ຂ່າວຕ່າງປະເທດລາຍງານວ່າ: ອົງການວິສາຫະກິດຂອງສິງກະໂປ (EnterpriseSG) ໄດ້ລາຍງານໃນວັນທີ 17 ມີນາ ຜ່ານມາວ່າ: ການສົ່ງອອກທີ່ບໍ່ລວມນ້ໍາມັນ (NODX) ໃນເດືອນກຸມພາເພີ່ມຂຶ້ນ 7.6% ເມື່ອທຽບໃສ່ປີກ່ອນ. ຟື້ນຕົວຈາກການຫົດຕົວໃນເດືອນມັງກອນ2.1%ແຕ່ຕໍ່າກວ່າທີ່ນັກເສດຖະສາດຄາດຄະເນໄວ້ວ່າຈະເພີ່ມຂຶ້ນ 9.7%.

ຂໍ້ມູນຊີ້ໃຫ້ເຫັນວ່າ: ການສົ່ງອອກສິນຄ້າເອເລັກໂຕຣນິກເຕີບໂຕ 6.9%, ນໍາໂດຍຜະລິດຕະພັນສື່ການບັນທຶກຂໍ້ມູນ ຊຶ່ງເພີ່ມຂຶ້ນ 40.6%, ວົງຈອນລວມ 6.9%ແລະຄອມພິວເຕີສ່ວນບຸກຄົນ 28.5%.

ໃນຂະນະດຽວກັນ, ກຸ່ມສິນຄ້າທີ່ບໍ່ແມ່ນເອເລັກໂຕຣນິກເພີ່ມຂຶ້ນ 7.8%, ນໍາໂດຍຄໍາບໍ່ລວມເງິນທຶນສຳຮອງ (Non-monetary gold) ຊຶ່ງເພີ່ມຂຶ້ນ 106.9%, ເຄື່ອງມືວັດແທກ 23.1% ແລະສານເຄມີພິເສດ 37.5%.

ສຳ​ລັບ​ຕະ​ຫຼາດ​ສົ່ງ​ອອກ​ທີ່​ສຳ​ຄັນ​ທີ່​ສຸດໄດ້​ມີ​ການ​ຂະ​ຫຍາຍ​ຕົວ. ຍົກເວັ້ນອິນໂດເນເຊຍ, ຮົງກົງ ແລະຈີນ ທີ່ຫົດຕົວລົງ.