ວັນທີ 20 ມີນາຜ່ານມານີ້ ຢູ່ຫ້ອງປະຊຸມ ອົງການໄອຍະການເຂດ II ເມືອງສິງ ແຂວງຫຼວງນໍ້າທາ ໄດ້ຈັດພິທີປະກາດແຕ່ງຕັ້ງອົງການໄອຍະການປະຊາຊົນ ເຂດ II ແຂວງຫຼວງນໍ້າທາ ເປັນກ່ຽດເຂົ້າຮ່ວມທ່ານ ບຸນທັນ ປອນວັນນາຮອງເລຂາພັກເມືອງ ປະທານກວດກາພັກ-ຫົວໜ້າອົງການກວດກາລັດ ທ່ານ ນາງ ວອນແສງ ບົວດອກທອງ ຫົວໜ້າອົງການໄອຍະການແຂວງ.

ໃນກອງປະຊຸມ ໄດ້ຜ່ານຂໍ້ຕົກລົງອົງການໄອຍະການປະຊາຊົນສູງສຸດເລກທີ 95/ອອປສ ລົງວັນທີ 6/2/2025 ວ່າດ້ວຍການແຕ່ງຕັ້ງຫົວໜ້າອົງການໄອຍະການປະຊາຊົນເຂດ II ແຂວງຫຼວງນໍ້າທາ, ຫົວໜ້າອົງການໄອຍະການ ປະຊາຊົນສູງສຸດ ຕົກລົງ ເຫັນດີແຕ່ງຕັ້ງ ທ່ານ ກົງຢ່າງ ວ່າມົວ ຮັກສາການຫົວໜ້າ ອົງການໄອຍະການປະຊາຊົນເຂດ II ເປັນຫົວໜ້າອົງການໄອຍະການປະຊາຊົນເຂດ II ເມືອງສິງແຂວງຫລວງນໍ້າທາ

ໃນໂອກາດນີ້, ທ່ານ ນາງ ວອນແສງ ບົວດອກທອງ ໄດ້ນໍາເອົາຄອມພິວເຕີຕັ້ງໂຕະ ໜຶ່ງຊຸດ ມອບໃຫ້ ອົງການໄອຍະການປະຊາຊົນເຂດ 2 ເພື່ອນໍາໃຊ້ເຂົ້າໃນວຽກງານຫ້ອງການໃຫ້ໄດ້ຮັບຜົນດີຂຶ້ນໄປເລີຍໆ.

(ຂ່າວ: ສ ແສງອາລຸນ)