ຂ່າວຕ່າງປະເທດລາຍງານວ່າ: ສະຖາບັນການລົງທຶນຂອງ ສ ເກົາຫຼີ (Korea CXO Institute)ເປີດເຜີຍໃນວັນທີ 24 ມີນາ ຜ່ານມາວ່າ: ບໍລິສັດ Samsung Electronics ຄອງຕຳແໜ່ງຍອດຂາຍອັນດັບ 1 ໃນ ສ ເກົາຫຼີເປັນເວລາ 22 ປີຕິດຕໍ່ກັນ ນັບຕັ້ງແຕ່ປີ 2002 ຫາ 2023.

ສະຖາບັນ Korea CXO Institute ໄດ້ສໍາຫຼວດບໍລິສັດຕ່າງໆໃນ ສ ເກົາຫຼີ, ແຕ່ບໍ່ລວມເອົາບໍລິສັດການເງິນ ແລະບໍລິສັດທີ່ປ່ຽນແປງການເປັນເຈົ້າຂອງຍ້ອນບັນຫາການຄຸ້ມຄອງ. ໂດຍສະຖາບັນດັ່ງກ່າວໄດ້ນໍາໃຊ້ຫຼັກການໃນການວິເຄາະບໍລິສັດ ຈົນທະບຽນ 50 ອັນດັບທຳອິດ ແລະ ພິຈາລະນາຈາກການຂາຍຕັ້ງແຕ່ປີ 1984 ຫາ 2023.

ບົດ​ລາຍ​ງານ​ຂອງ​ສະ​ຖາ​ບັນ​ກ່າວ​ລະບຸວ່າ: ຍອດ​ຂາຍ​ຂອງ Samsung ເພີ່ມຂຶ້ນຢ່າງ​ກະ​ໂດດ​ຂັ້ນ​ໃນ​ໄລ​ຍະ​ດັ່ງກ່າວ, ຈາກ 1.36 ພັນ​ຕື້​ວອນ (928 ລ້ານ​ໂດ​ລາ) ໃນ​ປີ 1984 ເປັນ 170.4 ພັນ​ຕື້​ວອນ​ໃນ​ປີ 2023.

ນອກຈາກນີ້, ລາຍງານຍັງລະບຸວ່າ: Samsung ແລະ ບໍລິສັດອື່ນໆ ອີກ 6 ແຫ່ງ ຂອງ ສ ເກົາຫຼີສາມາດຮັກສາຕໍາແໜ່ງໃນ 50 ອັນດັບຕົ້ນໆໄດ້ທຸກປີ ຕະຫຼອດໄລຍະ 40 ປີຜ່ານມາຄື: Hyundai Motor, LG Electronics, Samsung C&T, LG Chem, Hyundai Engineering & Construction, ແລະ Korean Air.