ອົງການປົກຄອງນະຄອນຫຼວງວຽງຈັນ(ນວ) ຮ່ວມກັບ ເມືອງສີໂຄດຕະບອງ ແລະ ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນ ຈັດປະຖະກະຖາສະເຫຼີມສະຫຼອງ ວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 70 ປີ ຂຶ້ນໃນວັນທີ 23 ມີນານີ້ທີ່ບ້ານດອນຊີງຊູ້ ເມືອງສີໂຄດຕະບອງ ນະຄອນຫຼວງວຽງຈັນ ໂດຍມີ ສະຫາຍ ອານຸພາບ ຕຸນາລົມ ຄະນະເລຂາທິການສູນກາງພັກເລຂາຄະນະບໍລິຫານງານພັກນະຄອນຫຼວງວຽງຈັນປະທານສະພາປະຊາຊົນ ນະຄອນຫຼວຽງຈັນ, ສະຫາຍ ອາດສະພັງທອງ ສີພັນດອນ ກໍາມະການສູນກາງພັກເຈົ້າຄອງນະຄອນຫຼວງວຽງຈັນ, ສະຫາຍ ນາງ ບຸນຄໍາ ວໍລະຈິດ ກໍາມະການສູນກາງພັກລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ທະວີໄຊ ເໝົາຊົມພູ ກໍາມະການພັກນະຄອນຫຼວງວຽງຈັນເລຂາພັກເມືອງສີໂຄດຕະບອງ ໄດ້ກ່າວວ່າ: ເພື່ອເປັນການຫວນຄືນປະຫວັດຄວາມເປັນມາ, ມູນເຊື້ອ, ຜົນງານການນໍາພາ ແລະ ສະເຫຼີມສະຫຼອງ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ໃຫ້ມີຄວາມໝາຍເລິກເຊິ່ງ ແລະ ເຕັມໄປດ້ວຍບັນຍາກາດທີ່ເບີກບານ ແລະ ສະແດງເຖິງນໍ້າໃຈຟົດຟື້ນປະຕິວັດ ໃນທົ່ວນະຄອນຫຼວງວຽງຈັນ, ຍົກສູງບົດບາດຂອງພັກ, ຄວາມຮັບຜິດຊອບຂອງຄະນະພັກທຸກຂັ້ນ ແລະ ຄວາມບຸກບືນສູ້ຊົນຂອງພະນັກງານຫຼັກແຫຼ່ງຂັ້ນນະຄອນຫຼວງ, ເມືອງ ແລະ ບ້ານ ໃນການສືບຕໍ່ພາລະກິດປົກປັກຮັກສາ ແລະ ສ້າງສາພັດທະນານະຄອນຫຼວງວຽງຈັນໃນໄລຍະໃໝ່, ຍູ້ແຮງໃຫ້ແກ່ການຈັດຕັ້ງຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ ເລິກເຊິ່ງ ຮອບດ້ານໃນການນໍາພາຂອງພັກ ກໍຄື ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ຕິດພັນກັບມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກນະຄອນຫຼວງວຽງຈັນ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງນະຄອນຫຼວງວຽງຈັນ ໃນໄລຍະທ້າຍສະໄໝ ຕິດພັນກັບການສະເຫຼີມສະຫຼອງ 3 ວັນປະຫວັດສາດຂອງຊາດ, ຂອງພັກ, ຂະບວນການແຂ່ງຂັນຮັກຊາດ ແລະ ພັດທະນາ ແລະ ການກະກຽມຄວາມພ້ອມ ໃຫ້ແກ່ການກະກຽມດໍາເນີນກອງປະຊຸມໃຫຍ່ຜູ້ແທນ ຂອງອົງຄະນະພັກ ນະຄອນຫຼວງວຽງຈັນ ຄັ້ງທີ VIII ໃນປີ 2025 ແລະ ກອງປະຊຸມໃຫຍ່ຜູ້ແທນທົ່ວປະເທດຂອງພັກ ຄັ້ງທີ XII.
ໂອກາດນີ້, ສະຫາຍ ອານຸພາບ ຕຸນາລົມ ໄດ້ມີຄໍາເຫັນວ່າ: ງານຄັ້ງນີ້, ຖືວ່າເປັນຄັ້ງທໍາອິດຢູ່ດອນຊີງຊູ້ ຊຶ່ງເປັນຈຸດປະຫວັດສາດແຫ່ງການກໍາເນີດເກີດຂຶ້ນຂອງ ພັກປະຊາຊົນປະຕິວັດລາວ, ຈຸດປະສົງເພື່ອເປັນການຫວນຄືນປະຫວັດຄວາມເປັນມາ, ມູນເຊື້ອ ຜົນງານການນໍາພາ ຂອງພັກປະຊາຊົນປະຕິວັດລາວ. ພ້ອມນັ້ນ, ສະຫາຍຍັງໄດ້ຍົກໃຫ້ເຫັນເຫດການປະຫວັດສາດຢູ່ສະຖານທີ່ແຫ່ງນີ້ ຊຶ່ງເປັນສະຖານທີ່ທີ່ຄະນະພັກແຄວ້ນລາວ ໄດ້ຈັດກອງປະຊຸມເທື່ອທໍາອິດ ໃນວັນທີ 6-7 ກັນຍາ 1934 ເພື່ອປຸກລະດົມປະຊາຊົນ, ຊາວໜຸ່ມ ເຂົ້າໃນຂະບວນການຕໍ່ສູ້ຕ້ານກັບພວກລ່າເມືອງຂຶ້ນແບບເກົ່າ ແລະ ໃນປີ 1935 ຂະບວນການຕໍ່ສູ້ກູ້ຊາດ ກໍໄດ້ເລີ່ມຂະຫຍາຍໃນຂອບເຂດທົ່ວປະເທດ.
(ຂ່າວ-ພາບ: ວຽງສະຫວັນ)
ສະຫາຍ ທະວີໄຊ ເໝົາຊົມພູ ກໍາມະການພັກນະຄອນຫຼວງວຽງຈັນເລຂາພັກເມືອງສີໂຄດຕະບອງ ໄດ້ກ່າວວ່າ: ເພື່ອເປັນການຫວນຄືນປະຫວັດຄວາມເປັນມາ, ມູນເຊື້ອ, ຜົນງານການນໍາພາ ແລະ ສະເຫຼີມສະຫຼອງ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ໃຫ້ມີຄວາມໝາຍເລິກເຊິ່ງ ແລະ ເຕັມໄປດ້ວຍບັນຍາກາດທີ່ເບີກບານ ແລະ ສະແດງເຖິງນໍ້າໃຈຟົດຟື້ນປະຕິວັດ ໃນທົ່ວນະຄອນຫຼວງວຽງຈັນ, ຍົກສູງບົດບາດຂອງພັກ, ຄວາມຮັບຜິດຊອບຂອງຄະນະພັກທຸກຂັ້ນ ແລະ ຄວາມບຸກບືນສູ້ຊົນຂອງພະນັກງານຫຼັກແຫຼ່ງຂັ້ນນະຄອນຫຼວງ, ເມືອງ ແລະ ບ້ານ ໃນການສືບຕໍ່ພາລະກິດປົກປັກຮັກສາ ແລະ ສ້າງສາພັດທະນານະຄອນຫຼວງວຽງຈັນໃນໄລຍະໃໝ່, ຍູ້ແຮງໃຫ້ແກ່ການຈັດຕັ້ງຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ ເລິກເຊິ່ງ ຮອບດ້ານໃນການນໍາພາຂອງພັກ ກໍຄື ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ຕິດພັນກັບມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກນະຄອນຫຼວງວຽງຈັນ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງນະຄອນຫຼວງວຽງຈັນ ໃນໄລຍະທ້າຍສະໄໝ ຕິດພັນກັບການສະເຫຼີມສະຫຼອງ 3 ວັນປະຫວັດສາດຂອງຊາດ, ຂອງພັກ, ຂະບວນການແຂ່ງຂັນຮັກຊາດ ແລະ ພັດທະນາ ແລະ ການກະກຽມຄວາມພ້ອມ ໃຫ້ແກ່ການກະກຽມດໍາເນີນກອງປະຊຸມໃຫຍ່ຜູ້ແທນ ຂອງອົງຄະນະພັກ ນະຄອນຫຼວງວຽງຈັນ ຄັ້ງທີ VIII ໃນປີ 2025 ແລະ ກອງປະຊຸມໃຫຍ່ຜູ້ແທນທົ່ວປະເທດຂອງພັກ ຄັ້ງທີ XII.
ໂອກາດນີ້, ສະຫາຍ ອານຸພາບ ຕຸນາລົມ ໄດ້ມີຄໍາເຫັນວ່າ: ງານຄັ້ງນີ້, ຖືວ່າເປັນຄັ້ງທໍາອິດຢູ່ດອນຊີງຊູ້ ຊຶ່ງເປັນຈຸດປະຫວັດສາດແຫ່ງການກໍາເນີດເກີດຂຶ້ນຂອງ ພັກປະຊາຊົນປະຕິວັດລາວ, ຈຸດປະສົງເພື່ອເປັນການຫວນຄືນປະຫວັດຄວາມເປັນມາ, ມູນເຊື້ອ ຜົນງານການນໍາພາ ຂອງພັກປະຊາຊົນປະຕິວັດລາວ. ພ້ອມນັ້ນ, ສະຫາຍຍັງໄດ້ຍົກໃຫ້ເຫັນເຫດການປະຫວັດສາດຢູ່ສະຖານທີ່ແຫ່ງນີ້ ຊຶ່ງເປັນສະຖານທີ່ທີ່ຄະນະພັກແຄວ້ນລາວ ໄດ້ຈັດກອງປະຊຸມເທື່ອທໍາອິດ ໃນວັນທີ 6-7 ກັນຍາ 1934 ເພື່ອປຸກລະດົມປະຊາຊົນ, ຊາວໜຸ່ມ ເຂົ້າໃນຂະບວນການຕໍ່ສູ້ຕ້ານກັບພວກລ່າເມືອງຂຶ້ນແບບເກົ່າ ແລະ ໃນປີ 1935 ຂະບວນການຕໍ່ສູ້ກູ້ຊາດ ກໍໄດ້ເລີ່ມຂະຫຍາຍໃນຂອບເຂດທົ່ວປະເທດ.
(ຂ່າວ-ພາບ: ວຽງສະຫວັນ)
