ຄະນະພັກ, ຄະນະໂຄສະນາອົບຮົມສູນກາງພັກ (ຄອສພ)ໄດ້ຈັດພິທີປະດັບຫຼຽນກາລະນຶກ 70 ປີ ເນື່ອງໃນໂອກາດ ວັນສ້າງຕັ້ງພັກປະຊາຊົນປະຕິວັດລາວ (22/3/1955-22/3/2025 )ແລະ ຫຼຽນກາລະນຶກ 70 ປີ ວັນສ້າງຕັ້ງຄະນະຈັດຕັ້ງສູນກາງພັກ (25/3/1955-25/3/2025) ຂຶ້ນໃນວັນທີ 20 ມີນານີ້ທີ່ ສະໂມສອນ ຄອສພ.

ໃຫ້ກຽດເຂົ້າຮ່ວມໃນພິທີ ໂດຍ ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກເລຂາຄະນະພັກຫົວໜ້າຄະນະໂຄສະນາອົບຮົມສູນກາງພັກປະທານສະພາທິດສະດີສູນກາງພັກ, ສະຫາຍ ລາວປາວຊົ່ງ ນະວົງໄຊ ກໍາມະການສູນກາງພັກຮອງເລຂາຄະນະພັກຮອງຫົວໜ້າຄອສພ, ມີບັນດາສະຫາຍຄະນະປະຈໍາ, ຄະນະບໍລິຫານງານພັກ ຄອສພ, ບັນດາສະຫາຍ ອະດີດການນໍາສະມາຊິກພັກອາວຸໂສບໍານານ ພ້ອມດ້ວຍສະມາຊິກພັກ, ພະນັກງານຫຼັກແຫຼ່ງເຂົ້າຮ່ວມຢ່າງພ້ອມພຽງ.

ໃນພິທີ, ສະຫາຍ ລາວປາວຊົ່ງ ນະວົງໄຊ ໄດ້ຂຶ້ນຜ່ານມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍການປະດັບຫຼຽນກາລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວ ແລະ ໃຫ້ກຽດປະດັບຫຼຽນ ໂດຍ ສະຫາຍ ຄໍາພັນ ເຜີຍຍະວົງ, ປະດັບໃຫ້ຈໍານວນ 38 ສະຫາຍ ໃນນັ້ນ ແມ່ນສະມາຊິກພັກບໍານານ ຈໍານວນ 35ສະຫາຍຍິງ 9 ສະຫາຍ, ສະມາຊິກພັກປະຈໍາ ຈໍານວນ 3 ສະຫາຍຍິງ 1 ສະຫາຍ ຊຶ່ງແມ່ນຜູ້ທີ່ມີຜົນງານ ຄຸນງາມຄວາມດີ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດໄລຍະທີ່ຜ່ານມາ.

(ຂ່າວ-ພາບ: ແສງຈັນ)