ບົດຂຽນຂອງ ສະຫາຍ ຫງວຽນ ມິງ ເຕິມ ເອກອັກຄະລັດຖະທູດຜູ້ມີອຳນາດເຕັມ
ແຫ່ງ ສສ ຫວຽດນາມ ປະຈຳ ສປປ ລາວ
(ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດ ລາວ
ຄົບຮອບ 70 ປີ, 22/3/1955-22/3/2025)
ເພື່ອຕອບສະໜອງພາລະໃໝ່ຂອງການປະຕິວັດ, ສືບທອດພາລະກິດອັນສະຫງ່າລາສີຂອງພັກກອມມູນິດອິນດູຈີນ, ພັກປະຊາຊົນລາວ ປັດຈຸບັນ ແມ່ນພັກປະຊາຊົນ ປະຕິວັດ ລາວ ໄດ້ສ້າງຕັ້ງຂຶ້ນຢ່າງເປັນທາງການໃນວັນທີ 22/3/1955. ນີ້ແມ່ນຂີດໝາຍບາດລ້ຽວອັນສຳຄັນໃນປະຫວັດສາດການປະຕິວັດລາວ. ໃນຂະນະນັ້ນ, ພັກປະຊາຊົນ ປະຕິວັດ ລາວ ໄດ້ວາງອອກໜ້າທີ່ການປະຕິວັດໃນສະເພາະໜ້າ ແມ່ນ “ສາມັກຄີນຳພາທົ່ວປວງຊົນສູ້ຊົນສຳເລັດພາລະກິດປົດປ່ອຍຊາດ, ສ້າງປະເທດລາວເປັນປະເທດສັນຕິພາບ, ປະຊາທິປະໄຕ, ເອກະພາບ ແລະ ເອກະລາດ”. ໃນຕະຫຼອດບົນເສັ້ນທາງການປະຕິວັດ, ພັກປະຊາຊົນ ປະຕິວັດ ລາວ ໄດ້ນຳພາປະຊາຊົນລາວບັນດາເຜົ່າ ຕໍ່ສູ້ຍາດເອົາເອກະລາດ, ປົດປ່ອຍຊົນຊາດເທື່ອລະບາດກ້າວ, ເປີດເສັ້ນທາງແຫ່ງການພັດທະນາໃຫ້ແກ່ປະເທດຊາດ.
ນັບແຕ່ເວລາສ້າງຕັ້ງພັກມາເຖິງປັດຈຸບັນ, ພັກປະຊາຊົນ ປະຕິວັດ ລາວ ໄດ້ຜ່ານຜ່າສິ່ງທ້າທາຍນາໆປະການໃນປະຫວັດສາດ ຕໍ່ສູ້ກູ້ຊາດ ເພື່ອຕ້ານກັບພວກລ່າເມືອງຂຶ້ນແບບເກົ່າ ແກ່ຍາວຫຼາຍສິບປີດ້ວຍແນວທາງການເມືອງ, ການທະຫານທີ່ຖືກຕ້ອງ, ປະດິດສ້າງ, ດຳເນີນການປະຕິວັດ ແລະ ສົງຄາມການປະຕິວັດ ມີລັກສະນະວິທະຍາສາດ, ພັກ ໄດ້ລະດົມກຳລັງແຮງທົ່ວປວງຊົນ, ທົ່ວກອງທັບສົມທົບກັບກ້ອນກຳລັງສຳພັນສູ້ຮົບສາມປະເທດ ລາວ-ຫວຽດນາມ-ກຳປູເຈຍ ແລະ ຮ່ວມກັບກຳລັງແຮງຂອງຍຸກສະ ໄໝ ສາມາດນຳພາການປະຕິວັດ ຍາດໄດ້ໄຊຊະນະນີ້ສູ່ໄຊຊະນະໃໝ່. ນຳພາປະຊາຊົນລາວ ຂັບໄລ່ພວກຈັກກະພັດຜູ້ຮຸກຮານ, ໂຄ່ນລົ້ມອຳນາດການປົກຄອງແບບສັກດີນາ, ປົດປ່ອຍປະເທດຊາດ ຢ່າງສົມບູນ. ສະຖາປະນາສາທາລະນະລັດ ປະຊາທິປະໄຕ ປະຊາຊົນ ລາວ ຂຶ້ນໃນວັນທີ 2 ທັນວາ 1975. ນີ້ແມ່ນເຫດກາອັນໂດດເດັ່ນຖືຄວາມໝາຍປະຫວັດສາດ ແລະ ຍຸກສະໄໝ ຢ່າງເລິກເຊິ່ງ, ເປີດສັງກາດໃໝ່ໃນປະເທດລາວ, ສັງກາດແຫ່ງເອກະລາດ, ເສລີພາບ, ປະຊາຊົນລາວບັນດາເຜົ່າ ເປັນເຈົ້າຊາຕະກຳຂອງຕົນຢ່າງແທ້ຈິງ. ພັກປະຊາຊົນ ປະຕິວັດ ລາວ ກາຍເປັນພັກກຳອຳນາດ, ເປັນແກ່ນກາງໃນລະບົບການເມືອງຂອງລະບອບປະຊາທິປະໄຕປະຊາຊົນ ແລະ ນຳພາປະຊາຊົນກ້າວເຂົ້າສູ່ໄລຍະໃໝ່, ໄລຍະແຫ່ງການປົກປັກຮັກສາ ແລະ ສ້າງສາປະເທດຊາດ, ປະຕິິບັດສໍາເລັດພາລະກິດປ່ຽນແປງໃໝ່, ປັບປຸງບູລະນະລະບອບປະຊາທິປະໄຕ ປະຊາຊົນ ກ້າວຂຶ້ນຕາມເປົ້າໝາຍສັງຄົມນິຍົມ ເທື່ອລະກ້າວ.
ນັບແຕ່ປີ 1975 ເຖິງປັດຈຸບັນ, ພັກປະຊາຊົນ ປະຕິວັດ ລາວ ຍາມໃດກໍເອົາໃຈໃສ່ນຳພາແກ້ໄຂ ແລະ ຟື້ນຟູເສດຖະກິດ-ສັງຄົມ, ສຸມໃສ່ແກ້ໄຂຜົນຮ້າຍຂອງສົງຄາມ ແລະ ສັງຄົມ ທີ່ລະບອບເກົ່າປະໄວ້, ປັບປຸງຊີວິດການເປັນຢູ່ຂອງປະຊາຊົນເປັນເທື່ອລະກ້າວ, ສຸມໃສ່ພັດທະນາຂົງເຂດການສຶກສາ, ລົບລ້າງຄວາມບໍ່ຮູ້ໜັງສື, ປົກປັກຮັກສາ ແລະ ເສີມຂະຫຍາຍວັດທະນະທຳອັນດີງາມຂອງຊາດ. ສືບຕໍ່ນຳພາການດຳເນີນປະຕິບັດແຜນການພັດທະນາເສດຖະກິດ-ສັງຄົມ 5 ປີ ຄັ້ງທີ I. ອັນໄດ້ປະກອບສ່ວນສ້າງປະຖົມປັດໄຈ ແລະ ເງື່ອນໄຂສະດວກ ໃຫ້ແກ່ການສືບຕໍ່ກ້າວຂຶ້ນຂອງປະເທດຊາດ. ໃນໄລຍະຕົ້ນແຫ່ງການປົກປັກຮັກສາ ແລະ ສ້າງສາປະເທດຊາດ, ພັກປະຊາຊົນ ປະຕິວັດ ລາວ ຍາມໃດກໍຖືສຳຄັນ ແລະ ເອົາໃຈໃສ່ເປັນພິເສດ ຕໍ່ວຽກງານກໍ່ສ້າງພັກໃຫ້ປ່ອງໃສ, ເຂັ້ມແຂງ ແລະ ໜັກແໜ້ນ ໃນໄລຍະໃໝ່, ປະກອບສ່ວນເຮັດໃຫ້ພັກ ເຂັ້ມແຂງດ້ານການເມືອງ-ແນວຄິດ, ການຈັດຕັ້ງ, ແບບແຜນການນຳພາ, ວຽກງານກວດກາ, ປົກປ້ອງພັກ ແລະ ສ້າງການຫັນປ່ຽນຢ່າງແຂງແຮງ, ເລິກເຊິ່ງ, ຮອບດ້ານ ໃນວຽກງານພະນັກງານ.
ໂດຍເລີ່ມຈາກຄວາມຮຽກຮ້ອງຕ້ອງການພາວະວິໄສຂອງພຶດຕິກຳຕົວຈິງ ພ້ອມກັບຄວາມສະດຸ້ງໄວຕໍ່ສະພາບການ, ກຳໄດ້ສະພາບການຂອງໂລກ ແລະ ປະເທດຊາດ. ໃນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ IV, ພັກປະຊາຊົນ ປະຕິວັດ ລາວ ໄດ້ເປັນເຈົ້າການໃນການວາງອອກແນວທາງປ່ຽນແປງໃໝ່ຢ່າງຮອບດ້ານ ທີ່ມີຫຼັກການ, ປ່ຽນແປງໃໝ່ ຕ້ອງບົນພື້ນຖານຂອງການປ່ຽນແປງໃໝ່ດ້ານຈິນຕະນາການທິດສະດີ, ເຄົາລົບກົດເກນພາວະວິໄສ, ສ້າງທັດສະນະ ຖືລັກສະນະວິທະຍາສາດກ່ຽວກັບສັງຄົມນິຍົມ. ໃນການພັດທະນາເສດຖະກິດ, ພັກ ຫັນຈາກກົນໄກເສດຖະກິດລວມສູນເກື້ອກູນ ມາເປັນກົນໄກເສດຖະກິດການຕະຫຼາດ ໂດຍມີການຄຸ້ມຄອງຂອງລັດ. ເຕົ້າໂຮມຄວາມສາມັກຄີທົ່ວປວງຊົນ ເພື່ອປົກປ້ອງ ແລະ ສ້າງສາພັດທະນາລະບອບການໃໝ່, ຖືການກໍ່ສ້າງພັດທະນາເສດຖະກິດ ເປັນໜ້າທີ່ໃຈກາງ, ເສີມຂະຫຍາຍກຳລັງແຮງຂອງທຸກພາກສ່ວນເສດຖະກິດ, ສະເໝີພາບຕໍ່ກົດໝາຍ, ຕິດແທດກັບການຮ່ວມມືສາກົນ.
ກອງປະຊຸມໃຫຍ່ຂອງພັກ ແຕ່ລະສະໄໝ, ພັກປະຊາຊົນ ປະຕິວັດ ລາວ ສືບຕໍ່ນຳພາຈັດຕັ້ງຜັນຂະຫຍາຍແນວທາງປ່ຽນແປງໃໝ່ ຜ່ານການກວດກາ, ຕິດຕາມ, ສະຫຼຸບຕີລາຄາ, ຖອດຖອນບົດຮຽນຈາກພຶດຕິກຳຕົວຈິງ ໃນແຕ່ລະໄລຍະຢ່າງເປັນລະບົບ. ຈາກນັ້ນ, ປັບປຸງເທື່ອລະກ້າວ, ປະກອບສ່ວນເຮັດໃຫ້ແນວທາງການປ່ຽນແປງໃໝ່ຮອບດ້ານ ທີ່ມີຫຼັກການຂອງພັກ ນັບມື້ໄດ້ປັບປຸງບູລະນະໃຫ້ບໍລິບູນ, ຮັກສາ ແໜ້ນຄວາມໝັ້ນຄົງດ້ານການເມືອງ, ປ້ອງກັນຊາດ-ປ້ອງກັນຄວາມສະຫງົບ ໄດ້ຮັບປະກັນ, ເສດຖະກິດພັດທະນາຢ່າງຕັ້ງໜ້າ.
ພາຍໃຕ້ການນຳພາອັນສ່ອງໃສ ຂອງພັກປະຊາຊົນ ປະຕິວັດ ລາວ, ປະເທດລາວອ້າຍນ້ອງ ສາມາດຍາດໄດ້ບັນດາໄຊຊະນະອັນໃຫຍ່ຫຼວງ, ມີຄວາມໝາຍປະຫວັດສາດໃນພາລະກິດຕໍ່ສູ້ປົດປ່ອຍຊາດໃນເມື່ອກ່ອນ, ການປົກປັກຮັກສາ ແລະ ສ້າງສາປະເທດຊາດໃນປັດຈຸບັນ. ພິເສດ, ເກືອບ 40 ປີ ແຫ່ງການດຳເນີນປະຕິບັດແນວທາງປ່ຽນແປງໃໝ່ ໂດຍພັກປະຊາຊົນ ປະຕິວັດ ລາວ ລິເລີ່ມ ແລະ ນຳພາ, ປະຊາຊົນລາວ ສືບຕໍ່ຍາດໄດ້ບັນດາຜົນສຳເລັດອັນໃຫຍ່ຫຼວງ, ຮອບດ້ານ, ມີຄວາມໝາຍປະຫວັດສາດ. ດ້ານການເມືອງມີຄວາມໝັ້ນຄົງ, ຄວາມເປັນລະບຽບຮຽບຮ້ອຍທາງສັງຄົມ ໄດ້ຮັບປະກັນ, ເສດຖະກິດມີການເຕີບໂຕ, ຊີວິດການເປັນຢູ່ຂອງປະຊາຊົນ ໄດ້ປັບປຸງດີຂຶ້ນຢ່າງບໍ່ຢູດຢັ້ງ, ລາຍຮັບສະເລ່ຍຕໍ່ຫົວຄົນ ເພີ່ມຂຶ້ນຈາກ 114 ໂດລາ ໃນປີ 1985 ຂຶ້ນເປັນ 1.896 ໂດລາ ໃນປີ 2024. ວຽກງານປ້ອງກັນຊາດ-ປ້ອງກັນຄວາມສະຫງົບ ໄດ້ຮັກສາແໜ້ນ, ພົວພັນການຕ່າງປະເທດ ໄດ້ເປີດກວ້າງ, ປະສົບຜົນສຳເລັດຢ່າງຈົບງາມໃນປີເປັນປະທານອາຊຽນ 2024 ແລະ ຈັດຕັ້ງບັນດາກອງປະຊຸມສຸດຍອດອ້ອມຂ້າງ, ປະກອບສ່ວນຍົກສູງບົດບາດ ແລະ ອິດທິພົນຂອງພັກປະຊາຊົນ ປະຕິວັດ ລາວ ແລະ ສາທາລະນະລັດ ປະຊາທິປະໄຕ ປະຊາຊົນ ລາວ ຢູ່ພາກພື້ນ ແລະ ເວທີສາກົນ.
ໃນຕະຫຼອດ 70 ປີຜ່ານມາ, ພັກປະຊາຊົນ ປະຕິວັດ ລາວ ໄດ້ຄົ້ນຄວ້າ, ຊອກຫາໄດ້ແນວທາງ ເໝາະສົມກັບສະພາບການຕົວຈິງຂອງປະເທດຊາດ ໃນແຕ່ລະໄລຍະຢ່າງລະອຽດ. ພິເສດ, ນັບແຕ່ປີ 1986 ເຖິງປັດຈຸບັນ, ພັກປະຊາຊົນ ປະຕິວັດ ລາວ ໄດ້ກຳແໜ້ນສະພາບການຕົວຈິງຂອງປະເທດ, ຄົ້ນຄວ້າ ແລະ ນຳໃຊ້ບັນດາບົດຮຽນດີຂອງສາກົນ, ວາງອອກແນວທາງທີ່ຖືກຕ້ອງ ເພື່ອກ້າວຂຶ້ນສູ່ສັງຄົມນິຍົມເທື່ອລະກ້າວ. ສືບຕໍ່ສ້າງສາ ແລະ ປັບປຸງບູລະນະ ລະບອບປະຊາທິປະໄຕປະຊາຊົນ, ສ້າງພື້ນຖານເສດຖະກິດເອກະລາດ ເປັນເຈົ້າຕົນເອງ, ເຕົ້າໂຮມກຳລັງແຮງຄວາມສາມັກຄີທົ່ວປວງຊົນ ເພື່ອປົກປັກຮັກສາ, ສ້າງສາ ແລະ ພັດທະນາລະບອບການໃໝ່.
ພັກປະຊາຊົນ ປະຕິວັດ ລາວ ຍາມໃດກໍຖືການປັບປຸງກໍ່ສ້າງພັກ, ກໍສ້າງພະນັກງານ ເປັນວຽກງານຫຼັກແຫ່ງ, ຕັດສິນຕໍ່ແຜນນະໂຍບາຍ, ແນວທາງ, ນະໂຍບາຍຂອງພັກ ແລະ ພັດທະນາເສດຖະກິດໃນແຕ່ລະໄລຍະ ເພືື່ອສຸມໃສ່ປັບປຸງກໍ່ສ້າງພັກ ປອດໃສ, ເຂັ້ມແຂງ ແລະ ໜັກແໜ້ນ, ເພີ່ມທະວີຄວາມສາມາດໃນການນຳພາ, ຊີ້ນຳຂອງພັກໃນໄລຍະໃໝ່ ເປັນຕົ້ນ ແມ່ນໄລຍະທີ່ປະສົບກັບຄວາມຫຍຸ້ງຍາກດ້ານເສດຖະກິດ-ການເງິນ ຄືດັ່ງປັດຈຸບັນ. ພັກປະຊາຊົນ ປະຕິວັດ ລາວ ສຸມໃສ່ວຽກງານເພີ່ມທະວີການນຳພາ, ສ້າງການຫັນປ່ຽນຢ່າງແຂງແຮງ, ເລິກເຊິ່ງ ໃນວຽກງານພະນັກງານ ເປັນຕົ້ນ ແມ່ນຖັນແຖວພະນັກງານຂັ້ນຍຸດທະສາດ, ເຮັດໃຫ້ວຽກງານພະນັກງານ ນັບມື້ໄດ້ຮັບການປັບປຸງ ແລະ ຍົກສູງຄຸນນະພາບ.
ພັກປະຊາຊົນ ປະຕິວັດ ລາວ ໄດ້ຕັ້ງໜ້າເປັນເຈົ້າການ, ມີຄວາມຮັບຜິດຊອບ ໃນບັນດາການເຄື່ອນໄຫວວຽກງານພົວພັນການຕ່າງປະເທດສາຍພັກ, ວຽກງານການທູດສາຍລັດ ແລະ ການທູດປະຊາຊົນ. ປັດຈຸບັນ, ພັກປະຊາຊົນ ປະຕິວັດ ລາວມີສາຍພົວພັນກັບ 145 ພັກການເມືອງ, ມີການພົວພັນການທູດກັບ 151 ປະເທດ, ມີສຳນັກງານການທູດລາວ ປະຈຳຢູ່ 27 ປະເທດ ແລະ ມີສາຍພົວພັນສາກົນຢ່າງກວ້າງຂວາງ. ວຽກງານການຕ່າງປະເທດ ນັບມື້ໄດ້ເປີດກວ້າງ ແລະ ພັດທະນາ, ສ້າງສະພາບແວດລ້ອມອຳນວຍຄວາມສະດວກໃຫ້ແກ່ພາລະກິດປົກປັກຮັກສາ ແລະ ສ້າງສາພັດທະນາປະເທດລາວ, ສ້າງຄວາມໄວ້ເນື້ອເຊື່ອໃຈອັນໜັກແໜ້ນໃນການຍາດແຍ່ງ ແລະ ໄດ້ຮັບເອົາການສະໜັບສະໜູນຊ່ວຍເຫຼືອ ຈາກບັນດາປະເທດເພື່ອນມິດຍຸດທະສາດ ແລະ ວົງຄະນາຍາດສາກົນ ບົນຈິດໃຈເອກະລາດ, ເປັນເຈົ້າຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ ແລະ ບົນພື້ນຖານເສີມຂະຫຍາຍເນື້ອໃນຈິດໃຈມະຕິກອງປະຊຸມໃຫຍ່ ຄັ້ງທີ XI ຂອງພັກ ວາງອອກຕາມກຳນົດທິດ “ເພີ່ມທະວີຄວາມເປັນເຈົ້າການໃນການດຳເນີນປະຕິບັດແນວທາງການຕ່າງປະເທດ, ສ້າງເງື່ອນໄຂສະດວກ ແລະ ນຳເອົາຜົນປະໂຫຍດຕົວຈິງໃຫ້ແກ່ການພັດທະນາປະເທດຊາດ”.
ພັກກອມມູນິດຫວຽດນາມ ແລະ ປະຊາຊົນຫວຽດນາມ ມີຄວາມປິຕິຊົມຊື່ນ ເປັນຢ່າງຍິ່ງ, ຕີລາຄາສູງ ແລະ ຊົມເຊີຍບັນດາຜົນສຳເລັດ ແລະ ໄຊຊະນະອັນໃຫຍ່ຫຼວງ ຊຶ່ງພັກປະຊາຊົນ ປະຕິວັດ ລາວ ຍາດມາໄດ້ ໃນຕະຫຼອດເສັ້ນທາງ 70 ປີຜ່ານມາ. ບັນດາຜົນສຳເລັດຂອງພັກປະຊາຊົນ ປະຕິວັດ ລາວ ບໍ່ພຽງແຕ່ມີຄວາມໝາຍເລິກເຊິ່ງ ຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດລາວ ເທົ່ານັ້ນ, ແຕ່ຫາກຍັງແມ່ນແຫຼ່ງກຳລັງໃຈອັນໃຫຍ່ຫຼວງຕໍ່ພັກ, ລັດ ແລະ ປະຊາຊົນຫວຽດນາມ ໃນພາລະກິດແຫ່ງການປ່ຽນແປງໃໝ່, ປົກປັກຮັກສາ ແລະ ສ້າງສາພັດທະນາປະເທດຫວຽດນາມ ໃນປັດຈຸບັນ.
ພັກ, ລັດ ແລະ ປະຊາຊົນ ຫວຽດນາມ ສະໜັບສະໜູນຢ່າງແຂງແຮງ ຕໍ່ພາລະກິດແຫ່ງການປ່ຽນແປງໃໝ່ຢູ່ລາວ ແລະ ເຊື່ອໝັ້ນຢ່າງໜັກແໜ້ນວ່າ: ເສີມຂະຫຍາຍມູນເຊື້ອການປະຕິວັດອັນສະຫງ່າລາສີ, ສືບທອດມູນເຊື້ອຂອງບັນດາຄົນລຸ້ນກ່ອນ ແລະ ເສີມຂະຫຍາຍບັນດາຜົນສຳເລັດທີ່ບັນລຸໄດ້. ພັກ, ລັດ ແລະ ປະຊາຊົນລາວອ້າຍນ້ອງ ຈະສືບຕໍ່ຍາດໄດ້ຫຼາຍຜົນສຳເລັດໃໝ່, ໃຫຍ່ຫຼວງກວ່າເກົ່າ ໃນພາລະກິດແຫ່ງການປ່ຽນແປງໃໝ່, ປະຕິບັດມະຕິຂອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດ ລາວ ຢ່າງມີໄຊ. ຈັດຕັ້ງສຳເລັດຜົນກອງປະຊຸມອົງຄະນະພັກຂັ້ນຕ່າງໆ ເພື່ອກ້າວສູ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໃນຕົ້ນປີ 2026, ສ້າງສຳເລັດຜົນປະເທດລາວສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ ຕາມເປົ້າໝາຍສັງຄົມນິຍົມ.
ພວກເຮົາປິຕິຊົມຊື່ນເປັນຢ່າງຍິ່ງ ສັງເກດເຫັນວ່າ: ພ້ອມໆກັບບັນດາຜົນສຳເລັດອັນສຳຄັນ ຊຶ່ງສອງພັກ, ສອງລັດ ແລະ ປະຊາຊົນສອງປະເທດ ຍາດມາໄດ້ໃນເວລາຜ່ານມາ, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ທີ່ຫາຍາກໃນໂລກ ລະຫວ່າງ ຫວຽດນາມ-ລາວ ໂດຍປະທານ ໂຮ່ຈິມິນ ຜູ້ນໍາທີ່ຍິ່ງໃຫຍ່ ແລະ ປະທານ ໄກສອນ ພົມວິຫານ, ປະທານ ສຸພານຸວົງ ທີ່ແສນເຄົາລົບຮັກ ໄດ້ຮ່ວມກັນກໍ່ຮ່າງສ້າງຕົວ, ຝຶກຝົນຫຼໍ່ຫຼອມ ແລະ ຖືກບັນດາການນຳລຸ້ນຕ່າງໆຂອງສອງພັກ, ສອງລັດ ແລະ ປະຊາຊົນສອງປະເທດ ເພີ່ມພູນຄຸນສ້າງ, ໄດ້ປັບປຸງ ແລະ ພັດທະນາຢ່າງບໍ່ຢຸດຢັ້ງ ນັບມື້ເຂົ້າສູ່ລວງເລິກ, ແທດຈິງ ແລະ ມີປະສິດທິຜົນໃນທຸກຂົງເຂດ. ນຳເອົາຜົນປະໂຫຍດໃຫ້ແກ່ປະຊາຊົນແຕ່ລະປະເທດ, ປະກອບສ່ວນຢ່າງຕັ້ງໜ້າ ເຂົ້າໃນພາລະກິດແຫ່ງການປ່ຽນແປງໃໝ່, ການປົກປັກຮັກສາ ແລະ ສ້າງສາປະເທດຂອງແຕ່ລະປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ສາກົນ.
ພັກ, ລັດ ແລະ ປະຊາຊົນຫວຽດນາມ ຍາມໃດກໍນັບຖື, ຈົດຈຳລໍ້າລຶກ, ຮູ້ບຸນຄຸນຢ່າງເລິກເຊິ່ງຕໍ່ການສະໜັບສະໜູນຢ່າງແຂງແຮງ, ການຊ່ວຍເຫຼືອອັນໃຫຍ່ຫຼວງ, ອັນປະເສີດ, ມິດຈິດມິດໃຈ ແລະ ມີປະສິດທິຜົນ ຊຶ່ງພັກ, ລັດ ແລະ ປະຊາຊົນລາວອ້າຍນ້ອງ ໃຫ້ແກ່ພັກ, ລັດ ແລະ ປະຊາຊົນຫວຽດນາມ ໃນຕະຫຼອດວິວັດຂະບວນການຕໍ່ສູ້ປົດປ່ອຍປະເທດຊາດ ໃນເມື່ອກ່ອນ ກໍຄືໃນພາລະກິດແຫ່ງການປ່ຽນແປງ ໃໝ່, ປົກປັກຮັກສາ ແລະ ພັດທະນາປະເທດຊາດ ໃນປັດຈຸບັນ. ພັກ, ລັດ ແລະ ປະຊາຊົນຫວຽດນາມຈະເຮັດສຸດຄວາມສາມາດຂອງຕົນ ຮ່ວມກັບພັກ, ລັດ ແລະ ປະຊາຊົນລາວ ເພື່ອປົກປັກຮັກສາ ແລະ ເພີ່ມພູນຄູນສ້າງຢ່າງບໍ່ຢຸດຢັ້ງ ໃຫ້ແກ່ສາຍພົວພັນສາມັກຄີພິເສດ ຫວຽດນາມ-ລາວ ນັບມື້ຂະຫຍາຍຕົວຂຶ້ນສູ່ລະດັບໃໝ່, ຂຽວສົດງົດງາມ, ໝັ້ນຄົງຂະໜົງແກ່ນຊົ່ວກາລະນານ.
ພັກ, ລັດ ແລະ ປະຊາຊົນຫວຽດນາມ ສະແດງຄວາມເຊື່ອໝັ້ນວ່າ: ດ້ວຍຄວາມຢຶດໝັ້ນກ່ຽວກັບເປົ້າໝາຍ, ອຸດົມການເອກະລາດຊົນຊາດ, ຢຶດໝັ້ນລັດທິ ມາກ-ເລນິນ, ແນວຄິດ ໄກສອນ ພົມວິຫານ ແລະ ມູນເຊື້ອອັນດີງາມຂອງພັກ ເປັນພື້ນຖານດ້ານແນວຄິດ, ທິດສະດີຂອງພັກ, ເປັນເຂັມຊີ້ທິດເຍືອງ ທາງໃຫ້ແກ່ການຈັດຕັ້ງ ແລະ ການເຄື່ອນໄຫວຂອງພັກ ຮ່ວມກັບບັນດາບົດຮຽນອັນປະເສີດ, ພຶດຕິກຳຕົວຈິງ ໃນຕະຫຼອດ 70 ປີ ແຫ່ງການສ້າງສາ ແລະ ພັດທະນາໃນພາລະກິດນຳພາ - ຊີ້ນຳ ຕໍ່ສູ້ຍາດເອົາເອກະລາດຊົນຊາດໃນເມື່ອກ່ອນ ແລະ ພາລະກິດປົກປັກຮັກສາ, ສ້າງສາປະເທດຊາດໃນປັດຈຸບັນ. ພັກປະຊາຊົນ ປະຕິວັດ ລາວ ຈະສໍາເລັດພາລະກິດສ້າງສາ ແລະ ພັດທະນາລະບອບປະຊາທິປະໄຕປະຊາຊົນ ຢ່າງແນ່ນອນ, ສືບຕໍ່ນຳພາປະເທດຊາດ ກ້າວຂຶ້ນຕາມເສັ້ນທາງສັງຄົມນິຍົມ, ປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມສາມັກຄີເປັນເອກະພາບ, ປະຊາທິປະໄຕ, ຍຸຕິທຳ ແລະ ສີວິໄລ./.
ແຫ່ງ ສສ ຫວຽດນາມ ປະຈຳ ສປປ ລາວ
(ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດ ລາວ
ຄົບຮອບ 70 ປີ, 22/3/1955-22/3/2025)
ເພື່ອຕອບສະໜອງພາລະໃໝ່ຂອງການປະຕິວັດ, ສືບທອດພາລະກິດອັນສະຫງ່າລາສີຂອງພັກກອມມູນິດອິນດູຈີນ, ພັກປະຊາຊົນລາວ ປັດຈຸບັນ ແມ່ນພັກປະຊາຊົນ ປະຕິວັດ ລາວ ໄດ້ສ້າງຕັ້ງຂຶ້ນຢ່າງເປັນທາງການໃນວັນທີ 22/3/1955. ນີ້ແມ່ນຂີດໝາຍບາດລ້ຽວອັນສຳຄັນໃນປະຫວັດສາດການປະຕິວັດລາວ. ໃນຂະນະນັ້ນ, ພັກປະຊາຊົນ ປະຕິວັດ ລາວ ໄດ້ວາງອອກໜ້າທີ່ການປະຕິວັດໃນສະເພາະໜ້າ ແມ່ນ “ສາມັກຄີນຳພາທົ່ວປວງຊົນສູ້ຊົນສຳເລັດພາລະກິດປົດປ່ອຍຊາດ, ສ້າງປະເທດລາວເປັນປະເທດສັນຕິພາບ, ປະຊາທິປະໄຕ, ເອກະພາບ ແລະ ເອກະລາດ”. ໃນຕະຫຼອດບົນເສັ້ນທາງການປະຕິວັດ, ພັກປະຊາຊົນ ປະຕິວັດ ລາວ ໄດ້ນຳພາປະຊາຊົນລາວບັນດາເຜົ່າ ຕໍ່ສູ້ຍາດເອົາເອກະລາດ, ປົດປ່ອຍຊົນຊາດເທື່ອລະບາດກ້າວ, ເປີດເສັ້ນທາງແຫ່ງການພັດທະນາໃຫ້ແກ່ປະເທດຊາດ.
ນັບແຕ່ເວລາສ້າງຕັ້ງພັກມາເຖິງປັດຈຸບັນ, ພັກປະຊາຊົນ ປະຕິວັດ ລາວ ໄດ້ຜ່ານຜ່າສິ່ງທ້າທາຍນາໆປະການໃນປະຫວັດສາດ ຕໍ່ສູ້ກູ້ຊາດ ເພື່ອຕ້ານກັບພວກລ່າເມືອງຂຶ້ນແບບເກົ່າ ແກ່ຍາວຫຼາຍສິບປີດ້ວຍແນວທາງການເມືອງ, ການທະຫານທີ່ຖືກຕ້ອງ, ປະດິດສ້າງ, ດຳເນີນການປະຕິວັດ ແລະ ສົງຄາມການປະຕິວັດ ມີລັກສະນະວິທະຍາສາດ, ພັກ ໄດ້ລະດົມກຳລັງແຮງທົ່ວປວງຊົນ, ທົ່ວກອງທັບສົມທົບກັບກ້ອນກຳລັງສຳພັນສູ້ຮົບສາມປະເທດ ລາວ-ຫວຽດນາມ-ກຳປູເຈຍ ແລະ ຮ່ວມກັບກຳລັງແຮງຂອງຍຸກສະ ໄໝ ສາມາດນຳພາການປະຕິວັດ ຍາດໄດ້ໄຊຊະນະນີ້ສູ່ໄຊຊະນະໃໝ່. ນຳພາປະຊາຊົນລາວ ຂັບໄລ່ພວກຈັກກະພັດຜູ້ຮຸກຮານ, ໂຄ່ນລົ້ມອຳນາດການປົກຄອງແບບສັກດີນາ, ປົດປ່ອຍປະເທດຊາດ ຢ່າງສົມບູນ. ສະຖາປະນາສາທາລະນະລັດ ປະຊາທິປະໄຕ ປະຊາຊົນ ລາວ ຂຶ້ນໃນວັນທີ 2 ທັນວາ 1975. ນີ້ແມ່ນເຫດກາອັນໂດດເດັ່ນຖືຄວາມໝາຍປະຫວັດສາດ ແລະ ຍຸກສະໄໝ ຢ່າງເລິກເຊິ່ງ, ເປີດສັງກາດໃໝ່ໃນປະເທດລາວ, ສັງກາດແຫ່ງເອກະລາດ, ເສລີພາບ, ປະຊາຊົນລາວບັນດາເຜົ່າ ເປັນເຈົ້າຊາຕະກຳຂອງຕົນຢ່າງແທ້ຈິງ. ພັກປະຊາຊົນ ປະຕິວັດ ລາວ ກາຍເປັນພັກກຳອຳນາດ, ເປັນແກ່ນກາງໃນລະບົບການເມືອງຂອງລະບອບປະຊາທິປະໄຕປະຊາຊົນ ແລະ ນຳພາປະຊາຊົນກ້າວເຂົ້າສູ່ໄລຍະໃໝ່, ໄລຍະແຫ່ງການປົກປັກຮັກສາ ແລະ ສ້າງສາປະເທດຊາດ, ປະຕິິບັດສໍາເລັດພາລະກິດປ່ຽນແປງໃໝ່, ປັບປຸງບູລະນະລະບອບປະຊາທິປະໄຕ ປະຊາຊົນ ກ້າວຂຶ້ນຕາມເປົ້າໝາຍສັງຄົມນິຍົມ ເທື່ອລະກ້າວ.
ນັບແຕ່ປີ 1975 ເຖິງປັດຈຸບັນ, ພັກປະຊາຊົນ ປະຕິວັດ ລາວ ຍາມໃດກໍເອົາໃຈໃສ່ນຳພາແກ້ໄຂ ແລະ ຟື້ນຟູເສດຖະກິດ-ສັງຄົມ, ສຸມໃສ່ແກ້ໄຂຜົນຮ້າຍຂອງສົງຄາມ ແລະ ສັງຄົມ ທີ່ລະບອບເກົ່າປະໄວ້, ປັບປຸງຊີວິດການເປັນຢູ່ຂອງປະຊາຊົນເປັນເທື່ອລະກ້າວ, ສຸມໃສ່ພັດທະນາຂົງເຂດການສຶກສາ, ລົບລ້າງຄວາມບໍ່ຮູ້ໜັງສື, ປົກປັກຮັກສາ ແລະ ເສີມຂະຫຍາຍວັດທະນະທຳອັນດີງາມຂອງຊາດ. ສືບຕໍ່ນຳພາການດຳເນີນປະຕິບັດແຜນການພັດທະນາເສດຖະກິດ-ສັງຄົມ 5 ປີ ຄັ້ງທີ I. ອັນໄດ້ປະກອບສ່ວນສ້າງປະຖົມປັດໄຈ ແລະ ເງື່ອນໄຂສະດວກ ໃຫ້ແກ່ການສືບຕໍ່ກ້າວຂຶ້ນຂອງປະເທດຊາດ. ໃນໄລຍະຕົ້ນແຫ່ງການປົກປັກຮັກສາ ແລະ ສ້າງສາປະເທດຊາດ, ພັກປະຊາຊົນ ປະຕິວັດ ລາວ ຍາມໃດກໍຖືສຳຄັນ ແລະ ເອົາໃຈໃສ່ເປັນພິເສດ ຕໍ່ວຽກງານກໍ່ສ້າງພັກໃຫ້ປ່ອງໃສ, ເຂັ້ມແຂງ ແລະ ໜັກແໜ້ນ ໃນໄລຍະໃໝ່, ປະກອບສ່ວນເຮັດໃຫ້ພັກ ເຂັ້ມແຂງດ້ານການເມືອງ-ແນວຄິດ, ການຈັດຕັ້ງ, ແບບແຜນການນຳພາ, ວຽກງານກວດກາ, ປົກປ້ອງພັກ ແລະ ສ້າງການຫັນປ່ຽນຢ່າງແຂງແຮງ, ເລິກເຊິ່ງ, ຮອບດ້ານ ໃນວຽກງານພະນັກງານ.
ໂດຍເລີ່ມຈາກຄວາມຮຽກຮ້ອງຕ້ອງການພາວະວິໄສຂອງພຶດຕິກຳຕົວຈິງ ພ້ອມກັບຄວາມສະດຸ້ງໄວຕໍ່ສະພາບການ, ກຳໄດ້ສະພາບການຂອງໂລກ ແລະ ປະເທດຊາດ. ໃນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ IV, ພັກປະຊາຊົນ ປະຕິວັດ ລາວ ໄດ້ເປັນເຈົ້າການໃນການວາງອອກແນວທາງປ່ຽນແປງໃໝ່ຢ່າງຮອບດ້ານ ທີ່ມີຫຼັກການ, ປ່ຽນແປງໃໝ່ ຕ້ອງບົນພື້ນຖານຂອງການປ່ຽນແປງໃໝ່ດ້ານຈິນຕະນາການທິດສະດີ, ເຄົາລົບກົດເກນພາວະວິໄສ, ສ້າງທັດສະນະ ຖືລັກສະນະວິທະຍາສາດກ່ຽວກັບສັງຄົມນິຍົມ. ໃນການພັດທະນາເສດຖະກິດ, ພັກ ຫັນຈາກກົນໄກເສດຖະກິດລວມສູນເກື້ອກູນ ມາເປັນກົນໄກເສດຖະກິດການຕະຫຼາດ ໂດຍມີການຄຸ້ມຄອງຂອງລັດ. ເຕົ້າໂຮມຄວາມສາມັກຄີທົ່ວປວງຊົນ ເພື່ອປົກປ້ອງ ແລະ ສ້າງສາພັດທະນາລະບອບການໃໝ່, ຖືການກໍ່ສ້າງພັດທະນາເສດຖະກິດ ເປັນໜ້າທີ່ໃຈກາງ, ເສີມຂະຫຍາຍກຳລັງແຮງຂອງທຸກພາກສ່ວນເສດຖະກິດ, ສະເໝີພາບຕໍ່ກົດໝາຍ, ຕິດແທດກັບການຮ່ວມມືສາກົນ.
ກອງປະຊຸມໃຫຍ່ຂອງພັກ ແຕ່ລະສະໄໝ, ພັກປະຊາຊົນ ປະຕິວັດ ລາວ ສືບຕໍ່ນຳພາຈັດຕັ້ງຜັນຂະຫຍາຍແນວທາງປ່ຽນແປງໃໝ່ ຜ່ານການກວດກາ, ຕິດຕາມ, ສະຫຼຸບຕີລາຄາ, ຖອດຖອນບົດຮຽນຈາກພຶດຕິກຳຕົວຈິງ ໃນແຕ່ລະໄລຍະຢ່າງເປັນລະບົບ. ຈາກນັ້ນ, ປັບປຸງເທື່ອລະກ້າວ, ປະກອບສ່ວນເຮັດໃຫ້ແນວທາງການປ່ຽນແປງໃໝ່ຮອບດ້ານ ທີ່ມີຫຼັກການຂອງພັກ ນັບມື້ໄດ້ປັບປຸງບູລະນະໃຫ້ບໍລິບູນ, ຮັກສາ ແໜ້ນຄວາມໝັ້ນຄົງດ້ານການເມືອງ, ປ້ອງກັນຊາດ-ປ້ອງກັນຄວາມສະຫງົບ ໄດ້ຮັບປະກັນ, ເສດຖະກິດພັດທະນາຢ່າງຕັ້ງໜ້າ.
ພາຍໃຕ້ການນຳພາອັນສ່ອງໃສ ຂອງພັກປະຊາຊົນ ປະຕິວັດ ລາວ, ປະເທດລາວອ້າຍນ້ອງ ສາມາດຍາດໄດ້ບັນດາໄຊຊະນະອັນໃຫຍ່ຫຼວງ, ມີຄວາມໝາຍປະຫວັດສາດໃນພາລະກິດຕໍ່ສູ້ປົດປ່ອຍຊາດໃນເມື່ອກ່ອນ, ການປົກປັກຮັກສາ ແລະ ສ້າງສາປະເທດຊາດໃນປັດຈຸບັນ. ພິເສດ, ເກືອບ 40 ປີ ແຫ່ງການດຳເນີນປະຕິບັດແນວທາງປ່ຽນແປງໃໝ່ ໂດຍພັກປະຊາຊົນ ປະຕິວັດ ລາວ ລິເລີ່ມ ແລະ ນຳພາ, ປະຊາຊົນລາວ ສືບຕໍ່ຍາດໄດ້ບັນດາຜົນສຳເລັດອັນໃຫຍ່ຫຼວງ, ຮອບດ້ານ, ມີຄວາມໝາຍປະຫວັດສາດ. ດ້ານການເມືອງມີຄວາມໝັ້ນຄົງ, ຄວາມເປັນລະບຽບຮຽບຮ້ອຍທາງສັງຄົມ ໄດ້ຮັບປະກັນ, ເສດຖະກິດມີການເຕີບໂຕ, ຊີວິດການເປັນຢູ່ຂອງປະຊາຊົນ ໄດ້ປັບປຸງດີຂຶ້ນຢ່າງບໍ່ຢູດຢັ້ງ, ລາຍຮັບສະເລ່ຍຕໍ່ຫົວຄົນ ເພີ່ມຂຶ້ນຈາກ 114 ໂດລາ ໃນປີ 1985 ຂຶ້ນເປັນ 1.896 ໂດລາ ໃນປີ 2024. ວຽກງານປ້ອງກັນຊາດ-ປ້ອງກັນຄວາມສະຫງົບ ໄດ້ຮັກສາແໜ້ນ, ພົວພັນການຕ່າງປະເທດ ໄດ້ເປີດກວ້າງ, ປະສົບຜົນສຳເລັດຢ່າງຈົບງາມໃນປີເປັນປະທານອາຊຽນ 2024 ແລະ ຈັດຕັ້ງບັນດາກອງປະຊຸມສຸດຍອດອ້ອມຂ້າງ, ປະກອບສ່ວນຍົກສູງບົດບາດ ແລະ ອິດທິພົນຂອງພັກປະຊາຊົນ ປະຕິວັດ ລາວ ແລະ ສາທາລະນະລັດ ປະຊາທິປະໄຕ ປະຊາຊົນ ລາວ ຢູ່ພາກພື້ນ ແລະ ເວທີສາກົນ.
ໃນຕະຫຼອດ 70 ປີຜ່ານມາ, ພັກປະຊາຊົນ ປະຕິວັດ ລາວ ໄດ້ຄົ້ນຄວ້າ, ຊອກຫາໄດ້ແນວທາງ ເໝາະສົມກັບສະພາບການຕົວຈິງຂອງປະເທດຊາດ ໃນແຕ່ລະໄລຍະຢ່າງລະອຽດ. ພິເສດ, ນັບແຕ່ປີ 1986 ເຖິງປັດຈຸບັນ, ພັກປະຊາຊົນ ປະຕິວັດ ລາວ ໄດ້ກຳແໜ້ນສະພາບການຕົວຈິງຂອງປະເທດ, ຄົ້ນຄວ້າ ແລະ ນຳໃຊ້ບັນດາບົດຮຽນດີຂອງສາກົນ, ວາງອອກແນວທາງທີ່ຖືກຕ້ອງ ເພື່ອກ້າວຂຶ້ນສູ່ສັງຄົມນິຍົມເທື່ອລະກ້າວ. ສືບຕໍ່ສ້າງສາ ແລະ ປັບປຸງບູລະນະ ລະບອບປະຊາທິປະໄຕປະຊາຊົນ, ສ້າງພື້ນຖານເສດຖະກິດເອກະລາດ ເປັນເຈົ້າຕົນເອງ, ເຕົ້າໂຮມກຳລັງແຮງຄວາມສາມັກຄີທົ່ວປວງຊົນ ເພື່ອປົກປັກຮັກສາ, ສ້າງສາ ແລະ ພັດທະນາລະບອບການໃໝ່.
ພັກປະຊາຊົນ ປະຕິວັດ ລາວ ຍາມໃດກໍຖືການປັບປຸງກໍ່ສ້າງພັກ, ກໍສ້າງພະນັກງານ ເປັນວຽກງານຫຼັກແຫ່ງ, ຕັດສິນຕໍ່ແຜນນະໂຍບາຍ, ແນວທາງ, ນະໂຍບາຍຂອງພັກ ແລະ ພັດທະນາເສດຖະກິດໃນແຕ່ລະໄລຍະ ເພືື່ອສຸມໃສ່ປັບປຸງກໍ່ສ້າງພັກ ປອດໃສ, ເຂັ້ມແຂງ ແລະ ໜັກແໜ້ນ, ເພີ່ມທະວີຄວາມສາມາດໃນການນຳພາ, ຊີ້ນຳຂອງພັກໃນໄລຍະໃໝ່ ເປັນຕົ້ນ ແມ່ນໄລຍະທີ່ປະສົບກັບຄວາມຫຍຸ້ງຍາກດ້ານເສດຖະກິດ-ການເງິນ ຄືດັ່ງປັດຈຸບັນ. ພັກປະຊາຊົນ ປະຕິວັດ ລາວ ສຸມໃສ່ວຽກງານເພີ່ມທະວີການນຳພາ, ສ້າງການຫັນປ່ຽນຢ່າງແຂງແຮງ, ເລິກເຊິ່ງ ໃນວຽກງານພະນັກງານ ເປັນຕົ້ນ ແມ່ນຖັນແຖວພະນັກງານຂັ້ນຍຸດທະສາດ, ເຮັດໃຫ້ວຽກງານພະນັກງານ ນັບມື້ໄດ້ຮັບການປັບປຸງ ແລະ ຍົກສູງຄຸນນະພາບ.
ພັກປະຊາຊົນ ປະຕິວັດ ລາວ ໄດ້ຕັ້ງໜ້າເປັນເຈົ້າການ, ມີຄວາມຮັບຜິດຊອບ ໃນບັນດາການເຄື່ອນໄຫວວຽກງານພົວພັນການຕ່າງປະເທດສາຍພັກ, ວຽກງານການທູດສາຍລັດ ແລະ ການທູດປະຊາຊົນ. ປັດຈຸບັນ, ພັກປະຊາຊົນ ປະຕິວັດ ລາວມີສາຍພົວພັນກັບ 145 ພັກການເມືອງ, ມີການພົວພັນການທູດກັບ 151 ປະເທດ, ມີສຳນັກງານການທູດລາວ ປະຈຳຢູ່ 27 ປະເທດ ແລະ ມີສາຍພົວພັນສາກົນຢ່າງກວ້າງຂວາງ. ວຽກງານການຕ່າງປະເທດ ນັບມື້ໄດ້ເປີດກວ້າງ ແລະ ພັດທະນາ, ສ້າງສະພາບແວດລ້ອມອຳນວຍຄວາມສະດວກໃຫ້ແກ່ພາລະກິດປົກປັກຮັກສາ ແລະ ສ້າງສາພັດທະນາປະເທດລາວ, ສ້າງຄວາມໄວ້ເນື້ອເຊື່ອໃຈອັນໜັກແໜ້ນໃນການຍາດແຍ່ງ ແລະ ໄດ້ຮັບເອົາການສະໜັບສະໜູນຊ່ວຍເຫຼືອ ຈາກບັນດາປະເທດເພື່ອນມິດຍຸດທະສາດ ແລະ ວົງຄະນາຍາດສາກົນ ບົນຈິດໃຈເອກະລາດ, ເປັນເຈົ້າຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ ແລະ ບົນພື້ນຖານເສີມຂະຫຍາຍເນື້ອໃນຈິດໃຈມະຕິກອງປະຊຸມໃຫຍ່ ຄັ້ງທີ XI ຂອງພັກ ວາງອອກຕາມກຳນົດທິດ “ເພີ່ມທະວີຄວາມເປັນເຈົ້າການໃນການດຳເນີນປະຕິບັດແນວທາງການຕ່າງປະເທດ, ສ້າງເງື່ອນໄຂສະດວກ ແລະ ນຳເອົາຜົນປະໂຫຍດຕົວຈິງໃຫ້ແກ່ການພັດທະນາປະເທດຊາດ”.
ພັກກອມມູນິດຫວຽດນາມ ແລະ ປະຊາຊົນຫວຽດນາມ ມີຄວາມປິຕິຊົມຊື່ນ ເປັນຢ່າງຍິ່ງ, ຕີລາຄາສູງ ແລະ ຊົມເຊີຍບັນດາຜົນສຳເລັດ ແລະ ໄຊຊະນະອັນໃຫຍ່ຫຼວງ ຊຶ່ງພັກປະຊາຊົນ ປະຕິວັດ ລາວ ຍາດມາໄດ້ ໃນຕະຫຼອດເສັ້ນທາງ 70 ປີຜ່ານມາ. ບັນດາຜົນສຳເລັດຂອງພັກປະຊາຊົນ ປະຕິວັດ ລາວ ບໍ່ພຽງແຕ່ມີຄວາມໝາຍເລິກເຊິ່ງ ຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດລາວ ເທົ່ານັ້ນ, ແຕ່ຫາກຍັງແມ່ນແຫຼ່ງກຳລັງໃຈອັນໃຫຍ່ຫຼວງຕໍ່ພັກ, ລັດ ແລະ ປະຊາຊົນຫວຽດນາມ ໃນພາລະກິດແຫ່ງການປ່ຽນແປງໃໝ່, ປົກປັກຮັກສາ ແລະ ສ້າງສາພັດທະນາປະເທດຫວຽດນາມ ໃນປັດຈຸບັນ.
ພັກ, ລັດ ແລະ ປະຊາຊົນ ຫວຽດນາມ ສະໜັບສະໜູນຢ່າງແຂງແຮງ ຕໍ່ພາລະກິດແຫ່ງການປ່ຽນແປງໃໝ່ຢູ່ລາວ ແລະ ເຊື່ອໝັ້ນຢ່າງໜັກແໜ້ນວ່າ: ເສີມຂະຫຍາຍມູນເຊື້ອການປະຕິວັດອັນສະຫງ່າລາສີ, ສືບທອດມູນເຊື້ອຂອງບັນດາຄົນລຸ້ນກ່ອນ ແລະ ເສີມຂະຫຍາຍບັນດາຜົນສຳເລັດທີ່ບັນລຸໄດ້. ພັກ, ລັດ ແລະ ປະຊາຊົນລາວອ້າຍນ້ອງ ຈະສືບຕໍ່ຍາດໄດ້ຫຼາຍຜົນສຳເລັດໃໝ່, ໃຫຍ່ຫຼວງກວ່າເກົ່າ ໃນພາລະກິດແຫ່ງການປ່ຽນແປງໃໝ່, ປະຕິບັດມະຕິຂອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດ ລາວ ຢ່າງມີໄຊ. ຈັດຕັ້ງສຳເລັດຜົນກອງປະຊຸມອົງຄະນະພັກຂັ້ນຕ່າງໆ ເພື່ອກ້າວສູ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໃນຕົ້ນປີ 2026, ສ້າງສຳເລັດຜົນປະເທດລາວສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ ຕາມເປົ້າໝາຍສັງຄົມນິຍົມ.
ພວກເຮົາປິຕິຊົມຊື່ນເປັນຢ່າງຍິ່ງ ສັງເກດເຫັນວ່າ: ພ້ອມໆກັບບັນດາຜົນສຳເລັດອັນສຳຄັນ ຊຶ່ງສອງພັກ, ສອງລັດ ແລະ ປະຊາຊົນສອງປະເທດ ຍາດມາໄດ້ໃນເວລາຜ່ານມາ, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ທີ່ຫາຍາກໃນໂລກ ລະຫວ່າງ ຫວຽດນາມ-ລາວ ໂດຍປະທານ ໂຮ່ຈິມິນ ຜູ້ນໍາທີ່ຍິ່ງໃຫຍ່ ແລະ ປະທານ ໄກສອນ ພົມວິຫານ, ປະທານ ສຸພານຸວົງ ທີ່ແສນເຄົາລົບຮັກ ໄດ້ຮ່ວມກັນກໍ່ຮ່າງສ້າງຕົວ, ຝຶກຝົນຫຼໍ່ຫຼອມ ແລະ ຖືກບັນດາການນຳລຸ້ນຕ່າງໆຂອງສອງພັກ, ສອງລັດ ແລະ ປະຊາຊົນສອງປະເທດ ເພີ່ມພູນຄຸນສ້າງ, ໄດ້ປັບປຸງ ແລະ ພັດທະນາຢ່າງບໍ່ຢຸດຢັ້ງ ນັບມື້ເຂົ້າສູ່ລວງເລິກ, ແທດຈິງ ແລະ ມີປະສິດທິຜົນໃນທຸກຂົງເຂດ. ນຳເອົາຜົນປະໂຫຍດໃຫ້ແກ່ປະຊາຊົນແຕ່ລະປະເທດ, ປະກອບສ່ວນຢ່າງຕັ້ງໜ້າ ເຂົ້າໃນພາລະກິດແຫ່ງການປ່ຽນແປງໃໝ່, ການປົກປັກຮັກສາ ແລະ ສ້າງສາປະເທດຂອງແຕ່ລະປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ສາກົນ.
ພັກ, ລັດ ແລະ ປະຊາຊົນຫວຽດນາມ ຍາມໃດກໍນັບຖື, ຈົດຈຳລໍ້າລຶກ, ຮູ້ບຸນຄຸນຢ່າງເລິກເຊິ່ງຕໍ່ການສະໜັບສະໜູນຢ່າງແຂງແຮງ, ການຊ່ວຍເຫຼືອອັນໃຫຍ່ຫຼວງ, ອັນປະເສີດ, ມິດຈິດມິດໃຈ ແລະ ມີປະສິດທິຜົນ ຊຶ່ງພັກ, ລັດ ແລະ ປະຊາຊົນລາວອ້າຍນ້ອງ ໃຫ້ແກ່ພັກ, ລັດ ແລະ ປະຊາຊົນຫວຽດນາມ ໃນຕະຫຼອດວິວັດຂະບວນການຕໍ່ສູ້ປົດປ່ອຍປະເທດຊາດ ໃນເມື່ອກ່ອນ ກໍຄືໃນພາລະກິດແຫ່ງການປ່ຽນແປງ ໃໝ່, ປົກປັກຮັກສາ ແລະ ພັດທະນາປະເທດຊາດ ໃນປັດຈຸບັນ. ພັກ, ລັດ ແລະ ປະຊາຊົນຫວຽດນາມຈະເຮັດສຸດຄວາມສາມາດຂອງຕົນ ຮ່ວມກັບພັກ, ລັດ ແລະ ປະຊາຊົນລາວ ເພື່ອປົກປັກຮັກສາ ແລະ ເພີ່ມພູນຄູນສ້າງຢ່າງບໍ່ຢຸດຢັ້ງ ໃຫ້ແກ່ສາຍພົວພັນສາມັກຄີພິເສດ ຫວຽດນາມ-ລາວ ນັບມື້ຂະຫຍາຍຕົວຂຶ້ນສູ່ລະດັບໃໝ່, ຂຽວສົດງົດງາມ, ໝັ້ນຄົງຂະໜົງແກ່ນຊົ່ວກາລະນານ.
ພັກ, ລັດ ແລະ ປະຊາຊົນຫວຽດນາມ ສະແດງຄວາມເຊື່ອໝັ້ນວ່າ: ດ້ວຍຄວາມຢຶດໝັ້ນກ່ຽວກັບເປົ້າໝາຍ, ອຸດົມການເອກະລາດຊົນຊາດ, ຢຶດໝັ້ນລັດທິ ມາກ-ເລນິນ, ແນວຄິດ ໄກສອນ ພົມວິຫານ ແລະ ມູນເຊື້ອອັນດີງາມຂອງພັກ ເປັນພື້ນຖານດ້ານແນວຄິດ, ທິດສະດີຂອງພັກ, ເປັນເຂັມຊີ້ທິດເຍືອງ ທາງໃຫ້ແກ່ການຈັດຕັ້ງ ແລະ ການເຄື່ອນໄຫວຂອງພັກ ຮ່ວມກັບບັນດາບົດຮຽນອັນປະເສີດ, ພຶດຕິກຳຕົວຈິງ ໃນຕະຫຼອດ 70 ປີ ແຫ່ງການສ້າງສາ ແລະ ພັດທະນາໃນພາລະກິດນຳພາ - ຊີ້ນຳ ຕໍ່ສູ້ຍາດເອົາເອກະລາດຊົນຊາດໃນເມື່ອກ່ອນ ແລະ ພາລະກິດປົກປັກຮັກສາ, ສ້າງສາປະເທດຊາດໃນປັດຈຸບັນ. ພັກປະຊາຊົນ ປະຕິວັດ ລາວ ຈະສໍາເລັດພາລະກິດສ້າງສາ ແລະ ພັດທະນາລະບອບປະຊາທິປະໄຕປະຊາຊົນ ຢ່າງແນ່ນອນ, ສືບຕໍ່ນຳພາປະເທດຊາດ ກ້າວຂຶ້ນຕາມເສັ້ນທາງສັງຄົມນິຍົມ, ປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມສາມັກຄີເປັນເອກະພາບ, ປະຊາທິປະໄຕ, ຍຸຕິທຳ ແລະ ສີວິໄລ./.
