ວ່າ: ໃນປີ 2025 ແມ່ນປີທີ່ມີຄວາມໝາຍຄວາມສຳຄັນຍິ່ງໃນຊີວິດການເມືອງ-ສັງຄົມຂອງປະເທດເຮົາທັງເປັນປີມ້ວນທ້າຍແຫ່ງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກ, ພ້ອມກັນນີ້ໃນວັນທີ 22 ມີນາ2025ເປັນວັນຄົບຮອບ70ປີແຫ່ງການສ້າງຕັ້ງພັກປະຊາຊົນປະຕິວັດລາວ, ວັນທີ 14 ເມສາ2025ແມ່ນວັນຄົບຮອບ70 ປີແຫ່ງການສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ, ພ້ອມກັນນີ້ວັນທີ 2 ທັນວາປີ2025ທີ່ຈະມາເຖິງນີ້ເປັນວັນສະຖາປະນາສາທາລະນະລັດປະຊາທິປະໄຕປະຊາຊົນລາວຄົບຮອບ50 ປີ.ເວົ້າສະເພາະສູນກາງຊາວໜຸ່ມແລະຄະນະຊາວໜຸ່ມປະຊາຊົນປະຕິວັດລາວ ຂອງພວກເຮົາໄດ້ພ້ອມກັນກະກຽມກອງປະຊຸມໃຫຍ່ຄັ້ງທີ IXຜູ້ແທນຊາວໜຸ່ມປະຊາຊົນປະຕິວັດລາວທົ່ວປະເທດທີ່ຈະເປີດຂຶ້ນໃນທ້າຍເດືອນຕຸລາ2025ນີ້.
ໃນໂອກາດນີ້,ສະຫາຍມອນໄຊລາວມົວຊົ່ງໄດ້ຍົກໃຫ້ເຫັນມູນເຊື້ອແລະຜົນງານຂອງຄະນະຊາວໜຸ່ມສະມາຊິກຊາວໜຸ່ມປະຊາຊົນປະຕິວັດລາວໃນໄລຍະຜ່ານມາເປັນຕົ້ນການເສີມຂະຫຍາຍບົດບາດປະຈັນບານ, ນຳໜ້າເສີມຂະຫຍາຍມູນເຊື້ອວິລະຊົນຂອງຊາດລາວວິລະຊົນ, ຊາວໜຸ່ມໄດ້ພ້ອມກັນສືບທອດມູນເຊື້ອທີ່ທະນົງອົງອາດ, ສະຫຼາດສ່ອງໃສຂອງພັກປະຊາຊົນປະຕິວັດລາວປະກອບສ່ວນຢ່າງຕັ້ງໜ້າເຂົ້າໃນການປະຕິບັດແນວທາງແຫ່ງການປ່ຽນແປງໃໝ່ຮອບດ້ານທີ່ມີຫຼັກການຂອງພັກໂດຍສະເພາະແມ່ນການສ້າງຄຸນທາດການເມືອງທີ່ໜັກແໜ້ນ, ມີຄຸນສົມບັດສິນທຳປະຕິວັດ, ມີຄວາມຈົງຮັກພັກດີຕໍ່ຊາດ-ຕໍ່ພັກ, ຕັ້ງໜ້າພັດທະນາອົງການຈັດຕັ້ງຂອງຕົນໃຫ້ໜັກແໜ້ນແລະເຂັ້ມແຂງທາງດ້ານການເມືອງ-ແນວຄິດ, ການຈັດຕັ້ງແລະແບບແຜນດຳລົງຊີວິດທີ່ສອດຄ່ອງກັບຍຸກສະໄໝໂລກາພິວັດແລະເຊື່ອມໂຍງກັບສາກົນໂດຍຕິດພັນກັບການອະນຸລັກຮັກສາແລະເສີມຂະຫຍາຍສິລະປະວັດທະນະທຳ, ຮີດຄອງປະເພນີອັນດີງາມຂອງຊາດປະກອບສ່ວນເຂົ້າໃນວຽກງານປ້ອງກັນຊາດ, ປ້ອງກັນຄວາມສະຫງົບ, ສະກັດກັ້ນແລະຕ້ານທຸກປະກົດການຫຍໍ້ທໍ້ໃນສັງຄົມ, ພ້ອມກັນນີ້ຊາວໜຸ່ມ-ເຍົາວະຊົນລາວບັນດາເຜົ່າຍັງໄດ້ສຸມໃສ່ພັດທະນາຄຸນນະພາບຊີວິດຂອງຕົນນັບມື້ນັບດີຂຶ້ນເພື່ອອຸທິດເຫື່ອແຮງສະຕິປັນຍາທັງໝົດຂອງຕົນເຂົ້າໃນການພັດທະນາເສດຖະກິດ-ສັງຄົມຂອງຊາດ, ຊາວໜຸ່ມ-ເຍົາວະຊົນໄດ້ພ້ອມກັນຄົ້ນຄວ້າຮໍ່າຮຽນຫາຄວາມຮູ້, ຄວາມສາມາດແລະປະດິດສ້າງ, ເປັນຕົ້ນແມ່ນທາງດ້ານເຕັກນິກວິທະຍາສາດ, ເຕັກໂນໂລຊີທີ່ທັນສະໄໝພ້ອມນັ້ນຄະນະຊາວໜຸ່ມແຕ່ລະຂັ້ນຍັງໄດ້ພ້ອມກັນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VIIIຂອງຕົນປະຕິບັດຂໍ້ແຂ່ງຂັນ 4 ບຸກ, 9ໂຄງການຈຸດສຸມໃນການພັດທະນາຊາວໜຸ່ມ-ເຍົາວະຊົນແລະການຫັນລົງຮາກຖານປະຕິບັດຕາມທິດນຳ 3 ສ້າງຂອງພັກໂດຍຕິດພັນກັບຂໍ້ແຂ່ງຂັນ 4 ບຸກຂອງຕົນໄດ້ມີຜົນສໍາເລັດຢ່າງຈົບງາມຊຶ່ງທັງໝົດນີ້ແມ່ນມູນເຊື້ອອັນດີງາມພ້ອມທັງຜົນງານອັນຍິ່ງໃຫຍ່ຂອງຄະນະຊາວໜຸ່ມ, ຂອງສະມາຊິກຊາວໜຸ່ມ-ເຍົາວະຊົນບັນດາເຜົ່າທີ່ຍາດມາໄດ້ຕະຫຼອດ 5 ປີຜ່ານມາແລະມາຮອດປີນີ້ແມ່ນ 70 ປີທີ່ພັດທະນາການຈັດຕັ້ງຊາວໜຸ່ມໄດ້ມີຄວາມເຕີບໃຫຍ່ເຂັ້ມແຂງຢ່າງຕໍ່ເນື່ອງ.
ຕະຫຼອດໄລຍະ70 ປີຄະນະຊາວໜຸ່ມປະຊາຊົນປະຕິວັດລາວແມ່ນມີຄວາມໝາຍສຳຄັນຍິ່ງຕໍ່ຂະບວນການລວມຂອງພັກ, ຂອງຊາດໃນການຈັດຕັ້ງປະຕິບັດມະຕິຄັ້ງທີX ຂອງພັກແລະມະຕິຄັ້ງທີ VIIIຂອງຄະນະຊາວໜຸ່ມປະຊາຊົນປະຕິວັດລາວ, ແຜນພັດທະນາຊາວໜຸ່ມ-ເຍົາວະຊົນລາວໃນຍຸກສະໄໝເປີດກວ້າງແລະເຊື່ອມໂຍງກັບສາກົນຢ່າງເປັນເຈົ້າການທົ່ວປະເທດພ້ອມນັ້ນໄດ້ສືບຕໍ່ສຶກສາອົບຮົມຊາວໜຸ່ມເປັນຕົ້ນທາງດ້ານການເມືອງແນວຄິດ, ການປັບປຸງກໍ່ສ້າງການຈັດຕັ້ງຂອງຊາວໜຸ່ມແລະເຍົາວະຊົນ, ການຈັດຕັ້ງປະຕິບັດການນຳພາຊາວໜຸ່ມເຂົ້າສູ່ຂະບວນການຕ່າງໆ, ການປົກປ້ອງສິດຜົນປະໂຫຍດຂອງຊາວໜຸ່ມ-ເຍົາວະຊົນລາວບັນດາເຜົ່າ, ຕີລາຄາຄືນວຽກງານສົ່ງເສີມວິຊາຊີບ, ວຽກງານກວດກາຄະນະຊາວໜຸ່ມແລະວຽກງານພົວພັນຮ່ວມມືທັງພາຍໃນແລະຕ່າງປະເທດ. ໃນນີ້, ຍັງຈະໄດ້ຕີລາຄາຄືນຕໍ່ການຈັດຕັ້ງປະຕິບັດວຽກງານຫັນລົງຮາກຖານ, ຕາມທິດນຳ 3 ສ້າງຂອງພັກ, ການຈັດຕັ້ງປະຕິບັດ9 ໂຄງການຈຸດສຸມຄື: (ໂຄງການສ້າງກຸ່ມວິຊາຊີບໃຫ້ແກ່ຊາວໜຸ່ມຕົວແບບ, ໂຄງການຝຶກອົບຮົມວິຊາຊີບໃຫ້ແກ່ຊາວໜຸ່ມຊົນນະບົດ, ໂຄງການສົ່ງເສີມພອນສະຫວັນແລະຫົວຄິດປະດິດສ້າງ, ໂຄງການຝຶກອົບຮົມຄວາມຮູ້ທົ່ວໄປແລະການເມືອງໃຫ້ຊາວໜຸ່ມນອກໂຮງຮຽນ, ໂຄງການສ້າງສະຫະພັນຊາວໜຸ່ມແລະໂຄງການສ້າງກອງທຶນພັດທະນາຊາວໜຸ່ມ. ໂດຍສະເພາະແມ່ນເລັ່ງໃສ່ວຽກງານການສຶກສາອົບຮົມການເມືອງແນວຄິດໃຫ້ມີປະສິດທິຜົນສູງກວ່າເກົ່າ, ປັບປຸງກົງຈັກການຈັດຕັ້ງຄະນະຊາວໜຸ່ມໃຫ້ໝັກແໜ້ນເຂັ້ມແຂງ, ດຳເນີນການສຳຫຼວດກວດກາສະພາບຄວາມມຸ້ງມາດປາຖະໜາອັນຊອບທຳຂອງຊາວໜຸ່ມ-ເຍົາວະຊົນລາວບັນດາເຜົ່າ, ຊຸກຍູ້ຂະບວນການແຂ່ງຂັນຂອງຊາວໜຸ່ມ-ເຍົາວະຊົນໃຫ້ຟົດຟື້ນກວ່າເກົ່າ, ປັບປຸງວຽກງານກວດກາຂອງຄະນະຊາວໜຸ່ມໃຫ້ມີຄວາມເຂັ້ມແຂງ, ສືບຕໍ່ພົວພັນຮ່ວມມືທັງພາຍໃນແລະຕ່າງປະເທດໃຫ້ກວ້າງຂວາງແລະມີປະສິດທິຜົນກວ່າເກົ່າ.
ໂອກາດນີ້, ຕາງໜ້າໃຫ້ຄະນະບໍລິຫານງານສູນກາງຊາວໜຸ່ມ, ສະມາຊິກຊາວໜຸ່ມ-ເຍົາວະຊົນລາວບັນດາເຜົ່າສະແດງຄວາມເຄົາລົບແລະຮູ້ບຸນຄຸນອັນສູງສົ່ງມາຍັງຜູ້ນຳພັກ-ລັດຊຶ່ງຍາມໃດກໍໄດ້ສ້າງກາລະໂອກາດ, ສ້າງເງື່ອນໄຂໃນການສຶກສາອົບຮົມຊາວໜຸ່ມ-ເຍົາວະຊົນຜູ້ສືບທອດໃຫ້ມີການເຕີບໃຫຍ່ຂະຫຍາຍຕົວຢ່າງຮອບດ້ານທັງສ້າງຄວາມເຊື່ອໝັ້ນແລະຖືສຳຄັນຕໍ່ອົງການຈັດຕັ້ງຊາວໜຸ່ມ, ຕໍ່ສະມາຊິກຊາວໜຸ່ມ-ເຍົາວະຊົນລາວບັນດາເຜົ່າໃນການເປັນຜູ້ສືບທອດທີ່ດີຂອງພັກ, ຊຸກຍູ້ສົ່ງເສີມໃຫ້ຊາວໜຸ່ມ-ເຍົາວະຊົນລາວບັນດາເຜົ່າໃນການຄົ້ນຄວ້າຮໍ່າຮຽນປະກອບສ່ວນເຂົ້າໃນການປົກປັກຮັກສາແລະສ້າງສາພັດທະນາປະເທດຊາດເພື່ອເຮັດໃຫ້ປະເທດຊາດມີຄວາມມັ່ງຄັ່ງເຂັ້ມແຂງປະຊາຊົນມີຄວາມຜາສຸກສັງຄົມມີຄວາມປອງດອງຍຸຕິທຳແລະສີວິໄລ.
ຄໍາເຫັນ