ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ89,600 ໂດລາໃນການສະໜັບສະໜູນໂຄງການດ້ານການສຶກສາໃນແຂວງອຸດົມໄຊພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ(GGP); ພິທີລົງນາມການຊ່ວຍເຫຼືອດັ່ງກ່າວຈັດຂຶ້ນໃນຫວ່າງບໍ່ດົນມານີ້ ທີ່ນະຄອນຫຼວງວຽງຈັນ.
ໂຄງການຈະໃຫ້ການສະໜັບສະໜູນທຶນຮອນເພື່ອກໍ່ສ້າງອາຄານຮຽນ ແລະ ຫ້ອງນໍ້າໃໝ່ ພ້ອມທັງສະໜອງສິ່ງອຳນວຍຄວາມສະດວກທີ່ຈຳເປັນ ໃຫ້ແກ່ໂຮງຮຽນປະຖົມບ້ານລາວຫວາງເມືອງຫຼາ ແຂວງອຸດົມໄຊ ເພື່ອຍົກລະດັບໂອກາດໃນການເຂົ້າເຖິງການສຶກສາຊັ້ນກຽມປະຖົມ ແລະ ຊັ້ນປະຖົມຂອງເດັກນ້ອຍໃນທ້ອງຖິ່ນ.
ເຂົ້າຮ່ວມພິທີລົງນາມໃນສັນຍາ ລະຫວ່າງ ທ່ານ ໂຄອິຊຶມິ ຊຶໂຕະມຸ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ, ທ່ານ ຄຳທ່ຽງ ທໍ່ຫົວໜ້າຫ້ອງການສຶກສາທິການ ແລະ ກິລາເມືອງຫຼາແຂວງອຸດົມໄຊ ພ້ອມດ້ວຍແຂກຖືກເຊີນ.
ທ່ານເອກອັກຄະຣາຊະທູດ ໄດ້ໃຫ້ຄຳເຫັນວ່າ:“ຂ້າພະເຈົ້າເຂົ້າໃຈວ່າ ພາຍຫຼັງທີ່ກໍ່ສ້າງໂຮງຮຽນອະນຸບານ-ປະຖົມລາວຫວາງ ສຳເລັດແລ້ວ ເດັກນ້ອຍຈະໄດ້ມີຫ້ອງຮຽນທີ່ພຽງພໍໃນອາຄານຮຽນຫຼັງໃໝ່ທີ່ປອດໄພ ແລະ ສາມາດເອົາໃຈໃສ່ໃນການຮ່ຳຮຽນໄດ້ຢ່າງເຕັມທີ່.ພ້ອມກັນນັ້ນ, ການກໍ່ສ້າງຫ້ອງນ້ຳທີ່ຖືກຕ້ອງຕາມມາດຕະຖານ ຂອງກະຊວງສຶກສາທິການ ແລະ ກິລາວາງອອກ ເພື່ອປັບປຸງສະພາບສຸຂານາໄມໃນໂຮງຮຽນອະນຸບານ-ປະຖົມລາວຫວາງ ກໍເປັນເປົ້າໝາຍຫຼັກໜຶ່ງ ຂອງໂຄງການດັ່ງກ່າວ, ພວກເຮົາຄາດຫວັງວ່າ ພາຍຫຼັງການເຊັນສັນຍາສິ້ນສຸດລົງ ການກໍ່ສ້າງອາຄານຮຽນຫຼັງໃໝ່ ກໍຈະສຳເລັດໄດ້ໂດຍຖ່ວງທັນ ເພື່ອໃຫ້ສະພາບແວດລ້ອມການສຶກສາຮ່ຳຮຽນ ແລະ ສຸຂານາໄມໃນໂຮງຮຽນດັ່ງກ່າວ ໄດ້ຮັບການແກ້ໄຂໄດ້ໄວເທົ່າທີ່ຈະໄວໄດ້.”
ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP) ແມ່ນການສະໜອງທຶນທີ່ຈຳເປັນໃຫ້ແກ່ໂຄງການຂະໜາດນ້ອຍທີ່ໃຫ້ຜົນປະໂຫຍດໂດຍກົງແກ່ປະຊາຊົນຜູ້ອາໄສ ແລະ ມີຈຸດປະສົງ ເພື່ອການພັດທະນາເສດຖະກິດ-ສັງຄົມຂອງປະເທດລາວ ໂດຍອີງຕາມຄວາມຕ້ອງການພື້ນຖານຂອງມະນຸດເປັນຫຼັກ.
ໃນໄລຍະຜ່ານມາ, ລັດຖະບານຍີ່ປຸ່ນໄດ້ໃຫ້ການສະໜັບສະໜູນໃຫ້ແກ່ແຂວງອຸດົມໄຊລວມເປັນມູນຄ່າທັງໝົດຫຼາຍກວ່າ 2,500,000 ໂດລາ ໃນດ້ານສາທາລະນະສຸກ, ການສຶກສາ, ໂຄງລ່າງພື້ນຖານ, ລະບົບນ້ຳລິນ ແລະ ກະສິກຳ. ປະເທດຍີ່ປຸ່ນຈະສືບຕໍ່ໃຫ້ການຊ່ວຍເຫຼືອປະເທດລາວໃນການປັບປຸງພື້ນຖານຊີວິດການເປັນຢູ່ຂັ້ນຮາກຖານຕໍ່ໄປເພື່ອຮັບປະກັນ “ບໍ່ໃຫ້ມີໃຜຖືກຖິ້ມໄວ້ທາງຫຼັງ” ຜ່ານການແກ້ໄຂຄວາມແຕກໂຕນດ້ານການພັດທະນາເສດຖະກິດ-ສັງຄົມໃນພາກພື້ນ.
(ຂ່າວ-ພາບ: ສະຖານທູດຍີ່ປຸ່ນ)
ໂຄງການຈະໃຫ້ການສະໜັບສະໜູນທຶນຮອນເພື່ອກໍ່ສ້າງອາຄານຮຽນ ແລະ ຫ້ອງນໍ້າໃໝ່ ພ້ອມທັງສະໜອງສິ່ງອຳນວຍຄວາມສະດວກທີ່ຈຳເປັນ ໃຫ້ແກ່ໂຮງຮຽນປະຖົມບ້ານລາວຫວາງເມືອງຫຼາ ແຂວງອຸດົມໄຊ ເພື່ອຍົກລະດັບໂອກາດໃນການເຂົ້າເຖິງການສຶກສາຊັ້ນກຽມປະຖົມ ແລະ ຊັ້ນປະຖົມຂອງເດັກນ້ອຍໃນທ້ອງຖິ່ນ.
ເຂົ້າຮ່ວມພິທີລົງນາມໃນສັນຍາ ລະຫວ່າງ ທ່ານ ໂຄອິຊຶມິ ຊຶໂຕະມຸ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ, ທ່ານ ຄຳທ່ຽງ ທໍ່ຫົວໜ້າຫ້ອງການສຶກສາທິການ ແລະ ກິລາເມືອງຫຼາແຂວງອຸດົມໄຊ ພ້ອມດ້ວຍແຂກຖືກເຊີນ.
ທ່ານເອກອັກຄະຣາຊະທູດ ໄດ້ໃຫ້ຄຳເຫັນວ່າ:“ຂ້າພະເຈົ້າເຂົ້າໃຈວ່າ ພາຍຫຼັງທີ່ກໍ່ສ້າງໂຮງຮຽນອະນຸບານ-ປະຖົມລາວຫວາງ ສຳເລັດແລ້ວ ເດັກນ້ອຍຈະໄດ້ມີຫ້ອງຮຽນທີ່ພຽງພໍໃນອາຄານຮຽນຫຼັງໃໝ່ທີ່ປອດໄພ ແລະ ສາມາດເອົາໃຈໃສ່ໃນການຮ່ຳຮຽນໄດ້ຢ່າງເຕັມທີ່.ພ້ອມກັນນັ້ນ, ການກໍ່ສ້າງຫ້ອງນ້ຳທີ່ຖືກຕ້ອງຕາມມາດຕະຖານ ຂອງກະຊວງສຶກສາທິການ ແລະ ກິລາວາງອອກ ເພື່ອປັບປຸງສະພາບສຸຂານາໄມໃນໂຮງຮຽນອະນຸບານ-ປະຖົມລາວຫວາງ ກໍເປັນເປົ້າໝາຍຫຼັກໜຶ່ງ ຂອງໂຄງການດັ່ງກ່າວ, ພວກເຮົາຄາດຫວັງວ່າ ພາຍຫຼັງການເຊັນສັນຍາສິ້ນສຸດລົງ ການກໍ່ສ້າງອາຄານຮຽນຫຼັງໃໝ່ ກໍຈະສຳເລັດໄດ້ໂດຍຖ່ວງທັນ ເພື່ອໃຫ້ສະພາບແວດລ້ອມການສຶກສາຮ່ຳຮຽນ ແລະ ສຸຂານາໄມໃນໂຮງຮຽນດັ່ງກ່າວ ໄດ້ຮັບການແກ້ໄຂໄດ້ໄວເທົ່າທີ່ຈະໄວໄດ້.”
ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP) ແມ່ນການສະໜອງທຶນທີ່ຈຳເປັນໃຫ້ແກ່ໂຄງການຂະໜາດນ້ອຍທີ່ໃຫ້ຜົນປະໂຫຍດໂດຍກົງແກ່ປະຊາຊົນຜູ້ອາໄສ ແລະ ມີຈຸດປະສົງ ເພື່ອການພັດທະນາເສດຖະກິດ-ສັງຄົມຂອງປະເທດລາວ ໂດຍອີງຕາມຄວາມຕ້ອງການພື້ນຖານຂອງມະນຸດເປັນຫຼັກ.
ໃນໄລຍະຜ່ານມາ, ລັດຖະບານຍີ່ປຸ່ນໄດ້ໃຫ້ການສະໜັບສະໜູນໃຫ້ແກ່ແຂວງອຸດົມໄຊລວມເປັນມູນຄ່າທັງໝົດຫຼາຍກວ່າ 2,500,000 ໂດລາ ໃນດ້ານສາທາລະນະສຸກ, ການສຶກສາ, ໂຄງລ່າງພື້ນຖານ, ລະບົບນ້ຳລິນ ແລະ ກະສິກຳ. ປະເທດຍີ່ປຸ່ນຈະສືບຕໍ່ໃຫ້ການຊ່ວຍເຫຼືອປະເທດລາວໃນການປັບປຸງພື້ນຖານຊີວິດການເປັນຢູ່ຂັ້ນຮາກຖານຕໍ່ໄປເພື່ອຮັບປະກັນ “ບໍ່ໃຫ້ມີໃຜຖືກຖິ້ມໄວ້ທາງຫຼັງ” ຜ່ານການແກ້ໄຂຄວາມແຕກໂຕນດ້ານການພັດທະນາເສດຖະກິດ-ສັງຄົມໃນພາກພື້ນ.
(ຂ່າວ-ພາບ: ສະຖານທູດຍີ່ປຸ່ນ)
