ເພື່ອເປັນການປະຕິບັດຕາມຄໍາສັ່ງຂອງຄະນະເລຂາທິການສູນກາງພັກ ຄໍາແນະນໍາຂອງຄະນະຈັດຕັ້ງສູນກາງພັກ ຄໍາແນະນໍາຂອງຄະນະກວດກາສູນກາງພັກ ຄໍາແນະນໍາຂອງຄະນະໂຄສະນາອົບຮົມສູນກາງພັກ ແລະ ມະຕິຕົກລົງຂອງຄະນະປະຈຳພັກ ນະຄອນຫຼວງວຽງຈັນ ວ່າດ້ວຍການແຕ່ງຕັ້ງຄະນະຮັບຜິດຊອບການກະກຽມດຳເນີນກອງປະຊຸມເຊື່ອມຊຶມເອກະສານກອງປະຊຸມໃຫຍ່ 3 ຂັ້ນຂອງພັກ. 
ສະນັ້ນ, ໃນວັນທີ 2 ພະຈິກນີ້, ຄະນະຈັດຕັ້ງນະຄອນຫຼວງວຽງຈັນ ຈຶ່ງໄດ້ຈັດກອງປະຊຸມເຊື່ອມຊຶມ ຜັນຂະຫຍາຍນິຕິກຳກ່ຽວກັບການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກຂຶ້ນ ໂດຍເປັນປະທານຂອງສະຫາຍ ອານຸພາບ ຕຸນາລົມເລຂາຄະນະພັກ ປະທານສະພາປະຊາຊົນນະຄອນຫຼວງວຽງຈັນ ມີສະຫາຍ ອາດສະພັງທອງ ສີພັນດອນຮອງເລຂາຄະນະພັກເຈົ້າຄອງນະຄອນຫຼວງວຽງຈັນ ພ້ອມບັນດາສະຫາຍກຳມະການພັກນະຄອນຫຼວງ, ຮອງເລຂາພັກເມືອງ, ຮອງເລຂາຄະນະພັກກອງບັນຊາການ ປກຊ-ປກສ ນວ, ເລຂາຄະນະພັກຮາກຖານ, ເລຂາໜ່ວຍພັກຮາກຖານອ້ອມຂ້າງນະຄອນຫຼວງ, ຫົວໜ້າຄະນະຈັດຕັ້ງ, ປະທານຄະນະກວດກາພັກ, ຫົວໜ້າຄະນະໂຄສະນອົບຮົມ, ຫົວໜ້າຫ້ອງວ່າການເມືອງ  ແລະ ຫ້ອງການອົງການທຽບເທົ່າອ້ອມຂ້າງນະຄອນຫຼວງວຽງຈັນເຂົ້າຮ່ວມ.ຈຸດປະສົງເພື່ອຈັດຕັ້ງເຊື່ອມຊຶມ ຜັນຂະຫຍາຍຄໍາສັ່ງ ຄໍາແນະນໍາກ່ຽວກັບການກະກຽມ ແລະ ການດຳເນີນກອງປະຊຸມໃຫຍ່ 3 ຂັ້ນຂອງພັກ ເພື່ອເປັນການກະກຽມໃຫ້ແກ່ການດໍາເນີນກອງປະຊຸມໃຫຍ່ 3 ຂັ້ນຂອງພັກ ທົ່ວນະຄອນຫຼວງວຽງຈັນ. 
ໃນວາລະການດຳເນີນກອງປະຊຸມສະຫາຍ ອານຸພາບ ຕຸນາລົມ ໄດ້ກ່າວເປີດກອງປະຊຸມຢ່າງເປັນທາງການ ພ້ອມທັງໃຫ້ກຽດເຊື່ອມຊຶມເອກະສານຄໍາສັ່ງຂອງຄະນະເລຂາທິການສູນກາງພັກ ສະບັບເລກທີ 411/ຄລສພ ສະຫາຍ ອາດສະພັງທອງ ສີພັນດອນ ໃຫ້ກຽດຂຶ້ນເຊື່ອມຊຶມຄໍາແນະນໍາຂອງຄະນະຈັດຕັ້ງສູນກາງພັກ ສະບັບເລກທີ 211/ຄຈສພ, ສະຫາຍ ບຸນໜາ ຜາທຸມມະວົງ ຂຶ້ນຜ່ານຮ່າງມະຕິຕົກລົງ ຂອງ ຄປພນວ ວ່າດ້ວຍການແຕ່ຕັ້ງຄະນະຮັບຜິດຊອບກະກຽມດຳເນີນກອງປະຊຸມໃຫຍ່ 3 ຂັ້ນຂອງພັກ ທົ່ວນະຄອນຫຼວວຽງຈັນ, ສະຫາຍ ວິລະສັກ ນາມມຸນຕີ ປະທານກວດກາພັກ ນວ ຂຶ້ນຜ່ານຄໍາແນະນໍາຂອງຄະນະກວດກາສູນກາງພັກ ສະບັບເລກທີ 285/ຄກສພ, ສະຫາຍ ສະເດັດດາ ສີອຳພອນ ຮອງຫົວໜ້າຄະນະໂຄສະນາອົບຮົມ ນວ ຂຶ້ນຜ່ານຄໍາແນະນໍາຂອງຄະນະໂຄສະນາອົບຮົມສູນກາງພັກ ສະບັບເລກທີ 34/ ຄອສພ ແລະ ຮ່າງແຈ້ງການແນະນໍາ ຂອງຄະນະໂຄສະນາອົບຮົມ ນວ.
(ຂ່າວ-ພາບ: ຊິລິການດາ)