ໃນວັນທີ 7 ພະຈິກນີ້, ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໄດ້ດຳເນີນພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ຊຶ່ງກອງປະຊຸມມື້ນີ້ມີວາລະໃຫ້ ທ່ານ ວຽງທະວີສອນ ເທບພະຈັນ ປະທານອົງການກວດສອບແຫ່ງລັດ ລາຍງານການຈັດຕັ້ງເຄື່ອນໄຫວວຽກງານ ກາງສະໄໝ 5 ປີ (2021-2025) ແລະ ປະຈໍາປີ 2023, ແຜນການທ້າຍສະໄໝ ຮອດປີ 2025 ແລະ ປະຈໍາປີ 2024; ລາຍງານຜົນການກວດສອບ ປະຈໍາປີ 2022 ຂອງອົງການກວດສອບແຫ່ງລັດ.
ທ່ານ ວຽງທະວີສອນ ເທບພະຈັນ ໄດ້ກ່າວລາຍງານໃຫ້ຮູ້ວ່າ: ບັນດາຄາດໝາຍ ແລະ ວຽກງານຈຸດສຸມກາງສະໄໝ 5 ປີ (2021-2025) ມາຮອດປັດຈຸບັນ ໄດ້ປັບປຸງການຈັດຕັ້ງແຕ່ລະຂັ້ນ ໃຫ້ໜັກແໜ້ນ, ເຂັ້ມແຂງ; ໄດ້ສໍາເລັດການສ້າງຕັ້ງອົງການກວດສອບປະຈໍາພາກ ເພີ່ມອີກ 2 ແຫ່ງຄື: ອົງການກວດສອບປະຈໍາພາກເໜືອ 2 ທີ່ແຂວງອຸດົມໄຊ ແລະ ອົງການກວດສອບປະຈໍາພາກກາງ 2 ທີ່ແຂວງສະຫວັນນະເຂດ, ທຽບໃສ່ແຜນການ 5 ປີ ແມ່ນສາມາດປະຕິບັດໄດ້ 100%. ພ້ອມນີ້, ໄດ້ຄົ້ນຄວ້າ, ສ້າງ ແລະ ປັບປຸງນິຕິກໍາ ສໍາເລັດ 52 ສະບັບ ປະຕິບັດໄດ້ 100% ຂອງແຜນການ 5 ປີ; ໃນນີ້, ສ້າງນິຕິກໍາໃໝ່ 24 ສະບັບ ແລະ ປັບປຸງນິຕິກໍາໃໝ່ 28 ສະບັບ ເປັນຕົ້ນໄດ້ປັບປຸງກົດໝາຍວ່າດ້ວຍການກວດສອບແຫ່ງລັດ ສະບັບປີ 2022, ກົນໄກການປະສານງານກັບ ອົງການຈັດຕັ້ງຂັ້ນສູນກາງ ແລະ ທ້ອງຖິ່ນ ຈໍານວນ 15 ສະບັບ, ນິຕິກໍາຜັນຂະຫຍາຍມາດຕະຖານການກວດສອບແຫ່ງລັດ, ລະບຽບການ, ກົນໄກ ແລະ ແບບແຜນວິທີການເຮັດວຽກ. ນອກນັ້ນ, ກໍຍັງ ໄດ້ສໍາເລັດການສ້າງນັກກວດສອບ ຂັ້ນ 1 ຈໍານວນ 25 ທ່ານ, ປັດຈຸບັນ ພວມສືບຕໍ່ສ້າງ ນັກກວດສອບ ຂັ້ນ 1 ຈໍານວນ 37 ທ່ານ ຊຶ່ງຄາດກະຈະສໍາເລັດໃນທ້າຍປີ 2023.
ສຳລັບ, ວຽກງານວິຊາສະເພາະ ທີ່ໄດ້ປະຕິບັດຜ່ານມາ ຊຶ່ງແຜນການກວດສອບ 5 ປີ ຈໍານວນ 600 ເປົ້າໝາຍ, ສໍາເລັດ 827 ເປົ້າໝາຍ ເທົ່າກັບ 54,5%, ຍັງເຫຼືອຈໍານວນ 278 ເປົ້າໝາຍ ສໍາລັບ 2 ປີ ຊຶ່ງຈະສືບຕໍ່ກວດສອບໃຫ້ສໍາເລັດ ໃນໄລຍະທ້າຍສະໄໝ; ໃນນັ້ນ, ແມ່ນກວດສອບງົບປະມານແຫ່ງລັດ 82 ເປົ້າໝາຍ, ກວດສອບໂຄງການລົງທຶນຂອງລັດ 105 ເປົ້າໝາຍ, ກວດສອບທະນາຄານ 18 ເປົ້າໝາຍ, ກວດສອບວິສາຫະກິດ 30 ເປົ້າໝາຍ, ກວດສອບໂຄງການກູ້ຢືມ ແລະ ຊ່ວຍເຫຼືອລ້າ 40 ເປົ້າໝາຍ; ຈະຊຸກຍູ້ ແລະ ຕິດຕາມ ຢ່າງແຂງແຮງ ວຽກງານແກ້ໄຂຜົນການກວດສອບ ດ້ວຍການດໍາເນີນ 4 ຮູບການ ໄປພ້ອມໆກັນຄື: (1) ເປີດບັ້ນກວດສອບໃນຂັ້ນສູນກາງ ເພື່ອປະກາດແຜນການກວດສອບ ປະຈໍາປີ; (2) ລົງຕິດຕາມ ແລະ ຊຸກຍູ້ການແກ້ໄຂຜົນການກວດສອບ; (3) ກວດສອບຄືນການແກ້ໄຂຕາມຜົນການກວດສອບ ຕາມແຜນການກວດສອບ ປະຈໍາປີ; (4) ອອກໜັງສືແຈ້ງເຖິງອົງການຄຸ້ມຄອງເປົ້າໝາຍຖືກກວດສອບ ແລະ ເປົ້າໝາຍຖືກກວດສອບ ເພື່ອໃຫ້ລາຍງານຄວາມ ຄືບໜ້າໃນການແກ້ໄຂຜົນການກວດສອບ; ພ້ອມກັນນັ້ນ, ກໍຈະໄດ້ລົງເລິກປະສານສົມທົບກັບພາກສ່ວນກ່ຽວຂ້ອງ ເພື່ອປະຕິບັດມາດຕະການທາງກົດໝາຍ; ພ້ອມທັງສືບຕໍ່ຊຸກຍູ້ການຮ່ວມມື 2 ຝ່າຍ, ຫຼາຍຝ່າຍ ກັບ ຄູ່ຮ່ວມພັດທະນາ ເປັນຕົ້ນ: ອົງການກວດສອບ ສສ ຫວຽດນາມ, ສປ ຈີນ ແລະ ອິນໂດຍເນເຊຍ; ສະຖາບັນກວດສອບສູງສຸດສາກົນ, ສະຫະພັນສະຖາບັນກວດສອບສູງສຸດອາຊີ ແລະ ສະຫະພັນສະຖາບັນກວດສອບສູງສຸດອາຊຽນ ແລະ ຄູ່ຮ່ວມພັດທະນາອື່ນໆ ໃນພາກພື້ນ ແລະ ສາກົນ.
ທ່ານປະທານອົງການກວດສອບແຫ່ງລັດ ຍັງກ່າວລາຍງານໃຫ້ຮູ້ວ່າ: ໂດຍປະຕິບັດຕາມເນື້ອໃນຂອງມະຕິກອງປະຊຸມສະພາແຫ່ງຊາດ ສະບັບເລກທີ 76/ສພຊ, ລົງວັນທີ 30/12/2022 ທີ່ຮັບຮອງເອົາຜົນການກວດສອບບົດສະຫຼຸບຂາດຕົວງົບປະມານແຫ່ງລັດ ປະຈໍາປີ 2021 ແລະ ແຜນການເຄື່ອນໄຫວວຽກງານ ປະຈໍາປີ 2023 ຂອງອົງການກວດສອບແຫ່ງລັດ, ໃນນັ້ນ ແຜນການກວດສອບ ປະຈໍາປີ ມີ 99 ເປົ້າໝາຍ, ປະຕິບັດໄດ້ ຈໍານວນ 104 ເປົ້າໝາຍຊຶ່ງລວມເປົ້າໝາຍທີ່ຕົກຄ້າງມາແຕ່ປີກ່ອນ ແລະ ເປົ້າໝາຍຈໍາເປັນທີ່ໄດ້ຮັບການສະເໜີມາໃໝ່ (ເທົ່າກັບ 104% ຂອງແຜນການປີ).
(ຂ່າວ-ພາບ: ສຸກສະຫວັນ)
ທ່ານ ວຽງທະວີສອນ ເທບພະຈັນ ໄດ້ກ່າວລາຍງານໃຫ້ຮູ້ວ່າ: ບັນດາຄາດໝາຍ ແລະ ວຽກງານຈຸດສຸມກາງສະໄໝ 5 ປີ (2021-2025) ມາຮອດປັດຈຸບັນ ໄດ້ປັບປຸງການຈັດຕັ້ງແຕ່ລະຂັ້ນ ໃຫ້ໜັກແໜ້ນ, ເຂັ້ມແຂງ; ໄດ້ສໍາເລັດການສ້າງຕັ້ງອົງການກວດສອບປະຈໍາພາກ ເພີ່ມອີກ 2 ແຫ່ງຄື: ອົງການກວດສອບປະຈໍາພາກເໜືອ 2 ທີ່ແຂວງອຸດົມໄຊ ແລະ ອົງການກວດສອບປະຈໍາພາກກາງ 2 ທີ່ແຂວງສະຫວັນນະເຂດ, ທຽບໃສ່ແຜນການ 5 ປີ ແມ່ນສາມາດປະຕິບັດໄດ້ 100%. ພ້ອມນີ້, ໄດ້ຄົ້ນຄວ້າ, ສ້າງ ແລະ ປັບປຸງນິຕິກໍາ ສໍາເລັດ 52 ສະບັບ ປະຕິບັດໄດ້ 100% ຂອງແຜນການ 5 ປີ; ໃນນີ້, ສ້າງນິຕິກໍາໃໝ່ 24 ສະບັບ ແລະ ປັບປຸງນິຕິກໍາໃໝ່ 28 ສະບັບ ເປັນຕົ້ນໄດ້ປັບປຸງກົດໝາຍວ່າດ້ວຍການກວດສອບແຫ່ງລັດ ສະບັບປີ 2022, ກົນໄກການປະສານງານກັບ ອົງການຈັດຕັ້ງຂັ້ນສູນກາງ ແລະ ທ້ອງຖິ່ນ ຈໍານວນ 15 ສະບັບ, ນິຕິກໍາຜັນຂະຫຍາຍມາດຕະຖານການກວດສອບແຫ່ງລັດ, ລະບຽບການ, ກົນໄກ ແລະ ແບບແຜນວິທີການເຮັດວຽກ. ນອກນັ້ນ, ກໍຍັງ ໄດ້ສໍາເລັດການສ້າງນັກກວດສອບ ຂັ້ນ 1 ຈໍານວນ 25 ທ່ານ, ປັດຈຸບັນ ພວມສືບຕໍ່ສ້າງ ນັກກວດສອບ ຂັ້ນ 1 ຈໍານວນ 37 ທ່ານ ຊຶ່ງຄາດກະຈະສໍາເລັດໃນທ້າຍປີ 2023.
ສຳລັບ, ວຽກງານວິຊາສະເພາະ ທີ່ໄດ້ປະຕິບັດຜ່ານມາ ຊຶ່ງແຜນການກວດສອບ 5 ປີ ຈໍານວນ 600 ເປົ້າໝາຍ, ສໍາເລັດ 827 ເປົ້າໝາຍ ເທົ່າກັບ 54,5%, ຍັງເຫຼືອຈໍານວນ 278 ເປົ້າໝາຍ ສໍາລັບ 2 ປີ ຊຶ່ງຈະສືບຕໍ່ກວດສອບໃຫ້ສໍາເລັດ ໃນໄລຍະທ້າຍສະໄໝ; ໃນນັ້ນ, ແມ່ນກວດສອບງົບປະມານແຫ່ງລັດ 82 ເປົ້າໝາຍ, ກວດສອບໂຄງການລົງທຶນຂອງລັດ 105 ເປົ້າໝາຍ, ກວດສອບທະນາຄານ 18 ເປົ້າໝາຍ, ກວດສອບວິສາຫະກິດ 30 ເປົ້າໝາຍ, ກວດສອບໂຄງການກູ້ຢືມ ແລະ ຊ່ວຍເຫຼືອລ້າ 40 ເປົ້າໝາຍ; ຈະຊຸກຍູ້ ແລະ ຕິດຕາມ ຢ່າງແຂງແຮງ ວຽກງານແກ້ໄຂຜົນການກວດສອບ ດ້ວຍການດໍາເນີນ 4 ຮູບການ ໄປພ້ອມໆກັນຄື: (1) ເປີດບັ້ນກວດສອບໃນຂັ້ນສູນກາງ ເພື່ອປະກາດແຜນການກວດສອບ ປະຈໍາປີ; (2) ລົງຕິດຕາມ ແລະ ຊຸກຍູ້ການແກ້ໄຂຜົນການກວດສອບ; (3) ກວດສອບຄືນການແກ້ໄຂຕາມຜົນການກວດສອບ ຕາມແຜນການກວດສອບ ປະຈໍາປີ; (4) ອອກໜັງສືແຈ້ງເຖິງອົງການຄຸ້ມຄອງເປົ້າໝາຍຖືກກວດສອບ ແລະ ເປົ້າໝາຍຖືກກວດສອບ ເພື່ອໃຫ້ລາຍງານຄວາມ ຄືບໜ້າໃນການແກ້ໄຂຜົນການກວດສອບ; ພ້ອມກັນນັ້ນ, ກໍຈະໄດ້ລົງເລິກປະສານສົມທົບກັບພາກສ່ວນກ່ຽວຂ້ອງ ເພື່ອປະຕິບັດມາດຕະການທາງກົດໝາຍ; ພ້ອມທັງສືບຕໍ່ຊຸກຍູ້ການຮ່ວມມື 2 ຝ່າຍ, ຫຼາຍຝ່າຍ ກັບ ຄູ່ຮ່ວມພັດທະນາ ເປັນຕົ້ນ: ອົງການກວດສອບ ສສ ຫວຽດນາມ, ສປ ຈີນ ແລະ ອິນໂດຍເນເຊຍ; ສະຖາບັນກວດສອບສູງສຸດສາກົນ, ສະຫະພັນສະຖາບັນກວດສອບສູງສຸດອາຊີ ແລະ ສະຫະພັນສະຖາບັນກວດສອບສູງສຸດອາຊຽນ ແລະ ຄູ່ຮ່ວມພັດທະນາອື່ນໆ ໃນພາກພື້ນ ແລະ ສາກົນ.
ທ່ານປະທານອົງການກວດສອບແຫ່ງລັດ ຍັງກ່າວລາຍງານໃຫ້ຮູ້ວ່າ: ໂດຍປະຕິບັດຕາມເນື້ອໃນຂອງມະຕິກອງປະຊຸມສະພາແຫ່ງຊາດ ສະບັບເລກທີ 76/ສພຊ, ລົງວັນທີ 30/12/2022 ທີ່ຮັບຮອງເອົາຜົນການກວດສອບບົດສະຫຼຸບຂາດຕົວງົບປະມານແຫ່ງລັດ ປະຈໍາປີ 2021 ແລະ ແຜນການເຄື່ອນໄຫວວຽກງານ ປະຈໍາປີ 2023 ຂອງອົງການກວດສອບແຫ່ງລັດ, ໃນນັ້ນ ແຜນການກວດສອບ ປະຈໍາປີ ມີ 99 ເປົ້າໝາຍ, ປະຕິບັດໄດ້ ຈໍານວນ 104 ເປົ້າໝາຍຊຶ່ງລວມເປົ້າໝາຍທີ່ຕົກຄ້າງມາແຕ່ປີກ່ອນ ແລະ ເປົ້າໝາຍຈໍາເປັນທີ່ໄດ້ຮັບການສະເໜີມາໃໝ່ (ເທົ່າກັບ 104% ຂອງແຜນການປີ).
(ຂ່າວ-ພາບ: ສຸກສະຫວັນ)
