ຂ່າວຕ່າງປະເທດລາຍງານ ໃນວັນທີ 18 ມີນາ ຜ່ານມາ; ຫ້ອງການສະຖິຕິແຫ່ງຊາດ ສ ເກົາຫຼີ ລາຍງານວ່າ: ອັດ​ຕາ​ການ​ຈ້າງ​ງານ​ຂອງ​ຊາວ​ຕ່າງ​ປະ​ເທດ​ໃນ ສ ​ເກົາ​ຫຼີ​ ມີ64.7% ​ໃນ​ປີ 2024​, ໂດຍໃນຈຳນວນຊາວຕ່າງປະເທດ ທີ່ມີອາຍຸ 15 ປີຂຶ້ນໄປ ທີ່ອາໄສຢູ່ ສ ເກົາຫຼີ ມີທັງໝົດ 1.56 ລ້ານ​ຄົນ ແລະ ມີ 64.7% ເປັນຜູ້ມີ​ວຽກ​ເຮັດ​ງານ​ທໍາ​, 3.9​% ວ່າງ​ງານ​ແລະ 31.4% ​ແມ່ນ​ບໍ່​ມີ​ການ​ເຄື່ອນ​ໄຫວທາງດ້ານ​ເສດ​ຖະ​ກິດ​.

ບົດລາຍງານລະບຸວ່າ: ໃນຈໍານວນຊາວຕ່າງປະເທດທີ່ມີວຽກເຮັດງານທຳ 45.6% ເຮັດວຽກໃນອຸດສາຫະກໍາຂຸດຄົ້ນບໍ່ແຮ່ແລະການຜະລິດ, 18.9% ເຮັດວຽກໃນທຸລະກິດຄ້າຂາຍສົ່ງ, ຂາຍຍ່ອຍ, ທີ່ພັກແລະຮ້ານອາຫານ, 14.2% ເຮັດວຽກໃນທຸລະກິດເອກະຊົນຫຼືລັດຖະບານ, 10.6% ເຮັດວຽກໃນອຸດສາຫະກໍາການກໍ່ສ້າງ, 8.3% ເຮັດວຽກໃນອຸດສາຫະກໍາກະສິກໍາແລະການປະມົງ.

ຂະນະດຽວກັນ, ອັດຕາສ່ວນຂອງພະນັກງານຕ່າງປະເທດທີ່ມີເງິນເດືອນສະເລ່ຍ2-3 ລ້ານວອນ ແມ່ນ 51.2% ຂອງຈໍານວນທັງໝົດແລະ ອັດຕາສ່ວນຂອງພະນັກງານຕ່າງປະເທດທີ່ມີເງິນເດືອນຫຼາຍກວ່າ 3 ລ້ານວອນແມ່ນ 37,1% ຂອງຈໍານວນທັງໝົດ.