ຂ່າວຕ່າງປະເທດລາຍງານ ໃນວັນທີ 17 ມີນາ ຜ່ານມາ; ທ່ານ ມູໄຮມິນ ອິສກັນດາ ລັດ​ຖະ​ມົນ​ຕີ​ປະ​ສານ​ງານ​ສ້າງ​ຄວາມ​ເຂັ້ມ​ແຂງ​ຊຸມ​ຊົນ​ຂອງອິນ​ໂດ​ເນ​ເຊຍ ​ໄດ້​ເປີດ​ເຜີຍ​ວ່າ:ອິນ​ໂດ​ເນ​ເຊຍ​ໄດ້​ວາງ​ເປົ້າ​ໝາຍ​ລຶບ​ລ້າງ​ຄວາມທຸກ​ຍາກຂັ້ນຮ້າຍແຮງທີ່ສຸດ(extreme poverty) ພາຍ​ໃນ​ປີ 2026, ໂດຍມີການປະຊຸມຮ່ວມກັບ​ລັດຖະມົນຕີ ແລະ ອົງການ​ຕ່າງໆ ເພື່ອປຶກສາ​ຫາລື​ກ່ຽວ​ກັບ​ບັນດາ​ມາດ​ຕະການ​ແກ້​ໄຂ​ຄວາມທຸກ​ຍາກ ​ແລະ ຄວາມ​ທຸກ​ຍາກ​ຂັ້ນ​ຮ້າຍ​ແຮງທີ່ສຸດ ຕາມ​ຄຳ​ສັ່ງ​ຂອງທ່ານ​ປະທານາທິບໍດີ.

ທ່ານ ອິສກັນດາ ກ່າວ​ວ່າ: ຈຳນວນປະຊາກອນ​ອິນ​ໂດ​ເນ​ເຊຍ​ທີ່​ຖືກ​ຈັດ​ໃຫ້​ເປັນ​ຄົນ​ທຸກ​ຍາກ​ມີ 24.8 ລ້ານ​ຄົນ ຫຼື 8.7% ຂອງ​ປະຊາກອນ​ທັງ​ໝົດແລະ ລັດຖະບານໄດ້ວາງເປົ້າໝາຍຫຼຸດອັດຕາຄວາມທຸກຍາກໃຫ້ເຫຼືອ 4.5% ໃນປີ 2029, ໂດຍໜຶ່ງໃນຍຸດທະສາດສຳຄັນຄືຄວາມຊັດເຈນໃນການກຳນົດຜູ້ທີ່ໄດ້ຮັບຜົນປະໂຫຍດຈາກໂຄງການຂອງລັດຖະບານ ເຊັ່ນ: ການຊ່ວຍເຫຼືອທາງສັງຄົມ ແລະ ເງິນອຸດໜູນທີ່ຢູ່ອາໄສ.