ຂ່າວຕ່າງປະເທດລາຍງານ ໃນວັນທີ 17 ມີນາຜ່ານມາວ່າ: ກະຊວງການທ່ອງທ່ຽວ ແລະວັດຖຸບູຮານຂອງເອຢິບ ລາຍງານການຄົ້ນພົບສຸສານເຈົ້າຊີວິດ ຈາກໄລຍະການຫັນປ່ຽນຄັ້ງທີສອງ (1650-1550ກ່ອນປີ ຄສ) ໃນແຂວງຊູຮັກ ທາງພາກໃຕ້ຂອງເອຢິບ. ລວມທັງໂຮງງານຜະລິດເຄື່ອງປັ້ນດິນເຜົາສະໄໝໂຣມັນ ໃນສະພາບດີ ຊຶ່ງເປັນການຄົ້ນພົບທີ່ສົ່ງເສີມຄວາມຫຼາກຫຼາຍຂອງການທ່ອງທ່ຽວໃນປະເທດເອຢິບແລະການຄົ້ນຄວ້າທາງບູຮານຄະດີ.

ທີມບູຮານຄະດີເອຢິບ-ສະຫະລັດ ອາເມຣິກາຄົ້ນພົບຂຸມຝັງສົບແຫ່ງນີ້ ແລະ ເຊື່ອວ່າເປັນຂອງກະສັດໃນໄລຍະການຫັນປ່ຽນຄັ້ງທີສອງ ທີ່ຢູ່ເລິກໃນໃຕ້ດິນປະມານ 7 ແມັດ, ພ້ອມທັງມີຫ້ອງຝັງສົບທີ່ເຮັດດ້ວຍຫີນປູນ ແລະ ມີການແກະສະຫຼັກຕົບແຕ່ງລວດລາຍ. ໂດຍນີ້​ແມ່ນ​ຫຼັກ​ຖານ​ໃໝ່​ຂອງ​ການ​ກໍ່​ສ້າງສຸສານ​ຂອງ​ກະສັດ ແລະ​ຈະ​ຂະຫຍາຍ​ຄວາມ​ເຂົ້າ​ໃຈ​ກ່ຽວກັບ​ກັບ​ຜູ້​ປົກຄອງ​ຂອງ​ຊາວ​ເອີຢີບ​ໃນສະໄໝ​ນັ້ນ.

ໃນ​ຂະ​ນະ​ດຽວ​ກັນ, ນັກບູຮານຄະດີໄດ້ຄົ້ນພົບເຕົາເຜົາຫຼາຍເຕົາ, ພື້ນທີ່ເກັບເຄື່ອງ ແລະ ແຜ່ນອອສຕຣາກາ (Ostraca)ຈາລຶກອັກສອນdemotic ແລະ Greek32 ແຜ່ນບໍລິເວນໂຮງງານຜະລິດເຄື່ອງປັ້ນດິນເຜົ່າສະໄໝໂຣມັນ.ໂດຍຊິ້ນສ່ວນເຫຼົ່ານີ້ຍັງບັນທຶກການເຮັດທຸລະກໍາການຄ້າແລະວິທີການຊໍາລະພາສີໃນສະໄໝນັ້ນດ້ວຍ.