ໃນການປະກອບຄໍາເຫັນ ຕໍ່ບົດລາຍງານຂອງກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບກ່ຽວກັບການປະເມີນຜົນການຈັດຕັ້ງປະຕິບັດກົດໝາຍຂົງເຂດປ້ອງກັນຊາດ-ປ້ອງກັນຄວາມສະຫງົບ (ປກຊ-ປກສ) 3 ສະບັບ ຄື: ກົດໝາຍວ່າດ້ວຍການປ້ອງກັນຊາດ, ກົດໝາຍວ່າດ້ວຍນາຍທະຫານກອງທັບປະຊາຊົນລາວ ແລະ ກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນ ທີ່ລາຍງານ ຕໍ່ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໃນເຊົ້າວັນທີ 6 ພະຈິກນີ້; ຄະນະປະຈໍາສະພາແຫ່ງຊາດ ໄດ້ຕີລາຄາການຈັດຕັ້ງປະຕິບັດ 3 ກົດໝາຍດັ່ງກ່າວ ແລະ ໄດ້ເນັ້ນຕື່ມບາງດ້ານທີ່ສຳຄັນ.
ທ່ານ ພົນຕີ ວົງສັກ ພັນທະວົງ ກຳມະການຄະນະປະຈໍາ ປະທານກຳມາທິການ ປກຊ-ປກສສະພາແຫ່ງຊາດ ໄດ້ຕາງໜ້າ ຄະນະປະຈໍາສະພາແຫ່ງຊາດ ປະກອບຄໍາເຫັນ ຕໍ່ບົດລາຍງານ ຂອງກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ກ່ຽວກັບການປະເມີນຜົນການຈັດຕັ້ງປະຕິບັດກົດໝາຍ 3 ສະບັບດັ່ງກ່າວວ່າ: ຄະນະປະຈຳສະພາແຫ່ງຊາດ ຕີລາຄາສູງ ຕໍ່ທັງສອງກະຊວງ ທີ່ໄດ້ເປັນເຈົ້າການດຳເນີນການປະເມີນຜົນການຈັດຕັ້ງປະຕິບັດ ບັນດາກົດໝາຍດັ່ງກ່າວ ຊຶ່ງມີຜົນສຳເລັດ ແລະ ເຫັນວ່າ ບັນດາກົດໝາຍເຫຼົ່ານັ້ນໄດ້ກາຍເປັນນິຕິກໍາພື້ນຖານ ໃຫ້ແກ່ການເຄື່ອນໄຫວປະຕິບັດໜ້າທີ່ ປກຊ-ປກສ, ເຮັດໃຫ້ວຽກງານດັ່ງກ່າວ ເປັນຄວາມຮັບຜິດຊອບທົ່ວປວງຊົນລາວ ເພື່ອປົກປັກຮັກສາປະເທດຊາດ ໃຫ້ມີສະຖຽນລະພາບທາງການເມືອງຢ່າງໜັກແໜ້ນ, ສັງຄົມມີຄວາມປອດໄພ ແລະ ເປັນລະບຽບຮຽບຮ້ອຍ, ສາມາດເຊື່ອມໂຍງກັບພາກພື້ນ ແລະ ສາກົນ, ທັງເປັນເຄື່ອງມືອັນສຳຄັນໃນການຍົກສູງປະສິດທິພາບ ເຂົ້າໃນການຊີ້ນຳ-ບັນຊາ ຄຸ້ມຄອງ ແລະ ກວດກາການເຄື່ອນໄຫວ ໃນການປະຕິບັດໜ້າທີ່ ຂອງກຳລັງ ປກຊ-ປກສ ເວົ້າລວມ, ເວົ້າສະເພາະ ແມ່ນນາຍ ແລະ ພົນທະຫານ, ນາຍ ແລະ ພົນຕຳຫຼວດໃຫ້ມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ, ມີລະບຽບວິໄນເຂັ້ມງວດ, ມີແບບແຜນທັນສະໄໝ, ເປັນກຳລັງຫຼັກແຫຼ່ງໃນການຈັດຕັ້ງປະຕິບັດແນວທາງ ປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ, ເປັນເຈົ້າການປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ; ປະກອບສ່ວນຍົກສູງຄຸນນະພາບໃນການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ໃຫ້ມີຄວາມເຂັ້ມງວດ, ຍຸຕິທຳ ແລະ ສັກສິດເປັນກ້າວໆມາ.
ຄຽງຄູ່ກັບດ້ານດີທີ່ພົ້ນເດັ່ນຂ້າງເທິງ ກໍຍັງເຫັນວ່າ, ການຈັດຕັ້ງປະຕິບັດກົດໝາຍເຫຼົ່ານັ້ນ ຍັງມີດ້ານອ່ອນ, ຂໍ້ຄົງຄ້າງຈໍານວນໜຶ່ງ ທີ່ເລັ່ງທວງໃຫ້ພວກເຮົາຕ້ອງໄດ້ແກ້ໄຂ ຊຶ່ງໂອກາດນີ້ ຄະນະປະຈໍາສະພາແຫ່ງຊາດ ກໍໄດ້ເນັ້ນຕື່ມບາງດ້ານທີ່ສຳຄັນ ທັງທິດທາງ ແລະ ມາດຕະການລວມ; ພ້ອມນີ້, ກໍໄດ້ເນັ້ນໃສ່ທິດທາງ ແລະ ມາດຕະການສະເພາະຂອງແຕ່ລະກົດໝາຍ. ສຳລັບທິດທາງ ແລະ ມາດຕະການລວມ ຄື: 1. ກະຊວງ ປກຊ ແລະ ກະຊວງ ປກສ ໃຫ້ສືບຕໍ່ເພີ່ມທະວີການໂຄສະນາເຜີຍແຜ່ເນື້ອໃນກົດໝາຍ 3 ສະບັບດັ່ງກ່າວ ໃຫ້ກວ້າງຂວາງເລິກເຊິ່ງ, ທົ່ວເຖິງ ແລະ ແທດເໝາະ ກັບແຕ່ລະເປົ້າໝາຍ ແນໃສ່ເຮັດໃຫ້ຖັນແຖວ ກຳລັງ ປກຊ-ປກສ ແລະ ທົ່ວສັງຄົມ ມີຄວາມຮັບຮູ້ເຂົ້າໃຈທີ່ຖືກຕ້ອງກັບເນື້ອໃນກົດໝາຍ ເພື່ອຍົກສູງສະຕິເຄົາລົບ ແລະ ປະຕິບັດກົດໝາຍໃຫ້ສູງຂຶ້ນ ໂດຍຕິດພັນກັບມາດຕະການສະກັດກັ້ນ ແກ້ໄຂບັນດາປະກົດການ ແລະ ພຶດຕິກຳທີ່ເປັນການລະເມີດກົດໝາຍຢ່າງເຂັ້ມງວດ;2. ກະຊວງ ປກຊ ແລະ ກະຊວງ ປກສ ໃຫ້ສືບຕໍ່ປະສານສົມທົບກັບພາກສ່ວນທີ່ກ່ຽວຂ້ອງ ຄົ້ນຄວ້າຜັນຂະຫຍາຍ ບັນດາມາດຕາຂອງ 3 ກົດໝາຍ ອອກເປັນນິຕິກຳໃຕ້ກົດໝາຍຕື່ມ ໂດຍສະເພາະມາດຕາທີ່ເຫັນວ່າມີຄວາມຈຳເປັນຕ້ອງໄດ້ມີນິຕິກຳໃຕ້ກົດໝາຍ ເພື່ອແນະນຳການຈັດຕັ້ງປະຕິບັດລະອຽດ ຈະແຈ້ງຕື່ມ; ພ້ອມກັນນັ້ນ ກໍໃຫ້ສືບຕໍ່ຄົ້ນຄວ້າ ແລະ ປັບປຸງເນື້ອໃນບາງພາກ, ບາງໝວດ ແລະ ບາງມາດຕາ ແຕ່ລະກົດໝາຍທີ່ເຫັນວ່າບໍ່ສອດຄ່ອງ ຫຼືຊ້ຳຊ້ອນກັບມາດຕາອື່ນເພື່ອເຮັດໃຫ້ເນື້ອໃນກົດໝາຍທັງ 3 ສະບັບນີ້ມີເນື້ອໃນຮັດກຸມ, ຈະແຈ້ງ, ສອດຄ່ອງ, ກົມກຽວ ແລະ ສາມາດຈັດຕັ້ງປະຕິບັດໄດ້;3. ກະຊວງ ປກຊ ແລະ ກະຊວງ ປກສ ສືບຕໍ່ທົບທວນ ແລະ ປະເມີນການຈັດຕັ້ງປະຕິບັດກົດໝາຍທັງ 3 ສະບັບນີ້ ເປັນແຕ່ລະໄລຍະ ແນໃສ່ເພື່ອສ້າງສະຕິເຄົາລົບ ແລະ ປະຕິບັດກົດໝາຍ ຂອງນາຍ ແລະ ພົນທະຫານ, ນາຍ ແລະ ພົນຕຳຫຼວດ ກໍຄືໃນທົ່ວສັງຄົມໃຫ້ສູງຂຶ້ນ, ພ້ອມທັງແກ້ໄຂປະກົດການທີ່ເກີດຂຶ້ນ ໃຫ້ທັນສະພາບການ ແລະ ແທດເໝາະກັບຕົວຈິງ;4. ລັດຖະບານເພີ່ມທະວີ ການຊີ້ນໍາອົງການ, ຂະແໜງການທີ່ກ່ຽວຂ້ອງ ຍົກສູງພາລະບົດບາດ ສິດ ແລະ ໜ້າທີ່ຂອງຕົນ ຕາມທີ່ໄດ້ກຳນົດໄວ້ໃນກົດໝາຍ 3 ສະບັບນີ້ ໃຫ້ມີປະສິດທິພາບ, ປະສິດທິຜົນ, ຄົ້ນຄວ້າເພີ່ມຈຳນວນງົບປະມານ, ອຸປະກອນ ແລະ ພາຫະນະເຕັກນິກ ທີ່ຈຳເປັນໃຫ້ແກ່ກຳລັງປ້ອງກັນຊາດ-ປ້ອງກັນຄວາມສະຫງົບ ສາມາດຕອບສະໜອງໃນການເຄື່ອນໄຫວປະຕິບັດໜ້າທີ່ການເມືອງໃນໄລຍະໃໝ່;5. ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ເພີ່ມທະວີການຕິດຕາມກວດກາ ການເຄົາລົບ ແລະ ປະຕິບັດກົດໝາຍ 3 ສະບັບ ໃຫ້ເປັນລະບົບຕໍ່ເນື່ອງ ຕິດຕາມ, ກວດກາ ແລະ ຊຸກຍູ້ ການປະເມີນຜົນການຈັດຕັ້ງປະຕິບັດກົດໝາຍ ເພື່ອລາຍງານຕໍ່ກອງປະຊຸມສະໄໝສາມັນ ຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງໃນແຕ່ລະໄລຍະ.
ສຳລັບທິດທາງ ແລະ ມາດຕະການສະເພາະ ຂອງແຕ່ລະກົດໝາຍ ກໍໄດ້ເນັ້ນວ່າ: ກົດໝາຍວ່າດ້ວຍການປ້ອງກັນຊາດ ແມ່ນໃຫ້ສ້າງແຜນການປັບປຸງກົດໝາຍນີ້ແລະ ນຳສະເໜີເອົາເຂົ້າແຜນການສ້າງ ແລະ ປັບປຸງກົດໝາຍ 5 ປີ (2025-2030) ຂອງສະພາແຫ່ງຊາດ ຊຸດທີ X ແລະ ປັບປຸງດ້ານໂຄງສ້າງຂອງກົດໝາຍສະບັບນີ້ ທີ່ເຫັນວ່າບໍ່ທັນຄົບຖ້ວນ ແລະ ເນື້ອໃນບາງມາດຕາຂອງກົດໝາຍ ທີ່ຍັງບໍ່ສອດຄ່ອງກັບສະພາບຄວາມເປັນຈິງໃນປັດຈຸບັນ, ເປັນຕົ້ນເຊັ່ນ: ມາດຕາ 3, 6, 15, 41, 42, 43, 44, 45, 46, 47, 48, 49 ແລະ ມາດຕາອື່ນໆ ທີ່ເຫັນວ່າບໍ່ທັນສອດຄ່ອງ; ກົດໝາຍ ວ່າດ້ວຍນາຍທະຫານກອງທັບປະຊາຊົນລາວ ໃຫ້ຄົ້ນຄ້ວາປັບປຸງຕາມແຜນການສ້າງ ແລະ ປັບປຸງກົດໝາຍຂອງສະພາແຫ່ງຊາດ ຊຸດທີ IX ແລະ ປັບປຸງເນື້ອໃນບາງມາດຕາຂອງກົດໝາຍສະບັບນີ້ ທີ່ຍັງບໍ່ສອດຄ່ອງກັບສະພາບຄວາມເປັນຈິງໃນປັດຈຸບັນ, ເປັນຕົ້ນເຊັ່ນ: ມາດຕາ 5, 18, 20, 21, 22, 25, 26, 34, 36 ແລະ ມາດຕາອື່ນໆ ທີ່ເຫັນວ່າບໍ່ທັນສອດຄ່ອງ; ພ້ອມນີ້, ສະເໜີເພີ່ມມາດຕາໃໝ່ ທີ່ກ່ຽວພັນກັບ ລະບົບສອງຫົວໜ້າ ແລະ ໜ້າທີ່ຂອງນາຍທະຫານ ຂົງເຂດຕ່າງໆ ໃຫ້ຄົບຖ້ວນ ລະອຽດຈະແຈ້ງ; ສ່ວນກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນ ກໍໃຫ້ສ້າງແຜນການປັບປຸງກົດໝາຍນີ້ ແລະ ນຳສະເໜີເອົາເຂົ້າແຜນການສ້າງ ແລະ ປັບປຸງກົດໝາຍ 5 ປີ (2025-2030) ຂອງສະພາແຫ່ງຊາດ ຊຸດທີ X ໂດຍຄົ້ນຄວ້າປັບປຸງ ມາດຕາ 16, 17, 21, 30, 31, 32 ຂອງກົດໝາຍສະບັບນີ້ ທີ່ຕິດພັນກັບການປັບປຸງກົງຈັກ ຂອງກະຊວງປ້ອງກັນຄວາມສະຫງົບ ແລະ ບາງມາດຕາຂອງກົດໝາຍ ທີ່ຍັງບໍ່ສອດຄ່ອງກັບສະພາບຄວາມເປັນຈິງໃນປັດຈຸບັນ ຄື: 3,4,5,13,15,16,21,23,25, 26,27,28,29,32, 33,34,38,40,45,50, 52 ແລະ ມາດຕາອື່ນໆ ທີ່ເຫັນວ່າບໍ່ທັນສອດຄ່ອງ.
(ຂ່າວ-ພາບ: ສຸກສະຫວັນ)
ທ່ານ ພົນຕີ ວົງສັກ ພັນທະວົງ ກຳມະການຄະນະປະຈໍາ ປະທານກຳມາທິການ ປກຊ-ປກສສະພາແຫ່ງຊາດ ໄດ້ຕາງໜ້າ ຄະນະປະຈໍາສະພາແຫ່ງຊາດ ປະກອບຄໍາເຫັນ ຕໍ່ບົດລາຍງານ ຂອງກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ກ່ຽວກັບການປະເມີນຜົນການຈັດຕັ້ງປະຕິບັດກົດໝາຍ 3 ສະບັບດັ່ງກ່າວວ່າ: ຄະນະປະຈຳສະພາແຫ່ງຊາດ ຕີລາຄາສູງ ຕໍ່ທັງສອງກະຊວງ ທີ່ໄດ້ເປັນເຈົ້າການດຳເນີນການປະເມີນຜົນການຈັດຕັ້ງປະຕິບັດ ບັນດາກົດໝາຍດັ່ງກ່າວ ຊຶ່ງມີຜົນສຳເລັດ ແລະ ເຫັນວ່າ ບັນດາກົດໝາຍເຫຼົ່ານັ້ນໄດ້ກາຍເປັນນິຕິກໍາພື້ນຖານ ໃຫ້ແກ່ການເຄື່ອນໄຫວປະຕິບັດໜ້າທີ່ ປກຊ-ປກສ, ເຮັດໃຫ້ວຽກງານດັ່ງກ່າວ ເປັນຄວາມຮັບຜິດຊອບທົ່ວປວງຊົນລາວ ເພື່ອປົກປັກຮັກສາປະເທດຊາດ ໃຫ້ມີສະຖຽນລະພາບທາງການເມືອງຢ່າງໜັກແໜ້ນ, ສັງຄົມມີຄວາມປອດໄພ ແລະ ເປັນລະບຽບຮຽບຮ້ອຍ, ສາມາດເຊື່ອມໂຍງກັບພາກພື້ນ ແລະ ສາກົນ, ທັງເປັນເຄື່ອງມືອັນສຳຄັນໃນການຍົກສູງປະສິດທິພາບ ເຂົ້າໃນການຊີ້ນຳ-ບັນຊາ ຄຸ້ມຄອງ ແລະ ກວດກາການເຄື່ອນໄຫວ ໃນການປະຕິບັດໜ້າທີ່ ຂອງກຳລັງ ປກຊ-ປກສ ເວົ້າລວມ, ເວົ້າສະເພາະ ແມ່ນນາຍ ແລະ ພົນທະຫານ, ນາຍ ແລະ ພົນຕຳຫຼວດໃຫ້ມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ, ມີລະບຽບວິໄນເຂັ້ມງວດ, ມີແບບແຜນທັນສະໄໝ, ເປັນກຳລັງຫຼັກແຫຼ່ງໃນການຈັດຕັ້ງປະຕິບັດແນວທາງ ປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ, ເປັນເຈົ້າການປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ; ປະກອບສ່ວນຍົກສູງຄຸນນະພາບໃນການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ໃຫ້ມີຄວາມເຂັ້ມງວດ, ຍຸຕິທຳ ແລະ ສັກສິດເປັນກ້າວໆມາ.
ຄຽງຄູ່ກັບດ້ານດີທີ່ພົ້ນເດັ່ນຂ້າງເທິງ ກໍຍັງເຫັນວ່າ, ການຈັດຕັ້ງປະຕິບັດກົດໝາຍເຫຼົ່ານັ້ນ ຍັງມີດ້ານອ່ອນ, ຂໍ້ຄົງຄ້າງຈໍານວນໜຶ່ງ ທີ່ເລັ່ງທວງໃຫ້ພວກເຮົາຕ້ອງໄດ້ແກ້ໄຂ ຊຶ່ງໂອກາດນີ້ ຄະນະປະຈໍາສະພາແຫ່ງຊາດ ກໍໄດ້ເນັ້ນຕື່ມບາງດ້ານທີ່ສຳຄັນ ທັງທິດທາງ ແລະ ມາດຕະການລວມ; ພ້ອມນີ້, ກໍໄດ້ເນັ້ນໃສ່ທິດທາງ ແລະ ມາດຕະການສະເພາະຂອງແຕ່ລະກົດໝາຍ. ສຳລັບທິດທາງ ແລະ ມາດຕະການລວມ ຄື: 1. ກະຊວງ ປກຊ ແລະ ກະຊວງ ປກສ ໃຫ້ສືບຕໍ່ເພີ່ມທະວີການໂຄສະນາເຜີຍແຜ່ເນື້ອໃນກົດໝາຍ 3 ສະບັບດັ່ງກ່າວ ໃຫ້ກວ້າງຂວາງເລິກເຊິ່ງ, ທົ່ວເຖິງ ແລະ ແທດເໝາະ ກັບແຕ່ລະເປົ້າໝາຍ ແນໃສ່ເຮັດໃຫ້ຖັນແຖວ ກຳລັງ ປກຊ-ປກສ ແລະ ທົ່ວສັງຄົມ ມີຄວາມຮັບຮູ້ເຂົ້າໃຈທີ່ຖືກຕ້ອງກັບເນື້ອໃນກົດໝາຍ ເພື່ອຍົກສູງສະຕິເຄົາລົບ ແລະ ປະຕິບັດກົດໝາຍໃຫ້ສູງຂຶ້ນ ໂດຍຕິດພັນກັບມາດຕະການສະກັດກັ້ນ ແກ້ໄຂບັນດາປະກົດການ ແລະ ພຶດຕິກຳທີ່ເປັນການລະເມີດກົດໝາຍຢ່າງເຂັ້ມງວດ;2. ກະຊວງ ປກຊ ແລະ ກະຊວງ ປກສ ໃຫ້ສືບຕໍ່ປະສານສົມທົບກັບພາກສ່ວນທີ່ກ່ຽວຂ້ອງ ຄົ້ນຄວ້າຜັນຂະຫຍາຍ ບັນດາມາດຕາຂອງ 3 ກົດໝາຍ ອອກເປັນນິຕິກຳໃຕ້ກົດໝາຍຕື່ມ ໂດຍສະເພາະມາດຕາທີ່ເຫັນວ່າມີຄວາມຈຳເປັນຕ້ອງໄດ້ມີນິຕິກຳໃຕ້ກົດໝາຍ ເພື່ອແນະນຳການຈັດຕັ້ງປະຕິບັດລະອຽດ ຈະແຈ້ງຕື່ມ; ພ້ອມກັນນັ້ນ ກໍໃຫ້ສືບຕໍ່ຄົ້ນຄວ້າ ແລະ ປັບປຸງເນື້ອໃນບາງພາກ, ບາງໝວດ ແລະ ບາງມາດຕາ ແຕ່ລະກົດໝາຍທີ່ເຫັນວ່າບໍ່ສອດຄ່ອງ ຫຼືຊ້ຳຊ້ອນກັບມາດຕາອື່ນເພື່ອເຮັດໃຫ້ເນື້ອໃນກົດໝາຍທັງ 3 ສະບັບນີ້ມີເນື້ອໃນຮັດກຸມ, ຈະແຈ້ງ, ສອດຄ່ອງ, ກົມກຽວ ແລະ ສາມາດຈັດຕັ້ງປະຕິບັດໄດ້;3. ກະຊວງ ປກຊ ແລະ ກະຊວງ ປກສ ສືບຕໍ່ທົບທວນ ແລະ ປະເມີນການຈັດຕັ້ງປະຕິບັດກົດໝາຍທັງ 3 ສະບັບນີ້ ເປັນແຕ່ລະໄລຍະ ແນໃສ່ເພື່ອສ້າງສະຕິເຄົາລົບ ແລະ ປະຕິບັດກົດໝາຍ ຂອງນາຍ ແລະ ພົນທະຫານ, ນາຍ ແລະ ພົນຕຳຫຼວດ ກໍຄືໃນທົ່ວສັງຄົມໃຫ້ສູງຂຶ້ນ, ພ້ອມທັງແກ້ໄຂປະກົດການທີ່ເກີດຂຶ້ນ ໃຫ້ທັນສະພາບການ ແລະ ແທດເໝາະກັບຕົວຈິງ;4. ລັດຖະບານເພີ່ມທະວີ ການຊີ້ນໍາອົງການ, ຂະແໜງການທີ່ກ່ຽວຂ້ອງ ຍົກສູງພາລະບົດບາດ ສິດ ແລະ ໜ້າທີ່ຂອງຕົນ ຕາມທີ່ໄດ້ກຳນົດໄວ້ໃນກົດໝາຍ 3 ສະບັບນີ້ ໃຫ້ມີປະສິດທິພາບ, ປະສິດທິຜົນ, ຄົ້ນຄວ້າເພີ່ມຈຳນວນງົບປະມານ, ອຸປະກອນ ແລະ ພາຫະນະເຕັກນິກ ທີ່ຈຳເປັນໃຫ້ແກ່ກຳລັງປ້ອງກັນຊາດ-ປ້ອງກັນຄວາມສະຫງົບ ສາມາດຕອບສະໜອງໃນການເຄື່ອນໄຫວປະຕິບັດໜ້າທີ່ການເມືອງໃນໄລຍະໃໝ່;5. ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ເພີ່ມທະວີການຕິດຕາມກວດກາ ການເຄົາລົບ ແລະ ປະຕິບັດກົດໝາຍ 3 ສະບັບ ໃຫ້ເປັນລະບົບຕໍ່ເນື່ອງ ຕິດຕາມ, ກວດກາ ແລະ ຊຸກຍູ້ ການປະເມີນຜົນການຈັດຕັ້ງປະຕິບັດກົດໝາຍ ເພື່ອລາຍງານຕໍ່ກອງປະຊຸມສະໄໝສາມັນ ຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງໃນແຕ່ລະໄລຍະ.
ສຳລັບທິດທາງ ແລະ ມາດຕະການສະເພາະ ຂອງແຕ່ລະກົດໝາຍ ກໍໄດ້ເນັ້ນວ່າ: ກົດໝາຍວ່າດ້ວຍການປ້ອງກັນຊາດ ແມ່ນໃຫ້ສ້າງແຜນການປັບປຸງກົດໝາຍນີ້ແລະ ນຳສະເໜີເອົາເຂົ້າແຜນການສ້າງ ແລະ ປັບປຸງກົດໝາຍ 5 ປີ (2025-2030) ຂອງສະພາແຫ່ງຊາດ ຊຸດທີ X ແລະ ປັບປຸງດ້ານໂຄງສ້າງຂອງກົດໝາຍສະບັບນີ້ ທີ່ເຫັນວ່າບໍ່ທັນຄົບຖ້ວນ ແລະ ເນື້ອໃນບາງມາດຕາຂອງກົດໝາຍ ທີ່ຍັງບໍ່ສອດຄ່ອງກັບສະພາບຄວາມເປັນຈິງໃນປັດຈຸບັນ, ເປັນຕົ້ນເຊັ່ນ: ມາດຕາ 3, 6, 15, 41, 42, 43, 44, 45, 46, 47, 48, 49 ແລະ ມາດຕາອື່ນໆ ທີ່ເຫັນວ່າບໍ່ທັນສອດຄ່ອງ; ກົດໝາຍ ວ່າດ້ວຍນາຍທະຫານກອງທັບປະຊາຊົນລາວ ໃຫ້ຄົ້ນຄ້ວາປັບປຸງຕາມແຜນການສ້າງ ແລະ ປັບປຸງກົດໝາຍຂອງສະພາແຫ່ງຊາດ ຊຸດທີ IX ແລະ ປັບປຸງເນື້ອໃນບາງມາດຕາຂອງກົດໝາຍສະບັບນີ້ ທີ່ຍັງບໍ່ສອດຄ່ອງກັບສະພາບຄວາມເປັນຈິງໃນປັດຈຸບັນ, ເປັນຕົ້ນເຊັ່ນ: ມາດຕາ 5, 18, 20, 21, 22, 25, 26, 34, 36 ແລະ ມາດຕາອື່ນໆ ທີ່ເຫັນວ່າບໍ່ທັນສອດຄ່ອງ; ພ້ອມນີ້, ສະເໜີເພີ່ມມາດຕາໃໝ່ ທີ່ກ່ຽວພັນກັບ ລະບົບສອງຫົວໜ້າ ແລະ ໜ້າທີ່ຂອງນາຍທະຫານ ຂົງເຂດຕ່າງໆ ໃຫ້ຄົບຖ້ວນ ລະອຽດຈະແຈ້ງ; ສ່ວນກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນ ກໍໃຫ້ສ້າງແຜນການປັບປຸງກົດໝາຍນີ້ ແລະ ນຳສະເໜີເອົາເຂົ້າແຜນການສ້າງ ແລະ ປັບປຸງກົດໝາຍ 5 ປີ (2025-2030) ຂອງສະພາແຫ່ງຊາດ ຊຸດທີ X ໂດຍຄົ້ນຄວ້າປັບປຸງ ມາດຕາ 16, 17, 21, 30, 31, 32 ຂອງກົດໝາຍສະບັບນີ້ ທີ່ຕິດພັນກັບການປັບປຸງກົງຈັກ ຂອງກະຊວງປ້ອງກັນຄວາມສະຫງົບ ແລະ ບາງມາດຕາຂອງກົດໝາຍ ທີ່ຍັງບໍ່ສອດຄ່ອງກັບສະພາບຄວາມເປັນຈິງໃນປັດຈຸບັນ ຄື: 3,4,5,13,15,16,21,23,25, 26,27,28,29,32, 33,34,38,40,45,50, 52 ແລະ ມາດຕາອື່ນໆ ທີ່ເຫັນວ່າບໍ່ທັນສອດຄ່ອງ.
(ຂ່າວ-ພາບ: ສຸກສະຫວັນ)
