ຊຶ່ງອາດທຳລາຍແຜນການສ້າງເຮືອນ 1.5 ລ້ານຫຼັງ ພາຍໃນປີ 2029 ແລະ ສົ່ງເສີມການເຕີບໂຕທາງເສດຖະກິດ.
ທ່ານ ຣາເຊລ ຣີຟ ລັດຖະມົນຕີກະຊວງການເງິນ ເປີດເຜີຍວ່າ:ພວກເຮົາມຸ່ງໝັ້ນທີ່ຈະສ້າງປະເທດອັງກິດຂຶ້ນອີກເທື່ອໜຶ່ງ. ນັ້ນແມ່ນເຫດຜົນທີ່ພວກເຮົາຈໍາເປັນຕ້ອງໄດ້ກໍາຈັດສິ່ງກີດຂວາງໃນການກໍ່ສ້າງເຮືອນໃໝ່ 1.5 ລ້ານຫຼັງ ແລະການກໍ່ສ້າງເສັ້ນທາງ, ທາງລົດໄຟແລະໂຄງສ້າງພື້ນຖານດ້ານພະລັງງານຂຶ້ນມາໃໝ່ ແລະປັດຈຸບັນພວກເຮົາກຳລັງປະເຊີນກັບການຂາດແຄນຊ່າງກໍ່ສ້າງທີ່ມີຄວາມຊຳນານ.
ທັງນີ້, ແຜນການສ້າງເຮືອນ ແລະ ພັດທະນາໂຄງສ້າງພື້ນຖານຂອງອັງກິດເປັນສ່ວນທີ່ສຳຄັນຂອງຍຸດທະສາດການເຕີບໂຕຂອງກະຊວງແຮງງານ,ໂດຍການກໍ່ສ້າງບໍ່ພຽງກວມອັດຕາສ່ວນ 6% ຂອງລວມຍອດຜະລິດຕະພັນພາຍໃນປະເທດ (GDP) ແຕ່ຍັງເປັນເປັນພື້ນຖານຂອງພາກສ່ວນອື່ນໆດ້ວຍ.
ບັນຫາໃນການເຕີມເຕັມຕໍາແໜ່ງງານສາຍກໍ່ສ້າງຂອງອັງກິດທະວີຄວາມຮຸ່ນແຮງຂຶ້ນ ຈາກການຖອນຕົວອອກຈາກສະຫະພາບເອີຣົບ (EU) ຫຼື “ເບຣກຊິດ (Brexit)” ໃນປີ 2016ແລະ ການລະບາດຂອງໂຄວິດ-19 ຊຶ່ງນຳໄປສູ່ລະດັບການວ່າງງານທີ່ສູງກວ່າໄລຍະກ່ອນການແຜ່ລະບາດ.
ທາງການອັງກິດຄາດຫວັງວ່າ:ມາດຕະການດັ່ງກ່າວຈະຊ່ວຍຝຶກອົບຮົມຊ່າງກໍ່ສ້າງ, ຊ່າງໄຟຟ້າ ວິສະວະກອນ ແລະ ຊ່າງໄມ້ຫຼາຍເຖິງ 60,000 ຄົນ ໃນປີ 2029.
ຄໍາເຫັນ