ຄະນະປະຈໍາສະພາແຫ່ງຊາດ ໄດ້ມີຄໍາເຫັນຕໍ່ບົດລາຍງານ ຂອງອົງການກວດກາແຫ່ງລັດ ແລະ ອົງການກວດສອບແຫ່ງລັດ ກ່ຽວກັບການຈັດຕັ້ງແຜນການເຄື່ອນໄຫວວຽກງານກາງສະໄໝ 5 ປີ (2021-2025), ການຈັດຕັ້ງປະຕິບັດແຜນການເຄື່ອນໄຫວວຽກງານປະຈໍາປີ 2023, ທິດທາງແຜນການທ້າຍສະໄໝ ຮອດປີ 2025 ແລະ ແຜນການເຄື່ອນໄຫວປະຈໍາປີ 2024 ໃນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 7 ພະຈິກນີ້ ຊຶ່ງ ທ່ານ ລີເບີ ລີບົວປາວ ປະທານກໍາມາທິການ ແຜນການ, ການເງິນ ແລະ ການກວດສອບ ຕາງໜ້າ ຄະນະປະຈໍາສະພາແຫ່ງຊາດ ຂຶ້ນປະກອບຄໍາເຫັນຊຶ່ງທ່ານ ລີເບີ ລີບົວປາວ ກ່າວວ່າ: ອີງຕາມມະຕິກອງປະຊຸມສະພາແຫ່ງຊາດ ແລະ ການຕິດຕາມກວດກາ ຂອງຄະນະປະຈໍາສະພາແຫ່ງຊາດ, ຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງ ເຫັນວ່າບົດລາຍງານຂອງອົງການກວດກາແຫ່ງລັດ ແລະ ບົດລາຍງານຂອງອົງການກວດສອບແຫ່ງລັດ ແມ່ນສາມາດຍາດໄດ້ຜົນສໍາເລັດໃນຫຼາຍດ້ານທີ່ພົ້ນເດັ່ນ ແລະ ຄຽງຄູ່ກັນນັ້ນ ກໍຍັງມີບາງຄາດໝາຍທີ່ຕ້ອງສືບຕໍ່ໃຫ້ບັນລຸ ຊຶ່ງໃນນີ້ຄະນະປະຈໍາສະພາແຫ່ງຊາດ ກໍໄດ້ສະໜີໃຫ້ເອົາໃນໃສ່ບາງດ້ານ ດັ່ງນີ້:
ຕໍ່ກັບອົງການກວດກາແຫ່ງລັດ, ຄະນະປະຈໍາສະພາແຫ່ງຊາດເຫັນດີຕໍ່ແຜນການເຄື່ອນໄຫວວຽກງານທ້າຍສະໄໝ ຮອດປີ 2025 ແລະ ແຜນການປະຈໍາປີ 2024 ຊຶ່ງໄດ້ຍົກໃຫ້ເຫັນ 3 ທິດທາງ, 4 ຄາດໝາຍສູ້ຊົນ, 8 ວຽກງານຈຸດສຸມ ແລະ 3 ມາດຕະການຈັດຕັ້ງປະຕິບັດ. ເພື່ອຮັບປະກັນການຈັດຕັ້ງປະຕິບັດແຜນທ້າຍສະໄໝ ຮອດ ປີ 2025 ແລະ ແຜນການປະຈໍາປີ 2024 ໃຫ້ບັນລຸຕາມແຜນ ຄະນະປະຈໍາສະພາແຫ່ງຊາດ ສະເໜີໃຫ້ເອົາໃຈໃສ່ສືບຕໍ່ຈັດຕັ້ງບັນດາຄາດໝາຍທີ່ຍັງບໍ່ທັນບັນລຸ ຕາມມະຕິສະພາແຫ່ງຊາດໃນໄລຍະຜ່ານມາ ແລະ ຈັດຕັ້ງປະຕິບັດແຜນການປະຈໍາປີ 2024 ໃຫ້ບັນລຸຕາມແຜນ; ເປັນເຈົ້າການປະສານສົມທົບ ແລະ ຊຸກຍູ້ພາກສ່ວນກ່ຽວຂ້ອງ ເພື່ອຮ່ວມກັນແກ້ໄຂຜົນການກວດກາ ທີ່ສະສົມໄລຍະຜ່ານມາ, ຄົ້ນຄວ້າວິໄຈຜົນກວດກາທີ່ສາມາດແກ້ໄດ້ ແລະ ແກ້ບໍ່ໄດ້ ເພື່ອລາຍງານສະພາແຫ່ງຊາດ ພິຈາລະນາ ອັນໃດຄວນລົບລ້າງ, ອັນໃດຕ້ອງໄດ້ຈັດຕັ້ງປະຕິບັດ ຢ່າງເຂັ້ມງວດຕາມກົດໝາຍ; ເອົາໃຈໃສ່ກໍ່ສ້າງພະນັກງານຂອງອົງການກວດກາແຫ່ງລັດ ໃຫ້ເປັນມືອາຊີບ, ມີຄຸນທາດ ການເມືອງ, ມີຈັນຍາບັນ-ຈັນຍາທໍາ ເພື່ອຮັບປະກັນຄຸນນະພາບຂອງວຽກງານຕິດຕາມກວດກາ, ແນໃສ່ການປະຕິບັດພາລະບົດບາດຂອງອົງການກວດກາແຫ່ງລັດ ໃຫ້ມີປະສິດທິພາບ ແລະ ປະສິດທິຜົນສູງ; ພ້ອມນີ້, ຄະນະປະຈໍາສະພາແຫ່ງຊາດ ກໍຍັງສະເໜີໃຫ້ລັດຖະບານສະໜອງງົບປະມານໃຫ້ອົງການກວດກາແຫ່ງລັດທັນຕາມແຜນການເຄື່ອນໄຫວຂອງອົງການແຫ່ງລັດ; ສະເໜີໃຫ້ການຈັດຕັ້ງລັດ ແລະ ທຸກພາກສ່ວນຂອງສັງຄົມ ໃຫ້ການຮ່ວມມື ແລະ ສະໜັບສະໜູນວຽກງານກວດກາແຫ່ງລັດ.
ຕໍ່ກັບອົງການກວດສອບແຫ່ງລັດ, ຄະນະປະຈໍາສະພາແຫ່ງຊາດ ເຫັນດີຕໍ່ທິດທາງການເຄື່ອນໄຫວວຽກງານກວດສອບ ທ້າຍສະໄໝ ຮອດປີ 2025 ແລະ ແຜນ 2024, ແຕ່ສະເໜີໃຫ້ເອົາໃຈໃສ່ເພີ່ມເຕີມ ໃນການສືບຕໍ່ຈັດຕັ້ງບັນດາຄາດໝາຍທີ່ຍັງບໍ່ທັນບັນລຸ ຕາມມະຕິສະພາແຫ່ງຊາດໃນໄລຍະຜ່ານມາ ໂດຍ ການບັນຈຸເຂົ້າແຜນການປະຈໍາປີ 2024 ໃຫ້ບັນລຸຕາມແຜນ; ເອົາໃຈໃສ່ຈັດຕັ້ງປະຕິບັດກົດໝາຍວ່າດ້ວຍການກວດສອບແຫ່ງລັດ ໃຫ້ມີຜົນສັກສິດ ເປັນຕົ້ນ: ມາດຕາ 14 ປະເພດການກວດສອບແຫ່ງລັດ ໂດຍສະເພາະ ການກວດສອບຜົນການຈັດຕັ້ງປະຕິບັດ, ມາດຕາ 40 ກ່ຽວກັບການແກ້ໄຂຜົນການກວດສອບ;ພ້ອມນີ້, ກໍຕ້ອງເປັນເຈົ້າການປະສານສົມທົບ ແລະ ຊຸກຍູ້ພາກສ່ວນກ່ຽວຂ້ອງ ເພື່ອຮ່ວມກັນແກ້ໄຂຜົນການ ກວດສອບ ທີ່ສະສົມໄລຍະຜ່ານມາ, ຄົ້ນຄວ້າວິໄຈຜົນກວດສອບທີ່ສາມາດແກ້ໄດ້ ແລະ ແກ້ບໍ່ໄດ້ ເພື່ອລາຍງານສະພາແຫ່ງຊາດ ພິຈາລະນາ ອັນໃດຄວນລົບລ້າງ, ອັນໃດຕ້ອງໄດ້ຈັດຕັ້ງ ປະຕິບັດຢ່າງເຂັ້ມງວດຕາມກົດໝາຍ; ເອົາໃຈໃສ່ກໍ່ສ້າງພະນັກງານຂອງອົງການກວດສອບແຫ່ງລັດ ໃຫ້ເປັນມືອາຊີບ, ມີຄຸນທາດ ການເມືອງ, ມີຈັນຍາບັນ-ຈັນຍາທໍາ, ສ້າງຄູ່ຮ່ວມງານກວດສອບ ໂດຍສອດຄ່ອງຕາມມາດຕາ 67 ຂອງກົດໝາຍວ່າດ້ວຍການກວດສອບແຫ່ງລັດ ເພື່ອຮັບປະກັນຄຸນນະພາບຂອງວຽກງານ ຕິດຕາມກວດກາ, ແນໃສ່ການປະຕິບັດພາລະບົດບາດຂອງອົງການກວດກາແຫ່ງລັດ ໃຫ້ມີປະສິດທິພາບ ແລະ ປະສິດທິຜົນສູງ; ນອກນີ້, ຄະນະປະຈໍາສະພາແຫ່ງຊາດ, ຍັງໄດ້ສະເໜີໃຫ້ລັດຖະບານ ສະໜອງງົບປະມານໃຫ້ອົງການກວດສອບແຫ່ງລັດທັນຕາມແຜນການເຄື່ອນໄຫວຂອງອົງການກວດສອບແຫ່ງລັດ.
(ຂ່າວ-ພາບ: ສຸກສະຫວັນ)
ຕໍ່ກັບອົງການກວດກາແຫ່ງລັດ, ຄະນະປະຈໍາສະພາແຫ່ງຊາດເຫັນດີຕໍ່ແຜນການເຄື່ອນໄຫວວຽກງານທ້າຍສະໄໝ ຮອດປີ 2025 ແລະ ແຜນການປະຈໍາປີ 2024 ຊຶ່ງໄດ້ຍົກໃຫ້ເຫັນ 3 ທິດທາງ, 4 ຄາດໝາຍສູ້ຊົນ, 8 ວຽກງານຈຸດສຸມ ແລະ 3 ມາດຕະການຈັດຕັ້ງປະຕິບັດ. ເພື່ອຮັບປະກັນການຈັດຕັ້ງປະຕິບັດແຜນທ້າຍສະໄໝ ຮອດ ປີ 2025 ແລະ ແຜນການປະຈໍາປີ 2024 ໃຫ້ບັນລຸຕາມແຜນ ຄະນະປະຈໍາສະພາແຫ່ງຊາດ ສະເໜີໃຫ້ເອົາໃຈໃສ່ສືບຕໍ່ຈັດຕັ້ງບັນດາຄາດໝາຍທີ່ຍັງບໍ່ທັນບັນລຸ ຕາມມະຕິສະພາແຫ່ງຊາດໃນໄລຍະຜ່ານມາ ແລະ ຈັດຕັ້ງປະຕິບັດແຜນການປະຈໍາປີ 2024 ໃຫ້ບັນລຸຕາມແຜນ; ເປັນເຈົ້າການປະສານສົມທົບ ແລະ ຊຸກຍູ້ພາກສ່ວນກ່ຽວຂ້ອງ ເພື່ອຮ່ວມກັນແກ້ໄຂຜົນການກວດກາ ທີ່ສະສົມໄລຍະຜ່ານມາ, ຄົ້ນຄວ້າວິໄຈຜົນກວດກາທີ່ສາມາດແກ້ໄດ້ ແລະ ແກ້ບໍ່ໄດ້ ເພື່ອລາຍງານສະພາແຫ່ງຊາດ ພິຈາລະນາ ອັນໃດຄວນລົບລ້າງ, ອັນໃດຕ້ອງໄດ້ຈັດຕັ້ງປະຕິບັດ ຢ່າງເຂັ້ມງວດຕາມກົດໝາຍ; ເອົາໃຈໃສ່ກໍ່ສ້າງພະນັກງານຂອງອົງການກວດກາແຫ່ງລັດ ໃຫ້ເປັນມືອາຊີບ, ມີຄຸນທາດ ການເມືອງ, ມີຈັນຍາບັນ-ຈັນຍາທໍາ ເພື່ອຮັບປະກັນຄຸນນະພາບຂອງວຽກງານຕິດຕາມກວດກາ, ແນໃສ່ການປະຕິບັດພາລະບົດບາດຂອງອົງການກວດກາແຫ່ງລັດ ໃຫ້ມີປະສິດທິພາບ ແລະ ປະສິດທິຜົນສູງ; ພ້ອມນີ້, ຄະນະປະຈໍາສະພາແຫ່ງຊາດ ກໍຍັງສະເໜີໃຫ້ລັດຖະບານສະໜອງງົບປະມານໃຫ້ອົງການກວດກາແຫ່ງລັດທັນຕາມແຜນການເຄື່ອນໄຫວຂອງອົງການແຫ່ງລັດ; ສະເໜີໃຫ້ການຈັດຕັ້ງລັດ ແລະ ທຸກພາກສ່ວນຂອງສັງຄົມ ໃຫ້ການຮ່ວມມື ແລະ ສະໜັບສະໜູນວຽກງານກວດກາແຫ່ງລັດ.
ຕໍ່ກັບອົງການກວດສອບແຫ່ງລັດ, ຄະນະປະຈໍາສະພາແຫ່ງຊາດ ເຫັນດີຕໍ່ທິດທາງການເຄື່ອນໄຫວວຽກງານກວດສອບ ທ້າຍສະໄໝ ຮອດປີ 2025 ແລະ ແຜນ 2024, ແຕ່ສະເໜີໃຫ້ເອົາໃຈໃສ່ເພີ່ມເຕີມ ໃນການສືບຕໍ່ຈັດຕັ້ງບັນດາຄາດໝາຍທີ່ຍັງບໍ່ທັນບັນລຸ ຕາມມະຕິສະພາແຫ່ງຊາດໃນໄລຍະຜ່ານມາ ໂດຍ ການບັນຈຸເຂົ້າແຜນການປະຈໍາປີ 2024 ໃຫ້ບັນລຸຕາມແຜນ; ເອົາໃຈໃສ່ຈັດຕັ້ງປະຕິບັດກົດໝາຍວ່າດ້ວຍການກວດສອບແຫ່ງລັດ ໃຫ້ມີຜົນສັກສິດ ເປັນຕົ້ນ: ມາດຕາ 14 ປະເພດການກວດສອບແຫ່ງລັດ ໂດຍສະເພາະ ການກວດສອບຜົນການຈັດຕັ້ງປະຕິບັດ, ມາດຕາ 40 ກ່ຽວກັບການແກ້ໄຂຜົນການກວດສອບ;ພ້ອມນີ້, ກໍຕ້ອງເປັນເຈົ້າການປະສານສົມທົບ ແລະ ຊຸກຍູ້ພາກສ່ວນກ່ຽວຂ້ອງ ເພື່ອຮ່ວມກັນແກ້ໄຂຜົນການ ກວດສອບ ທີ່ສະສົມໄລຍະຜ່ານມາ, ຄົ້ນຄວ້າວິໄຈຜົນກວດສອບທີ່ສາມາດແກ້ໄດ້ ແລະ ແກ້ບໍ່ໄດ້ ເພື່ອລາຍງານສະພາແຫ່ງຊາດ ພິຈາລະນາ ອັນໃດຄວນລົບລ້າງ, ອັນໃດຕ້ອງໄດ້ຈັດຕັ້ງ ປະຕິບັດຢ່າງເຂັ້ມງວດຕາມກົດໝາຍ; ເອົາໃຈໃສ່ກໍ່ສ້າງພະນັກງານຂອງອົງການກວດສອບແຫ່ງລັດ ໃຫ້ເປັນມືອາຊີບ, ມີຄຸນທາດ ການເມືອງ, ມີຈັນຍາບັນ-ຈັນຍາທໍາ, ສ້າງຄູ່ຮ່ວມງານກວດສອບ ໂດຍສອດຄ່ອງຕາມມາດຕາ 67 ຂອງກົດໝາຍວ່າດ້ວຍການກວດສອບແຫ່ງລັດ ເພື່ອຮັບປະກັນຄຸນນະພາບຂອງວຽກງານ ຕິດຕາມກວດກາ, ແນໃສ່ການປະຕິບັດພາລະບົດບາດຂອງອົງການກວດກາແຫ່ງລັດ ໃຫ້ມີປະສິດທິພາບ ແລະ ປະສິດທິຜົນສູງ; ນອກນີ້, ຄະນະປະຈໍາສະພາແຫ່ງຊາດ, ຍັງໄດ້ສະເໜີໃຫ້ລັດຖະບານ ສະໜອງງົບປະມານໃຫ້ອົງການກວດສອບແຫ່ງລັດທັນຕາມແຜນການເຄື່ອນໄຫວຂອງອົງການກວດສອບແຫ່ງລັດ.
(ຂ່າວ-ພາບ: ສຸກສະຫວັນ)
