ໂຄງການຄວາມໝັ້ນຄົງດ້ານສະບຽງອາຫານດັ່ງກ່າວນີ້ມີຈຸດປະສົງເພື່ອຊ່ວຍໃຫ້ພາກພື້ນອາຊີປາຊີຟິກຜະລິດອາຫານທີ່ຫຼາກຫຼາຍ ແລະ ມີຄຸນຄ່າທາງໂພຊະນາການ, ສ້າງວຽກເຮັດງານທໍາ, ຫຼຸດຜົນກະທົບທາງສິ່ງແວດລ້ອມແລະສົ່ງເສີມຕ່ອງໂສ້ການສະໜອງກະສິກໍາທີ່ເຂັ້ມແຂງ.ໂດຍຜ່ານການຈັດຫາເງິນທຶນແລະການສະໜັບສະໜູນນະໂຍບາຍສໍາລັບລັດຖະບານ ແລະບໍລິສັດຕ່າງໆ.
ຄຳໝັ້ນສັນຍາຄັ້ງໃໝ່ນີ້ ສືບຕໍ່ຈາກຄຳໝັ້ນສັນຍາຂອງADB ໃນເດືອນກັນຍາ 2022, ທີ່ຈະລົງທຶນ14 ຕື້ໂດລາໃນປີ 2025 ເພື່ອຍົກລະດັບຄວາມໝັ້ນຄົງທາງດ້ານສະບຽງອາຫານ ແລະ ແກ້ໄຂວິກິດການດ້ານສະບຽງອາຫານໃນພາກພື້ນ, ໂດຍADB ໄດ້ສະໜອງເງິນ11 ຕື້ໂດລາ ໃນທ້າຍປີ 2024.
ສຳລັບການຈັດຫາເງິນທຶນເພີ່ມເຕີມ 26 ຕື້ໂດລາທີ່ໄດ້ປະກາດໃນວັນທີ 4 ພຶດສະພາ ຜ່ານມາ ປະກອບດ້ວຍການສະໜັບສະໜູນໂດຍກົງແກ່ລັດຖະບານ 18.5 ຕື້ໂດລາ ແລະ ການລົງທຶນໃນພາກເອກະຊົນ 7.5 ຕື້ໂດລາ.
ທ່ານ ມາຊາໂຕະ ຄັນດະ ປະທານADBກ່າວວ່າ: ໄພແຫ້ງແລ້ງ, ນໍ້າຖ້ວມ, ຄວາມຮ້ອນທີ່ຮ້າຍແຮງ ແລະ ການເຊື່ອມໂຊມຂອງຊັບພະຍາກອນທຳມະຊາດທີ່ບໍ່ເຄີຍມີມາກ່ອນ ກຳລັງທຳລາຍຜົນຜະລິດກະສິກໍາ. ລວມທັງໄພຂົ່ມຂູ່ຕໍ່ຄວາມໝັ້ນຄົງທາງດ້ານສະບຽງອາຫານ ແລະ ການດຳລົງຊີວິດຢູ່ຊົນນະບົດ, ການເພີ່ມການສະໜັບສະໜູນນີ້ ຈະຊ່ວຍບັນດາປະເທດຕ່າງໆບັນເທົາຄວາມອຶດຫິວ, ປັບປຸງສະບຽງອາຫານ ແລະ ປົກປັກຮັກສາສິ່ງແວດລ້ອມ, ສ້າງໂອກາດໃຫ້ຊາວກະສິກອນ ແລະ ທຸລະກິດກະສິກຳ.
ຄໍາເຫັນ