກຈັນ, ວາຍໝາກນອດ, ວາຍໝາກກ້ວຍຊຶ່ງໄດ້ຮັບຮອງເປັນສິນຄ້າໜຶ່ງເມືອງໜຶ່ງຜະລິດຕະພັນ (ODOP) ຂອງເມືອງທ່າແຕງ, ມາຮອດປັດຈຸບັນ ໄດ້ມີການຜະລິດເພີ່ມອີກ 2 ຢ່າງຄື: ວາຍກາເຟ ແລະ ວາຍໝາກຂາມປ້ອມຄັດພິເສດ.
ສ່ວນໂຮງງານປຸງແຕ່ງແປ້ງມັນຕົ້ນ ຄູນມີໄຊ ຈໍາກັດຜູ້ດຽວ ຜູ້ຕາງໜ້າໂຮງງານດັ່ງກ່າວໄດ້ໃຫ້ຮູ້ວ່າ: ທາງໂຮງງານເປັນຜູ້ຜະລິດ ແລະ ສົ່ງອອກຜະລິດຕະພັນແປ້ງມັນຕົ້ນທີ່ຫຼາຍທີ່ສຸດໃນແຂວງເຊກອງ ຊຶ່ງວັດຖຸດິບ ແມ່ນໄດ້ຮັບຊື້ຈາກຜົນຜະລິດຂອງພໍ່ແມ່ປະຊາຊົນພາຍໃນເມືອງທ່າແຕງ ກໍຄື ແຂວງເຊກອງ ທີ່ຜະລິດ ແລະ ສະໜອງໃຫ້ ນັບມື້ນັບຫຼາຍຂຶ້ນໃນແຕ່ລະປີ ໂດຍທາງໂຮງງານ ໄດ້ຜະລິດເປັນແປ້ງສົ່ງຂາຍພາຍໃນ ແລະ ຕ່າງປະເທດ. ໃນປີ 2024 ຜ່ານມາ ສາມາດຜະລິດແປ້ງມັນຕົ້ນໄດ້ທັງໝົດ 152,000 ໂຕນຄິດເປັນມູນຄ່າ 263 ຕື້ກີບ.
ໂອກາດນີ້, ທ່ານນາຍົກລັດຖະມົນຕີ ໄດ້ໃຫ້ທິດຊີ້ນໍາ ຕໍ່ໂຮງງານເຊກອງວາຍ ໃຫ້ເລັ່ງໃສ່ການພັດທະນາພື້ນຖານໂຄງລ່າງ ໂດຍສະເພາະ ເສັ້ນທາງເຂົ້າໂຮງງານ, ຊຸດປ້ອງກັນຂອງພະນັກງານທີ່ດຳ ເນີນການຜະລິດ, ການປັບປຸງສະຖານທີ່, ຂອດການບໍລິການ ແລະ ການຄັດເລືອກເອົາໝາກໄມ້ຊະນິດຕ່າງໆມາຜະລິດເປັນວາຍ ຕ້ອງໃຫ້ໄດ້ຄຸນນະພາບ ເພື່ອເຮັດໃຫ້ຜະລິດຕະພັນ ເປັນທີ່ນິຍົມ ແລະ ສືບຕໍ່ຂະຫຍາຍຕົວຍິ່ງຂຶ້ນ. ສໍາລັບໂຮງງານປຸງແຕ່ງແປ້ງມັນຕົ້ນ ແມ່ນໃຫ້ເອົາໃຈໃສ່ຊຸກຍູ້ ແລະ ຈັດສັນເນື້ອທີ່ການຜະລິດມັນຕົ້ນຂອງປະຊາຊົນ ລວມເຖິງການສະໜອງແນວພັນ, ການຄໍ້າປະກັນລາຄາ, ການຊອກຕະຫຼາດຮອງຮັບ, ໃຫ້ຄົ້ນຄວ້າສ້າງພະລັງງານໄຟຟ້າແສງຕາເວັນ. ທັງນີ້, ກໍເພື່ອແກ້ໄຂຄວາມທຸກຍາກຂອງປະຊາຊົນ ໃຫ້ໄດ້ຕາມເປົ້າໝາຍແຜນການທີ່ວາງໄວ້, ຄຽງຄູ່ກັນນີ້ແມ່ນໃຫ້ອະນຸລັກຮັກສາປ່າໄມ້, ບໍ່ໃຫ້ບຸກລຸກເຂດປ່າປ້ອງກັນ, ປ່າສະຫງວນ ເພື່ອປະຕິບັດຕາມທິດສີຂຽວ ຂອງລັດຖະບານ ກໍຄື ການຮັກສາປ່າໄມ້ ໃຫ້ໄດ້ກວມເຖິງ 70% ຂອງພື້ນທີ່ໃນທົ່ວປະເທດ. ພ້ອມນີ້, ການນໍາແຂວງເຊກອງ, ການນໍາເມືອງ ກໍໃຫ້ເອົາໃຈໃສ່ຂອດການລົງທຶນ ໃຫ້ປະຕິບັດໄປຕາມທິດຊີ້ນຳຂອງກົມການເມືອງສູນກາງພັກ ແລະ ລັດຖະບານ ເພື່ອຄຸ້ມຄອງການລົງທຶນໃຫ້ເຂົ້າສູ່ລະບຽບກົດໝາຍຢ່າງເຂັ້ມງວດ, ພ້ອມທັງເອົາໃຈໃສ່ດຶງດູດ ແລະ ຍາດແຍ່ງເອົາການລົງທຶນໃຫ້ຫຼາຍຂຶ້ນ.
(ຂ່າວ: ອັດສະວິນ)
