ຂ່າວຕ່າງປະເທດລາຍງານ ຫວ່າງມໍ່ໆມານີ້; ທ່ານ ຍູລິອອດ ທັນຈຸງ ຮອງ​ລັດຖະມົນຕີ​ກະຊວງ​ພະລັງງານ ​ແລະ ຊັບພະຍາກອນ​ບໍ່​ແຮ່ ຂອງອິນ​ໂດ​ເນ​ເຊຍ ເປີດເຜີຍວ່າ: ອິນ​ໂດ​ເນ​ເຊຍ​ ກຳລັງຮ່າງ​ລະບຽບກ່ຽວກັບການບໍລິຫານຈັດການຂີ້ເຫຍື້ອ ເພື່ອ​ຫັນຂີ້ເຫຍື້ອ​ໄປ​ເປັນ​ແຫຼ່ງພະລັງງານ​ເຊັ່ນ​: ໄຟຟ້າ.

ທ່ານ ທັນຈຸງ ກ່າວ​ວ່າ: ຈະ​ນຳ​ໃຊ້​ເຕັກ​ໂນ​ໂລ​ຊີ​ທີ່​ເປັນ​ມິດ​ກັບ​ສິ່ງ​ແວດ​ລ້ອມ​ເພື່ອ​ມາແປຮູບຂີ້ເຫຍື້ອ ພລາສຕິກໂດຍຜ່ານຂະບວນການຂອງ pyrolysis ຫຼື ການລະລາຍຄວາມຮ້ອນ ເພື່ອຜະລິດນໍ້າມັນເຊື້ອໄຟຊີວະມວນ ແລະ ໄຟຟ້າ ຊຶ່ງລັດຖະບານມີເປົ້າໝາຍທີ່ຈະປ່ຽນຂີ້ເຫຍື້ອໃຫ້ເປັນພະລັງງານ ໃນຕົວເມືອງໃຫຍ່ຢ່າງໜ້ອຍ 30 ເມືອງພາຍໃນປີ 2029 ແຕ່ລະເມືອງຄາດວ່າຈະສາມາດຜະລິດກະແສໄຟຟ້າໄດ້ປະມານ 20 ເມກາວັດ.

ນອກ​ນີ້, ໂຄງການ​ລິ​ເລີ່ມ​ດັ່ງກ່າວ ​ແມ່ນ​ສ່ວນ​ໜຶ່ງ​ຂອງ​ຄວາມ​ພະ​ຍາ​ຍາມ​ຂອງ​ອິນ​ໂດ​ເນ​ເຊຍ​ໃນ​ການ​ບັນລຸ​ເປົ້າ​ໝາຍການບໍລິຫານຈັດການຂີ້ເຫຍື້ອ 100% ​ໃນ​ປີ 2029.